兔兔唔識跳出籠, 係籠既問題?

兔兔黎左我屋企第3日啦, 但係佢仲未識跳出籠外
我地試過用厚書自制樓梯響籠內外, 佢尋日試左好耐終於成功走出走入,
但係今日又失敗啦

我地度過個門口出口底部既高度係21CM, 咁其實係我地個籠太高既問題, 定係兔兔正常係應該識跳出黎架??

呢個係我地個籠, 唔該哂咁多位:050:

原帖由 sheena 於 2009-11-25 04:57 AM 發表
wa!!你兔兔可以有成間房真係幸福呀!!

其實我都唔知自己用緊個隻算係咩, 叫做megazorb, 係一種好吸濕既bedding..

但我諗諗下一定清理到我死死下呢~日日要同佢拖地lo~!orz
我知~但唔係比兔用架~係比貓or狗做廁所的塾材架~兔兔吸得多呢d野好易個肺出問題架~!

[ 本帖最後由 雪姬女 於 2009-11-25 02:05 PM 編輯 ]

唔知香港有冇咁大既籠呢?
如果將來有一日我要帶rabbit仔返香港既話, 都想佢繼續可以用到咁大個籠!

wa!!你兔兔可以有成間房真係幸福呀!!

其實我都唔知自己用緊個隻算係咩, 叫做megazorb, 係一種好吸濕既bedding..

但我羡慕你放&買到咁大個籠喎~~

原帖由 sheena 於 2009-11-24 03:12 AM 發表
唔該哂咁多位兔媽媽!!:039:

我會改淨係響4個角擺木粒架啦, (我用緊既唔係木糠黎架)
另外真係搵唔到咁高既橋, 所以我而家先用紙皮包住度門, 再響紙包外用毛巾包實, 縫實左, 咁rabbit仔就唔會踩到D隙位啦, 希望咁 ...

木粒平過紙粒少少~用木粒比佢做廁所墊材都得~!
你個籠咁大前後各一個廁所就ok了~唔洗四個角擺晒木粒~咁樣可以慳好多木粒~!
至於用毛巾包紙皮做橋始終唔係太好~一來驚佢咬毛巾食晒d毛巾線落肚有d危險~!
最好自己買d木板自己DIY條橋比佢會好好多~!

p.s:我過多半年後搬左新的公屋~如果有多間房淨的話我諗住間房比我囡囡住~唔用籠了~只用圍欄~!
(如果係三房二廳二wc果d~好似東涌果d公屋~因我仲考慮緊搬唔搬入東涌的公屋好)

唔該哂咁多位兔媽媽!!:039:

我會改淨係響4個角擺木粒架啦, (我用緊既唔係木糠黎架)
另外真係搵唔到咁高既橋, 所以我而家先用紙皮包住度門, 再響紙包外用毛巾包實, 縫實左, 咁rabbit仔就唔會踩到D隙位啦, 希望咁樣會好D啦

至於保暖方面, 其實因為我同rabbit仔響英國, 呢度長期都處於8度以下:044: 所以屋企都長期開住全屋暖氣, 保暖方面冇咩問題架啦

rabbit仔個籠真係好大架, 送貨黎個陣我都嚇一跳
有成119cm x 59cm x 47cm, 可能因為呢度英國, 所以普遍人屋企都裝到咁大個籠卦
不過呢度既兔兔產品好貧乏, 都好羨慕香港既兔媽媽可以買到咁多野俾兔兔

對兔BB黎講　可能真係高左少少.... 唔係能力的問題, 有心理的問題.
但你係邊度可以買到咁長既籠？

冇錯..
我都好掛住波波驚出黎玩ge日子#^37^#
好好珍惜佢未自動波ge日子#^30^#

其實呢個高度對兔兔黎講都唔係高，
佢係能夠跳出跳入，
不過危險既係度門，
呢種門好易CLICK親腳，搞到骨折之類問題出現，
買條橋俾佢LA~

去文具舖買個細細地的膠 clip board 得唔得, 亞加力膠應該冇咁易咬gua?
我自己冇試過的, 只係突然諗到!

原帖由 sheena 於 2009-11-23 08:22 AM 發表
唔該你=)
但係我隻兔仔未完全學識響廁所尿尿, 有時會尿左響出面,
我唔想佢掂返自己既尿會"yip"住, 所以諗住等佢學識先唔再舖木粒

其實我上網搵過D橋架, 但係太矮(得18cm)
我諗過痴幾塊紙皮響個門口, 一來俾佢當 ...

唔好用紙皮呀~兔兔會食落肚架~好危險的~!

呢個高度唔係問題, 佢習慣左环境就會自由出入

最重要係放條木板做斜路,
或用毛巾包住度門當斜路出入
以免kick腳趺跤

兔兔個籠好大呀~
等佢習慣左就會自己出黎..
到時就禁都禁唔住佢架喇