終於陪下我玩喇

今日我終於引到BU BU玩喇 定係BU BU終於肯陪下我呢
我頭先見佢衝埋我度 於是我好慢咁跑圈 BU BU又陪我跑
跑左好多個圈 之後我又跑大D 佢又跟呀 不過就開始精喇
跑左幾次就停左係度望住我 見我停 佢先直線咁跑埋黎
又會突然改變方向係另一邊迎面跑過黎 但跑多幾次就唔理我LU
難為我跑到頭都暈埋

佢實在係精過龍 我打算同佢剪甲 梳毛時 特登收埋D野等佢睇唔到
點知佢都好似知既咁 死都唔肯出籠 淨係裝裝下
我lee埋 佢走左出黎 點知見我係度又即刻衝返入去
平時一開門比佢就即刻衝出黎喇

BU BU都會沖埋黎頂下我 跟住跑開去又望下你
不過每次行到佢度 佢又會走去另一度攤 一係走返入籠
我覺得似整估我多d

包包通常都係搵我摸摸，未試過要我追佢，佢只會玩我!! 同跟出跟入

哈哈.. 我魚魚都成日會撩你玩..
走埋你度頂你兩下跟住就好似閃電咁閃左去..
伸個頭仔出黎望下見你唔追佢又衝埋黎..
之後又閃走.. 要你捉佢 -_-;
有幾次我玩佢.. 捉捉下佢走左入Toilet 開少少門睇下佢..
哈哈.. 佢會搵返你轉頭.. 搵唔倒我咪開門出返黎囉..
佢就即刻一支箭咁閃埋你腳邊然後比佢咬左啖 -_-;
話你走左去.. 嬲嬲咁話!!

我捉小丸剪指甲係要...  將個籠抽起....先至捉到佢出黎 :077:

我兩隻.....真係心情好先會叫我陪佢地玩~~仲要係我捉佢地:027:
我唔跑,又會走返埋黎望住我.....

梳毛又係~精到死架.......有時真係比佢地激死:037:

我都未見過ｃａｃａ　會搵我.!
反黎冇一個月....佢就咁......
我已經就快忘記左caca 跳兔仔舞...同跑ge 時候係點樣lu!...:050:

bu bu肯理我都係一個奇蹟

咁好玩既
你就好啦~~
我兩隻除左肚餓痴埋你度之外,  其它時間佢地有佢地玩 :044:

我慢跑到好似行快幾步咋 而且個圈超細

你形容得好搞笑!! d兔真係好鬼精，但精得黎又幾蠢 :037:

我都未咁同包包玩，個人唔跑得........