PetKD 寵物網 (寵物領養、資訊廣告、用品買賣及寵奴互動平台)

標題: 兔子骨刺 [打印本頁]

---

作者: robinlaidn8    時間: 2013-3-16 02:34:58 PM     標題: 兔子骨刺

我的兔兔背椎有骨刺。可能因為痛導致她常腸停k。想問一下大家有沒有經驗。有沒有治療或舒緩方法幫t她？

---

作者: Admin    時間: 2013-3-16 11:42:36 PM

醫生點講??

---

作者: all_loving_it    時間: 2013-3-17 12:32:22 AM



你兔兔今年多大?  其實你所講既兔兔生骨刺, 即係骨質鈣化, 係骨骼老化其中一個現象, 係唔會康復, 只可以採取措施, 將症狀儘量減輕, 下面係一d建議 :

- 唔好比兔兔跳高跳低, 如果籠有二樓, 就要拆除

- 平日我地屋企既地板同籠底盆都對兔兔黎講太滑, 對年輕健康既兔兔黎講無咩問題, 但對年紀大或骨質出現問題既兔兔係相當負擔, 亦會令病情嚴重, 所以籠內可以鋪上carefresh, vetbed之類, 籠外活動範圍鋪上軟墊膠墊之類

- 如兔兔有用廁所, 廁所上既網格要拎走, 直接鋪墊材/vet bed, 減少腳仔所受既壓力

- 注意保暖同降溫, 因為天氣既突變, 會令兔兔骨痛復發, 亦會令抵禦能力大幅下降, 所以保暖同防暑方面要加強, 亦儘量保持居住環境干爽, 如開抽濕機/冷氣

- 因為骨刺出現痛症令平日做開既動作遲緩, 亦可能因此導至尿尿姿勢不正確, 會比尿尿整濕, 引起尿灼傷同其它問題, 所以要留意

- 骨刺係會影響消化系統問題, 影響排便同飲食, 注意兔兔平日既飲食量, 如發現飲水量少就要人手餵, 以免引起脫水同飲水量不足既情況, 若有餵干糧, 要先用少許熟水浸軟, 可以有助兔兔消化, 若食量少, 需要人手強迫餵食, 亦可多餵各樣蔬菜

---

作者: all_loving_it    時間: 2013-3-17 12:32:43 AM




- 需定期同兔兔磅重 (如可訂每月同一日去磅)同紀錄, 以確保體重既穩定, 無出現過輕既情況

- 另注意排便量, 如排便量明顯減少, 好大機會出現腸道暫時休克, 要幫兔兔按摩消化系統或定期給予益生菌

- 有一點係非常重要, 就係同兔兔梳毛同剪甲既時候, 抱佢唔可以強行, 佢一旦反抗, 係會好大力, 而依d力度會令佢骨骼受損, 所以唔可以迫佢留低, 一定要放低佢, 安撫完情緒, 慢慢再同佢梳毛剪甲之類

---

作者: all_loving_it    時間: 2013-3-17 10:43:04 AM



另外, 你而家有無比干糧兔兔食, 如果有既話, 可以考慮轉比

Oxbow Natual Science -- Adult Rabbit Food  ( 中文簡稱：自然科學製造之成兔主糧 )
[attach]26675[/attach]
因為依只糧佢入面含有Omega 3 & 6同草本成份, 對兔兔骨骼有幫助, 同時含有益菌, 有利消化系統健康, 對經常腸慢既兔兔有幫助!

我亦曾向兩位兔醫了解依只糧係岩年紀大同體質差既兔兔食

依只糧動物園同SR有售

另市面上有D所謂兔兔骨骼既含鈣保健品, 標榜兔兔因缺鈣出現骨質問題, 係補鈣產品, 依類產品絕對唔好比兔兔食, 因為完全無用, 兔兔根本唔會缺鈣, 兔兔無論係骨質疏鬆同骨刺, 都係因為老化問題, 而唔係缺鈣做成, 食左只會引發其他健康問題

---

作者: taotao    時間: 2013-4-4 11:58:34 PM

all_loving_it 發表於 2013-3-17 12:32 AM
你兔兔今年多大?  其實你所講既兔兔生骨刺, 即係骨質鈣化, 係骨骼老化其中一個現象, 係唔會康復, 只可以採 ...

想請教下，我兔兔右腳有問題，重心傾向右，所以右腳和patpat經常沾尿，籠內已經墊放尿墊上面加草，但兔兔好像不太鐘意睡在草上面，會挖開先睡，尿墊也咬到爛哂！你講的carefresh吸尿嗎？是否木槺的一種？會唔會影響兔兔呼吸系統？我剛才search過有很多不多顏色，應該買邊種好？thanks

---

歡迎光臨 PetKD 寵物網 (寵物領養、資訊廣告、用品買賣及寵奴互動平台) (https://petkd.com/)

Powered by Discuz! X2