PetKD 寵物網 (寵物領養、資訊廣告、用品買賣及寵奴互動平台)

標題: 究竟點好?繼續養定係比左人? [打印本頁]

作者: vice0926 時間: 2009-2-5 04:11:33 PM 標題: 究竟點好?繼續養定係比左人?

斬下眼preter已經黎左我屋企差唔多三個月..
好似好耐咁~
呢三個月發生左好多事..
11月
-哥哥佢地去旅行放低左佢地
-我第一次養四隻咁多啦
-每日要清洗三個籠好辛苦啦
-忙到連網都少上
12月
-同佢地過左第一個聖誕節
-同佢地一齊誇進2009年
1月
-小波子終於抵不住病魔不幸離世
-淨低preter仔一個
-佢好似知道小波子走左..情緒開始有問題..
-每日返去都陪preter陪好耐~又放公仔陪佢
-preter心情終於好返少少
-一齊過農曆新年
-哥哥佢地又去旅行啦~
2月
-佢地話去完呢次旅行返黎帶preter返屋企

點知..佢地都係唔想要..
話以後都留低比我養..
哥哥覺得好麻煩唔想再照顧..
而佢女朋友就覺得小波子走左之後佢好傷心..
好怕再面對佢地ge離開..
同埋覺得preter好驚佢同哥哥..
好似唔知佢地先係主人咁..
佢地覺得preter好似鍾意我多d..
同埋覺得preter係我度生活得開心d..
所以決定唔會再拎走佢..

宜家我要考慮究竟我繼續養住preter定比人..
因為我由始至終都冇諗過養三隻咁多..
雖然呢段時間我錫preter好似自己ge兔兔咁..
但係對mio hachi好唔公平..
因為preter..我少左好多時間陪佢地兩個..
亦都因為preter同佢地相處唔到..
所以唔比佢地出廳玩..
少左好多活動空間..

究竟點好....

作者: love_penny 時間: 2009-2-5 04:48:54 PM

睇下有冇人想養petter先喇
冇咪你養囉
有人想養ge話你再睇下你捨唔捨得先決定俾唔俾人囉

作者: cordero 時間: 2009-2-5 05:01:16 PM

我都知你辛苦LA~VICE
會唔會好影響PRETER既情緒#^56^#

作者: 光之天使)) 時間: 2009-2-5 05:03:27 PM

我真係...唔知點樣講~
我覺得你哥哥同佢女朋友真係...得罪講句(真係衰到爆)
12月決定唔要preter同小波子,就唔好又講咩想要返~
之後又講咩preter好似痴你多過佢地~
我覺得...為左棄兔,乜都講得出!!
(得罪晒,但真係火起)

我認為你可以先試下佢地bond唔bond到,
如果bond到可以訓埋一個籠/兩個籠,會易d照顧~
其次,你睇下你哥哥棄完兔,會唔會負責返preter既生活費,
因為多一隻兔...真係草都食得快好多~
第三,你真係要睇下自己照唔照顧到佢,真係冇時間既話,你又捨唔捨得preter~
or你可以試下問朋友有冇人可以養~一來你識果個人可以教佢,二來你可以去探佢~

因為preter真係好慘喇...你哥哥同佢女朋友,又唔識照顧佢地,
仲要咁樣遺棄佢地~~小波子又走左~~心情又岩岩先好返d...
我真係覺得..佢好慘...唔忍心佢又要再去第三個新環境~
但如果真係照顧唔到,希望會係去d你認識既人屋企,起碼你可以教果個人照顧佢~
可以既話..唔好去兔協,因為果度已經好多兔兔,而且生活環境又唔係好...冇乜人可以照顧佢~

作者: katatata 時間: 2009-2-5 05:39:49 PM

真係要好好考慮下自己有冇能力照顧到preter~
如果照顧得到~問心個句~~就算你俾返佢地去養~
佢地點照顧~你都會擔心~成日都會掛住佢~
同埋聽你咁講佢地~我覺得佢地點照顧極~都不及你~

再衰D講句~佢地再照顧一排~玩厭左~又咪係再遺棄佢~
好少少就會再次俾返你~什至唔俾你知~上網搵第2個~
再差D~每日野食照俾~照養~有心情就洗1次籠~
無心情~幾WEEK都懶洗~由得佢自生自滅~直到病死~

但係當你決心想照顧preter~又要考慮一下~
要花更多時間~令佢"容"入新生活~新家庭~
只少可以好好咁同其他兔兔相處~減輕你負擔~

同埋鄭重咁同你哥講清楚~要是佢真係遺棄佢~問清楚~
如果你繼續幫佢照顧preter~佢會否支助你生活費~
只少佢地仲可以得閒有心情時~上來同preter玩下~
(雖然兩兄妹~唔應該搞到關係咁彊~)
但如果唔係理直氣莊咁講清楚~講明你唔贊成佢做法~
唔認真講~佢始終唔會明白~遺棄係唔岩~
佢地一直都只當動物係玩具~玩完就掉...

如果佢唔肯支助preter生活費...你還是別理他吧~
好好計劃以後日子如何-__-"你要好好加油~
絞盡腦汁_節衣宿食吧 -W-" 我地會支持你~

作者: vice0926 時間: 2009-2-5 07:41:23 PM

真係...你地真係講晒我D心聲..
好感動..有人明白我...

我媽媽話其實佢地由始至終都想將preter擺係我度..
早在我養mio hachi之前佢地已經係咁諗..
但係點知我突然間養左兔仔..
所以佢地就唔敢出聲..

真係講得好岩..
就算佢地拎返preter..
我都唔覺得佢地識得照顧佢..
preter係一隻非常慢熱,非常內向ge兔兔..
真係要比好多愛心好多關心佢先可以令到佢唔驚你..
由初初我一伸手入籠佢就咬實我唔放..
到宜家我一開籠門佢就伸個頭仔出黎要我摸..
我真係付出左好多..

頭先一路摸住preter仔..
個心一路好酸...
我覺得佢好可憐..
其實佢好乖乖~
不過佢唔識痴人..唔識dum人開心~
唔似小波子咁嗲人..
所以冇人錫佢..
久而久之..
我哥哥同佢女朋友都只會掛住小波子..錫晒小波子..
而忽略左preter..
其實佢女朋友話..preter好痴我..
呢個好容易解釋..
因為我真係好錫preter..

如果我真係比人..
我唔會上網是但搵..
亦都唔會送比一個未養過兔仔或者唔識養兔仔ge人..
我唔會送去兔協..因為唔想加重佢地負擔..
我會好認真咁揀一個好主人比preter仔..
preter係一隻好可愛..好得人鍾意~
而且又乖..又乾淨 ge兔兔..
我相信佢唔會冇人要//

但係呢段時間..
我要認真咁考慮清楚我養唔養埋佢..
因為我明白..
養小動物係一生ge責任..
佢起碼仲有成4-5年ge生命..
我要比自己諗清楚我可唔可以應承preter仔唔洗佢再周圍搬屋..
再接受新環境,新事物..

至於我哥哥會唔會支助生活費..
呢一點我已經唔在意..
就算佢比..我都覺得d錢唔知點咁..
如果我決定養preter仔..
我就當正佢係我ge仔仔..
我自己養!自己會出錢..!

作者: neutraly 時間: 2009-2-5 07:49:43 PM

preter仔好慘...你哥哥同佢女友咁不負責任!!
好彩仲有你鍚佢...~

頭先一路摸住preter仔..
個心一路好酸...
我覺得佢好可憐..
其實佢好乖乖~
不過佢唔識痴人..唔識dum人開心~
唔似小波子咁嗲人..
所以冇人錫佢..

睇到呢一段我個心都好酸!!~~

我都明白養一隻兔仔要令出好多時間心血同金錢..
而你仲係3隻咁多!!~

希望你可以堅持到繼續養PRETER啦!!加油呀~

作者: katatata 時間: 2009-2-5 07:55:22 PM

其實如果preter仔只係內向慢熱的話~
佢始終有人都會習慣新生活~同埋認識其他同伴做朋友~
每日慢慢等佢地隔住籠接觸下~始終有日都認識大家~

最大問題只係~你家人會唔會俾你養多隻兔兔~
同埋開支~生活費方面~以及緊急既醫療費問題而已~
雖然唔係成日有依個問題~但最怕唔開心既事會出現~

你早就當preter既自己仔一樣愛錫~其實無論最後~
結果係你交還佢地照顧~或俾其他人照顧~
你都會心傷及擔心以後生活~始終自己心愛~
最緊要~你既選擇~你唔會後悔及內疚~
preter仔會知道你幾錫佢~佢會明白你心情的~ -w-"

作者: vice0926 時間: 2009-2-5 09:24:23 PM

我都唔記得左講返我屋企人ge意見tim..
我媽媽其實唔係太讚成..
但係畢竟係佢自己妄顧後果應承我哥哥暫養..
所以佢都冇得點出聲..
其實佢希望我搵人要左preter..
我都明白佢ge諗法..
雖然佢掂都唔洗掂..少少都唔洗照顧..麻煩唔到佢..
但係佢都覺得屋企三隻兔仔三個籠實在太多..
所以佢叫我.."襯有人要就好快d比左人..養住佢都唔知養到幾時.."

至於bonding果方面..
我plan定3月帶佢地去做手術..
preter已經絕左育ga la~
如果真係ge話..希望mio hachi絕左育之後可以同佢相處到...

作者: katatata 時間: 2009-2-5 09:34:08 PM

#^80^# 如果佢地能夠和睦相處就好啦~
可以住埋一齊~就可以減少個籠~

( 但其實你心已經有答案了-w-" )

作者: 光之天使)) 時間: 2009-2-5 09:49:24 PM

雖然諗起都覺得辛苦...
但係我都希望你可以養埋preter~
佢真係好慘>_<
不過如果太勉強就盡能力搵住好人家~最好係識得,熟既~

作者: cordero 時間: 2009-2-5 10:21:23 PM

希望HACHI同MIO可以接受到呢位新朋友仔LA...
諗到VICE你對兔兔既愛心,真係好感動
如果可以幫到你就好LA~_~

作者: hh0 時間: 2009-2-5 11:34:50 PM

vice你一定會養埋preter仔架!!!
從字裏行間感受得到你很愛錫preter
金錢已經不是問題, 事實上多一隻開支唔會太多
只係時間上分配問題, 雖然有些內咎因為照顧preter而有些忽略了mio hachi
但努力吧, 痛苦只是短暫的, 希望他們日後可以成功bonding
我亦曾經家有3個兔籠, 面對甘可愛既兔免, 做兔奴也是樂意的
看著他們一天天進步, 識去廁所, 越來越乖又嗲人, 甚麼煩惱也沒有了
最重要是vice可以支持住, 但如果真的勉強不來就只好放手, 加油~

作者: helen_laam 時間: 2009-2-6 12:12:28 AM

你o地相處時間話長唔長,話短唔短~~
不過應該都已經有一份感情~~
好難話俾人就俾人~~
希望你可以做一個唔會令自己後悔o既決定啦~~
如果你決定繼續養的話~~
就祝願佢o地幾個可以一團和氣~~
如果你決定俾人的話~~
就祝願佢可以搵到處好人家~~
無論你乜o野決定~~
大家都會支持同埋祝福你同preter o架~~

作者: kkyan01 時間: 2009-2-6 10:11:04 AM

preter仔你真係花左好多花間心機, 先可以有依家呢一份的感情, 真係得來不易,
真的捨得嗎 ?
以preter仔的情況, 俾左人養, 你都可能成日心掛掛唔放心 ~

實際情況, 先考慮三隻的生活需要, 看看可以負擔得到 ~
HACHI同MIO 接唔接受到 preter仔 ~

vice, 呢個決定真係好難下, 無論決定係點, 最緊要唔係令自己後悔 ~

作者: 波丸媽 時間: 2009-2-6 11:04:36 AM

vice 無論點, 我都會支持你^^
不過你要考慮清楚lu~~
我同大家既諗法一樣,至緊要你自己唔會後悔就得~

作者: lingyan 時間: 2009-2-6 12:48:54 PM

如果你決定3月帶佢地絕育，
我覺得你睇下佢地可唔可以相處，
如果三隻都可以相處得到既，就皆大歡喜，
如果得二隻相處得到，咪少一個籠得一個籠。

呢幾個月辛苦哂你啦，但係見到兔兔們開心，乜都值得啦，係咪 ^^ ?!

作者: vice0926 時間: 2009-2-6 02:18:37 PM

哈哈!比大家色穿左..
其實我個心都係唔捨得preter..
都想留低佢..
不過要考慮到我係咪真係做到..
我唔想第時又後悔..
同埋我屋企人都唔太願意..
所以我要一段時間去考慮清楚!

真係好多謝大家ge意見..
你地個個都打一大段野黎覆我..好感動!#^50^#
我代表自己同埋preter仔多謝你地ge關心!
preter仔雖然遇到個不負責任ge主人..
但係有我地ge關心~佢一定覺得好幸福呀!

多謝你地..比咁多意見我..
我會諗清楚..
我做左決定ge時候再開post話比大家知!#^14^#

歡迎光臨 PetKD 寵物網 (寵物領養、資訊廣告、用品買賣及寵奴互動平台) (https://petkd.com/)