(24/5更新左最新情況+相) 森美腸停情況變差....不知所措!!!!!!!!

24/5
無論點餵,森美仔點都唔肯吞d草粉...
森美媽好不知所措,而佢今日既胃口亦冇琴日睇完醫生咁好...
草草都只係食少少少少,菜菜就唔肯食...
問左兔協既人
佢地話我針筒唔夠入,但我之前已經係好入的了..
佢地亦教我試下揉d草粉丸比森美睇下佢食唔食,可能佢唔like流質野

anyway,我會再努力嘗試!
森美仔,媽咪唔比你放棄呀!!!!!!


p.s 多謝jan jan媽的幫助和光之天使的問候,萬二分感激!


23/5
感謝各位的關心支持和鼓勵!
森美而家回復番精神,而且終於肯自己食少少草,食藥方面都好合作(因為甜甜的藥~_~)
唯一唔係咁樂觀既就係佢唔肯食草粉
就算d草粉吱左入口,佢都完全唔肯吞,任由d草粉自己漏番出黎...:016:
各位有冇遇過類似既情況?可以點樣令佢吞??:016: :016:

我會keep住幫佢按肚肚同埋逼佢食草粉,希望夜d食草粉既情況會有改善..!



22/5
點算好...
這兩天本來病情一直好轉..
而今日大圍度做day care果時e生都讚佢叻,好番好多,亦好精神
但番到屋企就變差哂...
一出袋就變波,又唔肯食草...
之前由唔肯食草到肯自己食草,但佢而家又唔肯食草..
連草粉都唔肯食
餵左入口都推番出黎...
我不停咁幫佢按摩肚仔
但都冇好轉..
由大圍番到黎7點幾,
一直都冇cc亦冇尿尿...
點算好...

我想聽日一早帶佢去九龍塘睇betty..
但呢3日森美已經來回大圍做day care,我驚佢太周車勞頓承受唔到..
九龍城果度一定係full booking...
前兩日森美腸停我打左過去佢一句話full booking就reject左我,我問佢地有冇walk-in個姑娘一句話冇就cut左我線...我好不知所措...點解會咁...
我應該點做好????????????????????????????????????????????????????????????????
佢死都唔肯吞d草粉,有冇辦法可以令佢肯吞???????????
救命呀!:050: :050: :050: :050: :050: :050:

[ 本帖最後由 happygirl2009 於 2010-5-24 01:29 PM 編輯 ]

可能坐完車返黎所以唔肯食~
total對上一次腸停,我又係帶佢去九龍睇dr.yan~
之後返到屋企,我即刻想餵佢食d草粉先la~成日無食過野咁濟~
total又係一口都唔肯食,明明平時好愛~

夜d再餵,佢又肯比面食d喇~
可能因為周車勞頓,所以一返到黎屋企唔想食野~
你試下用針筒餵佢飲少少水先~點都迫佢有d水份落肚~
再夜少少,12點左右再餵草粉~

細細聲係佢耳邊...同佢講...叫佢要叻仔,要食野~
其實我覺得兔兔識聽我地關心佢架~
對上一次我好驚好緊張,都有一邊按摩一邊同total講,叫佢加油~

你聽日打去book左九龍先,
full booking都照book對落一個時間,
萬一到時真係要睇都有位,另外都同返姑娘講森美既情況,睇下佢地有無辦法~

即係問佢最快幾時有位睇~
book左個時間先~~

你有無開稀d草粉?
繼續幫佢按肚仔la~
希望可以幫到佢條腸郁~

今晚記住留意住佢~
我聽過腸停會令兔兔呼吸困難~
最好開住冷氣陪住佢~

睇到醫生就好喇~
森美好快好返架喇~

但係你記得要諗清楚究竟森美係咩原因腸停~
特別係佢既飲食,以後要更小心控制喇~

食完藥幫佢按摩下肚仔~
每日三餐咁按~
其餘時間唔好騷擾佢喇~比佢抖下

total當時腸停,
藥又食左,草粉又食左...
但就係唔肯自己去食草....
我無晒辦法,唯有keep住幫佢按摩~一路同佢講野~
按左半個鐘,按到佢肚仔好似有d咕嚕咕嚕~
之後佢就自己跳去食草飲水~~

所以你keep住一日幫佢按幾次~
特別係食完草粉之後,隔5mins左右又幫佢按一陣~

我地唯一可以努力既就係呢樣野~

會唔會係餵得太急呀?
你逐少逐少咁唧~
每次唔多過1ml~
佢應該點都要吞架~

如果你仲feel到佢個肚有d硬~
可能佢腸入面仲有野kick住~
所以病情先反覆~

keep住幫佢按摩la~
加上佢依家又肯食d草~又有藥
再肯飲少少水加上你既按摩~
好快會郁返架喇~

加油呀~