愈來愈曳

各位兔友好呀, 好耐都無係FORUM出過聲, 今日就講下Jacqueline的近況啦


作為兔奴的我, 愈來愈慘了, 因為Jacqueline愈來愈曳, 都唔知點教好佢............
事源係6月我去了旅行, Jacqueline就由兔爸照顧啦, 咁我無交帶過唔好郁個廁所位置(其實完全亦無想過兔爸會擺響第二個位), 兔爸換完廁所就求其就手亂放, 自此之後, Jacqueline就開始周圍大小便啦, 以前佢100%VV+ 90%屎旦在廁所 , 現在隔天就VV在籠內、70%屎旦在籠底、2-3星期就VV一篤在任何地上。我要在籠內墊尿片, 除左大小便問題外, 呢個月仲咬食盆栽, 又曾咬過1次HEADPHONE線, 佢以前唔咬, 所以我日間都唔會關佢入籠, 但現在我出街都唔敢比佢自由行了, 要佢坐監

還有, 我去旅行期間, Jacqueline被兔爸縱壞左, 即使尚有好多草, 兔爸怕佢餓親, 都再塞滿新鮮的乾草, 結果Jacqueline變得挑食, 成日剩晒好多都唔食, 一肚餓就要求新草, 我唔俾佢佢一係就VV在舊草, 有時索性走去新草的袋內抓咬......務求得到手!  

佢似乎到左"反叛期"呀

真係好耐無見Jacqueline, 曳左咁多, 激死兔媽

平衡唔到點算?

Jacqueline  變左甘多牙....
可唔可以1指住佢個頭黎鬧???

trubi 都好似係 甘"  


我覺得係 更年期~~ 都 3~4 歲la~

Jacqueline 好耐冇見~^^~
幾時學埋靜妍啲衰野架！！！
通常靜妍咬草袋，我會拎袋草去一啲佢去唔到嘅位置。
如果佢唔食舊草，又周圍vv，可以拎走佢vv過果部分的草，但唔好加新草比佢，佢就會同你食番啲草架喇~
噚晚靜妍又係咁~好哂草~我就成個下就唔加草比佢，佢又走去咬草袋，又跟住我行路，去到邊跟到邊，我都唔加草比佢，去到晚上，啲舊草已經食哂，我先加草比佢。
兔兔係硬頸，但佢地肚餓嘅，都冇得比佢地揀，恨心啲就得架喇~

我隻衰妹一發脾氣就係草上面vv,dum 地，唔比我抱
但通常我一拎粒粒比佢，佢就下哂火hahaha

Twhtracy 發表於 2011-11-8 02:48 PM
噢 原來兔兔唔想食舊食發脾氣都會特登係d 舊草上面vv ga?

係架！
所以我都唔會就我兩個女，除非食哂啲草，唔係就咩都唔使食

兔兔真係唔縱得，縱得一次，佢下次就要更多架喇

靜妍媽 發表於 2011-11-8 02:58 PM
兔兔真係唔縱得，縱得一次，佢下次就要更多架喇

不過我唔縱佢，我阿媽縱佢

睇下我地唔縱兔兔既, 幾輕鬆......無咩煩惱

兔兔年紀愈大就會咬唔同既野嫁啦..好似我隻Yond咁之前都唔識咬被..Be都唔識咬紙皮..而家咪又係走去咬牙癢呀

我以前都係草球冇草就+新草..但成個籠都仲係揀出黎既草....我以前會將D揀出黎既草掉晒...但之後發覺呢個方法浪費勁多草..我就將舊草+新草俾佢地食..佢地慢慢峂會乖乖就範

Twhtracy 發表於 2011-11-8 03:27 PM
我... 我.... 我次次想罰佢都心軟了....

你而家唔罰..遲下一定後悔 你唔罰佢咪佢罰你囉

Twhtracy 發表於 2011-11-8 03:27 PM
我... 我.... 我次次想罰佢都心軟了....

你唔得咁架！
一定要狼心啲