PetKD 寵物網 (寵物領養、資訊廣告、用品買賣及寵奴互動平台)

標題: 勁嬲...O係度爆佢公司名(大家注意) [打印本頁]

作者: firen_freeze)) 時間: 2010-1-2 05:44:07 PM 標題: 勁嬲...O係度爆佢公司名(大家注意)

為免再有人俾E間無良公司呃，我決定公開佢個名!(我都算厚道啦，嘈左咁耐先同人講)

WINFRAME SYSTEM LTD.
地址：旺角電腦中心一樓106-107
TEL:2300 1248 (勁有用，因為件事搞咁耐都從來冇覆過電話,though 我留左七八次電話俾佢)

千祈唔好同佢地買野，大家鐘意就POST 埋去其他論壇。
既然佢都唔在乎自己名譽，我都唔會同佢珍惜，同顧客講得出「小姐咁你去搵消委會啦!」E D 野即係佢想快D執，我地唔好阻住佢大好前程啦!

如果佢唔想再搞大件事就快D俾部機我/退我全數錢

新年其實應讓講D開心野多D，但係我真係覺得好困擾好麻煩。估唔到買野仲要受氣。
唔想接收怨氣就唔好睇落去....我不介意的...
#^3_002^#
++++++++++++++++++++++++++++++++++++++++

話說我十月尾買左一個PRINTER，但係呢個SALES就話係要一個星期後先有貨，叫我等有貨先去佢個門市拎。

然後一個星期後打電話問佢又話冇貨，等多三日先有貨。

然後三日後去佢個門市，居然話冇貨，仲問我有冇單，一副我係白撞呃錢O既態度咁要我留電話，其實張單一早就寫左...
話有貨就會CALL我。

然後一直都冇收過佢個CALL，跟住我要考試、去旅行，到十二月尾都冇收到CALL，咁我又打電話。

點知我一開去話問PRINTER佢就勁惡語氣問我係咪果個打左電話黎拎貨但係勁耐都唔拎貨果個人....

咦?佢毫無音信兩個月後居然多左個故仔我唔知O既?

對佢D惡劣態度我都係習慣性冇惡返佢，只係問佢幾時有貨....

佢叫我留電話，等陣會再打過黎..但等我冇耐性再打過佢就就話要我留電話因為今日假期

然後今日只係星期六，唔係假期，估佢唔會又用E個借口，但打去佢又要我留電話，話陣間會打黎...

然後我等到冇耐性，打過去果時佢又話今日假期....

佢不停強調假期問唔到廠商，但係兩個幾月唔通日日都係紅假???我話成兩個幾月我連幾時有貨都唔知係咪有D過份，然後佢
即話「你講到我地呃你錢咁就退錢啦！」又話「係你打極都唔聽又唔黎拎貨，人地買果D一早拎哂返屋企啦!」

問題係我D語氣同內容根本冇任何明示暗示E樣野，而我都冇收過電話話有貨拎!

==================

從來未試過咁樣，買完野仲要嗌交咁....
問題係我到而家都未拎到貨....
佢一味話星期一先問到有冇貨，又係咁話我唔信佢，但係我我前後打咁多次電話佢都係叫我留電話，留左六七次電話佢都冇覆過...ESP第一次留電話等左兩個月都冇覆過....
你叫我點信佢，佢連星期一有冇貨都好打個電話覆我幾時有貨O既承諾都俾唔到我，一味叫我退錢，

我而家好得閒無啦啦將800蚊擺O係你度貪好玩咩?
買PRINTER送果張COUPON我一早俾左我媽用左WOR...

我真係冇諗過，買野要受氣....
咁而家點算好AR....唔通真係要退錢?

[ 本帖最後由 firen_freeze 於 2010-1-6 05:54 PM 編輯 ]

作者: 燒雞。﹏。)) 時間: 2010-1-2 06:45:38 PM

試下去銷委會投訴...

作者: sheena 時間: 2010-1-2 06:48:19 PM

我係你既話會揀退錢, 唔通仲繼續受佢地氣咩,
索性退錢, 唔好俾錢佢賺!

作者: ka@+ 時間: 2010-1-2 06:59:30 PM

我都會揀退錢..因為唔可以比呢啲人惡晒..
但係同時會去消委會投..等人知道發生咩事..
可能唔止你一個受害者..
可能其他人都試過..但係我地唔知..

作者: hh0 時間: 2010-1-2 07:30:24 PM

我一定係退錢去第二度買過
俾我唔會接受呢D服務態度
擺明間野D人有問題
既然主動話退錢俾你
梗係收番先再算

作者: firen_freeze)) 時間: 2010-1-2 09:33:12 PM

但係我又驚佢要我退COUPON...一早用左啦....冇諗過要咁架MA....#^3_002^#

我媽叫我好聲好氣D等我可以快D有貨拎.........佢平佢有理咁話喎...

但係我最受唔住就係態度差......我都係情願俾貴D都要服務好果種人來的....

作者: lingyan 時間: 2010-1-2 11:24:54 PM

我會叫佢退返$$，佢提起coupon，要你俾返coupon$$，咁你叫佢立即俾貨!!
coupon錢就唔會俾 ga la，一係俾返$800，一係就俾貨 !!

佢有乜証明話打左好多次電話俾你叫你拎，
但勁耐唔拎貨 ??
你事實就係無接過電話。
唔該佢作返通順個故仔再講野啦。

再唔係就同佢講，去消費者委員會到投訴。

作者: 光之天使)) 時間: 2010-1-3 12:05:36 AM

比我呢....
會退返錢~佢依家都叫你退返錢la~退lor~
之後再去投訴~

coupon呢d,咁係你買果陣佢送架嘛~
依家你d錢係買部機唔係買d coupon,
係佢無貨比你,等咁耐要退貨其實佢應該賠coupon比你添~
佢要你比返d coupon既話就去消委會投訴佢

作者: Futagoza_Kaniza 時間: 2010-1-3 01:46:06 AM

$800買個咩PRINTER? 咁貴既....
退錢買部平D嫁LA. 佢要你比返張coupon, 你一係咪扮傻話未收到, 一係就退返張coupon既價錢比佢囉.
我係你就會扮傻話未收到, "機都未收到coupon都唔係手LA."

作者: firen_freeze)) 時間: 2010-1-5 07:05:42 PM

佢話要我退錢我今日又走去佢個舖頭度。

點知佢要我賠$100 COUPON 錢俾佢! (佢只俾左$50 COUPON俾我，仲要係有期限果D，係人都知有日期果D你入貨唔駛$50啦)

我死都唔俾佢，佢又死都唔返錢我，又唔俾PRINTER我，話至少一個月「可能」會有PRINTER...點做生意架

然後佢講左幾次：「咁你去消委會啦!」

擺明知道消委會乜都做唔到先咁講啦....
+++++++++++++++++++++++++++++++++++++++++++++

激死，啱啱先睇到豐澤雖然冇咁多野送，但係人地個價錢差唔多，而且唔駛我激氣TIM !!!

佢講得出D咁野，我諗佢都係唔要面果D人黎架啦，但又激氣點解明知拎唔到貨都仲要同我SELL，明知冇貨都要DUM住我同我嘈，我諗如果你一早話冇貨，要我換其他PRINTER，好聲好氣，關係唔會變到咁差....

然後打俾消委會，果然，佢係乜都做唔到的。只係幫我追貨，咁佢一直都訂唔到咁我咪一直等LAW?

然後我又直接打去EPSON度問，佢話間野唔係分銷商之一，佢都係問人地拎貨，可能一直到拎唔到，但係末尾佢話果隻型號一直都有貨.....

超級懷疑佢出唔出到貨俾我，但係消委會都話唔到俾我聽佢比我勁O係邊....佢同我追貨，但間野一直入唔到貨我又咪冇PRINTER 用?!

今日繼續超忟....

RE#9:我買果部係EPSON多功能PRINTER，所以咪咁貴LAW....

作者: 波丸媽 時間: 2010-1-5 08:36:45 PM

佢地唔怕消委會.............
咁怕唔怕傳媒呀?
去信比報社呀,有D會幫你查架

作者: firen_freeze)) 時間: 2010-1-5 08:59:09 PM

我媽都有咁同我講.....佢仲打左電話俾頭條...#^46^#

服務態度真係投訴無門AR....D政府都無用的...E D 野都只係靠輿論壓力....

作者: 光之天使)) 時間: 2010-1-6 12:14:51 AM

咁你今日有無留意返叫你去消委會果個人係邊個?
果間係咩公司?
你直接SEND埋投訴信去~

蘋果果D報都幾鍾意呢D CASE架

作者: Futagoza_Kaniza 時間: 2010-1-6 12:21:58 AM

你張單有冇寫送既COUPON係幾錢嫁? 有既就scan落電腦直接emal比傳媒la. 張單有公司名嘛. 如果要再同佢嘈就偷偷地用手機錄音, send埋去消委會投訴la.

作者: Jessie)) 時間: 2010-1-6 02:53:48 AM

我想問你係咩地方, 邊間買??2個月都冇貨明厄

作者: 勞仔 時間: 2010-1-6 12:01:00 PM

一路睇就一路嬲，至憎d公司呃d市民
從其行徑來看，佢已經犯了欺詐罪。

[ 本帖最後由勞仔於 2010-1-6 12:08 PM 編輯 ]

作者: firen_freeze)) 時間: 2010-1-6 05:43:52 PM

原帖由勞仔於 2010-1-6 12:01 PM 發表
一路睇就一路嬲，至憎d公司呃d市民
從其行徑來看，佢已經犯了欺詐罪。

我都覺AR，我媽尋日打俾佢，佢笠哂水咁(我諗好多人都驚師奶)話一係換過第二個型號，果隻新型號一星期就有貨。

但當我地覆返佢話OK 但要一星期有貨果陣時佢就話要問下老闆先咁喎....

你話係咪明呃AR....真係高度懷疑佢根本出唔到貨俾任何人....

截至今日都仲未覆話得唔得TIM....

作者: firen_freeze)) 時間: 2010-1-6 05:58:13 PM

駛唔駛真係搵蘋果ETC...

東方日報有個「我要爆料」唔知有冇用呢?

作者: happygirl2009 時間: 2010-1-6 06:33:18 PM

我覺得最好就錄音or 偷拍左佢地既服務態度有幾差之後擺係youtube
咁樣就全香港既人都知啦

作者: 勞仔 時間: 2010-1-8 07:27:14 PM

原帖由 happygirl2009 於 2010-1-6 18:33 發表
我覺得最好就錄音or 偷拍左佢地既服務態度有幾差之後擺係youtube
咁樣就全香港既人都知啦

咁一定要好小心處理，如果唔係，比人攪到話第二個趙小姐:015:

作者: firen_freeze)) 時間: 2010-1-10 07:24:54 PM

啱啱睇完個趙小姐....即刻好驚自己都會咁TIM...#^40^#

所以都係叫我媽咪幫我搞啦....

作者: wm20472 時間: 2010-1-10 09:27:28 PM

買野點會未攞貨先比錢呀, 好傻呀
重要用埋張coupon, 好難叫人退錢
你而家可以做的, 就係即刻將整件事, 連發生時間及日期寫下
然後兵分三路去消委會、報紙投訴版、雜誌投訴版投訴
投訴後, 再致電黑店話消委會見
看看佢會唔會即刻退錢

換過第二個型號??? 比你都唔好要, 間店咁差, 都唔知會唔會比問題貨比你
堅持只收回現金
你要買printer, 好多地方都有, 黃金一定平重即時有貨!!

唉, 我只可以講, 當買一個經驗
記往一定要一手交錢一手交貨

[ 本帖最後由 wm20472 於 2010-1-10 09:30 PM 編輯 ]

作者: ping.tat 時間: 2010-1-11 01:26:06 AM

你吾好換第二款.直頭要佢地退錢..
:052:

歡迎光臨 PetKD 寵物網 (寵物領養、資訊廣告、用品買賣及寵奴互動平台) (https://petkd.com/)