新手養鼠.... 但隻鼠鼠甩毛呀, 唔知點處理

我今晚領養左隻鼠鼠, 前主人話隻鼠2-3日冇沖涼, 仲甩好多毛, 佢而家不停咁"R", 背脊啲毛甩晒咁際
因為我未買任何用品比佢, 只得包食糧, 我用個木盒舖左塊廚房紙比佢暫住, 聽早先去買嘢
而家啲便便一粒粒咁係張紙上, 我驚佢已經有細菌感染皮膚呀, 點算好
我係咪要帶佢睇e生, 定係比啲沖涼粉佢沖涼就ok

啊... 仲有呀
鼠鼠多唔多飲水, 因為冇水樽, 我怕佢口渴, 捱唔到聽日:065:

係呀, 見到皮
我係前日應承左領養, 但呢兩日完全冇時間去買, 要聽日放假先得閒
我用手唔驚呀, 不停咁抓狂, 抓個木盒, 好似想逃跑咁

係我用手佢好驚先對, 同埋我唔敢抱起佢, 因為佢太驚, 不停咁抓個盒要走, 我怕嚇親佢

我都知我唔好啦....:011:
我切左啲橙入去, 希望佢有啲水份, 好彩佢都有食
佢有食瓜子呀, 因為上個飼主只係比瓜子佢食, 佢可能未食過其他野, 所以冇食啲粟米粒

唔知係咪屋企人訓晒又冇左電視嘈吵聲, 而家好靚, 佢好似定左好多, 冇抓狂

而家好靜, 不過一對佢講野佢又神經質咁抓野

下... 死啦, 佢食左橙......

聽日我得閒呀所以會帶佢睇e生, 請問收費大約要幾多$$

不要誤會, 前主人係有養鼠, 上個月生左一堆, 唔知係咪佢等人領養放左係公司所以冇用品沖涼就搞成咁

各位前輩

我知大家心痛隻鼠搞成咁, 不過我反正而家接收左, 最緊要e返好隻鼠先
我掉走晒啲橙了

如果一次就e返好鼠鼠, 幾多錢都要俾, 不過我想有個預算吧

剛剛清下個兜既便便同食物, 隻鼠好驚, 係咁避, 搞左好鬼耐, 搞到佢差啲抓我
冇辦之下夾硬打斜個兜"sir"佢去第2個兜取走啲烏joe紙同食物, 再"sir"佢返去個大兜, 我怕佢以後會驚左我, 咬鬼我

#28知道, 我會預約了

多謝各位教導, 好左呢度有咁多有心人, 感動:048:

我見烏joe加上佢皮膚有事所以盡快清一清先
清左之後佢好似舒服左, 唔知係咪訓左覺

倉鼠訓覺會唔會有啲啲震震下咁呀?? 係咪正常?? 定係驚/覺得凍

謝謝各位呀
#33我諗佢尋晚應該係凍, 今日買間屋仔比佢, 而家係入面訓就冇咁震震下
#34我買左一隻冇味既木糠, 牌子係Ono, 係旺角金魚街買, 職員話呢隻比較軟身冇咁硬
#35我屋企日頭都唔多靜, 我每星期都要開吸塵機吸塵, 我屋企人日頭又頗嘈, 所以都擔心嘈到佢, 搞到佢好驚
#36哎吖遲左睇... 我今早去左買籠

今日去買用品, 順道比寵物店職員睇下毛仔, 佢地覺得毛仔係生皮膚病同埋似唔夠營養, 已經建議我用皮膚藥水同埋食麵包蟲補充蛋白質先, 如果情況冇好轉先再睇e生, 所以今日冇帶佢去睇e生呀

而家有第2樣問題, 職員教我用個小盒倒啲沖涼粉再放鼠鼠入去佢會自己碌地沙沖涼, 但我求先照樣做係唔work, 毛仔嚇到賴便便, 不停咁抓狂要走, 你地係點幫鼠鼠沖涼?? 同埋每次沖幾耐?? 要唔要每日都沖??

哈... 原來係咁, 我有將個沖涼盆放入籠但佢都驚到震晒