PetKD 寵物網 (寵物領養、資訊廣告、用品買賣及寵奴互動平台)

標題: 菇菇唔食野-> 13/8 肝酵素高 [打印本頁]

作者: rnrni 時間: 2011-8-9 01:41:20 PM 標題: 菇菇唔食野-> 13/8 肝酵素高

...
菇菇繼上2星期因為生虱睇完醫生之後..
醫生都話佢好健康.. 一路相安無事..

點知尋日放工返到屋企..見到佢d草冇郁過..
加上我一掂佢就係咁咕我...仲要係持續咁咕我..一走埋佢度佢就極速跑到好遠..
跟住就成晚observe佢的情況.. 發現一粒屎都冇all..一條草都唔食..
菜同糧都唔要.........
但係又唔係冇精神..仲好鬼惡死...咕到我都怕佐佢
我屋企又冇草粉..

之前未試過咁的情況睇醫生所以屋企冇草粉看門口

跟住好擔心....結果今朝一早起身見到佢都係咁..唔食唔飲唔痀..
所以就一早帶佐佢去睇醫生..
睇完.. 醫生話菇菇個肚好空..胃都扁佐....因為成日都冇食野..
唔係腸有gas..又唔係腸塞.. 但係就係佢唔肯食野...

跟住即刻俾佐草粉菇菇食...仲幫佢打佐d 止痛,幫助腸蠕動的針..再打多支皮下水..驚佢dehydration..
唉..

今日下晝要好努力咁餵佢食草粉...希望佢快d好返....T_T
唔好嚇我啦

[ 本帖最後由 rnrni 於 2011-8-14 01:08 AM 編輯 ]

作者: crystal0202 時間: 2011-8-9 02:11:03 PM

你睇邊個醫生?
快D好返呀!

作者: sillypeko 時間: 2011-8-9 02:19:27 PM

原帖由 rnrni 於 2011-8-9 01:41 PM 發表
...
菇菇繼上2星期因為生虱睇完醫生之後..
醫生都話佢好健康.. 一路相安無事..

點知尋日放工返到屋企..見到佢d草冇郁過..
加上我一掂佢就係咁咕我...仲要係持續咁咕我..一走埋佢度佢就極速跑到好遠..
跟住就成 ...

加油, 多d照顧佢呀 ~ 兔兔唔食野好大件事 ~ 小心d

作者: rnrni 時間: 2011-8-9 02:55:38 PM

我睇在港島的Dr.Hugh ~
因為太急了..都book唔到Dr betty ..

作者: crystal0202 時間: 2011-8-9 04:56:08 PM

如果再5得,都係睇返BETTY 穩陣

作者: Amberbee 時間: 2011-8-9 10:26:08 PM

不能再等。。。。兔兔不吃東西8小時已經是極為危險。。。。。。。

作者: Hitan)) 時間: 2011-8-9 11:28:05 PM

咦, 你又冇做過啲乜激嬲佢或令佢覺得自己好慘? 譬如說是罰佢?
我個隻曾經有一次因為喺我張床尿尿而比我罰唔準再上床玩...
於是佢便發脾氣 or 鬧氣...
實行絕食抗議...
初時我同你同一反應帶佢睇醫生
結果都冇用...
因為都係佢唔肯食...
& then 我驚死...
怕佢因為成日食同一款草食到悶...
於是又買勁多唔同牌子 & 唔同款式的草 (e.g. oat hay, botanic grass...)
希望佢會貪新鮮食...
點知都係唔食... 或最多食幾條就罷食...
如是者過咗三日...
完全冇佢乎...
結果我投行...
決定比番佢上床...
點知佢一上床玩完就自動自覺走去開餐!!!!
原來衰仔絕食抗議!!!
所以事後得知小兔係十分小氣, 記仇, & 固執的小動物...
可以用自己命仔同你鬧氣...
唔知你會唔會係同一個 problem 呢?

作者: christianlwy 時間: 2011-8-10 12:18:04 AM

原帖由 Hitan 於 2011-8-9 11:28 PM 發表
咦, 你又冇做過啲乜激嬲佢或令佢覺得自己好慘? 譬如說是罰佢?
我個隻曾經有一次因為喺我張床尿尿而比我罰唔準再上床玩...
於是佢便發脾氣 or 鬧氣...
實行絕食抗議...
初時我同你同一反應帶佢睇醫生 ...

我yenii 有試過
平時我兩隻兔兔夜晚都系自己個籠
我起身就放拒地系大籠
果日我吳打開籠對門
之前果日無比拒夜晚出黎同我訓
d糧放系拒個口前面都吳食
仲推開
我以為拒病
足左拒入房畏草粉吳彩我
我同拒頃左陣錫下拒之後就食糧仲要我比草粉好有性格

作者: rnrni 時間: 2011-8-10 02:56:28 PM

唉..到今日..菇菇都係唔肯食野...係好間中..先見佢咬1條草 ...
我就繼續努力餵草粉...
好似冇咩成效咁..
屎屎係有...不過真係好少..同好細粒.....
唔知點算好..

另外就係..佢繼續係對我咕咕叫.. 一行埋去..都未掂佢已經叫定先..仲幾大聲tim..

搞到我次次想抱佢餵草粉都要一輪追逐..

另外唔知係咪佢有邊度痛.. >_<
試過聽到佢有一兩聲的大力磨牙聲...
但又唔知邊度痛.. 咁即係止痛藥食佐效用都不大..

我印象中都冇罸過佢激嬲佢..
係前日我放工返黎即刻開門俾佢出黎玩...果陣就發現佢係咁咕我同發現成朝d草都o係度冇咩食過..

我見人地餵草粉..都會慢慢見到成效..(如兔兔慢慢有返胃口)..
但係我隻兔兔就好似唔係咁...
而家唔知點好..
我尋晚打去vet度問返..兔兔仲係唔肯食野..
姑娘同我講.."朝早先睇完醫生, 兔兔要預佐湊佢幾日先會慢慢好~俾d耐性"

跟住我就再觀察下..
但係到今日都係咁...

我係咪應該即刻book Dr.Betty睇..

作者: rnrni 時間: 2011-8-10 04:58:36 PM

Book佐聽朝11:00 睇Dr.Ma.
打去果陣姑娘話今日佢地full 佐..建議我今日可以帶兔兔去屋企附近睇醫生
仲俾佐電話我~原來果個電話就係我尋日睇的Dr.Hugh ~~
不過我話因為我尋日睇佐~觀察佐一日~見兔兔都仲係咁唔食野唔飲水.屎屎都係餵完草粉先有幾粒.所以想去佢地度睇~
姑娘就幫我約佐11:00..
希望菇菇今晚乖乖地...

[ 本帖最後由 rnrni 於 2011-8-10 04:59 PM 編輯 ]

作者: hgod 時間: 2011-8-10 11:48:08 PM

菇菇肯食嘢未?

另外草粉其實唔係令兔兔有番胃口, 而係要兔兔條腸有食物响度, 條腸仲識蠕動, 可以捱到睇醫生, 因為如果兔兔唔食嘢條腸冇食物, 佢地條腸就會減慢蠕動, 最後仲會停, 而呢個過程唔會超過24hrs, 所以一發現兔兔唔食嘢就要留心

作者: rnrni 時間: 2011-8-11 12:07:28 AM

菇菇今日下晝同夜晚..叫做肯食幾條草..真係幾條咁大把....
仲要係我逐條放埋佢口邊先食~ 仲要係揀d 超幼的草先肯食........
新鮮菜都係食佐3條ja..
好少..
但總好過尋日..一d都唔食ge..
但依然唔飲水...只係今日下午見佢主動去飲佐一次...其餘都係我同針筒少少咁餵佢飲..

唉..
尋晚返完overnight .今日都冇咩點訓過..全日都係睇住佢~
係咪叫做有d進展?.. 係咪一定係好慢好慢咁先會肯食返野??
佢開始肯食下草..咁我聽日仲要唔要去睇Dr Ma?
因為佢似乎係當我拎second opinion 咁去睇.~~會唔會唔再點好詳細咁檢查?
因為佢問佐Dr Hugh果邊拎d 病歷ar~

作者: hgod 時間: 2011-8-11 12:14:30 AM

原帖由 rnrni 於 2011-8-11 12:07 AM 發表
菇菇今日下晝同夜晚..叫做肯食幾條草..真係幾條咁大把....
仲要係我逐條放埋佢口邊先食~ 仲要係揀d 超幼的草先肯食........
新鮮菜都係食佐3條ja..
好少..
但總好過尋日..一d都唔食ge..
但依然唔飲水...只係 ...

梗係要同佢去睇, 放心喇,Dr Ma 好 nice 嫁, 同埋睇得出佢係好鍾意兔仔, 佢唔會唔詳細檢查

作者: hgod 時間: 2011-8-11 04:51:10 PM

睇完Dr Ma 未呀? 佢點講呀?

作者: rnrni 時間: 2011-8-11 05:01:08 PM

睇佐啦~~
Dr Ma 真係好nice &好細心..
果度d 姑娘都好好ar~
唔怪得果度真係好多好多人睇.

Dr Ma由頭到腳幫兔兔檢查~ 逐part解釋~
佢話今次兔兔主要係腸慢..小腸郁得慢~ 盲腸冇問題
可能哩2日努力餵菇菇食草粉, 佢話兔兔個胃有食物~去返正常size
不過就要預around一個星期等兔兔慢慢復原食返野
除此之外~兔兔都冇咩其他問題
可能係因為太熱 + 換緊毛~令兔兔冇佐胃口食野..

聽佢咁講完.. 個心都舒服佐d.. 起碼佢比起早2日有進步..
Dr Ma 叫我可以繼續食Dr Hugh開果d藥 (改佐少少dosage) 除佐抗生素,
再開多2隻幫助腸蠕動的藥俾兔兔~~

希望菇菇快d 有返胃口食野啦~
好彩哩幾日我都放假..可以全職照顧je..

作者: smallsuishan 時間: 2011-8-11 05:35:20 PM

加油~~
同埋呢幾日天氣熱如果屋企可以就開冷氣特別係正午時份~~

作者: hgod 時間: 2011-8-11 05:41:46 PM

咁咪好攞, 起碼安心哂

作者: rnrni 時間: 2011-8-12 03:31:21 PM

菇菇今日都仲係唔係點食野.唉..
我抱起佢都覺得佢輕佐.. 好擔心..

唔知幾時先肯食返野..
同埋佢都好悶悶不樂咁.,.一係就攤o係度唔郁..
有時見佢變雞..磨牙聲仲幾大聲咁... :050:

最無奈係..佢去到醫生就扮活潑...八八卦卦周圍望..眼仔碌碌..又唔會叫.又唔磨牙..

一返到屋企就咁..

唉..唔知點算好

[ 本帖最後由 rnrni 於 2011-8-12 03:35 PM 編輯 ]

作者: 津津豬 時間: 2011-8-12 03:47:59 PM

妳有無每隔一小段時間同佢按摸肚仔呀? 按摸肚仔有時都幾得架, 盡量什麽方法要試下, 希望兔兔無事啦, 加油呀! 等妳好消息呀!

作者: smallsuishan 時間: 2011-8-12 03:49:26 PM

腸停係好需要主人既耐性同精神去處理

如果可以開冷氣俾兔兔
俾兔兔多d走動
得閒陪兔兔傾下計
耐唔時加少少新草
同埋幫兔兔按肚仔

作者: rnrni 時間: 2011-8-12 04:36:45 PM

我哩幾日..日日夜夜都o係佢身邊..隔一陣就抱佢餵草粉..
但係因為一放平佢..想幫佢按肚仔..佢就咬我.. 然後出晒兔拳兔腿跳走..

唔係好按到肚仔
不過我會繼續努力ga..

:050:

同埋兔兔換緊毛..勁多毛毛飛來飛去..
係咪換毛佢都會冇晒胃口呢... 換毛通常換幾耐ga?

作者: carbee 時間: 2011-8-12 04:47:56 PM

你可以試吓呢個方法,mimi都係唔鐘意人抱~
先抱起佢坐低,兔兔面向外面,背脊貼住你~
跟住單手攬住心口同手,另一隻手就同佢按肚仔~
咁樣佢應該好d,大部份兔兔都唔鐘意反轉~
再唔得可以唔抱!
當見到佢坐低,就伸隻手入下面,就咁輕輕力按,咁就一定得~

作者: rnrni 時間: 2011-8-12 04:52:52 PM

我試過兔兔面向外面,背脊貼住自己..
但係佢腳係咁狂踢踢踢........好瘋狂啊....T.T

亦都試過佢坐低我伸隻手去按下佢肚肚.. 哩招一時時得..
因為哩幾日.. 我一行埋去佢就咕咕叫咁彈開..好似唔想我嘈佢咁...~_~

作者: rnrni 時間: 2011-8-12 08:06:12 PM

通常兔兔腸停腸慢要幾耐佢先會好返呢...

唔知係心理作用定咩.. 見到佢好似細佐個碼(因為冇食野?因為換緊毛??) ...
抱上手又輕佐..

好驚佢再咁落去會死..

擔心死我.. :*(
過埋聽日我又要返工..唔可以時時o係佢身邊..因為我on shift..d時間又唔穩定..>.<

作者: smallsuishan 時間: 2011-8-12 08:31:50 PM

兔兔情況有冇改善??
照計食左醫生D藥兔兔應該會有進展的

便便如何?? 有冇自己食草食菜??

如果情況都冇改善可能要帶兔兔番去見醫生了!!~
你番左工有冇人照顧兔兔??

作者: 小小夕 時間: 2011-8-12 09:22:10 PM

有冇試過打比醫生同佢講返個情況..

飲D暖水會唔會好D ... 加油呀><

作者: rnrni 時間: 2011-8-12 09:24:30 PM

兔兔係好似有少少進展..都有d 細細粒的便便...不過都唔係多...但總好過冇..
草..我今日就見佢有自己間唔時走去食1,2條幼糼細細的草草..跟住又唔食.

但係今日..我見兔兔佢keep住都有d磨牙聲傳出..之前幾日都冇聽到咁多..

同埋有時見佢扮雞..
有時佢拉長扒o係地下度果陣..佢個頭有時會腭高一下又放返低.. (即係有d似人抖大氣深呼吸咁..跟住呼氣就放返低個頭...)
哩d都係我之前2日冇見過ge..
所以我都唔知佢叫唔叫有進展......|

我諗我聽朝打電話去問下醫生係咪會好d.. ?
但係醫生話要預佢一個星期先會好返.. 我又唔知係咪應該要再觀察下..

[ 本帖最後由 rnrni 於 2011-8-12 09:26 PM 編輯 ]

作者: rnrni 時間: 2011-8-12 10:07:04 PM

[youtube]FmVE4UzUhyM[/youtube]

頭先影低佐佢o係度頭腭腭的樣...

真係怪怪地..
定係我心理作用呢..

作者: smallsuishan 時間: 2011-8-12 11:07:19 PM

如果你對兔兔病情有疑問你都可以打去問下醫生
睇下個情況需唔需要番去睇醫生甚或吊鹽水

頭腭腭我又真係未見過我隻兔兔咁
所以解答唔到你...

加油呀....

作者: 小小夕 時間: 2011-8-12 11:28:15 PM

胃d幼葉比佢食佢食唔食... 我個陣花生做完手術都係唔係點食草嫁..連草粉都唔食== .... 但我胃佢食d葉仔佢會食下..

條片.. 有d似人地想嘔又嘔唔出個種感覺.. 好似有舊野係胃到就嘔唔到出黎 = =..((兔仔係嘔唔到嫁但))
但我都未見過我兔仔甘樣 ... 你問下醫生喇.. 正常兔仔我諗唔會甘樣樣個頭仔

[ 本帖最後由小小夕於 2011-8-12 11:32 PM 編輯 ]

作者: rnrni 時間: 2011-8-13 12:34:24 AM

菇菇今晚..磨牙聲好似仲大聲佐..........
>_<... 聽朝一早打去九龍城問醫生..唔知有冇位睇..

z
我都唔知點樣形容兔兔個頭仔的動作俾姑娘聽...-__-??

[ 本帖最後由 rnrni 於 2011-8-13 01:26 AM 編輯 ]

作者: Hitan)) 時間: 2011-8-13 01:53:30 AM

大聲的磨牙声代表佢痛呀...
你不如將段片 save 落電話帶埋比醫生睇啦...
希望佢可以快啲好返!

作者: 津津豬 時間: 2011-8-13 09:43:18 AM

我覺得佢好似係好想嘔又嘔唔出,怕到時有野塞住條氣管,快啲話比醫生聽喇!!!!

作者: rnrni 時間: 2011-8-13 11:08:32 AM

[youtube]eJ70k_95w5s[/youtube]
哩段係尋晚影ge..佢扒o係度都係咁好似抖大氣...又磨牙仔..
今朝俾菜菜佢食..咬佐2啖..之後竟然d菜菜碎o係個口度跌返晒出黎..............=_=

我打佐去搵醫生啦..
醫生話今日想睇下兔兔.. 所以約佐今日下晝14:45

今朝又聽到菇菇磨牙聲冇尋日咁大.. 好反覆ar.....>_<

作者: rnrni 時間: 2011-8-14 12:48:13 AM

今日睇佐Dr Ma.. Dr Ma見到菇菇段片..同埋我俾佢的資料..
菇菇1星期內體重由1.6kg-> 1.1Kg... 輕得太誇張... T_T

建議幫菇菇驗血...因為佢懷疑菇菇肝臟有問題..
結果..DrMa 好利害...
真係發現佢肝酵素高佐3倍... 仲有貧血..
係哩個原因間接令佢唔食野

唉...
而家開始要On 兔協三寶的藥...
好傷心..
希望菇菇慢慢會好返.........
Dr Ma話要幫兔兔渡過哩一關..就係要避免兔兔腸停快過個肝康復..
所以一定要keep住餵草粉..等佢唔好停..
而Dr話菇菇今日的腸同胃都比早2日時進步佐...
我要努力...
希望菇菇自己都要努力..唔好放棄..

其實Dr都建議菇菇留院, 不過因為我就唔到時間夜晚接返菇菇..
所以我決定哩兩日自己湊返佢先..
醫生話我可以諗下~如果要留院~可以隨時打俾佢..

作者: 津津豬 時間: 2011-8-14 01:18:30 AM

妳同菇菇都要努力加油呀!!! 支持妳地呀!

作者: 小小夕 時間: 2011-8-14 01:25:31 AM

加油快D好返><

菇菇幾多歲呀E加

作者: rnrni 時間: 2011-8-14 01:28:33 AM

佢只係1歲ja.......................
好不幸... 個肝有事...
好想喊....
我要聽日先買到三寶..
見到佢細佐2個碼...我好心痛呀..

[ 本帖最後由 rnrni 於 2011-8-14 01:29 AM 編輯 ]

作者: 小小夕 時間: 2011-8-14 02:44:37 AM

原帖由 rnrni 於 2011-8-14 01:28 AM 發表
佢只係1歲ja.......................
好不幸... 個肝有事...
好想喊....
我要聽日先買到三寶..
見到佢細佐2個碼...我好心痛呀..

唔好喊..甘樣兔兔以為佢做錯野既>< 你都要比正能量佢呀知冇

作者: happy55 時間: 2011-8-14 07:49:29 PM

唔好擔心, 我隻兔兔都有肝病, 都食緊三寶同補肝西藥, KEEP住食藥胃口就會好, 現在最重要係比多D 草粉同濕的菜菜比兔兔食, 肥D就會有力氣同病魔戰鬥, 記住, 奇蹟係會發生係唔會放棄的人身上, 加油:010:

作者: syt174698 時間: 2011-8-15 12:24:19 AM

樓主,你自己都要保重身體,菇菇仲要你照顧直至好番為止,呢度有好多兔友支持你,菇菇一定會好番,你唔好擔心

作者: rnrni 時間: 2011-8-15 12:43:00 AM

多謝你地..菇菇都會知道咁多朋友仔支持佢gar..
佢今日開始佐食護肝三寶，加埋落草粉度一齊，佢好似好鍾意食咁，
搶住食！但係都係唔肯自己食草草。要間中拎d幼葉仔放在佢
口邊先肯食幾條。
今日抱佢感覺又輕佐，輕得好快，希望佢捱得過哩一關。
另外，唔知好唔好俾菇菇留院好？dr Ma 話我可以自己湊或者留院。。
不過留院大約幾錢呢？

作者: 小小夕 時間: 2011-8-15 01:20:48 AM

原帖由 rnrni 於 2011-8-15 12:43 AM 發表
多謝你地..菇菇都會知道咁多朋友仔支持佢gar..
佢今日開始佐食護肝三寶，加埋落草粉度一齊，佢好似好鍾意食咁，
搶住食！但係都係唔肯自己食草草。要間中拎d幼葉仔放在佢
口邊先肯食幾條。
今日抱佢感覺又輕佐， ...

其實可以打返比醫生問呀 .. 大約幾多錢 ..
佢肯食粉就好了＠＠　　　　

我個女　索到陣味另咩面　屁股得住我　　

作者: smallsuishan 時間: 2011-8-15 09:49:51 AM

其實如果你自己照顧到梗係留兔兔係屋企
因為兔兔係陌生地方都會緊張~~~

價錢你要打去問下醫生
但係九龍動物醫院晚上不能留院的~~

加油啊

作者: lenmui)) 時間: 2011-8-15 04:17:47 PM

你同菇菇都要加油呀, 佢一定會好返ga
我既仔仔一年幾前都試過突然輕1/3
結果驗出黎係個腎有事
睇左Betty佢地一年多, 依家好返晒喇
唔洗再覆診
好彩你好關心菇菇早發現咋
菇菇一定會好返ga, 你要加油呀

作者: lenmui)) 時間: 2011-8-15 04:19:16 PM

你同菇菇都要加油呀, 佢一定會好返ga
我既仔仔一年幾前都試過突然輕1/3
結果驗出黎係個腎有事
睇左Betty佢地一年多, 依家好返晒喇
唔洗再覆診
好彩你好關心菇菇早發現咋
菇菇一定會好返ga, 你要加油呀

作者: rnrni 時間: 2011-8-16 12:30:32 PM

.......
尋晚抱住菇菇對佢講佐好多野..又哄佢食野..
真係好驚佢會離開..我抱佢菇菇喊佐好耐..佢抬頭望住我...
跟住佢好乖咁搶住食晒d藥同草粉..然後見佢好似比之前精神佐dd..
我心諗..可能佢唔想我喊..所以乖乖咁食晒..同埋扮精神..

今朝起身..
見到菇菇..佢好似打乞嗤咁聲..好大力..跟住..就嘔佐幾啖綠色黏黏的野..
嚇到我傻... :043: .. 係個口度出黎ga..一定唔係鼻涕...
但係明明兔兔係唔識嘔.. 但係佢今朝嘔佐幾次la......

好可憐..佢一定係好唔舒服.. 我抱佢佢係咁叫...仲叫得好慘..
佢嘔..我都唔敢餵佢食野..... 而藥都係夾硬餵佐佢..
跟住佢就擰來擰去..唔肯食..

打佐去診所..點知DrMa 今日放假........
我諗..菇菇今次捱唔住... :*(

作者: Riela)) 時間: 2011-8-16 12:38:41 PM

betty同yan呢?

作者: 津津豬 時間: 2011-8-16 12:40:29 PM

菇菇好乖乖,唔好放棄呀! 揾 Dr.Betty or Dy.Yen 睇住先啦!!!!

作者: smallsuishan 時間: 2011-8-16 01:05:51 PM

如果係咁趕急快d 去睇醫生啦
betty 同 yen都ok的.....

加油

作者: rnrni 時間: 2011-8-16 02:20:03 PM

佢地話今日只有Dr Amanda......

作者: jinjin 時間: 2011-8-16 02:33:51 PM

你不如去大圍睇住先啦，Dr Tiger睇兔仔好叻架∼

大圍珍禽異獸及寵物醫院
大圍積信街69-75號立和樓地下B鋪
預約電話：2687 1030
急診：7116 8888 a/c 2000
網址：www.taiwaiexotic.com

作者: rnrni 時間: 2011-8-16 02:36:42 PM

我怕菇菇受唔到咁長的車程....
因為太遠..之前來來回回九龍clinic, 來回總共都要2個鐘..
我好怕菇菇會更加虛弱...:011:

作者: lenmui)) 時間: 2011-8-16 03:30:07 PM

佢會唔會食得急得滯, 落錯隔?
我隻啡色兔女之前都試過食完草粉嘔 (雖然醫生都話兔兔係唔識嘔的)
近期又試左一次食糧嘔, 佢應該食得急得滯, 落錯隔

食完草粉嘔果次醫生就幫佢照左X-Ray, 起碼confrim D草粉無落錯隔去左氣管
因為會引致發炎, 到時手尾長喇
上次因為半夜, 所以唯有去左pet centre到, 佢幫兔兔照X-ray
第2日我再帶佢返去Betty到睇醫生
你記得帶兔兔去睇第2個醫生時, 俾埋Betty D藥個醫生睇
等佢知道兔兔本身有咩事呀

快D帶佢睇醫生啦

作者: smallsuishan 時間: 2011-8-16 03:31:19 PM

一係睇dr gerry 住先!!

大圍.. 最近的評語很差...

作者: rnrni 時間: 2011-8-16 04:42:37 PM

菇菇由上星期星期睇醫生到而家.. 都唔肯食野..
日日都係靠食草粉維生...
>__<...
屎屎都係勁細粒..仲好少
已經成個星期啦...
Dr.Ma話唔好令腸停快過肝臟康復...
但係佢日日都冇胃口.. 我真係唔知菇菇可以撐到幾耐...
佢日日都只係成隻貼埋o係牆邊扒低抖..
唔係好肯郁...可能已經太攰...又冇食野冇能量..

肝病的小朋友... 要幾時先會慢慢好轉... 好擔心..
日日返工都心緒不寧..

作者: lenmui)) 時間: 2011-8-16 05:40:58 PM

唔好放棄呀, 唯有草粉餵密D, keep住腸郁
菇菇靠你支持佢ga, 你要加油呀

作者: smallsuishan 時間: 2011-8-16 05:49:01 PM

兔兔有便便已經令人安心
加油呀!!~

你放棄兔兔就冇動力繼續支持落去
所以千祈唔好放棄

作者: carbee 時間: 2011-8-16 05:58:35 PM

咁既情形你都係快d再帶佢睇醫生啦~
遠都要架啦,call taxi or van~

我本來都唔想講,mimi已經5歲半有肝病同貧血,
之前又係唔肯食野,餵到咀邊先食少少葉,唔飲水,
差唔多淨係食草粉同藥~
用力抖氣,出左籠都淨係扒係度瞓,唔願郁!
佢走果日早上就一直扒係梳化底,因為平時佢都鐘意去果度,所以我無為意!
之後先醒起,兔兔如果有病,知道唔得,會搵地方收埋自己咁去.......
我依家都好後悔點解自己咁都注意唔到!
如果果朝帶佢去睇醫生,可能mimi唔會離開我~

樓主,我分享mimi既事,唔係想嚇你或令你不安
我只不過係唔想你步我後塵,後悔莫及~

作者: 小小夕 時間: 2011-8-16 06:08:32 PM

仲有屎屎仲有希望嫁加油阿

連你都放棄兔兔甘點算呀 ..

你既支持係佢最大動力

作者: lenmui)) 時間: 2011-8-17 05:37:18 PM

菇菇今日有好D嗎?
我都擔心佢呢
你得閒既時候就update下我地啦

歡迎光臨 PetKD 寵物網 (寵物領養、資訊廣告、用品買賣及寵奴互動平台) (https://petkd.com/)