PetKD 寵物網 (寵物領養、資訊廣告、用品買賣及寵奴互動平台)

標題: 新手養兔，有好多問題，有請各位兔媽兔爸解答一下我~~~ [打印本頁]

作者: elain141519 時間: 2011-1-4 12:03:02 AM 標題: 新手養兔，有好多問題，有請各位兔媽兔爸解答一下我~~~

新手養兔，有好多問題，有請各位兔媽兔爸解答一下我~~~

小白12月11日到家，灰灰12月24日到家......(2個都係BB囡>>>>店完話GA 我唔肯定:017: 係咪真)
開頭天真的以為:066: 佢都可以一齊相處啦....點知放灰灰入籠，小白就追住灰灰想打架:013:
我就即時開分佢地,但因為我得一個籠,只好用底網即時改裝個籠啦,將佢地分隔左...但佢地都係睇到對方..:057:

小白性格成個男仔咁...成日跳跳"窄",成日跳籠,成日咬人,食野飲水好大聲
灰灰性格似女仔D ....唔咬人,好斯文,同定D, 食野靜到無聲咁

過左一個星期的相處...佢都開始做到朋友仔,放兔的時候在我地會俾佢地一齊玩一陣~~~
有時見到佢地互相的LAM LAM　場面真係好WARM GA#^51^#

1.小白會唔會開始發情GA
我檢查過佢地2個....應該都係女仔，放佢地出黎玩果陣,但係小白好怪成日聞灰灰的PAT PAT,感覺成日想"琴" 灰灰咁...
琴晚灰灰出來玩果時係外面VV ,小白好似發左癲咁...追住灰灰....#^3_002^#

2.屎屎變黑
小白---初初到家的時係都係D 金黃色的屎屎...但最近的屎屎都係黑色不過都KEEP著好大粒
灰灰---一直以來的屎屎都係又黑又細粒...成日都唔多食肯糧添
佢地以加係食OXBOW 的A草少量、T 草大量、兔糧每日一湯匙

3.分男女
我在這裡搜尋過,但係D LINK開唔到 ....
兔女果到係咪一禁,就會有一支尖尖的伸出黎GA...仲有左右兩邊各有一個孔係咪離GA????

作者: crystal_xd)) 時間: 2011-1-4 01:31:08 AM

1.兔兔3-4個月就開始發情嫁啦
2.便便既色系因兔兔食既野而改變既,只要硬同埋大粒就ok,你試下減小d比灰灰既alfalfa,timothy多d,睇下佢d便便會吾會大粒返
3.兔囡囡既性器官上下兩隻手指禁下既時候就會尖尖地凸出黎,左右有各有一個凹位,果個位系卵巢

作者: Riela)) 時間: 2011-1-4 09:27:16 AM

有時唔好信店員, 佢地好多時都係估, 特別幼兔係好難分

兔兔既性格同人一樣冇話文靜就係女, 呢種分類法只係人既偏見

2隻未絕育(特別係你唔知道性別)既兔兔唔應該一齊玩, 點都要分隔
要搞出兔命只要幾秒, 你係見到都阻止唔到
即使2隻都係女, 都會因為地盤問題打交, 未絕育既兔地盤意識好強

1) 4個月打後會開始有發情期, 兔女會遲少少. 但係女都會騎人, 同埋追尾

2) 黑屎係因為兔兔食葉多, fibre唔夠. 要俾多枝佢地食, timothy切記唔好食2nd, 要食1st. 2nd係老年兔食

3) 自己估係咩性別, 點解唔去睇醫生? 兔兔返屋企之後一星期最好去睇醫生做一次body check.

作者: fatfat 時間: 2011-1-4 11:03:01 AM

2個都係BB 即係幾大先~
兔兔要到4-5個月先有明顯既性器官
如果想早D知就去睇VET 先可以肯定~
ALFAFA 我唔會建議一日一至兩碗..如果仲係5個月以下~
因為佢地要夠營養~

作者: BunSam 時間: 2011-1-4 11:50:24 AM

兔仔姓別好難分辨…專業人士都以為我隻兔係女，要到劏開絶育先知原來係仔！

兔仔性早熟得後，萬一係一仔一女，唔分隔就會攪出兔命…最好絶育後先一齊養。兔仔兔女都應該絶育，可減低行為問題和生殖器患病的風險。

作者: wm20472 時間: 2011-1-4 02:55:29 PM

2隻兔仔未絕育會有好強地盤意識 (愈近成年愈強for生育), 最好分籠養, 唔係遲早實大打出手, 打過架就會記仇, 日後就難bond埋一齊

屎屎愈大愈實愈好

作者: 天才文仔 時間: 2011-1-4 05:59:25 PM

食oxbow草便便係比較黑的,食a草便便又會黑,食菜都會黑,總之食水份較多既食物就會深色,兔b便便有4-5mm大粒正常了,間中有幾粒特別細粒可能係比d新經歷嚇親,小時侯比多些a草.兔仔3個月大左右後腳內則會有"旦旦"的了,兔女唔識分.

作者: wesky 時間: 2011-1-4 07:00:15 PM

發情就要分開養先
等兩隻都絕左育先再 bond

作者: elain141519 時間: 2011-1-5 12:52:39 PM

唔該晒各位細心既回答
其實平時都係分開架,只係放兔果一個多小時先會有見接觸，但屋企人一個人睇實一個,小白有咩舉動,就會分開佢地。
係大圍body check 大約幾錢到?

其實佢地每日係食好少a草（一小汁),都係食t草為主,但小白d屎屎係灰灰的一倍(小白果d有4-5mm）。
如果屎屎細係咪腸停的先兆呢？

作者: elain141519 時間: 2011-1-8 01:40:27 AM

唔知有冇人可以答下我呢？唔該

歡迎光臨 PetKD 寵物網 (寵物領養、資訊廣告、用品買賣及寵奴互動平台) (https://petkd.com/)