PetKD 寵物網 (寵物領養、資訊廣告、用品買賣及寵奴互動平台)

標題: 最愛的豆豆 [打印本頁]

作者: jimlam 時間: 2009-7-3 04:42:00 PM 標題: 最愛的豆豆

最愛的豆豆：
豆豆，爸爸無用，只有眼白白看住你走...
見住你無食晚餐，以為看看醫生便無事，第二朝早媽媽同你去大圍看醫生，自己走了去玩。還未知道嚴重性，媽媽話要留豆豆到3:30PM,因要做驗血，Ｘ光及超聲波。結果都是找不到原因，只是肝酵素高了。醫生說要留院，餵你食草粉及打皮下水針。但因為掛住豆豆，爸媽決家第二天開始請假留在家中照顧你。
回到家裹，爸爸立刻為你清潔你屋其，等你回來舒舒服服。
6：30ＰＭ，媽媽同你返來，於是把你抱出來，你四支無力，於是餵你飲水，餵你食草粉，可是你只含在口裹，於是想等多一會再餵你，7:25PM,再試一次，你也只是含在口中沒吞下。於是把你放你回去。
不到五分鐘，看你頭側了，於是的想像平時掃掃你的額頭，突然你抽畜起來，跟用手摸住你，把你送到天國。

小孩，可知你令爸媽多痛心，上一次你要割除右眼，我們已很痛心，但之後也很開心地生活，爸媽也很開心，你總是愛走來要我們摸摸你，親親我們因工作疲乏的心，你對爸媽的愛，我們可以感受到！

還以為我們還有很多日子的時候，神就要把你招回，你這可愛小天使，為爸媽的生命加添子了不少色彩，現在你在做什麼？？

本來請假照顧你變成為你作火化？？你收到爸媽給你的大蘋果媽？？還有菜心同紅蘿蔔？以前怕你食咗唔好，只係間唔中餵你少少，而家你可以食幾多都得！！
仲有你跟爸媽生活的照片，怕你在天國忘了爸媽的模樣....記住我們給你的卡上寫的東西，有空和豆泥一起回來看看我們和棉棉，等你！！

這兩年多來多謝你來到我這個家，希望你記得返來，以前不準到的地方，你可以隨意走，只要你肯回來就好了

永遠等你的爸爸媽媽上
3 JULY 2009

作者: BarbaraFok 時間: 2009-7-3 05:32:06 PM

請節哀順變,
豆豆會係彩虹橋玩得好開心架
你地都唔好咁唔開心喇
#^37^#

作者: 明月 時間: 2009-7-3 05:46:14 PM

豆豆知道你地對佢的心意，
你地唔好咁傷心。

作者: 光之天使)) 時間: 2009-7-3 05:50:15 PM

.......
呢兩日咩事....咁多兔兔去彩虹橋....

我睇完都...feel到果一刻無奈...
不過豆豆可以係返到屋企,
係爸爸媽媽既身邊留到最後一刻,佢好叻~應該好開心~
佢依家無病無痛喇~
唔好難過喇~

作者: Goody09 時間: 2009-7-3 06:02:45 PM

唉。。無話。。。呢兩日咩事。。。？？？

作者: kiki520u 時間: 2009-7-3 06:47:28 PM

你已經盡左力咖喇∼唔好唔開心啦！#^56^#
係呢∼大圍果個醫生好唔好咖？因為我係沙田人∼布爸又住係大圍
但好似都留意唔到有咁　－＿－＂　哈哈∼#^60^#

作者: 尤尤 時間: 2009-7-3 08:55:28 PM

節哀順變....
你已經盡左力喇...
豆豆會係彩虹橋玩得好開心...

作者: 小米 時間: 2009-7-4 12:04:15 AM

睇完好唔開心呀...
最近好多兔兔有事~
今次仲要同我既寶貝同多哩 T_T

作者: Vinkivan 時間: 2009-7-4 12:08:55 AM

係咪香港嘅夏天真係咁差, 點解兔兔接二連三咁離開?? 雖然過世嘅兔兔並唔屬於我, 但眼見一隻又一隻離去, 真係感到無奈和心酸~!!

豆豆和離去的兔兔們, 希望兔哋去到彩虹橋能夠成為好朋友, 沒有爸媽照顧, 兔哋要互相照應, 繼續活得開心, 活得精彩!!

作者: hamster1013 時間: 2009-7-4 12:14:15 AM

豆豆知道你哋對佢o既愛架~
佢依家會喺彩虹橋繼續生活,
嗰度只係快樂, 無痛苦.......
你哋都唔好咁傷心喇!!

到底哩兩日仲咩架?!
點解咁多兔兔離開我哋o既?! #^56^#

作者: tracy)) 時間: 2009-7-4 01:23:45 AM

呢兩日咩事呀??點解有咁多兔兔有事架?真係睇到心都痛埋..........#^56^#
你都唔好咁傷心啦,你隻兔兔一開始無咗隻右眼果時都咁堅強咁生活落去,佢宜家都一定會好好地咁响彩虹橋度玩架

作者: uumeme 時間: 2009-7-4 10:02:44 AM

我愛豆豆:012:

作者: jimlam 時間: 2009-7-4 10:54:04 AM

給豆豆的信：
你已經走左第三天了，為何還不回來，爸爸每晚都想在夢中見見你，是否已忘了爸媽？？你要記住和我們一起的日子，因對爸媽而言，是多麼的快樂！你也是否快樂呢？？但到現在回想起，有時我也只顧自己玩而忽略了你，有否覺得悶呢？？爸爸知錯啦...回來啦
孩子，走到天國沒有？？有否見到豆泥呢？？爸媽無辦法抱住你走了，你要好好走，也要記住回家的路。天國應該很溫暖吧？可能比爸爸胸膛更舒服，但不要忘了伏在爸爸胸膛的感覺，早點回來探探爸媽
昨天爸媽走了出旺角，眼睛總是離不開找你的身影，找到很像你的，但又知不是你，你怎會那麼快便轉生！跟住又走到我們初次相遇的地方，那一刻真是百感交集，你那時豆丁的小身驅，還好像數天前發生的事.....為何你消瘦了我們都察覺不到.......爸爸真的沒用
記住，轉生後要讓爸媽遇到你，再來到我們這個家，因爸媽會更愛鍚你的！！
我愛你！！豆豆
爸爸媽媽上
4 JULY 2009

作者: hh0 時間: 2009-7-4 01:47:41 PM

豆豆都唔想見到爸爸媽媽甘傷心
折哀吧...
在世時為巨盡左力已經夠了

作者: vice0926 時間: 2009-7-4 02:50:13 PM

好感人.......#^56^#
節哀順變啦~~

作者: jimlam 時間: 2009-7-5 11:07:06 AM

給豆豆的信:
第四日啦??你而家點呀??有無食草草??
呢幾日,爸爸腦內常常出現以往快樂的回憶,你真係一隻好乖的小孩,很少發脾氣,只是喜歡撩人玩,你成日都用舌輕舔我的手
豆豆,爸爸會努力站起來,因為爸爸明白到豆豆在天國看著爸媽的,我知知道你也不捨得我們,也不想見到爸媽傷心吧!
爸爸更加相信神會再派你這小天使到來這家,爸爸會努力,做一個更好環境給你,等你回來.
雖然可能有時會因見不到你而流淚,但只是偶然......不用擔心
爸爸等你健康回來,但記得叫神令我遇返你!!一定會重遇的,爸爸深信!!
你妹妹棉棉今天去做body check,希望平安!!
但係呢段其間,掛住爸媽的話,就返來探下爸媽la!!
你幾時都你爸媽心愛的寵兒,下次一定會寵壞你的
係天國玩得開心d,我愛你呀!!豆豆
爸媽等你!!

爸爸媽媽上
5 july 2009

作者: cordero 時間: 2009-7-5 11:14:26 AM

豆豆現在在一片一無無際的大草原上跑跑跳咷很快樂呢

作者: Panda)) 時間: 2009-7-5 03:02:00 PM

節哀順變吧~豆豆冇晒病痛~依家一定好自在咁同其他兔兔玩緊~~
希望你同兔媽快D可以愎原吧~!! 努力 !! 豆豆都唔希望見到你地日日為佢而唔開心嫁~~

作者: jimlam 時間: 2009-7-5 07:26:30 PM

我愛豆豆:063:

附件: RIMG0228.JPG (2009-7-5 07:26:30 PM, 92.34 KB) / 下載次數 69
https://petkd.com/forum.php?mod=attachment&aid=MTYwNTJ8OTJkZjk4NzR8MTcxNzMzODE3M3wwfDA%3D

作者: jimlam 時間: 2009-7-5 07:28:48 PM

等你回來!!:022:

附件: P8171242.JPG (2009-7-5 07:28:48 PM, 303.44 KB) / 下載次數 64
https://petkd.com/forum.php?mod=attachment&aid=MTYwNTN8ZmE0NDQwMmV8MTcxNzMzODE3M3wwfDA%3D

作者: 光之天使)) 時間: 2009-7-5 07:29:01 PM

豆豆好可愛...
唔好傷心~佢依家好開心玩緊~

作者: elvisli 時間: 2009-7-5 07:56:10 PM

兔爸媽唔好太傷心了..豆豆而家一定好多人陪緊佢玩..所以先唔記得報夢呢

作者: `Shusonbaby||' 時間: 2009-7-5 08:05:37 PM

#^56^# 睇到喊喇><"
好感人!!

作者: jimlam 時間: 2009-7-7 09:24:42 AM

傻豆：
爸爸星期日帶棉棉去BODY CHECK, 醫生話佢要增肥，同唔好餵糧

棉棉佢無你禁乖，好多野都唔肯食，唔係好肯食Ｔ草，你成日Ｄ都不斷食，其實９成我食Ｄ野，你都想食，傻豆！！

你而家牙仔重有無痛，同上次睇你的醫生講起你，話你應該係牙仔痛先唔食野....點解當時大圍果個又睇左話牙無事？？我留意到你近兩個月只肯吃葉，但以為轉左草，所以無問題....點解當時睇你果個唔係DR.Tiger??

呢Ｄ問題係得腦內困擾，但多得一位Uncle 講左一句
「緣盡要走, 就讓牠走得無牽無掛, 要牠帶著你的愛離去,,
千萬別要牠帶揹著你的自責及悔恨上路!」我的自責及悔恨可能對你太重，對唔住！

而家對你，只有思念，豆豆，係天國同Ｄ朋友仔玩得開心Ｄ，就讓我的愛永遠跟隨住你，讓我的思念引導你再次回到這個家！！

記得回家的路！！

豆爸豆媽字
7 JULY 2009

作者: jimlam 時間: 2009-7-8 11:28:05 AM

豆豆：
昨晚是你的頭七，爸媽為你準備了你喜愛的食物，有大蘋果，菜心，紅蘿蔔，糧，水同Ｄ小黃菊，還有燒了個上天國的梯，希望你早點轉生，更希望早日重遇！雖然唔知有無用，但這是爸媽能為你做的事！！

今早起來，立即看看為你準備的食物，雖然好似無動過，但爸爸知你返過來的！！因打算把你的草給棉棉時，發現有一小撮兔毛掉下，但爸爸看看地上又不見，是你告訴爸媽你曾回來吧！！

傻豆，等待重遇的一刻！想再抱抱你！！

豆爸豆媽字
8 July 2009

作者: 勞仔 時間: 2009-7-8 01:46:20 PM

好感人丫，看你每日都有一篇信給牠，相信牠也會很開心的~~感動:050:

作者: Peiian)) 時間: 2009-7-8 01:58:29 PM

看到令我心都酸......
:050:

作者: kumi)) 時間: 2009-7-8 02:23:14 PM

好明白你ge感受...上個月阿寶都走左;#^56^#
不要太難過了....佢會活得開心的....
讓阿寶跟豆豆做朋友吧

作者: jimlam 時間: 2009-7-9 03:28:46 PM

豆豆：
昨天豆媽餵棉棉食完藥後，發現棉棉有一隻耳仔歪了，嚇得豆媽立刻打電話俾我，我叫豆媽打電話給DR.ERIC, 但診所沒人聽，結果打電話給兔協，兔協姐姐話無咩問題的，我們才放心。因為棉棉隻耳仔唔同你，所以我地有Ｄ擔心。過左一陣，正常返！！

棉棉呢兩日肥左好多，有成600g 啦!!而且發覺棉棉都幾聰明。之前豆媽話我對你偏心，話我成日都只係同你講野同玩，餵又餵你先。可能真係，之前唔覺棉棉聰明，但今天早上，爸爸教棉棉跳上梳化，她很快便做到了！好似同你一樣叻！！

而家你係度跳跳蹦蹦，定係睇緊爸爸打字，定係已經出生成為了一隻未開眼的BB兔??

今晚，爸爸想把棉棉的屋其移去你個位度，等爸媽可以睇住佢。不要小氣呀，乖豆，沒有一隻兔仔可以代替你，等你回來，你同棉棉就可以住在一起，一家四口！真是期盼這天的來臨，也可能是一家五口！

開開心心啦！！我的乖孩兒

豆爸豆媽字
9 JULY 2009

作者: jimlam 時間: 2009-7-10 10:55:45 AM

豆豆：
昨晚，我和豆媽走了去書店，看了一本有關飼養兔兔的書，才發現原來兔子一不進食，就會肚仔痛......原來當時你的肚仔痛，爸爸一想到這裹個心就很痛.....如果我多些留意這些知識，我便可以幫幫你舒服些，更加可以不只單靠獸醫.......其實當時第一件事只要令你肚仔唔痛，之後才查明是什麼原因，你也不用驗那麼多野，只要照Ｘ-ray便可......但為何那個獸醫做了那麼多野也沒為你止痛......

昨晚，爸爸的心真的有點.....我唔會再容許有這事發生，爸爸要多Ｄ留意兔兔的知識....不要再讓你們白白走左去...一定唔會！！

而家你肚他無痛啦！開心跳啦！

我愛你！！乖豆

豆爸豆媽字
10 JULY 2009

[ 本帖最後由 jimlam 於 2009-7-10 10:56 AM 編輯 ]

作者: uumeme 時間: 2009-7-10 01:31:01 PM

豆爸, 不要自責了, 豆豆好可能已轉世為豆少二世. 我也等緊豆少回家. 教他跳開心求雨舞:031: . 不能讓時間倒流, 只有珍惜現在. 現在多留意棉棉, 來作補償.

作者: firen_freeze)) 時間: 2009-7-10 01:50:26 PM

睇完發現豆豆走得好似肥雪。。。。。。。。#^3_002^#

回頭一看，其實去睇獸醫唔代表對兔兔好，諗返起肥雪走Ｏ個日，獸醫只係想要錢。。。因為小動物死左根本唔駛負法律責任，到頭來最傷心都係自己。勢

可憐肥雪等唔到我接佢返屋企，你家豆豆已經好好架啦。。。唔好咁自責

作者: rock_his 時間: 2009-7-10 02:35:40 PM

豆豆, 多謝豆豆給您們主人快樂, 願豆豆在天國開心每一天.

作者: uumeme 時間: 2009-7-11 11:15:20 PM

大圍seem好似不懂醫兔仔, 她當豆豆如cat一樣e, 驗血後話肝酵素不正常, 仲話佢要食護肝葯, 連命仔都保唔住, 仲食保健葯? 諗番都覺得傻.

[ 本帖最後由 uumeme 於 2009-7-11 11:18 PM 編輯 ]

作者: jimlam 時間: 2009-7-12 03:01:23 AM

豆豆:
爸爸有時會想, 究竟係我照顧你還是你照顧我們??你照顧得我們心靈很好,但我卻照顧得你一團穢........

其實真係好感謝你, 豆豆, 到最後你都教懂我一件很重要的事, "珍惜重要的人"我愛你!!

自你走後,有人說我不適合養寵物,因你走後,爸爸真的很痛,原來個心真係會好痛. 他們只見到我傷心,但他們永遠唔會明白豆豆送給我們的快樂,回憶,他們永遠不會明白!!

豆豆,好想你:023:

豆爸豆媽字
11 July 2009

作者: choi_ching 時間: 2009-7-19 01:38:18 PM

睇完我都不斷喊,,,好感動#^37^#

作者: jimlam 時間: 2009-7-20 11:01:09 AM

豆豆：
真係仍然好掛住你，天國的草好唔好味？？成日都重有回味以往同你一起的回憶，上星期踏單車經過同你一起去的公園，想起你到處走的情形，有一次你還不小心撞樹，真正的守株待兔，好好笑。也是那次，發現豆豆你是認得爸媽，玩完就自動走回我們身邊，但今次你可能......

你走了後，爸爸的工作很不愉快，其實一直都不如意，只是以前見到你就忙記了工作的煩腦，但現在........好多野感覺都變了......

豆豆，你幾時先會返來.....

豆爸字
20 July 2009

作者: guggg 時間: 2009-7-20 03:15:27 PM

請不要傷心吧豆豆會很快樂的
你也要繼續快樂地生活
記著和豆豆的快樂時候就足夠了
因為她都一定會記著你們的

作者: jimlam 時間: 2009-7-23 10:37:02 AM

豆豆：
昨天在想，我好像常常拿棉棉來和你比較，總是覺得你很好，爸爸知道這樣是對棉棉不公平......但.....

棉棉而家都有750g LA, 比起早兩星期重了200多g,但看起來不似大了很多。發現了一件事，原來棉棉係男仔，一直以為佢係女仔。如果你係度，你可以做老大，佢做跟班，一齊行古惑....而家你到底係邊？彩虹橋同豆泥一齊？？定係已經係一隻豆Ｂ兔？？

你走左已經21日.....真係好想抱抱你....我真係覺得以前抱得唔夠..........

我愛你！！豆豆

豆爸字
23 JULY 2009

作者: kwaikwai 時間: 2009-7-23 12:49:57 PM

我明白你的心情....didi 剛剛走了.....
想起牠最後的一刻....我仍會心痛地喊....

不過.......兔爸跟我說, 雖然didi 走了~
但佢仍然在我們的身邊, 大家一齊生活...
只是生活方式不同擺了~

所以, 好好記住和牠一起的時光...
牠也會好好想念爸媽的~

唔知didi 遇到豆豆同豆泥未呢??

作者: jimlam 時間: 2009-7-29 11:38:21 AM

豆豆：
差不多一個月了，係彩虹橋上遇到好多新朋友仔嗎？？但你有否一刻想念爸媽？？
近日有否遇見Didi??好好同人相處。以前成日怕你一個悶，唔識同其他兔仔相處，所以買左棉棉來陪你，希望你有個伴，結果....而家唔怕你悶，只怕你忙記了爸媽，不懂回來
前兩天，豆媽告訴我夢見你，但只是夢見你最後那天的情況~~~其實我知豆媽都好想你
見不到你...好像做什麼也沒心情......

你是否常在跳求雨舞???近日常常下雨??想豆爸少Ｄ出去玩RC直升機陪豆媽？？
豆爸明白的，我會好好分配時間，不會只顧住自己玩的！！這是你最後教懂我的~~~:050:

希望係夢中再見你！！

豆爸字
29 July 2009

作者: jimlam 時間: 2009-7-29 01:01:36 PM

近日，心中不斸響起的歌

「有多久沒見你　以為你在哪裡
原來就住在我心底　陪伴著我的呼吸

有多遠的距離　以為聞不到你氣息
誰知道你背影這麼長　回頭就看到你

過去誏它過去　來不及　從頭喜歡你
白雲　纏繞著藍天　
如果不能夠永遠走在一起
也至少給我們懷念的勇氣　擁抱的權利
好讓你明白
我心動　的痕跡　

總是想再見你
還試著打探~消息
原來你就住在我的身體　
守護我的回憶」

真係好掛住你！豆豆

附件: RIMG0205.jpg (2009-7-29 01:01:36 PM, 121.62 KB) / 下載次數 71
https://petkd.com/forum.php?mod=attachment&aid=MTY0MjB8ZDc4NjkxN2N8MTcxNzMzODE3M3wwfDA%3D

附件: RIMG0090.JPG (2009-7-29 01:01:36 PM, 147.22 KB) / 下載次數 70
https://petkd.com/forum.php?mod=attachment&aid=MTY0MjF8ZGFlNmMyMDd8MTcxNzMzODE3M3wwfDA%3D

作者: yy0322 時間: 2009-7-29 01:37:00 PM

我一路睇你d信一路喊...
睇你d信令我諗返起以前既仔仔----小飯....
諗起佢走果晚..
真係好心痛...
你既心情我都好明白:054:

作者: jimlam 時間: 2009-8-1 11:54:13 AM

豆豆:
上星期，爸爸係兔協買左個城堡俾棉棉玩，起初棉棉都好怕，但前兩日見佢走上走落，仲用下巴擦個城堡，我想佢一定好鍾意個城堡。但同時爸爸又想起當日無買咩玩具俾你，你又好像未用過下巴仔擦過野......突然內心好酸，我好似真係無買過Ｄ咩俾你~~~

從你走後，今日剛好已經一個月，心情已經平伏左好多。但都常常想起你個包包面，同豆豆你一切的一點一滴，永遠都會陪住爸媽走餘下的人生~~~~

你可以隨時返來玩，這個家永遠都有你份，無論將來變成點都好，爸媽都會想念豆豆！！

如果有神的話，祈求神再次派遣你到來這家！回到我們身邊！

豆爸字
1-8-2009

[ 本帖最後由 jimlam 於 2009-8-1 11:55 AM 編輯 ]

作者: choi_ching 時間: 2009-8-2 01:19:08 AM

城堡裡面係點架
我一直都好想知丫

作者: jimlam 時間: 2009-8-13 11:27:32 AM

城堡有三層！！:051:

作者: jimlam 時間: 2009-8-18 06:36:25 PM

豆豆：
過多三日就係你三歲生日，亦都係我同豆媽結婚三週年，我成日都話要整個紅蘿蔔生日蛋糕俾你，但都因為懶無做到，希望今年整到ＬＡ！雖然已經太遲，但都希望你收到爸媽的心意~~

好多原因，豆爸我近來心情非常差，自己也覺得自己暴燥起來，幸好回到家中對住豆媽又正常返，好像你走後，一樣好事也沒發生，你果然係家中的吉祥兔。而家棉棉接力做了吉祥物，但好像未發揮作用！

棉棉而家大隻左好多ＬＡ！！不過應該細隻仔過你。佢好似對我們仍是好陌生，掂一掂就走。你成日都中槍，攪極你你都唔走，想起都過癮!!

其實豆媽同我成日都會拿你的相來看，想想一些回憶，想想你的包包面...其實爸媽仍然好想你，豆豆!!

豆爸字　
18 Aug 2009

作者: jimlam 時間: 2009-8-21 04:46:03 PM

豆豆：
今日感該係你三歲生日，祝你生日快樂，豆爸都係忙到無時間......Sorry,又無整紅蘿蔔生日蛋糕俾你...

我愛你！！豆豆

豆爸字
21 Aug 2009

作者: jimlam 時間: 2009-9-1 11:25:08 AM

豆豆：

兩個月無見你，點呀你？？

而家屋其多左個新成員「豆丁」，同你一樣都係賓尼，黑白色。Ｄ舉動同你都幾似，好似咩都食，食野無煩腦！

不過棉棉好似好唔LIKE佢，走去想咬豆丁，又見佢直衝埋豆丁度，真係嚇死!

唔知棉棉幾時先同豆丁FRIEND.......不如你幫我教下棉棉LA!!其實棉棉都幾惡死！！

今個星期五，棉棉要行宮刑，希望你同豆泥保佑佢無事，健康伴爸媽LA!

記得返下來探爸媽!!豆豆:045:

豆爸字
1 September 2009

作者: jimlam 時間: 2009-9-2 12:06:20 PM

豆豆：

你睇下棉棉同豆丁，保佑佢地身體健康！！
[attach]8424[/attach]
[attach]8425[/attach]
[attach]8426[/attach]
[attach]8427[/attach]

記住返黎一齊玩！

豆爸字
3 Spet, 2009

附件: IMG_0411.JPG (2009-9-2 12:06:20 PM, 113.18 KB) / 下載次數 72
https://petkd.com/forum.php?mod=attachment&aid=MTY5ODJ8ZDhjZDU0NmJ8MTcxNzMzODE3M3wwfDA%3D

附件: IMG_0401.JPG (2009-9-2 12:06:20 PM, 134.94 KB) / 下載次數 74
https://petkd.com/forum.php?mod=attachment&aid=MTY5ODN8OGFjZDE2OTF8MTcxNzMzODE3M3wwfDA%3D

附件: IMG_0368.JPG (2009-9-2 12:06:20 PM, 144.49 KB) / 下載次數 72
https://petkd.com/forum.php?mod=attachment&aid=MTY5ODR8MzZkMTljMDl8MTcxNzMzODE3M3wwfDA%3D

附件: IMG_0293.JPG (2009-9-2 12:06:20 PM, 130.56 KB) / 下載次數 74
https://petkd.com/forum.php?mod=attachment&aid=MTY5ODV8OTZlODYyYTd8MTcxNzMzODE3M3wwfDA%3D

作者: uumeme 時間: 2009-9-2 02:04:52 PM

可愛兔#^9_003^#

作者: jimlam 時間: 2009-9-8 06:17:57 PM

豆豆：
上星期五，棉棉到 Dr. David 度做左絕育手術。Dr. David 就是你第一次唔食野把你醫好的那個Dr. David, 記得嗎？

本以為棉棉完成手術後一定不肯食野，點知護士話棉棉係最近最乖的一隻兔，手術前同手術後都不停吃草，重要係T草....,又無話要除頭罩....真出奇？？

接棉棉回家後，一直站在便盤上，也有吃草，飲水.......但看他總是不開心....可能不舒服吧.......豆媽同豆爸見到他的傷口也有點害怕

星期日那天，留意到棉棉傷口好了不少，也看到原來傷口原來只有4mm,比想像的少很多......棉棉仍是不開心，於是忍不住把他的頭罩脫下，留意了整晚，他好像無理會傷口的存在

希望棉棉快Ｄ好番LA!!

豆爸字
8 Sep 2009

作者: jimlam 時間: 2009-9-17 01:09:32 PM

豆豆：

昨晚，你終於走到夢中，你仍是那麼可愛，走來走去，好悠閒似的！

睡醒後真有點不捨.....想和你玩多一會

記得多Ｄ返來！！豆豆

豆爸字
17 SEP 2009

作者: jimlam 時間: 2009-10-20 05:54:04 PM

豆豆：

呢個月原本真係好擔心，但係而無事LA!!重有件開心事發生左...HEHE

豆丁佢突然間唔食野，又流口水，本以為佢中暑，第一次去睇醫生，醫生無話咩事，只係吊鹽水同打左３支針......兔仔細細就打左禁多支針，心痛死！

之後都是反覆唔食野，當時真係好擔心，結果決定睇第二個醫生，結果發現豆丁Ｄ牙有Ｄ尖，咬到自己舌頭，只要食止痛就好。而家豆丁已無晒事，食好多草（只限APD,你都未食過，你以前咩草都食)。

棉棉都好好，只係同豆丁FRIEND唔到，一見豆丁就咬.....你幫我教下佢ＬＡ！！你以前同佢一齊都無咬佢，好友善，始終係豆豆最乖！

之前係網上睇過一段片，片名「最後的小白」，內容是小白最後要走時的內心讀白。突然，我想起豆豆你，「以前，要你等我回來，現在輪到我了，等你再變成粒粉紅色棉花糖回來我身邊」....我也在等

豆爸字
20 OCT 2009

作者: jimlam 時間: 2009-11-26 02:13:46 PM

豆豆：

今年真係豆爸我人生的低潮....工作唔順利....先後無左你同豆泥.....連件開心事都變埋傷心事........格集箱又先後俾人偷左成千幾蚊野.........個天唔洗玩得我禁盡..:042:

前兩日晚上，本來放左棉棉出來，豆丁就係樓上望來望去....突然豆丁JUMP左落黎，仲追住棉棉，棉棉跟住走返入ＨＯＭＥ....豆丁追入去...兩個就打起來.....仲wowo聲....嚇到我要叫豆媽分開佢地........點算好......

果一刻....我同豆媽都在想，如果你仍在就好........

過去總係令人懷念......可怕永遠都返唔到轉頭.........仲好清楚記得你係ＢＢ時，有一次，放工返黎，個頭好痛.....我坐係你面前，你就係我大脾走來走去.....我知你係想食野，我一路餵你...一跟同你玩（或者你覺得係我玩你）...好奇怪，頭痛無晒.....

真係好懷念.....

豆爸字
26 Nov 2009

作者: redbean 時間: 2009-11-26 04:45:41 PM

豆爸,
我明白當人心情唔好個陣
衰運就好似跟住黎咁
所以你要開開心心

生老病死我地控制唔到
豆豆有生之年有你的愛
佢已經好幸福

宜加仲有兩隻小朋友等你照顧呀
同佢地 bonding 唔急得架
加油

作者: jimlam 時間: 2009-12-28 12:37:59 PM

豆豆,
你一走左都成半年...天國Ｄ草係咪好味Ｄ呢??

豆丁昨天去左Dr. Eric 度做絕育手術，而家已經返左屋其....好似無咩事...只係見佢Ｄ食量少左Ｄ...可能仲有Ｄ壓力啦...

聖誕晚上，豆爸我一個人走左去跑步，走左去之前同你去過的公園....你走後，成半年....豆爸都無入過...

走過你跑過的草地，走過你走過的路，走過你不小心撞過的樹....片段不斷係腦內走出來....都係開心的回憶...豆豆，那一刻你在望住我嗎？？原來分開左都有半年....好懷念..

豆爸
28-12-2009

[ 本帖最後由 jimlam 於 2009-12-28 12:39 PM 編輯 ]

作者: coumpnet 時間: 2010-1-4 02:42:31 PM

提示: 作者被禁止或刪除內容自動屏蔽

作者: jimlam 時間: 2010-1-20 11:07:13 AM 標題: 回復 58# 的帖子

只係怪豆爸我照顧不足.....好多事，如一早有留意...好多時都能及早發現....

作者: jimlam 時間: 2010-3-10 12:04:35 PM

豆豆：

好像好似好耐無寫過野俾你啦...

而家豆丁同棉棉FRIEND到飛起，一起睡，一起吃，一起做小惡霸，聯群結黨攪破壞...有樣奇怪....本來唔多走動的棉棉，都多左出來四圍走...有日仲係梳化度一齊跳兔子舞....好開心...

以前，我想你會好悶...無個伴同你玩...而家你一定有好多朋友仔一齊玩..但要記得回家的路...可以的話返來俾豆爸見下..真係好耐無見..

你新年有無收到豆爸豆媽俾你嘅利是？你地每兔都有一封..嘻嘻

希望大家都健健康康！

豆爸字
10-03-2010

作者: jimlam 時間: 2010-5-31 05:58:41 PM

豆豆：

5月31日....還有一個月...豆豆你原來走左11個月....近來成日都想起你

豆丁同棉棉而家反晒面...矣..真係無計...要分居law..

..矣...

豆爸
31﹣5﹣2010

作者: jimlam 時間: 2011-7-14 08:18:47 PM

豆豆：
己經足足兩年...你可應已轉世...唔知點解..你個樣都無啦啦係我腦海走出來嚇我..

呢兩年豆爸我都無咩改變..哈！！係肥左好多..屋企搬左去大D的地方，有個露台...種左好多植物...有D你都食得∼∼yo

唔知點解..豆丁同棉棉一去到新屋，兩個就FRIEND到爆...可能一齊到新屋，無左地盤即FRIEND左，定係你教訓左佢地一餐∼∼哈

抱住你的感覺...仍然記得...就好似昨日的事...

豆爸
14﹣7﹣2011

作者: 小小夕 時間: 2011-7-14 08:40:18 PM

So touching..
((睇第1封信  .. 到一半我都引唔住要拎紙巾...
後面個d 遲d慢慢再睇 ..  唔係一定會變豬頭#^37^#

豆豆有你地咁愛鍚佢既家人  一定好幸福
2年..  可能已經不知不覺轉世一路做緊陪住你既小天使

作者: jimlam 時間: 2012-5-9 11:09:21 AM

豆豆：
現在你到底做緊咩呢？棉棉都已經3歲。。不過佢對我同豆媽都好大介心...豆丁同棉棉不能住埋一起，佢地又反左面..

但總算係健健康康！

昨晚。。突然間想起抱起你時的感覺，身上的草味。。好想知道和我們一起的三年..你幸褔嗎？好想你話我知..

7月，屋企會多一位成員！BB要出世啦，我用左你個名叫佢。。到時你會唔會返來見到佢呢？

笨笨的豆爸
9 MAY 2012

作者: ffffcarol 時間: 2012-5-15 09:08:45 PM

jimlam 發表於 2012-5-9 11:09 AM
豆豆：
現在你到底做緊咩呢？棉棉都已經3歲。。不過佢對我同豆媽都好大介心...豆丁同棉棉不能住埋一起，佢 ...

恭喜你
祝bb健健康康能夠同豆丁和棉棉快快心心一起生活

作者: jimlam 時間: 2012-11-2 10:55:57 AM

豆豆，

有否返來探下豆爸，豆媽？有否過來睇下豆B？豆B 都就來四個月啦！你做大阿哥要保佑豆B健康快樂！

呢幾個月真係冷落左豆丁同綿綿...照顧豆B都差不多用晒時間...真係有少少對佢地唔住。。等豆B大D，我會俾佢地一起玩！

3年幾啦！不知你變成點...雖然見不到你，但你仍在我心中！

豆爸
2﹣11﹣2012

歡迎光臨 PetKD 寵物網 (寵物領養、資訊廣告、用品買賣及寵奴互動平台) (https://petkd.com/)