胖胖尋找愛心主人

以下一番話係我幾經思量同沉重心情下寫的，
希望大家能夠體諒。
自從我7月尾發燒之後，隻眼好紅同不停流眼水，
睇醫生，醫生話我唔係紅眼症，因為我出左街就無咩事，
只要一返自己房，對眼就會再痕，滴眼藥水都無用。
醫生話係因為我對兔毛敏感，不過係發燒後忽然間先有。
情況直至我好返都係咁，我出去住左幾日返黎又係咁，
依家兔兔住o係我男朋友度，但係佢屋企係唔可以長住，
呢個禮拜要遷出。
我已經無辦法再養兔，希望有心人能夠收養。
無意收養都可以睇睇佢相簿, 因我都好耐無上黎分享兔兔消息, 無我facebook ge朋友都可以睇下隻可愛胖...
兔兔資料
名稱: 胖胖
品鍾及顏色: 賓尼兔，啡色，混少量灰色(見圖)
相簿: http://www.facebook.com/album.php?aid=106693
歲數: 3歲 (個樣睇落好bb)
性別: 雄性(已絕育)
習性: 喜歡被人摸頭，但性格較cool，得意樣搭夠，
      有少爺脾氣，唔鍾意人搞佢d野，但唔會咬人，只會咕咕聲大你，
      極度為食！
      率性而為，隨時隨地攤長自己趴在地下，
      一日中槍幾十次，包睇到飽，
      只會在籠入面去大小，但唔識用廁所。
      食開Oxbow同Momi，唔鍾意食枝，最鍾意食花，
      食Momi都係鍾意食2nd Cut，寧願唔食都唔食枝！
      糧都係食Oxbow成兔糧，但因佢唔得肥，所以每日一定要餵5大塊菜。
主人要求: 18歲以上，要有經驗，或熟讀養兔資料，經濟及家人許可。
          要準備齊全所有用品:
          1. 草(oxbow / Momi 2nd cut)
          2. 針梳 + 排梳
          3. 按摩梳
          4. 廁所底網(q兔方形廁所用)，墊料
          5. 胖胖唔鍾意用草架/草球，要用瓷龍貓屋入草
          6. 大籠
          7. 大水樽
          8. 兔袋及冰種
免費配套: 1.Oxbow成兔糧 (剩3/4)
          2.草 (不定)
          3.瓷糧兜
          4.指甲剪
          5.數litres白楊木木糠(圖:)
          6.廁所(無網)
          因胖胖現住的係大大亞加力膠膠箱，不宜搬遷，
          另水樽因特別訂造的膠箱而改造過，不配合籠。
有心人請PM或用e-mail聯絡:[email protected]
本人不願將胖胖送回兔協，因我想親自為胖胖揀個好主人，
不想交與3唔識7的人，申請兔協的人有好多半桶水。
另外新主人不得將胖胖轉售他人(包括意圖及企圖)，
否則我祝她/他不得好死！
如果新主人又唔養胖胖，一定要搵個好好好好的主人，
否則我又會同上，祝佢....

[ 本帖最後由 chrisyan 於 2009-8-14 02:08 PM 編輯 ]

原帖由 cordero 於 2009-8-14 08:45 AM 發表
真係好可惜呀>.<
你咁錫胖胖唔可以再同佢一齊,可惜我暫時未返到hk...
我都好想可以照顧胖胖:050:

胖胖真係好可愛又百厭,
所以我成日叫佢做臭胖....
如果你可以照顧到佢,我真係會好安落.....唉......

原帖由 lingyan 於 2009-8-14 11:33 AM 發表
你唔係有幾隻兔兔 ??

係呀, 一開始係架...
不過雪兒好耐之前因為腸停, 睇左醫生之後涯左半個月就去左, 佢差唔多時,我一直抱住佢, 佢係我懷抱中去ge.
只於夢夢, 胖胖一直當佢係大佬, 成日捐落夢夢肚底下, 飲水又會讓夢夢，可惜夢夢同胖胖相處左半年後開始係咁蝦胖胖,
胖胖飲緊水時夢夢就會即刻過去同佢爭,同細細力咬佢.其實夢夢又會lam胖胖. 最斃係我俾幾多草,夢夢一定食去3/4,
胖胖食草食得比較少, 所以夢夢一直肥大, 胖胖一直瘦, 我見唔係辦法, 就分開佢地養.
一開始知道有敏感, 我以為係夢夢長毛易惹敏感d,所以先俾朋友暫養,
後來知道連短毛胖我都受唔到....
朋友依家已經應承照顧夢夢.....
可憐我要同胖胖分離........佢真係算係飽經風雨...今次已經係第4次....胖胖少爺脾氣都好容易理解....

原帖由 珊迪小姐 於 2009-8-14 12:44 PM 發表
胖胖好得意呀!!? =)
發完燒無啦啦會對兔毛敏感??
吾好嚇我啦,我今日發緊燒請左病假!! :067:
有無得醫嫁???

敏感呢樣野好神化ga...
我第一次食蟹會敏感...雙眼腫曬...
第二次食就完全無問題...
我有個朋友一向對我d兔無咩反應, 點知突然一次上黎 好似我依家咁, 係對眼有事...
其實我日日都幫佢地梳毛, 甩毛應該唔太嚴重GA LA ...

原帖由 芝士媽 於 2009-8-14 01:45 PM 發表
一定好唔捨得啦 #^56^#
希望胖胖搵到個好主人~

我今日買菜菜俾佢食都唔見得佢呀....以前我總係逐塊餵佢.....

原帖由 勞仔 於 2009-8-14 02:23 PM 發表
敏感，有無試過食中藥去醫丫?
有時西醫未必醫得到，反而中醫或針炙會更有用喎。

我無試過呀...不過敏感我諗中藥未必幫我解決到...
好似我家姐對芒果敏感, 我阿媽對牛肉,蝦敏感呢d都無得斷尾架...

原帖由 redbean 於 2009-8-14 09:13 PM 發表
我覺得你真係可以試下中醫,
不過要有料個d

我之前一宜都無敏感
不過自從養左兔兔

隻手就一直生水泡,脫皮,痛,爛手
睇極西醫都唔好

我諗住放棄去醫架啦
就算要我成世係咁
我都唔會放棄我隻兔兔
如是者過 ...

wa~~~真係咁有料...真係要介紹下~~

原帖由 debbie1222 於 2009-8-14 03:55 PM 發表
(((可憐我要同胖胖分離........佢真係算係飽經風雨...今次已經係第4次....胖胖少爺脾氣都好容易理解...)))
第4次是什麼意思??係咪以前有3位主人連埋你共4位唔要胖胖??

其實係咁, 當初06年時胖胖同胖虎一齊被棄去兔協,被領養後,
08年時又再次送返去兔協, 我當時見到胖胖就諗住去apply
點知被人養左,但係兔協staff就話可能會唔成事, 因為新主人有大病,要做手術入醫院..
咁我就話可唔可以填申請表, staff俾呀, 隔2日就約時間叫我上去睇胖胖, 順便接走,
當時我同珍媽相遇過, 大家都係同兔兔見面同攬攬.
其實就係咁樣喇....

原帖由 Mika_T 於 2009-8-15 01:05 AM 發表


頭先都講左, 我都係咁講je, 唔啱聽咪唔好理囉.
我又唔係鬧佢, 唔通我咁講完佢會唔棄咩..#^76^#
而家大把人棄兔la, 8歲老兔都有人棄la, 唔通我又走去鬧佢咩?

你係"聽聞"我係新手...
其實我唔係, 我之前已經有幫手照顧另外3隻兔~ 佢地叫左細佬,毛毛同阿呆~ 3隻都唔同品種,大約係半年左右~~
另外兔協無揀錯我做主人, 因為我好錫佢地, 每日諗點樣佢地會住得舒服d呀~食多d呀~所以我有好多DIY野for佢地, 我諗呢度好多會員都知~
又幫佢地訂個大亞加力膠箱,雖然係好貴,不過住得舒服d,而且我d兔兔係o係我間房, 我24小時開冷氣俾佢地, 草草我不停有加~等, 唔可以盡錄...
我每日都寫照顧兔兔ge diary同schedule,例如今日幾點梳左毛, 餵糧, 換墊料, 屎屎尿尿有咩變化,有無輕重等等.
如果你有睇我fb胖胖個album,我諗你會感受到我有幾愛胖胖架.
同埋我養佢地之前搵齊曬資料ge~~包括養兔知識，用品食物ge資料~~你真係唔使擔心~~因為我由細到大都好鍾意兔兔,身邊所有人都知我鍾意動物.

另外我話兔協有d申請者係半桶水都係事實, 只要你有做過兔協義工, 你都會知道大部份人係有heart養兔兔，
但係都有部份人對兔兔d habbit係真係唔係咁熟,即使呢個forum, 都係有會員從兔協領養左兔之後,
會俾日本糧,同用鐵網地ge籠.
當然新手經過呢個forum薰陶,一定會清楚養兔更多details,去改善.
但係唔可以否認呢D係半桶水.(我絕對無貶義, 因為個個人都會經過呢個階段)
我作為一個主人, 係有"義務"去搵一個熟識養兔ge人,先將胖胖交托俾佢,
我唔想冒一個風險.
我希望你明白, 我完全唔係話緊兔協, 無兔協, 我永遠見唔到胖胖, 無呢段咁美好ge時光.

無奈ge係我身體機能唔爭氣, 自從7月尾發燒, 我突然有敏感呢個問題.
我都無辦法.
因為胖胖係我個仔,我相信我重視胖胖比每一個人都多, 呢點係不容置疑的.

最後你話其他會員唔鍾意就唔好理, 咁點解你要唔鍾意我係無可奈何ge情況下要拋棄我個寶貝,要出post求助時你要用一個咁唔尊重我ge語氣reply呢?(呢個問題唔使答)
<""申請兔協的人有好多半桶水"
咁係咪即係話兔協揀錯左你做胖胖既主人呀?">

原帖由 redbean 於 2009-8-14 09:13 PM 發表
我覺得你真係可以試下中醫,
不過要有料個d

我之前一宜都無敏感
不過自從養左兔兔

隻手就一直生水泡,脫皮,痛,爛手
睇極西醫都唔好

我諗住放棄去醫架啦
就算要我成世係咁
我都唔會放棄我隻兔兔
如是者過 ...

我個朋友依家幫我養夢夢,夢夢係好乖架, 完全識去廁所無問題,而且無咩脾氣,
但係佢屋企人唔贊成佢照顧兩隻, 除左佢, 我身邊無人有養兔經驗+時間.我唔想交拖俾佢地...
胖胖性格就唔同ge,會有脾氣, 去廁所習慣尤其唔同, 所以我依家用尿片+白楊木糠墊曬佢住ge箱ge.因為佢痾係靠邊中間, 廁所整唔實呀~~
其實敏感好影響我在家ge生活, 因為隻眼會好痕同流眼水, 會忍唔住捽佢,眼都腫埋, 完全唔想打開眼...
你個時醫左幾耐呀? 我媽都係敏感, 隻手會爛, 一直醫唔好, 我真係想搵佢試試~

我男朋友雖然係我嚴厲督促下日日準時餵+梳毛, 不過佢阿媽已經日日咆吼啦@@
我時間唔係好多咋...

原帖由 cordero 於 2009-8-15 07:26 AM 發表
有個問題要解決先....
如果胖胖同珍珍一齊,唔可以用尿片同木槺
因為珍珍鍾意食尿片,珍嫲對木槺敏感....
咁仲有咩辦法呢?

其實我預左唔會有人好似我咁養~~
不過記得珍珍好似會訓落尿尿度~
你會唔會試下用Carefresh紙屑+木粒~ 木粒擺係佢地always去尿尿個度, 跟住再舖紙屑/淨紙屑~
每日/隔日除個籠底出黎倒左佢, 抹抹就搞掂.兔兔唔會整邋遢自己~~
另外唔使用廁所多好多位~~
如果兔兔唔係次次都去廁所尿尿, 我覺得呢個方法其實好方便ge~~

原帖由 williamchw 於 2009-8-15 08:52 PM 發表
我都明白樓主嘅情況,因為我上兩年開始好似樓主咁眼睛過敏,又係癢到半夜訓得好都癢醒,個排真係好慘.當時無養寵物架,個醫生話敏感源係"空氣"!!:056: 佢話因為珠三角d懸浮粒子吹晒過嚟,而我住屯門更加吹正, ...

係邊隻藥水..可唔可以講個名我聽, 等我試下~~

原帖由 williamchw 於 2009-8-17 01:20 AM 發表
隻眼藥水係叫"抑敏滴"英文"emadine 0.05%"藥廠"alcon",個盒係藍色,用法:每日三次,每次一滴.萬寧賣$9x,應該唔駛醫生紙,因個醫生都係叫我用完自己去買的.不過穩陣起見可能睇咗醫生會好D.:002:
加油呀.:038:

我聽日去買!!!
thank you so much!!!

我本來打去plan左星期一去睇個中醫,(mon-fri 應診)
問過我阿媽之後知道左一樣野,
因為我阿媽對手長期嚴重敏感, 日日要帶手套訓覺, 所以多年黎睇過唔少醫生,
呢個係其中一個, 我阿爸做裝修, 有排又係好似我咁對眼有敏感,(對木糠+塵),
所以我阿媽拉埋我阿爸去, 結果我阿媽對手都係好左一排就無效喇, 我阿爸更加係唔得,
所以我 阿媽話我曬鬼氣, 一家人2個人都醫唔好, 中醫係慢慢調理,話我咁嚴重點得...(我隻眼d肉腫曬出黎)

所以我決定唔去睇住喇, 試下藥水先,

另外男朋友阿媽日日咆吼我同佢, 話下個禮拜仲見到佢, 咁以後就唔使旨意見到佢咁話,
我所剩時間已經無多, 再搵個醫生都未必及時救到我,
依家以我所知, 得返試眼水呢條路, 我諗住滴2日先上去睇胖胖,
呢個禮拜都唔得就珍爸屋企見架喇..................

雖然我屋企人無心臟病, 糖尿等等遺傳病,
但係敏感就差唔多個個都有, 家姐對芒果敏感, 食左個嘴會腫,
阿媽對魚,蟹,蝦,牛肉敏感, 食左隻手會爛,
我細佬對冷氣會有鼻敏感,
我就一時時,
其實敏感呢個問題真係好麻煩.....

原來咁多人住TM,我男朋友都係wor~~
RE: otola,佢叫胖胖呀~~^^
我琴日滴左第一日, 都唔知其實O唔okay~
因為胖胖搬左之後一排,d敏感徵狀其實都無曬~
真係要親身上去探胖胖先知~~
我聽日就會去探胖胖架喇~~
希望保佑下我一切回復以前啦~~