經濟日報新聞 - 兔仔復活節當紅 飼養要三思

Suki碎碎念 :

不論做咩都好, 真係要停一停諗一諗, 唔好三分鐘熱度, 大家都係成年人, 唔好禁不負責任, 小動物係有生命, 唔係比人玩既玩具

點解兔年要買兔
虎年係咪要買虎小朋友出世後 d 父母就唔要兔兔敢即係教育下一代長大後連父母都唔要啦

Dylan 發表於 2012-3-30 12:18 PM
點解兔年要買兔
虎年係咪要買虎小朋友出世後 d 父母就唔要兔兔敢即係教育下一代長大後連父 ...

唉, 咪就係錯誤既心態, 就係一時興起, 以為順應潮流去買返黎應年, 根本就不知所為......

話因為bb對兔毛敏感所以唔要兔兔, 我覺得只係搵一個好似大條道理而棄養, 到底真係完全因為兔毛敏感而放棄, 定其實係多了一個阿b要照顧, 多左開支, 所以唔想再花精神, 時間, 金錢去照顧兔兔, 而棄養呢?

一個人要去棄養小動物, 總有好多講出黎迫於無奈既原因, 但說到底就係唔想再要只小動物, 對佢已經厭倦, 唔想再對佢付出, 就係敢簡單

Dylan 發表於 2012-3-30 12:18 PM
點解兔年要買兔
虎年係咪要買虎小朋友出世後 d 父母就唔要兔兔敢即係教育下一代長大後連父 ...

我相信任何事都係一個循環, 自己曾經做個既野, 最後都會再返翻到自己身上, 小朋友最開始就係依父母為榜樣......

就算仔女尚係一個"BB", 父母既言行舉止已經對佢有好大影響, 亦同時已經係教育尚在BB階段既子女, 唔好以為佢仲未識性, 其實BB根本已經可以感知同接收到, BB未出世尚在媽媽肚入面都已經可以教育 (胎教), 感知外面既世界, 父母既心情, 更何況出世之後........

係呀有了小朋友總有一大堆唔成埋由既原因放棄小動物 有感情嫁媽
真係好難想像為人父母既一旦發現小朋友係長期病患果時會回點呢
好似 d 新聞報導敢有仔女將老父丟棄起大陸呢 d 狠心兒女真係 . . . . . . 就連自己爸爸都敢丟都唔洗旨意佢會愛護家人子女啦
我見到一對母女開開心心買兔兔返去媽媽重教育囡囡敢話唔有三分鐘熱度如果你丟咗佢我就連你都丟出街
其實有好多個案動物 e son 幫到一 d 有頑病既人
我一開始幫 bB 梳毛毛果時都好敏感敢咪帶 mask 囉而後來梳多幾次都就習慣咗一 d 敏感都無就連 mask 都唔洗用咧
返工收工去街就連去旅行都掛住 bB
我一向都有潔癖嫁自從佢來咗我屋企之後就正常返喇重日日抱住佢鍚佢額頭面仔咀仔耳仔朝朝同佢 say goodbye 晚晚同 say good night 重成地都係草草就連兔婆來到我屋企都碎碎念一屋都係兔兔 d 野梗係啦兔兔野一定要多長期有一大箱 25 lb 草同一大袋貓砂

Dylan 發表於 2012-4-2 11:16 AM
係呀有了小朋友總有一大堆唔成埋由既原因放棄小動物  有感情嫁媽
真係好難想像為人父母既 ...

無辦法呀, 太多人有錯誤既態觀念, 有機會只能同人分享親身既經驗, 我地無可能強迫人地改變, 唯一可以做既就係做好自己, 儘個人本份.......

你都係1箱草同墊材, 我比你更多, 因為我除左固定有2箱T草 + 1大箱係好幾種其它牧草 + 1箱紙粒 + 1箱O記麥草粒 + 1箱玩具, 磨牙磨爪用品 + 1大盒佢地既藥草同補品

養得佢地, 敢就一定有佢地既野啦, 依樣預左.....

我都有 2 個籠 2 張床仔重有好多好多玩具
少少 hay cake 同 treat
你果 d 係咩補品黎嫁會唔會係冬蟲夏草粉重有 d 咩藥草點樣用

all_loving_it 發表於 2012-3-30 07:37 PM
我相信任何事都係一個循環, 自己曾經做個既野, 最後都會再返翻到自己身上, 小朋友最開始就係依父母為榜樣 ...

小朋友好小氣嫁
我家細佬細細個果陣養咗隻雞雞
佢記到而家重講緊媽媽劏咗細個果時養果隻雞雞呀

Dylan 發表於 2012-4-2 03:56 PM
我都有 2 個籠 2 張床仔重有好多好多玩具
少少 hay cake 同 treat
你果 d 係咩補品黎嫁會唔會係冬 ...

補給品方面 :  
蟲草膠囊 - 每日1粒
雲芝膠囊 - 每日1/2粒
靈芝膠囊 - 每日1/2粒
Fiberplex - 隔日1次
Protoxin益生菌 - 每日1/2包
Bene-bac益生菌糕 - 隔日1次
維生素C - 每日2克
維生素A - 每日半片
----------------------------------------------------------------------------------------------

另藥草方面, 因為每只兔兔體質不同, 所以未必一定合適, 而且我其中有2只兔兔都係有長期病患, 所以佢地食既藥草比較多而且有好幾種, 全部都係咨詢個醫生既意見, 所以你可以問醫生邊d比較岩你只兔兔會較好

all_loving_it 發表於 2012-4-2 05:01 PM
補給品方面 :  
蟲草膠囊 - 每日1粒
雲芝膠囊 - 每日1/2粒

wow 你係唔係兔協既義工做寄養家庭嫁
你知道禁多野既

Dylan 發表於 2012-4-2 05:10 PM
wow 你係唔係兔協既義工做寄養家庭嫁
你知道禁多野既

我無做過暫養, 不過, 我因為養左兔兔前後都有9年, 一直都有睇好多有關兔兔方面既資料同參考書, 第1只兔兔係寵物店買, 由細到大好多病, 再加上我現時領養返黎既兔兔其中有2只本身已經係長期患病, 再加上因為年紀開始大, 要係身體健康方面多注意, 所以, 我最近依幾年仲睇左好多有關兔兔有關健康, 行為問題等各方面書, 可能會比較了解, 不竟如果對兔兔各方面了解多d, 可以在日常照顧起居方面多加注意, 對佢地健康有一定幫助, 即使有問題都可以早d發現

再加上佢地健康問題, 我經常要同佢地去睇醫生到覆診同檢查, 平時睇書同資料方面唔清楚既, 都會請教醫生, 久而久之就知道......佢地身體唔好, 所以, 我除左比之前講既補品, 藥草, 藥物佢地食之外, 每日比佢地食既都比較講究

Oxbow Timothy
Oxbow Oat Hay
另每日輪流混各形式各樣既牧草比佢地食 (例如 : 燕麥草, 百慕達草, 高山草, 果樹草, 小麥草, 盆固草, 狼尾草, 稻草......)
APD Mountains Grass草粒 - 1/4包
Mazuri成兔糧 - 1湯匙
菜 - 每日3種不同的蔬菜1杯
草磚 - 1粒

以上為每只兔兔既分量