本帖最後由 J.Milner 於 2010-4-30 10:43 AM 編輯
叮叮, 有緣再見. 03.04.2009 - 29.04.2010
一年間, 你的而且確帶比我地無限的快樂
遇上你的原因係因為係有一日係寵物店見你比其他同伴咬到你遍體鱗傷
忍心不下, 三日後再去看, 你還在, 於是將你帶回家
初時你好怕人, 之後就膽生毛鐘意就咬人
寵物帶給主人的歡樂遠多於主人帶給寵物的歡樂, 係真的
不幸, 就係你一歲生日會個日, 就發現左你呼吸有問題
你d心跳聲音同身體起伏都快得急得好唔尋常
食野食少好多, 精神差左好多, 由80幾g跌到得番50幾g
我地已經盡快幾日後帶你去大圍睇醫生
醫生話你好可能係肺炎(肺部感染)
已經開左抗生素醫你同餵食糊仔去保持體重
但情況依然唔係好樂觀, 仲瘦到頭仔縮細左, 連肋骨都摸到
終於琴晚, 你已經處於彌留狀態
但你突然有一刻, 你好精神, 係咁跑
係你用盡力表演, 去令爸媽再歡笑嗎?
你成功了, 病的三個幾星期內我們的確再無為你而真心笑過
你挨足一晚, 直到今朝真係唔得了
今日6點起身見你已經好辛苦, 仲有微弱呼吸
我仲餵左糊仔比你食, 食哂了, 可惜你食得好辛苦
但7點我準備出門時, 我好擔心, 再番轉頭睇你
你已經成身打側, 好辛苦用口去呼吸, 我知你快要走了
我放你上檯, 你已經全身放軟, 但你用盡微弱的力走回我手掌上
跟住再係我手中掙扎似的, 想回到你既籠仔嗎?我幫你...
就係短短十幾秒間, 我親眼見住你身體抽搐, 四肢伸直, 張開口
之後再動也不動, 我再次抱起你
我聆聽到你再無心跳聲, 你感覺你再無身體起伏
我知你最終挨唔住走了, 我輕吻了你
將你用紙巾包好後, 輕輕放入盒中, 再加入你生前最愛的食物
爸媽一起送你去寵之天國善終中心, 今次係最後一次帶你出街了
我地跟你作最後道別後, 將你輕放係我地掌心中影左一張相
再見了, 明天你的骨灰同DNA頸鍊都會長放係我家, 因為呢度永遠都係屬於你既家
下世你要做人了, 做一個好人, 一個充滿愛心既好人
我地有緣再相遇了
叮叮, 有緣再見. 03.04.2009 - 29.04.2010 |