對住隻瘋兔, 我依然無從入手...

其實我冇諗到兔仔可以咁大力, 特別係撞門出黎果時

話說佢係咁周圍痾尿, 視我個廁所如無物

然後有日, 發現佢係會係近門口既角位度痾得多, 咁就將個廁所放個去

非常之WORK, 但就發現個問題, 唔知點解個廁所會移晒位

留意佢好耐, 見到原來佢係企係個廁所度撞個籠門, 所以個廁所會郁....

都冇乜野啦, 然後屋企人買左果D波波同空心樹, 入面放草果D

佢為左食草, 就超級暴力咁對待個波....


然後同佢換完廁所

佢仍然好想出黎, 佢一頂度門, 成度門前所未有咁大聲, 同埋撞到...=_= 又唔係話爛左, 只係鎖果條鐵成條向左上....

再之後, 佢企係個廁所上面頂度門, 一頂.....

成個廁所翻騰左一半.....企左係度=___= 好在我換左....唔係隻兔從此變黃....


咁我就將個廁所移到後面-_- 點知佢仍然係返個角位度痾尿.....

真係唔知點做, 而家我放返個廁所係前面, 但又驚佢又整到個廁所企係度果時, 我就真係企左係度....

點解可咁百厭嫁LOL


平時只會係個籠度便便, 而家佢一跳出黎第一時間就係一粒便係佢門口-_-    點丫....


唔識教.....   頭都痕.....   其實我只係想佢識去廁所....   因為我唔係成日係香港, 屋企人對住佢又冇咩耐性   咁搞法我好淆底

下？頭半年唔好放出嚟？！我無聽錯嗎

你少時間防佢，又無放佢出嚟，你唔瞭解佢就唔好話你隻兔兔癲同難教，佢好可憐啊！識唔識返去同年齡有咩關係呢？唉！！！！！！

要乖佢 打下鼻仔(細細力)

Admin 發表於 2013-3-8 03:50 PM
頭半年唔好放出黎？ 呢位老闆真係... OMG

我都有同感! 呢位老闆... 應該可以試下半年唔好出街

兔兔係可愛既動物，唔好話佢瘋啦(T ^ T) 比d時間大家
頭半年唔好出街玩咋？起屋企自由行係得架

= = 大家反應咁激烈, 第一次養兔    可能真係同大家講既係咁都未定, 嘗試中, 謝謝各位


       我係屋企既時間放多左佢出黎, 佢今日鍚我

半年唔俾人出嚟, 叫佢自己試下半年唔好出街, 得唔得!! 唔好話半年啦, 我諗幾日都唔得啦, 都痴線架!!

每隻兔兔都有唔同嘅性格, 就好似人一樣~ 你隻兔兔肯俾你抱, 俾你梳毛, 跟住你, 即係兔兔都鍾意你. 兔兔就好似一個小朋友咁, 你要慢慢有耐心地教佢, 佢感受到, 自然會明白你係為佢好~ 第一次養兔唔緊要, 每個人都有第一次, 只要你係真心去愛錫兔兔, 兔兔係會知道的. 喺哩度你可以搵到好多知識, 都係唔明或有問題, 哩度都有好多人會樂意幫你的~

最後我想講, 你話你媽媽試過睇唔到兔兔, 差啲踩咗落去同跌低. 你可以叫你屋企人行嘅時候留心啲, 同埋兔兔應該識被開/走開, 所以你唔好因為擔心哩啲而放少咗兔兔出嚟活動.

半年冇得出來玩下行下，唔止兔，人都會傻。所以你家小朋友甘緊張出來玩就好正常。
其實除了兔兔要慢慢教 ，屋企人都要慢慢教。因為真係一個唔小心會好易踩到或整到兔兔。
你上得來問都代表你有心想幫兔兔，只係未知點幫兔兔。加油，這裡好多人可以幫到你。唔好再信個個老板了。haha...
我自己支持24小時給兔兔自由行(在家），由最初開始屋企人反對，慢慢實行，到一個個慢慢接受，到最後...最反對個位,都支持給兔兔自由行（當中有爭吵，不停清潔，慢慢擴大地方俾兔兔行....)都需要慢慢適應，大家努力。有屋企人，應該俾返D責任他們幫手。我都同你差不多，回家多數是做亞4清潔方面。玩樂是屋企人同兔兔。而你的兔兔肯鍚你，即係肯信任你。

唉! 兔仔真係唔係人咁品! 仲火爆過啲三行佬.

難得小朋友肯跟你，信任你。你更加要努力慢慢教好佢和同屋企人溝通多D。
他們錫兔兔自自然然會幫手。我上次去旅行都擔心屋企人不懂清潔，我誇張到還將每個清潔step拍照，再send給家人。世上冇難事，只怕有心人。

俾多D時間留意下兔兔，其實兔兔係習慣性動物，了解和觀察多D。好多野好快可以協調到，從而找到解決方法。

個老闆傻q左..我呀b一返黎第1日我已經比佢周圍走
每日我係屋企既時間都會放佢出黎玩
佢只係係出面vv過一次..之後都識玩玩下返入去去廁所
兔同狗仔一樣 佢地想vv果時都係會定型, 條尾豎高左
你1見到咁 就抱佢上廁所
依家呀b已經係隻24小時自由行既兔兔
雖然間中會咬斷我d叉電器
但我覺得係我自己無放好, 唔關呀b事..

凡事都多d企係兔兔既角度諗
咁樣你同佢相處會易好多

琴日返香港, 兔兔冇咩事, 但我想問下, 兔仔扮死係咩一回事=_='  屋企人話見到佢四腳朝天扮死整極都唔郁, 之後郁下D食物佢就郁返, 但都呆呆下, 我上網搵完全冇呢方面資料


放假執埋間屋再研究下點樣放佢出黎, 其實我另一個擔心係因為我房只有轉椅, 冇轉椅我做唔到野-_- 張皇帝椅係思考根源, 有冇方法張椅可以同兔兔並存, 我成日覺得總有一日會碌到佢D腳仔....t口t

佢其實心情輕鬆，對你家人習慣左，所以好舒服咁休息，如果佢飲食正常，呢件係開心事黎架！

咁好精力, 我朋友都冇試過咁THX sharing!

sgjkevin 發表於 2013-3-24 12:02 AM
琴日返香港, 兔兔冇咩事, 但我想問下, 兔仔扮死係咩一回事=_='  屋企人話見到佢四腳朝天扮死整極都唔郁, 之 ...

我都係靠晒張轉椅諗野,經過長時間鍛鍊,我而家係只會轉個座位,而每次想郁果陣,就望下椅下有無兔兔~無兔先敢郁,長時間放養,我連係屋企,行部路都慢左......