PetKD 寵物網 (寵物領養、資訊廣告、用品買賣及寵奴互動平台)

標題: 求婚大作戰 [打印本頁]

作者: rbtdoria 時間: 2011-3-10 11:30:02 PM 標題: 求婚大作戰

嘿嘿...
話說兔爸準備左個大大的surprise俾我
突然向我求婚呀...!!!!!!!!!!!!!!!!!!

zucca都有幫手0架!!!
因為求婚戒指就放左嚮zucca隻耳仔度...!!!
小zu果日戴住戒指真係超靚仔!!:012:
去相!!

仲有兔爸親手整的兔仔屋!!!:021:
好有心機呀~~~so sweet...

仲會著燈0架!!!

兔仔屋個shape係我個logo呢~~!!!

zucca仲跳左上去屋度
可惜間屋太細zucca太肥了...:037:

zucca真係兔爸的大幫手
因為當時我問zucca say唔say yes好
yes就lam我啦
佢lam左
於是...haaa
當然我估到佢會lam我啦...:014:
事後請小zu食大餐!!!

作者: mymiumiu 時間: 2011-3-11 12:09:05 AM

好sweet呀，zucca仔好醒目呢#^72^#

作者: wesky 時間: 2011-3-11 12:56:50 AM

好有心機, 好靚 :053:

作者: cordede 時間: 2011-3-11 01:10:51 AM

嘩~! zucca咁乖咁醒目既!!
我隻寶寶一有野放上佢隻耳仔度佢就會爪返落黎ga喇...= =

你未婚夫好有心機呀!!!!
間屋企真係好靚, 又有紀念價值, 最重要係有森林之家!!!#^43^#
呀~~~你好幸福呀>v<
訂左婚期未呀???

作者: 小小夕 時間: 2011-3-11 01:13:52 AM

SO SWEET :021:

小ZU 遲下米做花仔囉 :038: :038:

作者: rbtdoria 時間: 2011-3-11 01:45:42 AM

haaaa 我都覺得zucca太醒目了
同兔爸夾埋呃左我俾兔爸!:073:

d森林之家勁cute囉!!!
攪到我又訂多左套family同一對wedding limited edition!!
太可愛了!!!:033:

婚期未訂呀~
haaa 我地都太懶了...:031:
不過zucca一定要做花仔!!!

作者: cordede 時間: 2011-3-11 01:52:36 AM

原帖由 rbtdoria 於 2011-3-11 01:45 AM 發表
haaaa 我都覺得zucca太醒目了
同兔爸夾埋呃左我俾兔爸!:073:

d森林之家勁cute囉!!!
攪到我又訂多左套family同一對wedding limited edition!!
太可愛了!!!:033:

婚期未訂呀~
haaa 我地都太懶了...:03 ...

你諗住係外國定係hk結婚？？
如果係hk就要快喇∼乜鬼野都話要早成1年前book....真係好可怕@O@

哈唔知我男友遲d求婚會唔會搵寶寶幫手呢....:057:

森林之家真係會上癮。。。！不過好鬼貴＞＜

[ 本帖最後由 cordede 於 2011-3-11 01:53 AM 編輯 ]

作者: sallykit 時間: 2011-3-11 01:35:13 PM

so sweet^^:038:

作者: brendang 時間: 2011-3-11 03:22:50 PM

好明顯zucca係呃餐飯仔,而你個張係長期飯票,有so呀:038: Anyway congratulation:021:

作者: berki 時間: 2011-3-11 05:55:55 PM

睇到個TOPIC都諗住唔入
好彩入左咋
ZUCCA媽恭喜哂呀!
小ZUCCA真係乖乖
間兔屋好靚呀
我都好鍾意miniatures!!!

作者: berki 時間: 2011-3-11 06:00:50 PM

BTW間兔屋點整架@@
好似好大工程喎
因為我諗住考完試整屋仔俾我D公仔呀#^51^#
ZUCCA唔該你幫我問你爸爸啦#^9_003^#

作者: ccychoy 時間: 2011-3-11 07:49:18 PM

zucca仔:借我過橋=3=俾零食當人工!!
睇到個兔仔屋心動了:023: 仲要handmade...

[ 本帖最後由 ccychoy 於 2011-3-11 07:51 PM 編輯 ]

作者: rbtdoria 時間: 2011-3-12 03:09:24 AM

Thank you 咁多位~~!

wedding應該就係ny啦~
同埋好想去沖繩攪個travel wedding...:014:
不過zucca就冇得去啦...

至於間hand made兔仔屋呢就係咁整的:
1. design間屋同畫draft
2. 用auto-cad畫番間屋的每一件pieces出來
3. 買material去整laser cut
4. cut好的pieces再一塊塊痴番埋一齊
5. done~!

p.s. 小心...森林之家上左隱會破產...:024:

作者: cordede 時間: 2011-3-12 03:34:12 AM

原帖由 rbtdoria 於 2011-3-12 03:09 AM 發表
Thank you 咁多位~~!

wedding應該就係ny啦~
同埋好想去沖繩攪個travel wedding...:014:
不過zucca就冇得去啦...

至於間hand made兔仔屋呢就係咁整的:
1. design間屋同畫draft
2. 用auto-cad畫番間屋的每 ...

我想去關島travel wedding ga...
可惜未來老爺奶奶唔ok....><

作者: rbtdoria 時間: 2011-3-12 03:47:37 AM

原帖由 cordede 於 2011-3-12 03:34 AM 發表

我想去關島travel wedding ga...
可惜未來老爺奶奶唔ok....>

關島原本係我first choice呀~!!!
不過果度好似得casino冇咩玩咁~
so pick左沖繩~~

其實我覺得travel wedding係兩個人的事~
家人唔鐘2大可以唔去丫~~
只要另外嚮香港攪一個另佢地開心滿意0既咪得囉~
travel wedding如果只係2個人好simple咁其實唔會好貴0架~

作者: fishbu 時間: 2011-3-12 04:07:40 AM

Congrats!!#^9_003^#
Zucca 好可愛呀哈哈哈..真係幫得手~!

作者: Vinkivan 時間: 2011-3-14 12:05:16 AM

波子媽呢排忙到好少上嚟, 一上嚟就見倒呢件開心事~ 真係戥你開心呀~!!!!!

兔爸好有心機整間屋, 真係好靚呀~!!

森林家族真係好靚呀~ 我以前都曾經瘋狂過, 不過, 依家為咗對仔女, 唔可以再瘋狂lu~^^

作者: JUNOS 時間: 2011-3-14 02:26:40 AM

恭喜!

你先生做電腦嫁？

識用AUTO﹣CAD:057:

你地個個就好啦

另一半咁錫你地

多口問1 句：你地拍拖幾耐佢先求婚嫁？
我睇黎我都嫁唔出
已經對婚姻無望:054:

作者: cordede 時間: 2011-3-14 06:11:47 PM

原帖由 rbtdoria 於 2011-3-12 03:47 AM 發表

關島原本係我first choice呀~!!!
不過果度好似得casino冇咩玩咁~
so pick左沖繩~~

其實我覺得travel wedding係兩個人的事~
家人唔鐘2大可以唔去丫~~
只要另外嚮香港攪一個另佢地開心滿意0既咪得囉~
trav ...

唉...travel wedding已經要5萬幾~
而我未來老爺就想擺酒招呼朋友....擺酒計過又洗成10萬....
所以我都係放棄左travel wedding stay係香港~
但就唔會傳統擺酒, 會係包間餐廳搞buffet~

作者: rbtdoria 時間: 2011-3-14 09:45:44 PM

兔爸係建築師
所以識起屋0架~~
間兔仔屋難唔到佢0既~
只係e家令我更沉迷森林之家...:021:

我地拍左拖就快3年啦~~
同埋其實有兔仔會增進感情0架!!
有左zucca之後我地更似一家人:014:

travel wedding如果只係兩個人去其實唔貴~
當埋honey moon丫麻...~~
不過我都係咁話
一定唔會傳統擺酒
最多包間餐廳搞buffet~~
wedding真係可以好鬼貴...:063:

作者: cordede 時間: 2011-3-14 09:59:20 PM

原帖由 rbtdoria 於 2011-3-14 09:45 PM 發表
兔爸係建築師
所以識起屋0架~~
間兔仔屋難唔到佢0既~
只係e家令我更沉迷森林之家...:021:

我地拍左拖就快3年啦~~
同埋其實有兔仔會增進感情0架!!
有左zucca之後我地更似一家人:014:

travel wedding ...

所以我諗住之後去關島honey moon~ >v<
反正我套婚紗會買~
到時自己帶去影相~哈哈哈

我同兔爸都6年喇
哈...養兔仔除左可以增進感情...仲可以增加男人既責任感...兔爸一識我就要幫我手照顧寶寶..XDDD

作者: JUNOS 時間: 2011-3-15 02:20:09 AM

原帖由 rbtdoria 於 2011-3-14 09:45 PM 發表
兔爸係建築師
所以識起屋0架~~
間兔仔屋難唔到佢0既~
只係e家令我更沉迷森林之家...:021:

我地拍左拖就快3年啦~~
同埋其實有兔仔會增進感情0架!!
有左zucca之後我地更似一家人:014:

travel wedding ...

你地唔係HK 嫁？

你地真係幸褔
我無論做幾多野
佢都無錫過我
無理過我

淨係日日鬧我
講錯1 句野都要我瞓街

我連酒都唔要求佢擺
婚紗都唔要著
只求一紙婚書

都唔肯:054:

個個都有另1 半愛錫
而我係佢心目中仲差過一個普通女性朋友

作者: JUNOS 時間: 2011-3-15 02:25:56 AM

原帖由 cordede 於 2011-3-14 09:59 PM 發表

所以我諗住之後去關島honey moon~ >v<
反正我套婚紗會買~
到時自己帶去影相~哈哈哈

我同兔爸都6年喇
哈...養兔仔除左可以增進感情...仲可以增加男人既責任感...兔爸一識我就要幫我手照顧寶寶..XDDD

哈哈

我宜家要照顧兩個
佢好錫兔仔
但唔錫我

未有兔仔之前佢都唔肯要小朋友
有O左兔仔我就已經死心唔生得了

作者: cordede 時間: 2011-3-15 02:49:46 AM

我從來都同我既女性朋友講..
唔係個天玩你
唔係呢個世界無好男人
只係自己唔帶眼識人

個個都話我同男友好幸福,因為我地由初戀到宜家
係旁人眼中只係覺得我地好童話
但我地係未拍拖之前用左幾多年既時間去選擇同睇清自己要d咩又有幾多人知
而我地一齊之後亦都用左好多時間同心思去磨合,去改變對方同自己

婚姻唔係話簽一張紙就可以去到既階段
同樣地簽一張紙亦唔代表一段感情完美與否
老實講, 唔係因為老爺奶奶要我地結左婚先可以生bb的話,
我地跟本就無打算結婚, 因為係大家事業岩岩起步既情況之下,
我地好希望呢舊錢可以用係更有用既地方之上,
所以重要既係雙方既關係同共識,而唔係一紙婚書~

你宜家應該慶幸係...你地之間無小朋友亦都無婚姻既束縛,
所以你可以頭也不回咁走,當然,你亦可以繼續留低,不過要起得,就算佢對你點差都好,都係你自己選擇既。

作者: JUNOS 時間: 2011-3-15 09:09:34 AM

我唔係無去努力
我將成副心機放係佢身上

個個都有目共睹

只係佢覺得我係害緊佢

我為O左佢
將我好多野失去O左

唔係計較大家付出幾多
只係佢唔願為我附出一絲一毫
仲話：我係唔改嫁啦
唔鍾意就走啦

吹脹:056:

作者: Cottontail 時間: 2011-3-15 02:21:25 PM

junos
既然佢開到口叫你走，咁你仲留低?

作者: cordede 時間: 2011-3-15 04:18:34 PM

所以咪話....唔係個天唔比幸福你, 而係你自己選擇要唔幸福咁過, 無得怨。

作者: 傘仔)) 時間: 2011-3-15 10:59:05 PM

好羨慕:020: :020: :020: 恭喜你!

作者: JUNOS 時間: 2011-3-15 11:34:21 PM

我年紀唔細

咩青春都俾晒佢

點走？

又不肆生產:054:

作者: rbtdoria 時間: 2011-3-15 11:36:02 PM

我地住嚮new york 0架~~~~

係囉junos呀...
我都覺得咁0既男人唔值得囉...
結婚唔係重點
最緊要兩個人真心相愛~
大家都對感情有所付出~
為左佢你已經失去好多
你都唔想失去更多0架麻係咪?
佢都唔留你
做咩要留低呢?
你地之間除左你對佢的感情外又冇其他束縛
不如放手啦
有時識得及時放手都係一種幸福~

作者: rbtdoria 時間: 2011-3-15 11:38:33 PM

原帖由 JUNOS 於 2011-3-15 11:34 PM 發表
我年紀唔細

咩青春都俾晒佢

點走？

又不肆生產:054:

年紀唔細都未去到老0架麻!!
你離開佢都仲有機會搵下一個比佢好的對象
唔離開佢就連機會都冇埋
咁就一世0架啦!!

作者: cordede 時間: 2011-3-15 11:44:29 PM

原帖由 JUNOS 於 2011-3-15 11:34 PM 發表
我年紀唔細

咩青春都俾晒佢

點走？

又不肆生產:054:

事實上係你怕je
更何況邊個話女人要有個男人係身邊先可以過日子？
一個有男人但不被尊重既女人幸福d，定係一個無男人但獨立開心既女人幸福d
所有野都係因為你怕，你怕比人笑無人要，你怕無人養，你怕要重新過日子，你怕無依靠，所以你唔走
咁你同個d比老公打但日日淨係識喊苦喊忽既女人有咩分別？

自尊，係自己比自己ga！

作者: 千千 時間: 2011-3-16 11:38:39 AM

簡單D咁講牙
我男朋友都係果d爛仔性格
但佢好緊張我
雖然把口係衰d 又唔太氹我開心
係碼佢都唔會話趕我出街/打我

其實我都有諗過依個男仔可唔可以長久
因為我自己條件又唔差
又唔係話無人追
只係覺得依一刻我都好享受陪住佢既每分每秒
就算只係望住佢訓覺我都會突然笑覺得眼前既佢好可愛#^75^#

如果依你既情況
佢又對你唔好
你自己又覺得心淡又唔開心
點解唔俾個機會
自己去搵一個最適合你既人

係...下一個未必係你最愛既人
可能你仲係會掛住依傢果個
但下一個可能係最愛你既人
佢會俾到所有你需要既感情同幸福

而且就算依傢果個真係願意娶你
你日日都唔開心
咪又係離婚收場

依傢返果份工
見D人結婚一、兩年就入紙(性格不合)離婚#^71^#

PS: 各位美女
假如你結婚時入息高過另一半
離婚時仍然高過另一半
你係要分一半身家俾對方 #^77^#
除非另一半係你地離婚時
入息高過你咁你就可以唔洗俾

希望JUNOS 你諗清楚俾唔俾個轉機自己
你想咁樣落去一世定點?

另外" 樓主大晒幸福照
好SWEET~恭喜晒牙
到時影好多同花仔既合照黎睇牙( 應該係最帥既花仔仲要超多毛XD)
#^72^#

作者: berki 時間: 2011-3-16 06:06:20 PM

我媽媽都養左我廿年啦
佢都係呢幾年先對我老豆放手
佢都話應該俾個機會自己
俾個機會人地
就算你對佢點好,佢都唔識珍惜你
係佢走寶呀
你諗清楚呢個男人值唔值得你咁做啦
我媽媽俾左廿幾年青春我老豆
佢都決定放手
又何況你呢^^

我有個FD都廿歲
佢媽媽同step father生左個女都5歲啦
咪一樣可以好開心
希望你幸幸福福呀JUNOS

另外...各位打算結婚既兔友係咪會諗住生BB架?

作者: 小賢 時間: 2011-3-17 12:22:54 AM

原帖由 cordede 於 2011/3/15 23:44 發表

事實上係你怕je
更何況邊個話女人要有個男人係身邊先可以過日子？
一個有男人但不被尊重既女人幸福d，定係一個無男人但獨立開心既女人幸福d
所有野都係因為你怕，你怕比人笑無人要，你怕無人養，你怕要重新過 ...

好正呀講得...事實真的如此...

作者: JUNOS 時間: 2011-3-17 12:32:32 AM

好多謝大家請聽我講

我都唔知
因為我1 個都無辦法獨立

ALTHOUGH 我日日都洗衫買送煮飯

你叫我揾＄1 番黎真係好難

MAYBE 我過去有唔愉快糟遇
令我宜家好驚街上面D 人
好怕偷拍個D

我唔想接觸某D人
INCLUDING 大家有競爭性的人

BY THE WAY，其實我只想安安定定生活
生番1 兒半女咁O者

我都唔覺得我好心頭高呀
就算唔識揾＄都識照顧個家

唉

作者: JUNOS 時間: 2011-3-17 12:34:35 AM

你地好多都係兔DADDY MUMMY 1 齊住嫁？

千千你講個兩樣佢都對我施行過:054:

作者: JUNOS 時間: 2011-3-17 12:37:33 AM

原帖由 rbtdoria 於 2011-3-15 11:38 PM 發表

年紀唔細都未去到老0架麻!!
你離開佢都仲有機會搵下一個比佢好的對象
唔離開佢就連機會都冇埋
咁就一世0架啦!!

其實我好後悔當年無嫁出國

不過叫我同1 個唔喜歡O既人1 齊
我覺得好驚

我真係好想有人會真心關心下我
會愛錫我

有時真係諗嫁個呀伯算啦

起碼佢會寵愛我掛

作者: cordede 時間: 2011-3-17 01:15:56 AM

juno∼
睇完你講之後，
我發現其實你知自己想點，亦都知你自己既問題係邊，
但既然你宜家未有勇氣去解決既，唔緊要，亦都唔洗怕，
因為痛得多就終有一日會醒，
你唔洗擔心自己無醒既一日，因為其實你心裡面係好清楚發生緊咩事，
相信你自己，因為你已經由盲目去愛呢個人，變到宜家面對現實明白呢個男人唔夠愛你
係你心入面其實已經慢慢咁建立緊你離開既勇氣
唔洗急唔洗煩亦唔洗怕
因為呢一日黎到既時候，亦都代表你已經裝備好自己

作者: cordede 時間: 2011-3-17 01:29:16 AM

就算你係愛情路上受過咩苦都好，
千其唔好抱住 “搵一個佢愛你多過你愛佢既人“一齊既心態
你比人傷係你唔帶眼識人，亦係上天比你既一個經歷，
呢個世界係無任何合理理由去比你傷害下一個愛你既人

其實我一直都好想知道 “搵一個佢愛你多過你愛佢既人“呢句野係邊個pk諗出黎教壞人
愛情跟本就唔係咁
愛情只有愛同唔愛邊有話佢愛你少少你愛佢多多
所謂我有少少愛佢...倒頭來咪即係最愛個個係自己！
咁既然你最愛個個係自己，咁又何來稱得上同人談戀愛，何來有資格要求人地最愛係你？
咁既愛情，又點會有幸福可言？

作者: rbtdoria 時間: 2011-3-17 05:15:07 AM

獨立可以慢慢學識0既~~
我明白你只係想要簡單安定的生活
但好明顯e家e個男人俾唔到你
真係寧願學下靠自己
總好過留嚮一個唔珍惜你的人的身邊!

cordede講得好好
我以前都覺得
"搵一個佢愛你多過你愛佢既人"就係幸福
不過e家就覺得兩個人真心相愛先係真正的幸福
總之幸福的愛情唔會係單方面的!!!

慢慢0黎啦~~
加油呀~!

and yes我同兔爸同zucca一齊住0架~~:021:

作者: 千千 時間: 2011-3-17 01:00:04 PM

原帖由 JUNOS 於 2011-3-17 12:34 AM 發表
你地好多都係兔DADDY MUMMY 1 齊住嫁？

千千你講個兩樣佢都對我施行過:054:

其實搵份工都唔太難
我可能好好彩#^39^#
係我想轉工既時候
之前間公司炒左我
岩岩好 last day 前一個week
依傢間公司請左我
last day 第2日即刻返工
仲要 well pay 好 hea
9-6 regular office time
返工 2 日就放新年 (賺左個有薪假期)#^53^#

你可能都同我差唔多
只要你有心轉 (不論人定工)
一定有更好既等住你 =w=

作者: 明月 時間: 2011-3-17 08:39:49 PM

愛情呢家野真係好難講
好似我咁初初結婚就冇事，
一年後就完全唔同晒，
初初我為左個囡死忍，
但3年前我決定唔忍了，
自己帶埋個囡囡同兔兔走人決定離婚
有時唔係話為個男人生番個，個男人就會對你好
兩個人唔係話喜歡、愛就起一齊咁簡單，日子久了
所面對的仲有好多好多問題。

作者: rbtdoria 時間: 2011-3-18 04:00:16 AM

原帖由明月於 2011-3-17 08:39 PM 發表
愛情呢家野真係好難講
好似我咁初初結婚就冇事，
一年後就完全唔同晒，
初初我為左個囡死忍，
但3年前我決定唔忍了，
自己帶埋個囡囡同兔兔走人決定離婚
有時唔係話為個男人生番個，個男人就會對你好
兩個人唔 ...

你都好叻呀!!
下左咁大決心...
仲要一個人養埋女女同兔兔...!!!
不過我都好同意!
長痛不如短痛!
為左未來更好的生活
無論幾痛都好
最緊要係做個正確0既決定呀!!!

作者: 千千 時間: 2011-3-18 11:13:28 AM

原帖由明月於 2011-3-17 08:39 PM 發表
愛情呢家野真係好難講
好似我咁初初結婚就冇事，
一年後就完全唔同晒，
初初我為左個囡死忍，
但3年前我決定唔忍了，
自己帶埋個囡囡同兔兔走人決定離婚
有時唔係話為個男人生番個，個男人就會對你好
兩個人唔 ...

支持#^65^#

作者: territai1229 時間: 2011-3-22 05:01:00 PM

恭喜呀！
我家兔爸都係借左兔兔d草黎同我求婚架.....:023:
佢用左好多草將隻介指埋係個盒入面....

我地就訂左今年11月結婚:038: ....不過結婚真係要用好多錢呀....
係香港都好似仲好d....有好多野都平d...
係澳門乜都貴....d人簡直殺你一頸血.....仲要比氣你受....:019:

作者: territai1229 時間: 2011-3-22 05:21:13 PM

[quote]原帖由 JUNOS 於 2011-3-17 12:32 AM 發表

好多謝大家請聽我講

我都唔知
因為我1 個都無辦法獨立

ALTHOUGH 我日日都洗衫買送煮飯

你叫我揾＄1 番黎真係好難

一個人有手有腳點都可賺到d錢既..只怕你唔肯去做既啫....
以前我有一個朋友..情況同你差唔多....
同前友拍左拖住埋一齊都7,8年架喇...佢又係唔洗出去做野...係屋企做家庭主婦...
不過佢前男友就經常出去滾....最後一次仲滾到唔返屋企....
好彩我朋友未同佢結婚..又未有小朋友...
我咪勸佢放手...依家嫁左個台灣人...對佢都幾好架....

而且一個人都可以過得好的....只要你放手...好好真珍身邊既一切....
更好既一定會係前面等你架....le個係我親身娙歷黎架....

作者: lolowinnie 時間: 2011-3-23 10:24:46 PM 標題: 回復 47# 的帖子

係喎~何苦要咁呢~

歡迎光臨 PetKD 寵物網 (寵物領養、資訊廣告、用品買賣及寵奴互動平台) (https://petkd.com/)