PetKD 寵物網 (寵物領養、資訊廣告、用品買賣及寵奴互動平台)

標題: 金魚街寵物店對患病既龍貓同兔兔并無隔離 [打印本頁]

作者: all_loving_it 時間: 2012-7-3 03:55:59 AM 標題: 金魚街寵物店對患病既龍貓同兔兔并無隔離

本帖最後由 all_loving_it 於 2012-7-3 04:00 AM 編輯

早兩日我係旺角金魚街某大型連鎖寵物店"紅X蔔"一樓見到佢地有兩只灰色龍貓同住, 其中一只肚瀉同不停流口水, 所以下巴同腹部既毛大部份都濕晒, 部份位置已經無毛, 精神好差, 只龍貓都應該5係第一日病, 而同佢住既龍貓就不停咬食有病龍貓既毛毛

依間寵物店無將有病既龍熊貓隔離, 入面既職員亦5見有理會, 而任由佢同其它無事既龍貓接觸, 所以病菌好易交差感染, 我見到依個情況, 當時有個職員係到同同事閒談, 我就話比個職員只龍貓有事, 個職員就好輕描淡寫拎轉頭望望, 跟住就"哦"左一聲, 跟住同我講佢一陣會處理, 我跟住係鋪頭一面行左2轉, 都見佢仍然係到閒談, 無咩反應, 我最終忍5住同佢講 : 你寧願係到閒談, 都5去將只有病龍貓隔離, 由得佢地住埋, 任由佢地將細菌傳染, 你有無攪錯?  你地敢樣已經犯法

跟住個女仔黑晒口面先將有病既龍貓拎走隔離

我剛係另一個討論區見到有人POST見到金魚街有間寵物店佢地又係將一只眼仔發炎既兔兔同其它兔兔就敢放埋一個籠到, 當中亦無任何隔離既設施

我將依件事POST上黎, 并5係單純去宣洩不滿既情緒, 而係希望有打算或日後會係寵物店購買寵物既時候要注意檢查小動物既身體狀況, 而且買返黎之後儘早帶佢地去醫生到做BODY CHECK, 已了解清楚佢地既健康情況, 有無咩問題, 如果一個5好彩, 最起碼可以早D治療

因為佢地係寵物店既時候, 好大可能都曾經同有病既同伴接觸, 共同生活, 所以佢地好有可能會受感染, 將病菌潛伏係身體入面

------------------------------------------------------------------------------------------------------------------------------------------------------------

以下內容係引用另一個網友係另一討論區發表既內容 :
http://www.uwants.com/viewthread.php?tid=14954112&extra=page%3D1

發表於 2012-7-3 02:22 AM  只看該作者    分享轉播

見到金魚街有隻眼仔發炎既兔仔
話說今日去完旺角某工廈探兔仔，晚上七點幾左右行左去金魚街八掛下，上去某大廈三樓一間自稱係龍X協X 既舖頭，大部份都係龍貓，有兩隻寫非賣品，其他無寫價錢。

果度令令舍舍有三隻兔仔，三隻都大約一個月大，用同一個籠，無隔離，無寫賣唔賣，亦無寫價錢。其中一隻係灰色垂耳兔，極其可愛，但見佢左眼竟然發炎，仲發得好嚴重下，成隻眼腫哂。我相信放多一般時間就睇唔到野。

我唔知果間龍X協X  有無安排佢睇醫生，但無論有無睇，都應該隔離隻兔仔既，因為除左會藉傷口互相傳染細菌之外，仲會可能因為爭鬥或踩踏引致傷口越來越大既。

我返到屋企就睇法例網頁睇到衣家，好驚訝養動物而由得佢病唔帶去睇獸醫原來係無犯法既。諗左好耐唔知以下咁諗得唔得?

1) 針對病左既垂耳兔 :  跟據香港法例169章防止殘酷對待動物條例第3(f) 條 "如在任何動物因疾病、衰弱、受傷、疼痛或其他原因而不適宜被使用於某種工作或勞動時，仍將其如此使用，或導致或促致其被如此使用，或身為其擁有人而准許其被如此使用，即屬犯法"。  我有理由相信果隻兔仔日日八個鐘頭時間，需要好似model 咁 o係玻璃櫃入面展出埤人選購絕對係一種工作，而有人望佢，佢又好奇而反望返人轉頭，令佢隻眼承受不必要既痛苦，故此相信屬犯呢條。但係得一日時間我相信我既觀察係唔足夠既，需要觀察耐D，而且呢樣算唔算 "工作"  要由律政師同埋法官決定，故此用呢條告佢要過五關斬六將。不過如果告得入，有機會成為案例，咁以後無一間舖夠膽放病既動物出黎賣。; 其次,

2) 針對其餘兩隻同一個籠既兔仔:  跟據香港法例169章防止殘酷對待動物條例第3(g) 條 "將任何動物帶進香港或驅趕、運載、運送或移走，或據有或畜養任何動物，或明知而容受任何動物在其控制下或在其處所內被據有或被畜養，而所採用的方式可能導致該動物受到不必要或原可避免的痛苦，即屬犯法"。呢條o係搜證方面真係好簿弱好困難，因為必須要證明果兩隻健康既兔仔被逼與隻病兔限制o係同一個籠係一種痛苦，我相信至少要等到果兩隻兔仔病埋一齊先證明到呢點。但對果隻垂耳兔黎講已經太遲喇。而呢條係唔能夠套用落果隻病兔既，得既話果D愛護動物人士唔會頭都大埋，原因好長，唔打喇，請上網搵。

可惜我已經登記左領養一隻一歲大既兔仔，好快會帶返屋企，亦承諾左只養一隻。否則我好有衝動買佢，然後即刻帶佢睇獸醫。希望呢篇文可以傳到果間3樓既  "龍X 協X" ，令到兔仔有得睇醫生同埋休息喇。

作者: ccychoy 時間: 2012-7-3 06:55:51 PM

我試過係mk q-pex見到有個圍欄.裏面有好多隻兔兔
但水樽無曬水.有隻兔兔又想飲水
跟住我同個員工講.之後個員工指住隻兔兔罵.係度怪牠要飲水甘
我看左成10mins.個員工超得閒同人聊天.四圍行都5比水隻兔兔飲

作者: all_loving_it 時間: 2012-7-3 08:26:11 PM

ccychoy 發表於 2012-7-3 06:55 PM
我試過係mk q-pex見到有個圍欄.裏面有好多隻兔兔
但水樽無曬水.有隻兔兔又想飲水
跟住我同個員工講.之後個 ...

係呀, 寵物店既小動物真係好慘

作者: siutung 時間: 2012-7-3 11:18:33 PM

all_loving_it 發表於 2012-7-3 08:26 PM
係呀, 寵物店既小動物真係好慘

其實係咪可以告佢嫁??

作者: 貓仔兔 時間: 2012-7-3 11:33:32 PM

siutung 發表於 2012-7-3 11:18 PM
其實係咪可以告佢嫁??

無水，立即告得!!!

作者: happyyuki 時間: 2012-7-3 11:48:20 PM

果日訂糧草既時候見到有個媽媽同囡囡黎買倉鼠
媽媽: "呢隻第4隻架喇, 第一隻玩唔夠一個禮拜就死左, 去金魚街買過隻, 佢放學返黎望下佢郁都唔郁死鬼埋, 俾佢扭兩下又買隻仔啦, 點知過兩日又死左, 都唔知D倉鼠本身係唔係有病, 而家佢又話要, 就帶佢黎呢到貴少少揀隻好D架啦"

原來暑假旺季又來了!!!

作者: all_loving_it 時間: 2012-7-4 12:54:48 AM

siutung 發表於 2012-7-3 11:18 PM
其實係咪可以告佢嫁??

係, 可以告!

不過, 要有足夠證據

而且要證明寵物店既小動物經常無水飲, 并且要證明每次缺水有好一段時間

作者: siutung 時間: 2012-7-4 09:26:41 AM

all_loving_it 發表於 2012-7-4 12:54 AM
係, 可以告!

不過, 要有足夠證據

下次影底佢

作者: ccychoy 時間: 2012-7-4 09:32:06 AM

而且3樓既 "龍X 協X"果個老闆成日扮曬魚蝦蟹.以為自己好勁教人其實教錯曬人

作者: siutung 時間: 2012-7-4 09:34:58 AM

happyyuki 發表於 2012-7-3 11:48 PM
果日訂糧草既時候見到有個媽媽同囡囡黎買倉鼠
媽媽: "呢隻第4隻架喇, 第一隻玩唔夠一個禮拜就死左, 去金魚 ...

點解唔領養
冇人要佢佢地好慘
我有4隻係領養都係我同我牙媽講
我唔買我要領養
兔仔就係我個fd生左4隻
D Bb同牙媽用埋同一個籠
我見到我就問佢可唔可以抱隻番去
咁樣都好過係寵物店買

作者: all_loving_it 時間: 2012-7-4 01:41:11 PM

本帖最後由 all_loving_it 於 2012-7-4 02:15 PM 編輯

siutung 發表於 2012-7-4 09:34 AM
點解唔領養
冇人要佢佢地好慘
我有4隻係領養都係我同我牙媽講

如果能夠領養當然領養好, 但有d人真係鐘意由bb開始養或禁岩係寵物店見到好合眼緣,

係寵物店買亦并無不可, 其實無論買又好領養都好, 只係選擇既方式5同,

最重要係對小動物有個正確既心態, 可以善待佢地, 能夠用正確既方式照顧佢地, 負起應有既責任先係最重要

作者: siutung 時間: 2012-7-4 02:24:33 PM

all_loving_it 發表於 2012-7-4 01:41 PM
如果能夠領養當然領養好, 但有d人真係鐘意由bb開始養或禁岩係寵物店見到好合眼緣,

係寵物店買亦并無不 ...

知道^^

作者: all_loving_it 時間: 2012-7-4 02:43:57 PM

happyyuki 發表於 2012-7-3 11:48 PM
果日訂糧草既時候見到有個媽媽同囡囡黎買倉鼠
媽媽: "呢隻第4隻架喇, 第一隻玩唔夠一個禮拜就死左, 去金魚 ...

寵物店好多小動物買既時候可能已經有問題

如果係兔兔龍貓體型大小小可能都易睇佢有無問題多D

倉鼠依類細細只, 可能返屋企有問題都未必發現到

可能只倉鼠死左個主人都5知咩事

作者: all_loving_it 時間: 2012-7-4 02:50:05 PM

本帖最後由 all_loving_it 於 2012-7-4 02:51 PM 編輯

ccychoy 發表於 2012-7-4 09:32 AM
而且3樓既 "龍X 協X"果個老闆成日扮曬魚蝦蟹.以為自己好勁教人其實教錯曬人 ...

不過依間"龍X協X"我又真係未去過

見之前個討論區個女仔同你地講依間野, 真係好得人驚

不過, 金魚街寵物店到做既職員大部份都好似5多識養, 而且佢地大部份本身對小動物既心態都好有問題,

係依類鋪頭既小動物根本無得到合適正確既照顧, 仲要時常缺水缺糧, 捱饑抵渴, 飲水都要比人鬧

係佢地到既小動物真係好慘, 真係無語問蒼天

作者: 小黑與我 時間: 2012-7-4 07:06:38 PM

all_loving_it 發表於 2012-7-4 02:50 PM
不過依間"龍X協X"我又真係未去過

見之前個討論區個女仔同你地講依間野, 真係好得人驚

之前我行過柴灣新開嗰間i x rabbit, 有個箱入面有幾隻兔兔無水飲
後尾有個男店員擺左個漏水的水樽入去，兔兔們即刻搶住飲，
但整到成身濕晒，個男子見到都唔理
後尾我行埋去怒睥佢佢先拎返個樽出黎整
我回家後上左佢面書個page鬧，最近行過都見佢長期有水樽喺入面喇
得閒再去check下佢先

作者: siutung 時間: 2012-7-4 07:19:23 PM

小黑與我發表於 2012-7-4 07:06 PM
之前我行過柴灣新開嗰間i x rabbit, 有個箱入面有幾隻兔兔無水飲
後尾有個男店員擺左個漏水的水樽入去， ...

睇下佢重敢唔敢

作者: ccychoy 時間: 2012-7-4 08:31:36 PM

小黑與我發表於 2012-7-4 07:06 PM
之前我行過柴灣新開嗰間i x rabbit, 有個箱入面有幾隻兔兔無水飲
後尾有個男店員擺左個漏水的水樽入去， ...

但d水系所謂既營養水

作者: 小黑與我 時間: 2012-7-4 08:36:29 PM

ccychoy 發表於 2012-7-4 08:31 PM
但d水系所謂既營養水

呢間舖係清水架，旺角就係營養水

作者: all_loving_it 時間: 2012-7-4 09:27:20 PM

小黑與我發表於 2012-7-4 08:36 PM
呢間舖係清水架，旺角就係營養水

係咩營養水? 定係小動物專用既電解質?

作者: all_loving_it 時間: 2012-7-4 09:28:07 PM

ccychoy 發表於 2012-7-4 08:31 PM
但d水系所謂既營養水

係咩營養水? 定係小動物專用既電解質?

作者: 小黑與我 時間: 2012-7-4 11:38:59 PM

all_loving_it 發表於 2012-7-4 09:27 PM
係咩營養水? 定係小動物專用既電解質?

黃黃地色架，好似見過有人話係止屙水，總之唔係好嘢

作者: ccychoy 時間: 2012-7-5 10:28:22 AM

小黑與我發表於 2012-7-4 08:36 PM
呢間舖係清水架，旺角就係營養水

銅鑼灣?

作者: snow2ling 時間: 2012-7-5 10:39:30 AM

all_loving_it 發表於 2012-7-4 12:54 AM
係, 可以告!

不過, 要有足夠證據

我上過去3次, 3次d兔兔都係冇水飲架!
不過我一同佢講兔兔個度冇晒水佢就即刻去加返囉.....

作者: 貓仔兔 時間: 2012-7-5 11:43:36 AM

snow2ling 發表於 2012-7-5 10:39 AM
我上過去3次, 3次d兔兔都係冇水飲架!
不過我一同佢講兔兔個度冇晒水佢就即刻去加返囉..... ...

兔兔無尿去，咁佢地執籠時咪唔怕整汚糟自己囉....

其實嗰間咩龍x協x,即係小動物園...個女人態度都好差...好耐之前同佢買carefresh同草，兩樣送到黎個包裝都有破洞，啲草變味又黃，明顯存倉有問題，打去同佢講，叫佢留意同問下可唔可以換草(包墊料又唔係食落肚我都算喇)，嗰次買成6百幾蚊野都唔肯送開貨時順便同我換，要我親自攞出旺角換...(我心諗咁小氣點keep客呢?)...都又算，兔爸去到，身水身汗，仲要俾說話佢聽，佢話:哎呀，得小小洞之嘛!(其實係好多，我諗係俾其他小動物咬了)兔爸:包草變日西味架，你聞口下，仲有你2包60L carefresh都有洞，我地都無叫換喇，你留意下啦!佢:咁你唔攞黎，換埋佢囉!(係勁8婆嗰隻聲，我心諗我打去都講左啦，草初頭都唔想換俾我地，包墊料更加無提啦，而家黎講風涼說話...買咁多野自己啲貨有問題都要個客拎來拎去，啲態度又咁差，真係無下次!!
其實如果佢態度好啲，我真係唔會咁火滾，其實做兔兔生意，長做長有，點解要咁得罪人呢!唉...人都咁對法，又點會對兔兔好呢?

作者: all_loving_it 時間: 2012-7-5 05:23:16 PM

小黑與我發表於 2012-7-4 11:38 PM
黃黃地色架，好似見過有人話係止屙水，總之唔係好嘢

噢, 我的天

作者: all_loving_it 時間: 2012-7-5 05:38:17 PM

snow2ling 發表於 2012-7-5 10:39 AM
我上過去3次, 3次d兔兔都係冇水飲架!
不過我一同佢講兔兔個度冇晒水佢就即刻去加返囉..... ...

如果真係要去告, 係一定要有數據提供比有關機構, 小動物佢地經常無水飲, 而且要有證據說明每次缺水係幾長時間, 如果只係好短時間, 或者係十幾二十分鐘次類, 係告5入, 漁護處佢地都5會做野

香港雖然有保護動物既法則, 但當中有好大漏洞, 佢地係10幾年前訂下依d規條, 至今都未有做出完善既修改, 所以可以話根本無法保障動物

作者: dorisliu520 時間: 2012-7-8 06:14:59 PM

唉，係寵物店啲寵物好慘，又有飽飯食。
其實我哋可以POST 多啲有關動物嘅法律知識係依個FORUM，等第時我哋可以大條道理叫啲寵物店職員處理，唔係只係得心UP 同唔開心。

我有時覺得係寵物店帶走啲動物，是否積陰德，但其實又阻長佢哋買多啲動物番嚟賣。
兩難全.............

作者: kincw11 時間: 2012-7-10 10:34:20 AM

我係 uwantx post 文果個 "男士" ，見你地傾緊無水飲算唔算犯法，答案當然係有犯法喇，但好可惜，法律係有漏洞既，要成功令佢地入罪要過又係要過五關斬六將，單靠觀察唔夠既。

我唔想埤 D 罪犯學識點樣用藉口脫罪，所以我仍然好似上次一樣唔會講點解我會覺得告唔到，總之如果大家見到明顯既虐待行為，例如小動物身體極瘦，有傷痕，活動地方唔夠等等，相比通知個涉案職員，我會選擇致電報警，至少有警察警告佢地，至於會唔會因為警察出現而影響佢地做唔到生意，就唔係我地應該考慮既範圍喇。我地同警察都絕對唔會影響果間舖頭做生意既，不過會唔會有客人見到警察就唔敢入去或即刻走等等，我地就控制唔到喇。大家記住唔好抱著黑心腸報警喎。

作者: all_loving_it 時間: 2012-7-10 11:12:21 AM

本帖最後由 all_loving_it 於 2012-7-10 11:12 AM 編輯

kincw11 發表於 2012-7-10 10:34 AM
我係 uwantx post 文果個 "男士" ，見你地傾緊無水飲算唔算犯法，答案當然係有犯法喇，但好可惜，法律係有 ...

如之前所言, 無水飲犯法, 但你要去告既大前提必需提供足夠證據證明該店幾耐無水比小動物飲, 幾耐會發生一次, 如果無足夠證據, 根本無法成立

至於人地間鋪頭有無影響做生意, 我個人絕不會列入報5報警考慮因素, 因為好簡單, 我只係想對該店鋪對動物既行為作出控告, 同佢有無影響生意無關, 我亦深信在此各位無邊個因為會抱黑心腸而去報警

作者: kincw11 時間: 2012-7-12 06:39:33 AM

你誤會我既意思喇，我講果句野其實重點得兩個字，就係「報警」
心目中既流程：
見到犯法行為-＞報警-＞疑犯受調查，客人走哂-＞再報-＞再查再走哂-＞...

直到個罪犯被繩之於法或停止犯法行為為止

至於黑唔黑心腸只不過係用黎保護自己既花話，唔係重點亦無任何意思既，文字遊戲黎啫。

作者: all_loving_it 時間: 2012-7-12 06:19:42 PM

dorisliu520 發表於 2012-7-8 06:14 PM
唉，係寵物店啲寵物好慘，又有飽飯食。
其實我哋可以POST 多啲有關動物嘅法律知識係依個FORUM，等第時我哋 ...

10個去寵物店買小動物既人有10個都係會簡健康可愛合眼緣既小動物, 個人認為係寵物店買小動物同積陰德無咩關係

如果真係想幫到小動物, 最好係去領養

然後將買小動物同絕育既錢捐返比非牟利動物慈善機構仲好, 敢樣就真係可以幫到更多小動物

作者: siutung 時間: 2012-7-12 07:08:36 PM

all_loving_it 發表於 2012-7-12 06:19 PM
10個去寵物店買小動物既人有10個都係會簡健康可愛合眼緣既小動物, 個人認為係寵物店買小動物同積陰德無咩 ...

佢地幾耐會搞一次捐款日??

作者: all_loving_it 時間: 2012-7-12 07:30:13 PM

siutung 發表於 2012-7-12 07:08 PM
佢地幾耐會搞一次捐款日??

你指兔協?

無話邊日, 日日都可以捐

可以上兔協到直接捐, 入落兔協個銀行帳戶亦可以

兔協都有好多兔兔既用品, 草, 糧賣, 佢地既收益都係用於中心營運開銷同拯救兔兔所需既支出

你可以上兔協個網了解一下 :
http://www.hkrabbit.org/donation_ch.php

附件: HKRS.JPG (2012-7-12 07:29:55 PM, 86.77 KB) / 下載次數 71
https://petkd.com/forum.php?mod=attachment&aid=MjQ5MzJ8YjRiNDAwODZ8MTcxNzk4NzkwOXwwfDA%3D

作者: wendy 時間: 2012-7-15 01:24:21 PM

唔好意思，見你o地講起「紅X蔔」，我就忍唔住想講下自己o既親身經驗！
幾年前上去旺角「紅X蔔」度睇小動物，行到熊仔鼠個箱前望多兩眼，有個大約三十歲o既男職員行埋o黎仲不停介紹，跟住佢企圖將其中一隻比較肥o既放上手比我睇，點知佢一伸手入去，隻鼠鼠就好驚，吱吱聲，仲幾次想撲埋去咬佢隻手，心諗隻鼠咁惡o既，再見佢撩多幾下，我就覺得隻鼠咁惡應該係有原因o既，因為熊仔鼠係好乖o架！我見隻鼠鼠咁驚就不停叫呢個人唔好捉佢，點知佢話：「佢（隻鼠）係咁o架！佢係全場最惡o個隻，係超級大惡霸，你等我一陣，我就捉到佢o架啦！」跟住佢做o左一個好得人驚o既動作，佢竟然出手打佢個頭仔，仲要好重力咁打落去打到佢跌低，嘩，真係心都痛埋呀，最衰o個時我比佢呢個舉動嚇到叫o左出o黎，佢就以為我擔心佢比鼠鼠咬，仲鬧同打多幾下o忝！就係因為呢個動作，隻鼠鼠就係我屋企住o左幾年！佢一d都唔惡，仲唔咬人，佢仲好o爹人，最鍾意係我隻手上面瞓覺……

歡迎光臨 PetKD 寵物網 (寵物領養、資訊廣告、用品買賣及寵奴互動平台) (https://petkd.com/)