PetKD 寵物網 (寵物領養、資訊廣告、用品買賣及寵奴互動平台)

標題: 我日日都好驚兔兔會離開我... [打印本頁]

作者: firen_freeze)) 時間: 2010-2-23 12:26:56 AM 標題: 我日日都好驚兔兔會離開我...

大家可能覺得我癲癲地....但係我真係成日都好驚MAX會有一日唔食野...然後又好似肥雪咁離開我...

我發夢都發過幾次，MAX無啦啦有病...

次次都嚇醒我然後跑出廳抱住MAX喊...

但係明明MAX健健康康，同平日一樣咁百厭，CC日日都好大粒，PATPAT好乾淨

然後我又會諗MAX 得最多10年命，如果佢走左咁我點算...

唔止一次我驚自己到時會太傷心，就諗不如棄養，咁我就唔會成日驚佢病，驚佢走...

當然都係一閃而過啫，我邊捨得唔要佢...就算佢上個星期打爛我食飯隻碗....

但係就係覺得自己癲癲地，D人唔知仲以為MAX有咩病TIM

MAX日日都製造屎王，新年第一份新年禮物MAX俾左一兜大屎

食量正常，仲會做到好多其他兔兔做唔到O既野：T草1ST CUT 清到九成草!(仲要今次果D草D莖一睇就知唔好食)

點解我會咁驚架....

[ 本帖最後由 firen_freeze 於 2010-2-23 12:28 AM 編輯 ]

作者: ssc314 時間: 2010-2-23 12:40:21 AM

我有時都會諗,,
佢地2個離開左我咁點算...
因為之前細個,,我屋企人養左隻狗
我以為佢呢1世都會陪住我
但有一日,,我聽到佢地講::佢老啦.........
我就覺得好驚訝......點解佢唔係陪我一世???
原來係我地陪佢一世先岩................
所以,,我好怕死同離別,,有時出街夜左,,我都會擔心..佢地會唔會出事架
有冇好好地食野,,,呢d就係做媽媽既偉大....

佢地總有1日會離開我地..........
但係佢仲有既日子入面,,我地開心過,,,幸福過,,珍惜每一分每一秒同佢地相處既時間
佢地永遠都會記得我地既...........
當然,,真心為佢地付出過既,,都會永遠記得佢地
就算佢地有1日真係離開左我
我個心,,仍然有個位置係俾佢地

何況.............兔兔咁健康~唔好亂諗野啦>#<#^36^#

作者: 光之天使)) 時間: 2010-2-23 12:47:59 AM

我都好驚架~~
時不時都會諗下~~

但係我又覺得...呢d係命...一定會有咁既一日~~
所以我地可以做既,就係當佢地仲留係度既時候,
比最好既生活佢地,令佢地愉快健康~
令佢地係呢一次生命旅程當中,快樂咁走一轉~

咁我諗就算有一日佢地要先去彩虹橋,
都會笑住咁走~

作者: elvisli 時間: 2010-2-23 01:06:16 AM

我都會有呢個諗法..MOCHA始終都會有走既一日

我知自己一定會好傷心..

但...令到兔兔一生都開心..走之前都有最愛的人陪住..就已經是最幸福不過既事情了

作者: 琳仔 時間: 2010-2-23 01:22:32 AM

我以前都會好似你咁驚..
驚到攬住隻兔喊
但原來要走始終都係留唔住..
我隻兔兔上個月都離開左我喇
要做既只有做個盡責既主人
幫兔兔影多d靚相
唔好比佢走既時候又任何遺憾
珍惜同兔兔相處既日子就可以了

作者: lingyan 時間: 2010-2-23 02:14:46 AM

我都驚ga，不過兔兔既生命就係咁短暫，
雖然佢唔可以陪我一世，但係我可以陪佢過一世。

所以而家我都盡量令佢地健健康康，少d病痛，
對佢地有健康影響既食物都唔會再俾咁多佢地食。

雖然佢地真係好百厭，又係超級破壞王，
但係佢真係令到我覺得好warm。

我曾經發夢，夢到有人搶左我2隻兔兔呀~~~~~
跟住又有其他兔主既兔兔都被人搶左 ....
訓醒之後真係喊到我傻~

作者: hh0 時間: 2010-2-23 09:36:49 AM

兔兔好地地健健康康點解亂諗野, 因住抑鬱呀
我地要保持樂觀既心理質素
先會令兔兔覺得開心幸福
始終佢地既生命相對就係咁短暫

作者: kiki_kiki 時間: 2010-2-23 11:02:10 AM

我都好怕我隻兔兔會離開我~
雖然佢而家好健康!!!
但我有時夜晚未訓著,,聽到佢"啪"一聲訓低,,,,
都會即刻彈起身開燈望佢~
不過有d野避免唔到,,,
如果佢地真係要走,,,我地都冇計,,,,,
所以我地能夠做既,,,就係比一個開心,,充滿愛既安樂窩比佢~
等佢地呢一生係活得好快樂^^

作者: otola 時間: 2010-2-23 11:03:07 AM

我有時都有咁諗, 不過好無謂,
兔兔明明在生, 做乜要諗佢死
佢健康又諗佢病, 好變態:067:

我寧願兔兔離開我先, 好過我先離開佢,
因為無人會照顧佢
而且仲有好多棄兔需要愛

作者: firen_freeze)) 時間: 2010-2-23 12:52:38 PM

我都覺自己好誇張....尤其是我喊住咁搵MAX，佢知我唔開心架.(雖然好快又變返原本咁樣跟住我尾乞食)

不過原來唔止我一個咁驚......

希望再過一排唔好咁癲啦.

作者: bonedog 時間: 2010-2-23 05:42:31 PM

我有時都會諗架, 尤其係聽到身邊朋友既動物有事個時..個幾日就特別諗得勁

作者: 草莓kiko 時間: 2010-2-23 06:15:30 PM

養大眼仔果陣我仲諗住我地會相處起碼5年ga....
點知相處1個星期都唔夠就離開了....
所以今次我都有d陰影.....
我好驚大力有日會突然有事........
不過冷靜地想想...其實呢d都係天意黎ge....
唔單止係兔兔....就算人都係1樣.....
touchwood可能有日我地至愛的人都會突然離開......什至係我自己.....
所以每天都應該好好珍惜身邊的人和兔兔=]

歡迎光臨 PetKD 寵物網 (寵物領養、資訊廣告、用品買賣及寵奴互動平台) (https://petkd.com/)