PetKD 寵物網 (寵物領養、資訊廣告、用品買賣及寵奴互動平台)

標題: 波兒大戰血洗兔爸手 [打印本頁]

作者: Vinkivan 時間: 2010-4-30 02:04:00 AM 標題: 波兒大戰血洗兔爸手

呢件事已經發生喺十日前, 原本唔打算POST出嚟, 不過, 見好多時有兔友都會為咗俾兔兔咬親/抓親少少都覺得好似好大件事, 會嬲兔兔或者唔開心等等... 我就想希望借住兔爸今次俾波兒嘅傷害同大家分享下。

事原... 有晚波兒尿咗喺啲草草上面, 攪到腳仔濕咗, 因為波兒氣力甚大, 而且細隻又易甩手, 所以我就用毛巾抱住反轉佢梳兼用毛巾抹腳底, 但整咗一陣佢就反抗要離開, 我當然唔會俾佢走啦~ 但佢實在太大力, 我又怕整親佢, 結果俾佢走甩咗, 兔爸就即刻抱起佢, 波兒當然係極力反抗, 結果... 兔爸嘅手得出三條血痕, 即使抹過同搽咗透明膠布, 啲血都仲係繼續流, 攪咗好耐先止倒血......

止咗血之後留低嘅血痕

但... 兔爸冇因為咁而嬲咗Boyee, 亦冇唔開心, 因為佢明白到, 兔兔係唔喜歡受約束, 更加唔喜歡俾人抱, 佢要爭紥離開, 完全因為要保護自己, 而佢亦都冇心去傷害兔爸。其實... 即使平時Cookie同Boyee都好鍾意無啦啦咬兔爸, 但兔爸一樣會用包容嘅心去原諒佢哋, 因為, 我哋係佢哋嘅爸爸媽媽, 仔女做錯事又計得幾多呢??

以上... 希望各位曾經歷或將來會遇到兔兔咬/抓痛自己, 都會用包容嘅心去對待佢哋, 唔好再覺得兔兔點解會咁對我?? 其實兔兔又點會去專登傷害你呢????

另外, 見好多兔友都會問, 兔兔係咪真係咁唔鍾意俾人抱? 其實...絕大部份嘅兔兔都唔鍾意俾人抱, 如果要做一啲非抱不可嘅事, 例如: 剪甲, 梳毛... 可以用春卷式嘅方法去抱, 咁就會減低兔兔無意傷害自己嘅機會, 因為唔想俾兔兔傷害自己, 並唔係希望佢哋會懂得去唔傷害我哋, 而係我哋自己要懂得如何去防範俾兔兔傷害, 即使真係俾兔兔傷害, 亦應該懂得體諒佢哋, 咁樣先可以同兔兔建立良好嘅關係。

作者: connie0909 時間: 2010-4-30 02:14:42 AM

嘩..好恐怖啊!!!:022: 睇到都痛...
我諗佢唔想你抱個陣就唔好再去抱佢..等佢平靜小小先...
因為我冇試過咁....我兔兔鐘意人抱..

作者: kikocheese 時間: 2010-4-30 02:38:05 AM

原帖由波子於 2010-4-30 02:04 AM 發表
呢件事已經發生喺十日前, 原本唔打算POST出嚟, 不過, 見好多時有兔友都會為咗俾兔兔咬親/抓親少少都覺得好似好大件事, 會嬲兔兔或者唔開心等等... 我就想希望借住兔爸今次俾波兒嘅傷害同大家 ...

我上次就係俾KOBI抓到好似你幅相咁,不過係係大脾一大條,就算而家過左咁耐都仲有<啦>,不過個時我都好似你咁,無嬲到佢,因為知佢係唔鍾意先至走,我初初都無為意到,係幫佢剪完之後發覺那那地先知,但係個時反而仲傻傻下咁笑,其實我覺得都算係一種樂趣黎架...........:023:

作者: fishbu 時間: 2010-4-30 03:02:41 AM

比佢地咬/整親唔會唔開心唔會嬲,,仲驚佢地唔舒服tim!
但好似狗仔咁,,佢地有時都會咬人,,唔通你由得佢咬= =?
兔兔掙扎想保護自己咬我唔緊要, 最怕係養成壞習慣:020:
之前睇animal planet D program, 有個節目係幫D pet owner改善雙方關係既,,
有1次講有個男人養貂,,養左一段時間之後成日咬佢, 冇啦啦就咬
跟住見到咩人都照咬不誤
主持人同vet就問男人點解會咁,,個男人講番以前既事
發現隻貂會咬個男人係因為第1次咬佢果陣個男人冇stop佢,
第2次仲比野佢食,, 結果隻貂就變本加厲,,想食野就咬個男人...:003:

= =講左咁耐都未到point...其實我係想講..
就算佢地整到我流晒血都好,,我都唔會嬲/怪佢地,,
只係唔明,,唔通真係冇可能令佢地乖乖地比我梳毛剪指甲:016:

作者: Vinkivan 時間: 2010-4-30 04:21:38 AM

原帖由 fishbu 於 2010-4-30 03:02 發表
比佢地咬/整親唔會唔開心唔會嬲,,仲驚佢地唔舒服tim!
但好似狗仔咁,,佢地有時都會咬人,,唔通你由得佢咬= =?
兔兔掙扎想保護自己咬我唔緊要, 最怕係養成壞習慣:020:
之前睇animal planet D program, 有個節目係幫 ...

我哋嬲佢唔代表冇罰佢, 我都會即時鬧佢, 同埋要罰佢坐監, 只係我哋唔會為咗咁而嬲佢或唔開心~!!

其實兔兔本身好有主見, 佢哋唔鍾意人類做一啲佢唔鍾意嘅嘢, 自然就會掙扎, 當然唔係所有兔兔都一樣, 但如果你想佢乖乖咁俾你抱住剪甲或者梳毛, 而兔兔嘅性格係剛強嘅話, 唯有用春卷法係最好, 不過, 少數兔兔係唔WORK咖~ 就好似波兒咁, 春卷法都走得甩, 死未??

作者: Vinkivan 時間: 2010-4-30 04:26:23 AM

原帖由 connie0909 於 2010-4-30 02:14 發表
嘩..好恐怖啊!!!:022: 睇到都痛...
我諗佢唔想你抱個陣就唔好再去抱佢..等佢平靜小小先...
因為我冇試過咁....我兔兔鐘意人抱..

我哋平時好少抱佢, 只係嗰日佢隻腳濕晒, 所以局住要抱佢抹~!! 佢啲指甲好鬼尖利, 我試過抱住佢嗰陣放佢落地, 佢隻腳係咁易"HI"過我大脾已經可以有一條滕條痕, 仲係腫腫哋嗰隻, 但佢啲指甲又唔長, 唔剪得, 有兔友叫我用指甲挫, 但佢啲指甲好細粒, 拎唔住嚟挫, 依家唯有冇乜必要都唔會抱佢, 梳毛都係要佢瞓喺地先梳~!!

其實兔爸呢三條痕係如同俾人用大界刀界咗三下咁, 真係勁驚~!!

作者: Vinkivan 時間: 2010-4-30 04:29:22 AM

原帖由 kikocheese 於 2010-4-30 02:38 發表

我上次就係俾KOBI抓到好似你幅相咁,不過係係大脾一大條,就算而家過左咁耐都仲有,不過個時我都好似你咁,無嬲到佢,因為知佢係唔鍾意先至走,我初初都無為意到,係幫佢剪完之後發覺那那地先知,但係個時反而仲傻傻下 ...

兔爸三條唔止痕咁簡單, 其實係深到可以"MARK"開睇倒入面啲肉, 我嗰日見倒都心寒, 有點似割脈自殺~!!#^15^#

作者: smallsuishan 時間: 2010-4-30 10:11:18 AM

波兒曳曳豬丫!!!
何Hill大哥叫你乖D丫~~

作者: 天才文仔 時間: 2010-4-30 10:17:24 AM

有日睇報紙廣告見到"快圖尾"有款動物磨甲器唔知有無用
類似咁既樣:

附件: _ABc-500-1.jpg (2010-4-30 10:17:24 AM, 118.86 KB) / 下載次數 87
https://petkd.com/forum.php?mod=attachment&aid=MTk5MzZ8MjVmNmZhMDB8MTcxODM3NDY2MXwwfDA%3D

作者: katy)) 時間: 2010-4-30 10:21:57 AM

BB D指甲係會利/尖D，呀B細個成日都抓到我損哂. 兔爸仲話我咩事界手.........#^37^#
而家呀B青年期指甲平左，抓都唔會話腫加流血.

最慘係BB要成日捉佢抺腳冇得避.

作者: Vinkivan 時間: 2010-4-30 10:32:41 AM

原帖由 smallsuishan 於 2010-4-30 10:11 發表
波兒曳曳豬丫!!!
何Hill大哥叫你乖D丫~~

呢個星期佢已經乖咗啲, 之前嗰個星期唔知做乜成日搬廁所, 仲衰到係兔爸一返咗工先嚟搬, 唔知係咪專登激我 >.<
俾我鬧咗幾日, 終於搬少咗, 之前一日幾次, 依家間唔中一次, 我就嚟要扣實個廁所咖喇~!!!!!

Hill Hill, 你真係要幫我教下你個契妹點樣可以好似你咁乖啊~^^

作者: Vinkivan 時間: 2010-4-30 10:33:34 AM

原帖由 天才文仔 於 2010-4-30 10:17 發表
有日睇報紙廣告見到"快圖尾"有款動物磨甲器唔知有無用
類似咁既樣:

咁得意嘅?? 不過真係唔知兔兔用唔用得, 始終佢哋啲手指腳指唔同貓貓狗狗咁~!!!!

作者: Vinkivan 時間: 2010-4-30 10:35:34 AM

原帖由 katy 於 2010-4-30 10:21 發表
BB D指甲係會利/尖D，呀B細個成日都抓到我損哂. 兔爸仲話我咩事界手.........#^37^#
而家呀B青年期指甲平左，抓都唔會話腫加流血.

最慘係BB要成日捉佢抺腳冇得避.

我養三隻兔兔都係由BB開始養, 但都冇波兒啲指甲咁尖利, 就連用手輕輕摸下都覺得好似玩緊把刀咁, 佢真係非一般兔兔嘅指甲, 仲要係黑色, 所以要等佢長啲先敢同佢剪。

作者: elvisli 時間: 2010-4-30 10:52:26 AM

比兔抓到出血真係好痛的..以前我都比mocha一個飛踢踢到下巴花左...果陣仲要冬天..一起身洗面傷口濕左水都真係標哂眼水...

係我心目中,可以照顧到兔兔已經是福氣了..小小傷又算得上什麼~所以大家都一定要學習這個心態

作者: smallsuishan 時間: 2010-4-30 10:55:53 AM

原帖由波子於 2010-4-30 10:32 AM 發表

呢個星期佢已經乖咗啲, 之前嗰個星期唔知做乜成日搬廁所, 仲衰到係兔爸一返咗工先嚟搬, 唔知係咪專登激我 >.<
俾我鬧咗幾日, 終於搬少咗, 之前一日幾次, 依家間唔中 ...

波兒契妹...
首先你要扮一隻豬成日都訓
當你成日都訓你就會與世無爭~~

其次你要扮一隻好乖既兔
咁樣你就可以任人魚肉人人都愛你哈哈

作者: katy)) 時間: 2010-4-30 10:57:31 AM

原帖由 天才文仔 於 2010-4-30 10:17 AM 發表
有日睇報紙廣告見到"快圖尾"有款動物磨甲器唔知有無用
類似咁既樣:

我覺得兔兔冇咁好心機比D手指仔我地慢慢磨 (單係剪指甲,都出兔腿) = ="""#^73^#
同埋磨GE時候有吱吱聲兔地可能會驚...

作者: 明月 時間: 2010-4-30 11:53:31 AM

波兒你同豆腐花一樣，細細隻但力度超大，
豆腐花都係春卷式的包住依然走得甩。
每次同豆腐花剪指甲都要全家一齊出動。
cookie＆波兒的兔爸，你的傷好返未呀！

作者: Maggie)) 時間: 2010-4-30 12:06:26 PM

小B當時都係抓到我四條血痕.......雖然時隔一年,傷痕仍在........其實我覺得兔兔好簡單,好快會好鍾意你,但亦都會因為你對佢做過少少事而不滿去攻擊你.........佢地既攻擊不外乎 (呼)→(抓)←(咬)..........佢地既攻擊力諗深一點,真係好弱,都係得個嚇字...........

不過兔爸D血痕又真係好深.............

作者: choi_ching 時間: 2010-4-30 01:49:43 PM

兔爸真偉大~兔爸隻手為Miffy都犧牲左好多

作者: kikocheese 時間: 2010-4-30 02:14:46 PM

原帖由波子於 2010-4-30 04:29 AM 發表

兔爸三條唔止痕咁簡單, 其實係深到可以"MARK"開睇倒入面啲肉, 我嗰日見倒都心寒, 有點似割脈自殺~!!#^15^#

咁恐怖??:056: 只睇相都睇唔出咁深,咁兔爸好番D未呀???傷口咁深小心會發炎呀,我之前都試過用春卷法包KOBI餵佢食草粉,但係都唔得.而家同佢剪指甲都係用大脾夾住佢黎剪咋

祝兔爸好D好番:002:

作者: fishbu 時間: 2010-4-30 03:24:48 PM

原帖由波子於 2010-4-30 04:21 AM 發表

我哋嬲佢唔代表冇罰佢, 我都會即時鬧佢, 同埋要罰佢坐監, 只係我哋唔會為咗咁而嬲佢或唔開心~!!

其實兔兔本身好有主見, 佢哋唔鍾意人類做一啲佢唔鍾意嘅嘢, 自然就 ...

:024: 我包唔實佢啊...佢真係好大力..
又驚佢隻腳撐下撐下指甲會勾對毛巾果D線之後整親...

作者: bonedog 時間: 2010-4-30 08:03:53 PM

哇都好傷得好勁我諗起個時普樂病左, 初初又未太信我地
成日要抱要食藥嬲到佢死於是我一申手佢好大力咁咬左我手指一下
滴到一地都係血= =當時痛到我feel到傷口麻林..一路行去廚房洗手..地下一條血路..

初初我都喊架.. 但我後期冷靜諗番都覺得算啦.. 但當然有同普樂訓話XD

不過抓既血痕好似痛好多=口=
但你地無鬧佢﹖我會鬧普樂架, 等佢知道幾唔鐘意都好都唔可以咁出力..

[ 本帖最後由 bonedog 於 2010-4-30 08:07 PM 編輯 ]

作者: hamster1013 時間: 2010-4-30 11:54:34 PM

兔爸真係好, 咁波兒抓到咁都毫無怨言,
真係一個無得頂o既爸爸~
我見到佢隻手咁樣.....
我都覺得自己隻手有啲痛~

作者: jackal_1102 時間: 2010-5-1 01:49:38 AM

我果隻都唔鍾意人抱同摸....有一次我都比佢整到流血....自此之後...我都冇抱佢....只係陪佢玩下....咁樣反而感覺關係好似好左~

作者: 小米 時間: 2010-5-1 02:04:08 PM

世上唔只媽媽好, 爸爸都好好
波兒妹豬, 你唔得成個男仔頭咁ka
要 c c 文文先似返個女仔ka ma
大個咗之後要孝順ba ma 哦

作者: coumpnet 時間: 2010-5-3 02:29:17 PM

提示: 作者被禁止或刪除內容自動屏蔽

作者: Maggie)) 時間: 2010-5-3 02:40:49 PM

原帖由 coumpnet 於 2010-5-3 02:29 PM 發表
系我一定打瓜隻衰兔....................

傻既,諗下好了......:056: 到時你真係打佢,你後悔gar la........不過，最好諗都唔好諗la........

我琴日都比小b咬左一啖......雖然好痛無流血.....不過小b都比我罰左佢成個鍾頭坐定定同埋將會坐牢一個星期......:054:

作者: smallsuishan 時間: 2010-5-3 05:03:02 PM

原帖由 coumpnet 於 2010-5-3 02:29 PM 發表
系我一定打瓜隻衰兔....................

咁我相信你都冇資格養兔兔
連對小動物你一D包容性都冇

作者: Maggie)) 時間: 2010-5-3 05:08:23 PM

原帖由 smallsuishan 於 2010-5-3 05:03 PM 發表

咁我相信你都冇資格養兔兔
連對小動物你一D包容性都冇

咁又唔好咁講，你地唔係成日都叫大家用平和的心情、語氣去講解的嗎﹖我相信佢只係說說而已........好像papa mama成日都話唔要我地，話我地naughty一樣即.......講下即講下即:056:

作者: smallsuishan 時間: 2010-5-3 06:07:23 PM

Sorry, in fact I don't think he/she is joking!
The purpose of lamlam sharing is to ask people to accept rabbits' behavior NOT to blame

作者: Vinkivan 時間: 2010-5-4 02:01:06 AM

原帖由 coumpnet 於 2010-5-3 14:29 發表
系我一定打瓜隻衰兔....................

你咁樣回我個POST, 即使你只係隨便講講, 也証明你跟本冇用心去睇我個POST, 唔明內裡嘅真正意義, 同埋, 唔好隨便講呢啲說話, 不論對動物定對人, 有時... 咁大個人, 說話要先經過大腦, 冇意義嘅說話唔講也罷了。

歡迎光臨 PetKD 寵物網 (寵物領養、資訊廣告、用品買賣及寵奴互動平台) (https://petkd.com/)