PetKD 寵物網 (寵物領養、資訊廣告、用品買賣及寵奴互動平台)

標題: 一封來自兔協的信 [打印本頁]

作者: cloudcloudgrace 時間: 2009-8-27 09:42:12 PM 標題: 一封來自兔協的信

我剛剛看了一封由兔協send過來的e-mail...好唔開心,好氣憤!!!點解d人可以咁不負責任!!!希望隻啡兔無事啦~~~

(以下文章來自兔協所send既e-mail)
給某棄兔主人，

無論原因如何冠冕堂皇或委婉動人，你始終還是決定要放棄家裡的兔兔。

念在跟兔兔一起走過的歲月，你選擇離棄牠的同時，也選擇給牠一條生路，所以選擇兔協，因為兔協不會人道毀滅動物，就算患病亦會照顧牠們直到終老，這所集兔兔孤兒院�療養院�老人院於一身的動物福利機構，希望將來有一個願意收養牠的家庭。既然如此，為甚麼你卻不願意為牠多做一點，按照正常手續排期等待棄養？你隨隨便便把兔兔塞進紙皮箱，三更半夜將兔兔棄於兔協的門外，甚麼都沒有交待就走了。你可有想過這樣並不是給牠一條生路，反而是「送牠一程」？

在21/8 (星期五) 早上十時，尚未到開放時間的兔協一片寂靜。門外堆了幾個載滿垃圾，由兔協職員在前一晚推出門外的紙箱。清潔女工跟平日沒兩樣，將紙箱逐一搬到樓下。突然一個紙箱的底部穿破，一隻胖嘟嘟的啡色兔子跌到地上。原來又有沒良心的主人將兔兔棄於門外，還要用上紙皮箱！！！

啡兔長時間被困在黑暗的紙箱內，經已極度惶恐，加上這突如其來的一跌，更嚇得馬上拔腿逃跑，沿著樓梯飛奔到繁忙的街道。清潔女工與途人隨後追兔，可惜兔兔實在太敏捷，結果大家都沒法把兔兔捉回。清潔女工在同日下午才通知兔協職員，但已經為時太晚，始終沒法找回這隻啡兔。

消失於旺角街頭的啡兔的命運會如何？我們沒法知道真相。即使能夠幸運地避過流浪漢的捉捕，免淪為別人的晚餐\，又是否可以成功\避過一切意外或抵受到酷熱的天氣？兔兔會找到食物及水嗎？故事發展到這裡，唯盼上天可以眷顧這隻可憐的啡兔，逢凶化吉，直至遇到有心人將牠帶回兔協吧！

同類的悲劇早就發生過很多次，我們亦曾經多次勸呼籲大家不要將兔子遺棄在兔協的門外。這不但對依循正常途徑申請棄兔的人不公平，更有可能令兔兔遭遇不測。這種做法是十分自私及不負責任的行為。

要是你真的決定要遺棄兔兔，請把牠的相關資料交待清楚 (如飲食習慣、健康情況等)，使我們能夠作出最適當的安排及照顧，這才是真正給牠們一個重生的機會。兔兔失去家庭溫暖，已經受到很沉痛的打擊。希望各位準備棄兔的主人可以盡最後一點情義，為牠們作出最後的愛護，可以嗎?

香港兔友協會

作者: 千千 時間: 2009-8-27 10:06:29 PM

兔兔好慘~
d 人真係#^62^#

作者: 老虎b 時間: 2009-8-27 10:09:13 PM

而家天氣咁熱辣辣,後果真係不堪想像#^37^#

作者: juju 時間: 2009-8-27 10:12:55 PM

好想幫個隻胖嘟嘟的啡色兔子......

希望快d比有心人將牠帶回兔協........

睇完呢封信後好心痛......

作者: BB囡 時間: 2009-8-27 10:30:03 PM

我今日下午都睇左
真係好心痛
d人真係冇人性
旺角咁多車咁多人....真係唔知會點,,
希望有人可以令兔兔定d...帶佢番家啦

作者: oscarlik 時間: 2009-8-27 10:35:27 PM

唔係掛....
真係好慘
咁樣真係隨時比車車死.
唉!!

作者: FATO_W 時間: 2009-8-27 10:39:00 PM

真係好心痛..
好多人都係咁不負責任
以為帶左兔兔去兔協就叫盡左力..
點解唔可以好好照顧佢就算真係無能力
都唔好隨便放佢係門口就算啦....
希望想棄兔既主人同埋已棄兔既人睇到依封信都會反省下 ....

作者: 大富翁 時間: 2009-8-27 10:42:31 PM

愈睇個心愈痛!!!!
可憐的兔兔!!!希望兔兔可以安全地回到兔協吧!!:054:

作者: cloudcloudgrace 時間: 2009-8-27 10:46:44 PM

我諗兔協職員都係"忍無可忍"先會send e-mail俾大家...
正如兔協所說 -- 念在跟兔兔一起走過的歲月，你選擇離棄牠的同時，也選擇給牠一條生路...唔差那少少等候時間吧!!!
我真係好希望所有放棄兔兔既主人俾多少少耐性和心機去安排牠們以後既生活,這是你的責任...就為牠們盡最後的責任吧!!!

[ 本帖最後由 cloudcloudgrace 於 2009-8-27 10:52 PM 編輯 ]

作者: 光之天使)) 時間: 2009-8-27 11:14:38 PM

我今日都收到呢封信~

我只係覺得...
就算要離棄佢地,都排期去兔協,
就算等唔切排期,放去門口,
都唔好放埋堆垃圾度...等人發現唔到佢....

隻兔兔真係好可憐.....
我希望佢無事..就算真係去左彩虹橋,我希望兔兔可以開心

作者: TINA 時間: 2009-8-27 11:26:06 PM

放棄也可以有好多方法,,,,
點解做完一個錯的決定,,,,,又要做多一個錯的方法,,,,,
希望有棄兔的人,,,請再三思,,,

作者: money 時間: 2009-8-27 11:51:02 PM

點解D 人可以咁恨心???#^62^#

我好希望隻兔兔會冇事.....
有好心人帶左佢返屋企..而家好幸福...

因為我真係唔想隻兔兔會有咩事.....

作者: elvisli 時間: 2009-8-28 12:28:48 AM

睇到真係好傷心

兔協下面就係人多車多....唉...可憐的兔兔

作者: debbie1222 時間: 2009-8-28 12:50:39 AM

佢地係冇人性的人
又點會諗起和兔兔一起走過的歲月?
又點會想唔要兔兔的時候,才來做個有責任的人?

我想講想棄兔的人要佢等多三日也嫌多...真的
當然這封e-mail有正面的作用
但對住呢d冇人性的人有作用嗎?
既然同類的悲劇發生過多次
兔協可否跟清潔女工溝通下
請他小心門外之紙箱等等呢(可能有兔子)
或兔協可否用螢光筆在垃圾箱面
寫上大大的字樣給清潔工人識別那一箱是垃圾箱

我覺得走兔這件事真係唔可以再發生,太令人心痛...
只差一隔之門兔兔就可以重新過生活,但偏偏走向地獄那邊...
遲些還會發生嗎?

我們無法控制冇人性的人的做法
那我們有沒有方法為兔兔在兔協門外做個保障呢?

大家有沒有可行的方法呢

[ 本帖最後由 debbie1222 於 2009-8-28 12:59 AM 編輯 ]

作者: choi_ching 時間: 2009-8-28 01:36:23 AM

D人真係好cheap#^62^#

作者: 燒雞。﹏。)) 時間: 2009-8-28 02:13:14 AM

睇完真係想喊...

希望啡兔平安無事:041:

作者: eggegg 時間: 2009-8-28 03:16:37 AM

太易得到的, 就不懂得珍惜. :044: :044:

我深信因果報應, 今朝種的因, 他日受的果. :041: :041:

作者: 珊迪小姐 時間: 2009-8-28 10:27:41 AM

我都有睇到...真係令人傷心
吾知果只啡兔而家點呢......#^56^#

作者: sheepman 時間: 2009-8-28 01:22:33 PM

而家只希望個隻啡兔可以平安無事...
希望有心人會拎佢返屋企養
或者兔協或者兔友會搵到佢帶佢返兔協..
唉，點解兔兔ge命運要由人黎話事..
想養就養，想棄就棄!?過份

作者: uumeme 時間: 2009-8-28 02:05:28 PM

點解d人(棄兔者)做事唔想後果!? d個人做每個決定都係錯. 棄兔已經係錯, 用紙箱係錯, 用穿O紙箱係錯, 在無人時棄兔兔在門口更加錯:052:

這些人小事做不來, 大事更不用講. 將來一定一事無成.

作者: Cody)) 時間: 2009-8-28 02:38:45 PM

我尋日睇完依封信之後都覺得好心痛, 真係好擔心啡肥兔仔依家點, 會唔會熱親, 會唔會比狗咬, 或者比車撞到, 會唔會比d無人性既人類捉住黎玩......好多擔心,真係好想請假去幫手搵下隻兔仔, 希望有好心人拾咗佢返屋企次後, 有機會上兔網討論時, 報個平安比我地知都好呀~~~

作者: Goody09 時間: 2009-8-28 02:44:04 PM

兔兔好可憐...唔知去左邊度呢...

作者: jimlam 時間: 2009-8-28 04:09:49 PM

完全失望.....

能夠在一起是一種緣份，兔兔給主人的快樂，但到有事時主人一點都不記得。。。為什麼？？記得豆豆眼睛有事時身邊的人總是說「買過隻啦」「捉去人"造"Ｘ滅」.....生命都是同珍貴，人是命，動物也是命，一樣無TAKE TWO....:052:

香港人的價值觀完全被扭曲了，珍惜的只有一堆死物.....iphone, psp, LV,Gucci....太可笑！！:050:

作者: 尤尤 時間: 2009-8-28 10:05:53 PM

睇完真係想喊...
兔兔好可憐...
希望啡兔平安無事....

歡迎光臨 PetKD 寵物網 (寵物領養、資訊廣告、用品買賣及寵奴互動平台) (https://petkd.com/)