貓咪好少飲水點算

點解貓咪咁唔鐘意飲水，點先可以令佢飲多D水啊，飲太少水驚會有問題

貓咪係有另一稱號(沙漠貓)，咁你明白啦
你可平時隔日俾一餐全罐濕糧佢食，當作身體保濕都ok

係罐頭度加多啲水比佢飲，溝稀佢，或者直接買帶湯既貓罐頭
之前聽朋友介紹去petdoghk買咗隻CIAO多湯汁罐頭，貓貓好鐘意
其他網店應該都有，如果搵唔到可以pm我

貓本身係沙漠動物，佢哋嘅祖先係靠補獵兔仔或鳥類為生，從獵物血液中補充水份。所以現代嘅家貓冇缺水意識，到貓會主動去自已飲水，其實已經係好缺水狀態。
無論乾糧或貓罐，其中成份裡面一定有magnesium(鎂)& calcium(鈣)，而"鎂"更係會令貓患泌尿道結石嘅源頭，乾糧因為將飼料嘅水份抽走，貓進食時會吸收大量"鎂",長期食用，會容易患上尿道炎，對人嚟講，尿道炎係小事，對貓嚟講，尿道炎會攞命(可自已search,會更深刻)！
罐頭裡面加水，目的係將"鎂"嘅成份溝淡，令貓尿道唔會結晶體，而且貓罐頭本身已含有水份，所以餵食貓罐做主食，比乾糧健康得多！貓多吸收水份後，會多尿，用身體內嘅水份清洗腎臟同﹑膀胱﹑尿道，係最好嘅保健方法！
希望各位C兄C姐，睇完可以search吓相關資料，比自已嘅貓一個健康嘅身體！

買部貓貓水機，好像噴泉咁，貓會鐘意流動的水

可以沉濕連糧食嗎？