PetKD 寵物網 (寵物領養、資訊廣告、用品買賣及寵奴互動平台)

標題: 為兔兔而準備中!!請幫忙指教!! [打印本頁]

作者: free_3 時間: 2009-3-30 10:57:30 PM 標題: 為兔兔而準備中!!請幫忙指教!!

我就準備緊兔仔要用既用品!!所以想大家俾d意見..
睇下我以下既諗法岩唔岩/幫幫手回答我既問題!!!!
想付將來既兔兔有幸福既屋企!!!!
我應該都係會養細品種既兔兔.. maybe貓貓兔  =]

籠-    起馬要兔兔手腳申直哂咁大.
廁所- 會用三角形廁所入面要洗唔洗放材料?放d咩?)
墊材- 木粒or草粒(用邊種比較抵用or好用d? 其實係咪一定要放d材料?)
草-    要長期供應!(如果bb兔係咪指定要食alfalfa既草?其實我仲未明咩叫ab/t??)
草架- 如果用掛"長"既..係咪一定要放係廁所上面/側邊?
糧-    早晚喂一次??bb兔係咪一定要食alfalfa?邊隻牌子抵食/健康d?
水樽- 水要每日都換,用煮過既水,
碗-    要用重身d!
木瓜丸-  一星期食3-5粒!!(係幾大既兔仔先要開始食?bb兔已經要開始食?)
蔬果- bb兔唔應該太早食!(但長大後..係咪好多生果都食得?)

另外: 兔仔係咪唔洗剪腳底毛??咁指甲要唔要剪呢?如果佢地腳底d毛黃.係咪只可以用毛巾?
   佢地隻耳仔洗唔洗清潔?
仲有冇其他特別野要注意架??請多多指教!!!!!!!
我養狗狗就叻!!兔仔就請大家幫幫手!!!!!!!!麻煩哂!!!
or有冇朋友有2手用品可以轉讓俾我呢???

作者: wesky 時間: 2009-3-30 11:06:46 PM

貓貓兔唔細架喎 :012:

籠 - 至基本都要有AB標準籠咁大
廁所 - 鋪木粒
墊材 - 未識去廁所, 鋪紙粒 ; 識去後, 只鋪廁所就可以
草 - 七個月大以下以A草為主
草架 - 個人覺得草球好用D
糧 - OXBOW 或 APD, 後者較貴, 睇返兔兔飲食文章
木瓜丸 - 零食only, 可以唔俾
蔬果 - 六個月大後慢慢俾蔬菜, 生果每星期俾一小塊

唔駛剪腳毛, 間中梳下佢
腳毛黃用濕毛巾搓下佢, 耳仔唔駛清潔, 得閒用濕毛巾抹下都得

作者: 【細賢】)) 時間: 2009-3-30 11:09:33 PM

你諗住買兔兔定領養兔兔?

作者: free_3 時間: 2009-3-30 11:12:02 PM 標題: 回復 2# 的帖子

@@...其實a草/b草即係點分...??
明白明白!!!! 唔該哂!!!!!!

作者: free_3 時間: 2009-3-30 11:13:47 PM 標題: 回復 3# 的帖子

如果到準備好哂d野... 而兔協有我自己心中既..就會領養囉..!!
or出到去睇都睇唔岩既///都會等下!!!
我其實係求合眼緣!! 但我都知..領養就一定係好d啦!!! =]

作者: 波丸媽 時間: 2009-3-30 11:21:02 PM

原帖由 wesky 於 2009-3-30 11:06 PM 發表
貓貓兔唔細架喎 :012:

籠 - 至基本都要有AB標準籠咁大
廁所 - 鋪木粒
墊材 - 未識去廁所, 鋪紙粒 ; 識去後, 只鋪廁所就可以
草 - 七個月大以下以A草為主
草架 - 個人覺得草球好用D
糧 - OXBOW 或 APD, 後者 ...

係得閒用濕毛巾抺下「身」,唔係耳仔, 耳朵千萬唔好比佢入水

作者: akaicathy 時間: 2009-3-31 12:04:35 AM

籠-    可以試下alex豪華籠,禁用又夠大.
廁所- 長方形廁所好d, 入面放紙粒or木粒
墊材- 如兔兔識去廁所籠唔需要鋪墊料, 唔識去廁所用紙粒, 紙粒我覺得貓仔牌唔錯的
草-    bb兔要食a草, 除此, 可再無限量供應t草, 因為有d兔兔食a草會柯軟便, a草份量自己調節下, 草ge牌子有apd, oxbow, momi等等
草架- 最好放係廁所附近, 因為邊食邊柯
糧-    早晚1湯匙, bb兔食a糧, 牌子有apd, oxbow
水樽- 最好放係廁所附近, 因為邊食邊柯,
木瓜丸-  唔洗食都得
蔬果- 6個月大先比菜菜同水果, 水果唔好比太多, e生話1個week只可食手指一節ge size ja

[ 本帖最後由 akaicathy 於 2009-3-31 12:06 AM 編輯 ]

作者: wesky 時間: 2009-3-31 12:06:38 AM 標題: 回復 6# 的帖子

條毛巾擰乾D先抹嘛 = =

作者: 大富翁 時間: 2009-3-31 12:14:48 AM

最緊要ge你冇提到bo!
就係要為兔兔開一個兔兔基金.因為佢一番屋企要bodycheck!(唔好睇都要打:有時可能要睇vet,大件事ge話幾千係走唔到!)
仲有平時要買草個d錢錢~都要草定dd!

作者: elyse)) 時間: 2009-3-31 12:37:35 AM

哈哈...貓貓兔一d都唔細品種家...攤長個身都有2呎家
籠-    起馬要兔兔手腳申直哂咁大
廁所-  ( 最好正方形or長方形廁所,如果用三角形,好快又買過家,因為佢地個pat都唔細下,好易柯出界...)
墊材- 如果佢識去廁所,可以就咁放紙粒起佢個廁所;唔識就舖尿片起個籠,如果唔係一包紙粒,舖哂成個籠,幾日唔洗就用完....
草-    要長期供應
草架- 方便到佢食野就ok啦...最好放起廁所附近
糧-    早晚喂一次....bb兔一定要食alfalfa,因為佢地要多d營養...等同於你細個要飲奶呢個原理咁上下啦.多數兔友都係食oxbow,
水樽- 水要每日都換,用煮過既水,
碗-    要用重身d!
木瓜丸-  可以唔洗比.慳返d錢可以買靚d既菜or草..而且好多報告都話木瓜丸對兔仔排毛無咩幫助。
另外: 兔仔千萬唔好剪腳底毛,因為要保護佢腳底d皮膚,指甲當然剪啦,如果唔係太長變鬼爪手,好易令佢生腳倉,流血等等..etc
如果佢地腳底d毛黃.可以用濕毛巾抹,費時d尿up住佢d皮膚,令佢灼傷
佢地隻耳仔唔洗清潔,佢地自己會撩家

作者: hh0 時間: 2009-3-31 01:03:01 AM

都好似無咩要補充~

作者: elvisli 時間: 2009-3-31 01:09:28 AM

長遠計如果又有地方的話. alex籠係最理想.

好多兔友開頭都會買有抽屜式既兔籠(包括我自己:056: )

但後來會發現兔兔會更難教去廁所.草草亦會因經常掉落下格而浪費

所以要考慮呢一點

作者: free_3 時間: 2009-3-31 01:14:07 AM

咁多位!!真係唔該哂呀!!!!
好充分!!第日有新寶貝一定會俾大家睇下!!
多謝哂!!!!!!!!!!!!!!!!!!!!!!! 唔該哂!!!!!!!!!!!!!!!!!!!!!!!!!!!!!

作者: elvisli 時間: 2009-3-31 01:28:16 AM

E.你同uwants果個同名.係唔係同一人呢

作者: kelvinkwan0719 時間: 2009-3-31 10:01:33 AM

原帖由 elvisli 於 2009-3-31 01:09 AM 發表
長遠計如果又有地方的話. alex籠係最理想.

好多兔友開頭都會買有抽屜式既兔籠(包括我自己:056: )

但後來會發現兔兔會更難教去廁所.草草亦會因經常掉落下格而浪費

所以要考慮呢一點

我都覺得係...不過買左3個月,又唔想哂左佢..我諗一年左右先可以同佢換..><

作者: 珊迪小姐 時間: 2009-3-31 10:36:48 AM

想養細品種的話不如選侏儒兔啦~
我就覺得好似細只過貓貓兔,而且比較短毛,對於新手來說比較易打理!!
仲要記得買把梳呀....
帶左兔兔番屋企就要好好打理家居環境,收拾好周圍的什物,吾好比兔兔咬到,
清潔很重要啊~要定期洗籠換墊料吸塵!! :015:

作者: lingyan 時間: 2009-3-31 11:04:06 AM

廁所- 會用三角形廁所入面要洗唔洗放材料?放d咩?)
要放墊材GA，木粒/紙粒

墊材- 木粒or草粒(用邊種比較抵用or好用d? 其實係咪一定要放d材料?)
一定要放材料，如果唔係點吸兔兔既尿尿呢 ....
兔兔好百厭，成日去搞個廁所，雖然個廁所有個扣扣住，
但係都成日俾佢推黎推去，俾D尿尿彈到落個身到就唔好啦~

木粒同紙粒都係比較抵用，而且用落都唔錯。

草-    要長期供應!(如果bb兔係咪指定要食alfalfa既草?其實我仲未明咩叫ab/t??)
ALFAFA = A草 (幼兔既主要草草，成兔就唔需要食)
TIMOTHY = T草 (成兔長期食既草草，幼兔都要俾佢食，因為怕佢成兔就唔肯食)

草架- 如果用掛"長"既..係咪一定要放係廁所上面/側邊?
其實放係廁所附近係想佢快D學識去廁所尿尿。

糧-    早晚喂一次??bb兔係咪一定要食alfalfa?邊隻牌子抵食/健康d?
早晚餵一匙外賣匙咁多既糧。
就算兔B個樣幾可憐都唔好俾~
BB就一定係食 ALFAFA。
我自己就覺得 OXBOW 比較抵食~

碗-    要用重身d!
碗我建議去QX廁買個隻不秀鋼碗，
可以掛籠既，都係30幾蚊~
因為我買過既食物碗通通都俾兔兔打爛哂，重身都無用 ....

木瓜丸-  一星期食3-5粒!!(係幾大既兔仔先要開始食?bb兔已經要開始食?)
而家暫時未有木瓜丸嚕，
有人話停產，但我亦都問過話二個月後先有貨~
不過都唔係必需品，兔兔乖咪獎勵佢食粒囉~

蔬果- bb兔唔應該太早食!(但長大後..係咪好多生果都食得?)
食得乜野生果同菜你就要 CHECK 一下啦~
但份量都唔好太多，你食生果個陣可以咬一啖出黎餵佢食少少~

另外: 兔仔係咪唔洗剪腳底毛??
唔駛剪，亦都唔好剪，狗仔腳有肉球可以吸震先會剪，兔仔腳無肉球吸震，
都係靠腳底毛，所以腳底毛唔好搞佢~
咁指甲要唔要剪呢?
要剪GA，大約一個月一次左右啦，唔識剪可以去兔協學~或者帶去俾人剪~
不過都係覺得自己學識剪比較方便 XD
如果佢地腳底d毛黃.係咪只可以用毛巾?
腳底D毛黃多數係因為佢地未識去廁所，
咁你可以用濕毛巾幫佢抹下，唔好俾佢尿尿"業"住腳仔，
識去廁所就唔會腳底黃 GA LA~
佢地隻耳仔洗唔洗清潔?
都唔多要洗，最多都係用濕毛巾(盡量扭乾)抹一下可見到既部份~

兔兔每日都要幫佢梳毛，順便可以聞下兔耳有無臭味~
有臭味就有問題，要睇醫生 GA LA~

將所有電線收起，如果唔係會幫你消滅哂所有電線~

作者: free_3 時間: 2009-3-31 11:34:12 AM 標題: 回復 14# 的帖子

係呀..!! 哈哈,,

作者: free_3 時間: 2009-3-31 11:35:06 AM 標題: 回復 15# 的帖子

即係你既意思係..唔洗買廁所????
如果唔教佢用廁所..係咪會好哂d料??

作者: free_3 時間: 2009-3-31 11:38:03 AM 標題: 回復 17# 的帖子

唔該哂呀!!!!!好詳細!!!
thxthx...我一定會記低架!!!!

作者: free_3 時間: 2009-3-31 11:39:30 AM 標題: 回復 16# 的帖子

其實我都未肯定養咩兔兔架..
我睇合眼緣/// 我會考慮下呢個問題!!
不過唔知點解..我多掃睇鍾意果d..一問之下..全部都係貓貓兔..哈哈
thx you

作者: wm20472 時間: 2009-3-31 01:48:36 PM

係呀, 養兔最緊要講眼緣, 看看佢個時同你的反應

作者: lingyan 時間: 2009-3-31 02:03:37 PM

你可以慢慢搵，搵到隻合眼緣先嚕~
我就最鐘意睇兔兔個反應，你撩佢玩，佢理唔理你 XD
有D會望實你，好可愛GA~

作者: free_3 時間: 2009-3-31 03:47:57 PM 標題: 回復 22# 23# 的帖子

正有此意!!!! 哈哈...
thxthx

歡迎光臨 PetKD 寵物網 (寵物領養、資訊廣告、用品買賣及寵奴互動平台) (https://petkd.com/)