PetKD 寵物網 (寵物領養、資訊廣告、用品買賣及寵奴互動平台)

標題: Mocha 走了..走了... [打印本頁]

作者: elvisli 時間: 2010-3-19 05:20:40 AM 標題: Mocha 走了..走了...

19/3 早上4點..mocha叫了很多聲...把我嚇醒了...見到佢在抽搐...我抱起他想令冷靜下來

但抱在我懷之時...就斷氣了....停了...完了...世界就好似不在現實之中...

mocha身體就軟了下來...所有回憶都在眼中浮現...

仔...你叫我怎麼辦...到最後還頑皮的在我身上賴尿..是否要話我知...你嬲我工作關係而疏忽了你

你叫我怎向所有姨姨交代...我怎想你媽媽交代...你走得太突然了...

我不應太安心上床訓..應該陪著你...我真的很自責...很心痛...

你的一生都付在我身上...

希望這一天不是真...是夢...

[ 本帖最後由 elvisli 於 2010-3-19 05:23 AM 編輯 ]

作者: 波丸媽 時間: 2010-3-19 06:07:11 AM

.............................
真的嗎...........
我接受唔到.............
點解會咁突然.......
我控制唔到自己既心痛同眼淚

mocha........
.............你一路走好...........
你要乖,聽話,好好起彩虹橋生活,唔會再有病痛
mocha爸,節衰.....

[ 本帖最後由丫芷^0^ 於 2010-3-19 06:09 AM 編輯 ]

作者: Vinkivan 時間: 2010-3-19 06:36:50 AM

估唔到上次嘅兔聚, 會係我見MOCHA嘅最後一次....

記得佢嗰日俾畢仔追到DUM地... 佢真係好有性格, 好得意... 回想返嗰日嘅MOCHA, 真係覺得佢好攪笑~~~~

冇諗過... 呢個情景再見唔倒..........

MOCHA嘅可愛臉永遠都會喺各位兔爸兔媽心中... 我哋會永遠掛住佢~~~~

MOCHA.. 你要乖仔呀~ 去到彩虹穚唔駛怕, 嗰度會好開心, 會有好多朋友仔咖~ 唔好再要兔爸兔媽擔心, 好好生活~ 如果見倒波子同湯丸, 要同佢哋一齊開開心心, 幫我問候一下佢哋呀~!!!!!! 一路好走.......... MISSING YOU~~~T_T

作者: hh0 時間: 2010-3-19 06:38:29 AM

真係好突然,
昨天還滿懷希望你會再一次打勝仗
可是今天一早已經.....
mocha R.I.P.

作者: kiki_kiki 時間: 2010-3-19 07:08:54 AM

mocha爸唔好唔開心,,
mocha去到彩虹橋會識到好多朋友仔~
仲會同我波波做朋友~
佢地唔會再有病痛~唔會再辛苦!!
加油!唔好咁傷心!!!!!

作者: cordero 時間: 2010-3-19 07:12:08 AM

MOCHA一直同個病搏鬥辛苦了累了
MOCHA爸唔好太唔開心
兔地係彩虹橋無病無痛,又有咁多朋友仔,會好開心架

作者: casuta 時間: 2010-3-19 07:24:56 AM

一早比係msn叫我收到咁既消息~~我都覺得好突然~~放鬆點吧~~

作者: 陳皮妹 時間: 2010-3-19 07:31:42 AM

mocha爸,呢個時間都唔知講咩說話好,
冇睇到你上一個post,唔知mocha出咗事,
睇到呢個主題,還以為你在開玩笑,
點知...對唔住,冇同mocha仔打氣,
而家唯有同mocha講聲:一路好走!!

作者: katkat 時間: 2010-3-19 08:12:36 AM

mocha爸：節哀順變。mocha叫醒你，要在你懷抱中才離開，可見牠有多重視你這位兔爸。想信mocha現在已脫離病痛，在彩虹橋開心地跑跑跳跳。
mocha：雖然兔爸已不在你身邊，但你在彩虹橋要開心地生活，不要再百厭喔！

[ 本帖最後由 katkat 於 2010-3-19 09:32 AM 編輯 ]

作者: smallsuishan 時間: 2010-3-19 08:39:14 AM

看到這個消息不禁流下淚.....
mocha 一路好走 ... 永遠懷念你
mocha爸有需要找我們吧...不要太傷心

作者: emily_520825 時間: 2010-3-19 09:18:14 AM

我仲黎唔切為mocha加油.........Mocha 爸 RIP....#^56^#

作者: 珊迪小姐 時間: 2010-3-19 09:23:01 AM 標題: R.I.P

雖然我無親身見過摸過mocha
但知道尼個甘突然既消息都覺得好難過 #^3_002^#
mocha並沒有走到佢永遠都會活係大家既腦海中

相信好多兔爸兔媽都會好支持mocha爸你既
希望你節哀順變啦

作者: minima 時間: 2010-3-19 09:51:13 AM

mocha rest in peace
有一個愛你的爸爸, 你一定已經很幸福, 在彩虹橋快樂地笑著

mocha 爸,
能夠在你的懷裡離開, mocha 是幸福的

作者: 津津豬 時間: 2010-3-19 09:51:47 AM

今早見到這消息,真的太突然了, 也哭了, 由於我也經歴過兔地離開我的痛苦, 所以我很明白 Mocha 爸的心情, 不用太自責啊! Mocha 会係彩虹僑和其他兔地們生活得開開心心的.

作者: otola 時間: 2010-3-19 10:06:04 AM

十億萬個不願意, 不願意看到這些消息 :044:

mocha rest in peace

作者: happygirl2009 時間: 2010-3-19 10:19:44 AM

我都好難過,因為實在太突然了.......
mocha爸,撐住呀!!!!!!!!!!!!!!

Mocha係彩虹橋會開開心心地看守住牠最愛的家人
R.I.P

作者: hamster1013 時間: 2010-3-19 10:20:15 AM

剛收到sms知道時心想，不是吧！！整個人都呆住了，心好痛好想喊，但係我在返工，又唔可以喊出嚟......天啊！估唔到上次兔聚係最後一次見到mocha你，我仲好記得當時我話好鍾意你隻腳仔好大隻......Mocha你一路好走，到彩虹橋開心快樂生活，永遠懷念你！！

作者: aina 時間: 2010-3-19 10:20:36 AM

這消息真的很突然.....
mocha爸..不要難過....
彩虹橋上, mocha會有很多朋友仔陪伴他牠.....

作者: BB囡 時間: 2010-3-19 10:23:59 AM

真係太突然啦!~~睇到好心痛呀!~~
尋日仲諗住佢會冇事...
不過你都唔好咁自責啦..
我知你係一個好爸爸黎...
佢係彩虹橋一樣會好開心嫁..

作者: FATO_W 時間: 2010-3-19 10:27:11 AM

MOCHA.....真係好突然
由我上FORUM開始就認識MOCHA依隻兔兔
雖然無親眼見過佢同摸摸佢
但係MOCHA係一隻好可愛既兔兔
MOCHA爸對佢既愛我都感受到
希望MOCHA係彩虹橋開心咁玩..健健康康
MOCHA爸..唔好太難過 MOCHA最後叫你係你懷中走相信已經滿足...

作者: kwaikwai 時間: 2010-3-19 10:31:54 AM

在FB見到兔友們講...
特意上來.......

mocha爸爸不要太傷心...他走前有你在旁已經好好...
他也不想你傷心呢....
在彩虹橋有好大地方比佢自由走動, 有大量的違禁品比佢食, 有好多兔地陪住佢....didi一定會和他做好朋友!!!

如果需要有關走後的資料可pm我....

作者: choi_ching 時間: 2010-3-19 10:40:03 AM

係Facebook度睇到其他兔友講里個消息時,我唔敢/唔想相信係真既
雖然我從來有親眼見過Mocha,但佢既可愛同活力我係感受得到
佢走之前有你係陪住佢,,,,佢已經好滿足架啦請你唔好太自責
R.I.P. Mocha,,,Mocha爸你要振作丫><

作者: tracy)) 時間: 2010-3-19 10:59:46 AM

我尋日見到mocha睇完醫生,仲諗住會好快無事......估唔到.....
mocha爸你都唔好咁傷心啦,佢走果時有你陪住,佢已經好滿足架啦
佢宜家一定係响彩虹橋度開開心心咁玩緊架啦...

作者: Jessie)) 時間: 2010-3-19 11:01:14 AM

mocha.....點解會咁突然..........................mocha點解會咁嫁...
mocha 爸媽節哀順變....mocha而家一定係同好多小朋友係彩虹橋玩...
唔好咁傷心....大家都覺得好突然好可惜...~~嗚..........

To mocha: 要幸福快樂咁係上面生活下去~同小科做個好朋友丫~~

作者: BarbaraFok 時間: 2010-3-19 11:04:30 AM

一上黎見到呢個post, 個心一沉........
估唔到上次兔驟係第一次見到Mocha但亦都係最後一次
好鐘意Mocha, 好大隻....
Mocha爸, 你要震作呀
Mocha會係彩虹橋玩得好開心架
唔會再比畢仔追到dum地
Mocha, 一路走好, 我會永遠卦住你....

作者: wesky 時間: 2010-3-19 11:04:47 AM

今朝搭地鐵睇到個標題,太震驚...真希望你講緊笑..希望唔係發係呢個區...
最近睇返之前既相, 兔聚示範餵草粉既相, 迪欣湖既相, 一切黎得太突然, 一時間無法接受...
Mocha 爸你要振作, 佢仲有事要你做

作者: hkrchei2 時間: 2010-3-19 11:25:53 AM

雖然我冇見過mocha~~ 但係呢度睇過佢既相~~
知道mocha 係個好可愛既小朋友~~~
放心啦~~ 中津會同mocha 係彩虹橋好開心咁生活呀~~~

Mocha 爸加油丫~~ 努力丫~!!!!

作者: elvisli 時間: 2010-3-19 11:47:20 AM

由衷的多謝你們的祝福..到而家我還未控制到自己的眼淚...我太無用

安排了寵之天國即日火化.12點會有車黎接mocha..我..跟mocha媽....2點會入火化爐

想簡單的讓mocha走..好想讓可愛的樣子永遠留在我心...不想拖多幾日..我怕mocha會開始變樣..所以想一次做好最好的事

打了去醫院向昨天為mocha睇病的姑娘...姑娘聽到消息都覺得驚訝..好多謝dr yen 同 betty一直都盡心盡力醫好mocha

可惜今次mocha捱不住了..還記得晚上我跟他細語..要他快快好過來..還本想約波波去大棠玩呢,但一一都是遲了

是我鬆懈了...作為版主平時教人養兔..我真是自愧不如...我應該可以再好了....但我無做到..我好多個遺憾

好多說話未同mocha講...但已經太遲...希望mocha在這個家3年來是過的開心的...但mocha你不用告訴我我也知

你心是有我的...是愛我這個寵壞你的老豆

[ 本帖最後由 elvisli 於 2010-3-19 11:57 AM 編輯 ]

作者: bonedog 時間: 2010-3-19 11:56:12 AM

岩岩先知道呢個消息, 好shocking..亦都好難過好傷心
mocha爸..唔好太難過啦
mocha會知道你一直以黎對佢既好, 唔好怪自己啦,
願mocha係彩虹橋過得開開心心..
要振作呀！

[ 本帖最後由 bonedog 於 2010-3-19 11:59 AM 編輯 ]

作者: mandycpi 時間: 2010-3-19 11:58:59 AM

振作呀! Mocha爸..
別遺憾..因為你同Mocha有一段共同回憶..

我相信你想同Mocha傾計時, 佢隨時都會聽到...

作者: guggg 時間: 2010-3-19 12:18:59 PM

mocha可以係你懷抱中走你又陪住佢 mocha已經唔會怕
希望mocha爸唔好咁傷心
mocha真係好可愛
佢宜家一定好開心咁係彩虹橋

作者: 光之天使)) 時間: 2010-3-19 12:27:53 PM

真係太突然...
我岩岩訓醒上黎就見到呢個標題..
嚇左一嚇...以為係第二隻mocha...

實在係太突然喇...
之前以為係小病...上次捱過左,今次都會無事...
估唔到原來咁嚴重..

mocha爸~
你要振作呀~
mocha特登叫你,係你面前走...係想好好同你道別~
一定都唔想你咁傷心~~
mocha會過得好好架~~~一定~

作者: otistou 時間: 2010-3-19 12:52:55 PM

太突然了:050:
ｒｉｐ＝（

作者: chocolate301 時間: 2010-3-19 12:54:48 PM

雖然冇見過MOCHA~
但我記得我第一次上o黎呢度已經覺得mocha好可愛~
而且睇得出mocha 爸你好錫mocha!

估唔到會咁突然...anyway, mocha爸你要振作呀!!
mocha一定會o係彩虹橋開開心心o架~~

R.I.P.

作者: elyse)) 時間: 2010-3-19 01:08:31 PM

不要這樣子了.....
要哭就放聲大哭好了...mocha最喜歡真實的爸爸
他喜歡走浪子路線,做自己喜歡做的事
不受拘束
他沒有離開你和兔媽,還在你們心中,回憶中.........

一天你們定能在天上相遇

作者: biomama 時間: 2010-3-19 01:09:22 PM

Mocha一定會在彩虹橋快樂生活
Mocha爸振作呀．．你都要過得好好呀！

作者: firen_freeze)) 時間: 2010-3-19 02:44:57 PM

仲記得之前你拎過mocha d黃金便便黎玩....

令我又貪得意拎max d便便黎玩...

上次朗莎便便相到而家見到都仲識笑，估唔到mocha 已經唔o係度啦...

mocha...rest in peace

作者: lingyan 時間: 2010-3-19 03:33:49 PM

上堂之前咪媽突然同我講MOCHA走左，
我都唔係好信，到佢開俾我睇，我先信...
尋日先睇完醫生 ....

MOCHA 一向都走浪子路線，
但浪子走前都用盡氣力叫爸爸，
佢知道，呢個世上最痛愛佢既人就係爸爸。

MOCHA 你一路順風呀，
要係彩虹橋開心生活，以後再無病無痛，
記得幫我照顧妹妹同布甸呀。

作者: PhoenixY)) 時間: 2010-3-19 04:41:02 PM

雖然我冇見過Mocha, 但都有留意昨日的標題, 今日一見到這個標題都覺得好突然, 一路諗"唔係呀嘛". 明明昨日還在生, 今日就離去了. 但只少你可以陪著Mocha走完最後的路, 請節哀....RIP. 你要支持下去.

作者: `Shusonbaby||' 時間: 2010-3-19 04:54:43 PM

MOCHA仔...
由我第1日黎mini-house 你baba 就覺得coffee同你好似樣...
我就一直留意你....
我成日都想起兔聚到見到你...但我冇一次有去....
估唔到...mocha..#^56^#
我都好唔捨得你T____T!!!!
MOCHA!!!!!!!!!!!!!!!!!!!!!!!!!!!!!!!!

作者: 喵女)) 時間: 2010-3-19 05:08:47 PM

太驚訝活躍會員mocha竟然會走得咁突然！好難過，，唔好太傷心了，，加油！

作者: stephanielwk)) 時間: 2010-3-19 06:55:37 PM

Mocha,我係Stephanie姐姐!
雖然只係上年11月兔聚見過你一次,亦冇抱過你同你玩!
不過印象中你係一隻好有活力好靚仔既賓尼兔!
希望你係天堂過得幸福快樂!

作者: small_tra 時間: 2010-3-19 07:26:47 PM

我仲好記得上次兔聚mocha你好乖~試範食草粉比我地睇架~!

睇到e個標題....我真係好唔相信~!

冇諗過咁可愛o既mocha會離開我地~!

e個消息...真係令到我打冷陣~!

mocha爸媽~~你地要每一日都要過得開開心心~

e樣要求~應該mocha係最希望你地做到~!

mocha..你在彩虹橋唔好再做獨行俠,浪子啦~!

要同朋友仔玩得開心d~!

[ 本帖最後由 small_tra 於 2010-3-19 07:28 PM 編輯 ]

作者: 尤尤 時間: 2010-3-19 07:39:41 PM

我睇到個標題...
仲以為邊個MOCHA添T^T
估唔到真係你.....
真係好突然....
睇到呢個消息都即刻成個人DOWN哂....
估唔到上次既兔聚...係我見MOCHA既最後一次....
我地會永遠記住你架~
MOCHA一路好走 ...
elvisli你要振作呀~mocha都唔想見到你一直唔開心落去....
mocha有你呢個主人...已經係佢人生裹面最開心最美好既事.....

作者: ka@+ 時間: 2010-3-19 09:21:38 PM

今日終於可以放低功課同project上下黎..
點知一開就見到呢個消息..
突然喊左出黎..
雖然我未見過mocha..
但係次次見佢啲相都好想摸下佢..
希望佢喺彩虹橋過得開心啲=]

作者: kikocheese 時間: 2010-3-19 10:08:44 PM

岩岩睇到個標題,仲以為你又幫mocha影既得意相,點知................
雖然我無見過佢,但係我知道佢係一隻好得意,活潑既兔兔,佢雖然離開左,但係永遠都會係我地個個兔友既心...........
mocha爸,希望你唔好太難過,加油呀,快d平復番心情,我諗mocha係彩虹橋都唔想見到你咁唔開心,撐住呀................
mocha:希望你係彩虹橋會開開心心同其他小朋友玩,如果見到小白,幫我問候下佢,同佢講聲我好掛住佢呀,記得開開心心,唔會再有病痛呀...................

作者: elvisli 時間: 2010-3-19 10:09:52 PM

多謝今日去陪mocha走最後一程的朋友..wesky..布甸爸媽..hill爸媽..小米...bonnie..好衷心多謝你地

有你地陪住我同mocha媽..我感到不孤單..這是mocha修來的福..有你們的愛錫. mocha一定會知道...一定會

回到家後..是同一樣的情境.但回到家來卻沒有了mocha的身影..我聽了大家話..食了小小東西..之後睡了一覺

到食飯時間起身..以前張開眼..總有mocha在面前傻傻的扒在地下..好像是在等老豆訓醒..要開餐的樣子

但而家只得番回憶.打開電腦的相片...最後一緝是跟大家兔聚的那一緝..傻傻的..圓圓的..

屋企每一個角落都有mocha的片段...我終於深深的記住了摸著他柔軟手仔的感覺..摸頭仔的感覺

這將永遠放在我心中...

本來將會跟家人搬到新屋企..憧憬mocha終於有跟我的自己一間房..有自己的小天地..不用再困在籠了..

但而家已成泡影...夢想永遠都不能實現了

我自責..我應該要照顧他更好..他病的時候..我沒有帶他入房訓..我應該迫mocha在廁所肯大便後才上床訓

但我太大意了..我低估了..我知我應該做得更多..我沒有盡全力..不應放他一個自己在廳

如果有帶他入房令他可以望住我..可以有冷氣涼..我知道mocha是有機會捱得過的..但我大意了..真的大意了..

我枉為人地老豆...我應該更早發現屎屎變細粒了..但我沒有..是我的責任

好多謝為mocha送上祝福的兔友..mocha成為了小天使..去了新的國度...

mocha的物品我未有決定要怎處理..之後我會向大家交代...謝謝

[ 本帖最後由 elvisli 於 2010-3-19 10:12 PM 編輯 ]

作者: smallsuishan 時間: 2010-3-19 10:22:01 PM

請不要自責
你是一個很盡力愛mocha的爸爸

答應我們
答應mocha好好照顧自己

在這幾天甚至幾個月可能你會不習慣沒有了mocha
但記住 mocha只是用了別的方式生活 mocha仍然與你和mocha媽同在
mocha只是提早到兔仔國與其他兔仔一同生活
在那邊mocha也會生活得很好 mocha會在天國看著你所以你要好好照顧自己

朋友不用說謝..
當是我們為mocha奉上最後的心意

作者: sheepman 時間: 2010-3-19 10:26:53 PM

我都唔係太接受到...
即使我未見過mocha,我唔識mocha爸
但通過網上面睇住mocha d相
同mocha爸講過幾句野
而家覺得好親切
mocha爸你已經盡晒力，加油捱埋呢段日子
mocha都唔希望你傷心..

作者: terrychu33213 時間: 2010-3-19 10:59:51 PM

Hill媽說得好~
"朋友不用說謝..."
我們也只能夠做到這一點兒吧了!!

Elvis唔好再咁樣自責喇!
你絶對係一個盡責o既爸爸,
Mocha有你哩個爸爸一定覺得好自豪.
Mocha只係換咗個方式生活,
但係佢依然都與你常在,
因為佢永遠都活喺你心入面o既!!
而Mocha亦會喺天上面默默咁守護住你同Mocha媽,
Mocha會喺彩虹橋一個無痛苦又快樂o既地方繼續生活~

作者: blueca25 時間: 2010-3-19 11:36:55 PM

我可說是mini house嘅常客, 但好少出post...
不過, 我對mocha呢個名,對佢可愛嘅樣子一啲都唔佰生.
今朝係公司睇到呢個post...個心好酸...
但我深深明白到, 生命總有一個期限
期限一到...任何人都阻止唔到. 唔好責怪自己.
相信mocha 係你身上已經得到佢一生一世嘅幸福同快樂.
mocha並無走到, 佢一直係你個心度, 係你記憶當中,
佢同你一齊嘅一點一滴, 都刻咗係你生命裡面,唔會刪除

祝福...在彩虹橋嘅mocha
祝福...mocha爸掁作, 生活安好

作者: ssc314 時間: 2010-3-19 11:41:46 PM

r.i.p mocha.
雖然我未見過你,但對你個名我都有3分親切感
一睇到呢個msg,真係唔太想,so sadness
但你去到個到至少mocha爸唔洗再為你操心!!
振作mocha爸,,佢而家好peaceful架啦

作者: 小米 時間: 2010-3-19 11:58:09 PM

mocha仔, 姐姐好掛住你,
好掛住跟你去迪欣湖玩時, 你傻傻的跟住我
好掛住你既臭脾氣,
好掛住你既大跺步,
姐姐覺得你很幸福,
走的時候有爸媽一直陪伴在身邊, 又有咁多哥哥姐姐送你、祝福你
你一定很想安慰那還在自責的傻爸
那麼, 你一定要多到夢裡告訴爸鎷:
你現在過的很好, 亦要爸爸過的更好
要重新振作, 好好的照顧自己和媽媽

作者: redbean 時間: 2010-3-20 12:38:03 AM

見到呢個 post 真係好突然,
好唔開心
平時成日見到 Mocha d 相....
覺得好似好熟悉咁
對Mocha 都產生了感情...

elvisli, 你唔好自責
其實你已經做得好好
唔好令 Mocha 走得唔放心

Mocha 宜加應該健健康康咁同其他兔兔玩緊

振作呀...

作者: locke_siu 時間: 2010-3-20 01:15:13 AM

mocha爸, 你唔好再自責la,
為左兔兔你一定好多晚冇好好咁休息過,
為左兔兔你一定一直都擔心到食唔安,坐唔樂,
即使係凌晨4點, 即使隔住房同廳,
你都仍然可以陪住 mocha走上最後一段路,
我知你已經盡左最大既努力架la

我相信mocha 佢都會感受到你默默既付出架,
佢會係彩虹橋到睇住你架, 感受你既情感,
所以你一定要快d振作,
話比天國既mocha 知叫佢唔使擔心呀,
等佢可以係天國快快樂樂咁過呀

作者: 喵喵 時間: 2010-3-20 01:15:13 AM

希望ｍｏｃｈａ去到彩虹橋開心生活啦∼
ｍｏｃｈａ爸你都唔好太傷心了∼　
仲記得塔門之旅ｍｏｃｈａ同喵喵玩得好開心
我岩岩都同喵喵講左佢個朋友走左了．．．　＞＜
ｍｏｃｈａ爸你已經盡左你既責任　ｍｏｃｈａ已經感覺到你對佢既關懷同關心
你係一個好好既兔爸呢　請不要再自責了∼∼
ｍｏｃｈａ去到彩虹橋有同佢一樣樣的兔兔同佢玩∼　不會寂寞的∼

作者: Vinkivan 時間: 2010-3-20 01:33:51 AM

兔兔嘅離開, 並唔會係每一個盡責嘅主人所希望的, 你喺MOCHA生前為佢做嘅已經好多, 我相信佢會知道, 亦會感受到, 你唔好太自責喇~ MOCHA走前都大叫去通知你, 証明佢真係好愛你呢個老豆, 佢無悔曾經生活喺你呢個家, 雖然只係短短嘅三年, 但MOCHA會感到幸福、快樂... 你永遠都係佢好爸爸, 佢永遠都係你嘅乖仔, 即使佢已經離開, 但你哋之間心中嘅連繫係唔會分離, 係會永永遠遠咖~ 你要加油呀~~~ 我哋會為你打氣~!!!!

作者: neutraly 時間: 2010-3-20 04:07:53 AM

無上黎一排,估唔到一上黎就收到咁0既消息...
我仲好記得mocha係兔聚強而有力0既dum地聲,由於佢腳仔大.最大聲係佢!^^

mocha爸媽.好好保重!係彩虹橋會有好多兔地同mocha一齊好好咁生活!
不要太難過及自責!:020: mocha都唔想見到你咁樣!

我都曾經陪過一隻兔仔走完佢一生一段路!好明白你感受.
抱住佢喊足一晚,直至佢咕一聲+瀨尿...真的崩潰了...
好心痛!係真係喊到心口痛個d痛.......事後亦同你一樣好自責...
點解唔早d帶佢去睇醫生.疏忽左.經一事長一智,之後再養.
有咩事我都會好留意,知道兔地0既病情可以惡化得好快.
同埋腸比較差,有乜唔妥都即刻帶佢睇醫生.雖然前一隻兔仔犧牲左..
但都唔係白費,可以比我地知道養兔地有乜不足,下次可以更小心.

mocha爸..mocha會明白你的!不要自責!多多休息...

作者: 波丸媽 時間: 2010-3-20 05:19:35 AM

Mocha爸
你不要自責
小山講得岩,你係個好爸爸
mocha到最後都要叫到你醒,都係因為佢想見埋你最後一面先走
老實講,你為佢做既,已經比好多人好太多啦
mocha亦深知你愛佢
佢會好好生活,起天國看守你地架
你地都要振作呀
mocha永遠活在我們心中

作者: 千千 時間: 2010-3-20 10:59:32 AM

mocha 爸"
你唔好難過la":050:
mocha 係彩虹橋" 笑住甘望住你牙":039:
你都唔好要個仔擔心l"
知無:038:

作者: kolgnat 時間: 2010-3-20 02:51:56 PM

雖然我係mini-house既日子唔長..對你同mocha都冇好大既認識..
但我知道你為左mocha已經付出左好大努力, 而mocha都一定感受倒你對佢既愛!
mocha係彩虹橋上一定會視你為佢既驕傲! 因為你係佢既所有, 美麗既所有!

作者: MOURINHO 時間: 2010-3-23 12:09:12 AM

我冇上來一排...就發生咁既事....R.I.P
希望Mocha 同上面兔兔玩得開心d啦....:050:

作者: 耶律 時間: 2010-3-23 12:24:59 AM

um....mocha已得到最好的照顧...mocha屋企人要振作..多休息...不要內疚過去的...
mocha在天國好好生活啊..

作者: 勞仔 時間: 2010-3-23 03:33:45 PM

很久沒上線了，昨晚在fb看到這個消息，很突然!!
Mocha..一路好走。
r.i.p

作者: otola 時間: 2010-3-23 04:32:59 PM

mocha rip
mocha 爸加油

:054:

作者: makoi 時間: 2010-3-23 06:01:18 PM

希望mocha 在天國生活得快快樂樂

生命來得短暫各位要珍惜和兔兔相處的時間

經一事長一智

[ 本帖最後由 makoi 於 2010-3-23 06:03 PM 編輯 ]

作者: 明月 時間: 2010-3-23 06:35:31 PM

好突然…
mocha爸媽你們要振作

作者: jimlam 時間: 2010-3-30 12:23:40 PM

mocha係呢三年來得到嘅照顧，可能已經好幸褔
生命的期限，無人會知道...

既然Mocha 呢三年都送俾mocha爸開心的時間， mocha 爸就讓mocha 輕輕鬆鬆咁走，無謂要讓你的小朋友背上沉重包袱走下去....

心痛...自責一定會有...但不要太久，因為mocha 會捨不得走開，想安慰你...等你平伏後才走上彩虹橋KA....

歡迎光臨 PetKD 寵物網 (寵物領養、資訊廣告、用品買賣及寵奴互動平台) (https://petkd.com/)