Mocha 走了..走了...

19/3 早上4點..mocha叫了很多聲...把我嚇醒了...見到佢在抽搐...我抱起他想令冷靜下來

但抱在我懷之時...就斷氣了....停了...完了...世界就好似不在現實之中...

mocha身體就軟了下來...所有回憶都在眼中浮現...

仔...你叫我怎麼辦...到最後還頑皮的在我身上賴尿..是否要話我知...你嬲我工作關係而疏忽了你

你叫我怎向所有姨姨交代...我怎想你媽媽交代...你走得太突然了...

我不應太安心上床訓..應該陪著你...我真的很自責...很心痛...

你的一生都付在我身上...

希望這一天不是真...是夢...

[ 本帖最後由 elvisli 於 2010-3-19 05:23 AM 編輯 ]

雖然我冇見過Mocha, 但都有留意昨日的標題, 今日一見到這個標題都覺得好突然, 一路諗"唔係呀嘛". 明明昨日還在生, 今日就離去了. 但只少你可以陪著Mocha走完最後的路, 請節哀....RIP. 你要支持下去.

上堂之前咪媽突然同我講MOCHA走左，
我都唔係好信，到佢開俾我睇，我先信...
尋日先睇完醫生 ....

MOCHA 一向都走浪子路線，
但浪子走前都用盡氣力叫爸爸，
佢知道，呢個世上最痛愛佢既人就係爸爸。

MOCHA 你一路順風呀，
要係彩虹橋開心生活，以後再無病無痛，
記得幫我照顧妹妹同布甸呀。

仲記得之前你拎過mocha d黃金便便黎玩....

令我又貪得意拎max d便便黎玩...

上次朗莎便便相到而家見到都仲識笑，估唔到mocha 已經唔o係度啦...

mocha...rest in peace

Mocha一定會在彩虹橋快樂生活
Mocha爸振作呀．．你都要過得好好呀！

不要這樣子了.....
要哭就放聲大哭好了...mocha最喜歡真實的爸爸
他喜歡走浪子路線,做自己喜歡做的事
不受拘束
他沒有離開你和兔媽,還在你們心中,回憶中.........

一天你們定能在天上相遇

雖然冇見過MOCHA~
但我記得我第一次上o黎呢度已經覺得mocha好可愛~
而且睇得出mocha 爸你好錫mocha!

估唔到會咁突然...anyway, mocha爸你要振作呀!!
mocha一定會o係彩虹橋開開心心o架~~

R.I.P.

太突然了:050:
ｒｉｐ＝（

真係太突然...
我岩岩訓醒上黎就見到呢個標題..
嚇左一嚇...以為係第二隻mocha...

實在係太突然喇...
之前以為係小病...上次捱過左,今次都會無事...
估唔到原來咁嚴重..

mocha爸~
你要振作呀~
mocha特登叫你,係你面前走...係想好好同你道別~
一定都唔想你咁傷心~~
mocha會過得好好架~~~一定~

mocha可以係你懷抱中走 你又陪住佢 mocha已經唔會怕
希望mocha爸唔好咁傷心
mocha真係好可愛
佢宜家一定好開心咁係彩虹橋

振作呀! Mocha爸..
別遺憾..因為你同Mocha有一段共同回憶..

我相信你想同Mocha傾計時, 佢隨時都會聽到...

岩岩先知道呢個消息, 好shocking..亦都好難過好傷心
mocha爸..唔好太難過啦
mocha會知道你一直以黎對佢既好, 唔好怪自己啦,
願mocha係彩虹橋過得開開心心..
要振作呀！

[ 本帖最後由 bonedog 於 2010-3-19 11:59 AM 編輯 ]

由衷的多謝你們的祝福..到而家我還未控制到自己的眼淚...我太無用

安排了寵之天國即日火化.12點會有車黎接mocha..我..跟mocha媽....2點會入火化爐

想簡單的讓mocha走..好想讓可愛的樣子永遠留在我心...不想拖多幾日..我怕mocha會開始變樣..所以想一次做好最好的事

打了去醫院向昨天為mocha睇病的姑娘...姑娘聽到消息都覺得驚訝..好多謝dr yen 同 betty一直都盡心盡力醫好mocha

可惜今次mocha捱不住了..還記得晚上我跟他細語..要他快快好過來..還本想約波波去大棠玩呢,但一一都是遲了

是我鬆懈了...作為版主平時教人養兔..我真是自愧不如...我應該可以再好了....但我無做到..我好多個遺憾

好多說話未同mocha講...但已經太遲...希望mocha在這個家3年來是過的開心的...但mocha你不用告訴我我也知

你心是有我的...是愛我這個寵壞你的老豆

[ 本帖最後由 elvisli 於 2010-3-19 11:57 AM 編輯 ]

雖然我冇見過mocha~~ 但係呢度睇過佢既相~~
知道mocha 係個好可愛既小朋友~~~
放心啦~~ 中津會同mocha 係彩虹橋好開心咁生活呀~~~

Mocha 爸 加油丫~~ 努力丫~!!!!

今朝搭地鐵睇到個標題,太震驚...真希望你講緊笑..希望唔係發係呢個區...
最近睇返之前既相, 兔聚示範餵草粉既相, 迪欣湖既相, 一切黎得太突然, 一時間無法接受...
Mocha 爸你要振作, 佢仲有事要你做

一上黎見到呢個post, 個心一沉........
估唔到上次兔驟係第一次見到Mocha但亦都係最後一次
好鐘意Mocha, 好大隻....
Mocha爸, 你要震作呀
Mocha會係彩虹橋玩得好開心架
唔會再比畢仔追到dum地
Mocha, 一路走好, 我會永遠卦住你....