兔兔絕育後点解唔食又唔飲水

兔兔做完絕育手術後五点到十点半都未食過一條草同飲水祗係痾過尿，喂草粉又唔得，点算好呢？

佢7點幾食左3條好短好短0既草之後到依家都唔食唔飲.......... 有無問題ga???
喂草粉佢爭扎得好犀利，我地又驚佢整親自己個傷口........ 都唔知點好:050:

連佢平時最愛0既油墨菜佢都唔食呀

到今朝佢都唔食野，又無"屎"痾，又唔肯俾人喂草粉!! 帶左佢返X多利，點知隻衰野俾姑娘喂就肯食草粉，仲痾埋屎添!!!!   真係俾佢玩死!!!:036:

[ 本帖最後由 eggegg89 於 2010-4-11 10:45 PM 編輯 ]

唔知點解小便仲有d血..... 依家係診所留醫!!!

係呀... 我尋日去接我隻兔個時已經見到佢(呀 b) 係入面個籠度都識自己行下!! 但我隻兔兔郁都唔郁... 成晚到今朝９點都唔食野又唔飲水，咪打返去問下點攪好囉!! 佢地叫我拎返去等佢地睇下同幫我餵草粉，尿尿就無血, 但都係唔肯自己食野，咁姑娘話Dr. Gerry 返過０黎睇過佢（註：　Dr. Gerry 今日放假)話無問題，依家接左返屋企，都係唔食野０既話每２個鍾餵草粉佢食!!  

(我個隻係個袋出０黎個陣後腳都係唔識郁咁跌左一跌, 嚇鬼死我，之後我又見佢訓住條毛巾有血，而佢又唔食野喎！以為佢跌傷個傷口呀!)

死啦!!!!   唔知佢係咪嬲左我地定烚我地 .................. 頭先餵草粉佢0累返出0黎:073:

我隻兔尋日係因為尿尿有血所以睇醫生0既，我之前睇左dr yen, 照過x 光無生石去到驗尿又無血，咁佢開左d消炎藥俾兔兔 (佢話可能尿道/膀胱炎)，但如果都有血就應該係子宮病變叫我做絕育) 咁我住屯門呢度d兔友又話 dr. gerry 做絕育好，咁我梗係屯門做啦!

尋日驗尿都係無血，咁佢問我做唔做desex, 咁我都覺得佢子宮有事就做埋啦，因為做完手術見dr gerry 話發現佢子宮有積血但無腫癗可能係早期子宮病變，做完之後尿尿應該無事!!  應該係咁所以醫生要我地入去同我地講返佢0既情況!

但頭先去診所俾姑娘餵個陣佢好乖係咁食無0累0架喎...........................!! 但我地頭先餵20 ml就累左4份一度仲係咁掙扎，我地都唔敢再餵, 好驚佢整到傷口!!

佢依家好似唔信我地咁，一見到我地攞條毛巾就想走，捉佢又係咁想跳我地無晒佢符!:047:

佢0岩0岩肯自己飲左少少水同自己食左一條油墨菜!!  咁都放心d，不過依家又再訓 lu!