我是新手, 有個問題想問下.

我新買左隻兔兔.唔知點解.頭一兩日都好好地.尋日開始唔知點解成日都"lum"對前腿自己洗面.整到鼻既附近既毛毛打晒結?
係唔係正常架??
係唔係佢有鼻水流先係咁?

另外其實如果兔兔病左(如感冒)...係唔係唔多 走動 同 食野飲水 架??

哈哈....個場面一定好得意..
其實我一向都有養開狗..以前同媽咪一齊住時...
不過現在我搬左..咁我其實都好想養返狗...不過...屋企係用牆紙...一定比佢整爛晒...
所以不如試下養兔仔...而且我自己都係兔年既..wahahaha..
起初我都唔覺得係邊度買兔仔會好d架..
果日買開魚野...點知見到我隻兔兔個樣真係好低死....食野時果樣串到哩....真係好想打獲佢...點知就出事喇....
冷靜唔到...就咁買左了>_<...我都知我呢次衰心急架喇...

唔買都買左，先去獸醫到 check 一 check，無事當然好 la，
有事既就醫返好佢囉。

兔兔真係好得意 ga

係呀...>_<...我剛剛問左了...明天就帶佢去紅磡睇下醫生先喇....當然冇事就最好啦....當買個安心囉...

係呢...你地d兔兔多唔多飲水架???我隻都有飲...不過唔會太多...食野就一般了..唔會食太多....食一陣之後行一陣.行完又訓一陣...訓醒就又食過...
你地果d係唔係都係咁架??

我個隻飲水都算ok，唔係特別飲好多水。
一日大約只係得3/4枝水 ga 咋。

草就食得好多，二個草球加一個放滿既草屋都一日食哂。

兔兔係玩下、食下、訓下，無時無刻都係到食草既，
食多d草草好丫，可以磨靚d牙仔丫嘛。

聽你咁講即係我果隻飲太少水了...一日都飲唔到 1/4...不過我果隻個sale話係2-3月大...你果隻有幾多呀?

其實嘴濕濕係病徵嚟ga~~ 信我, 我隻兔兔第一,二日都good ga, 唔知點解第三日開始覺我嘴仔污"卒卒", 好似飲水整濕咁~~ 之後發現佢唔妥, 但都幫唔到佢啦, 有日, 我book唔到醫生同佢check, 返到屋企, 佢已經瞓咗响地, 自己起唔到身, 之後醫咗幾日, 最後慘叫死...好慘, 你早d bring佢睇醫生, 睇吓幫唔幫到佢....加油ah~~

我個隻就快一歲生日 LA XD
不嬲佢由細到大都飲唔哂一枝水，
反而我之前個隻妹妹就日日一樽水 ....

原帖由 pinwheelfish 於 2008-10-3 17:41 發表
其實嘴濕濕係病徵嚟ga~~ 信我, 我隻兔兔第一,二日都good ga, 唔知點解第三日開始覺我嘴仔污"卒卒", 好似飲水整濕咁~~ 之後發現佢唔妥, 但都幫唔到佢啦, 有日, 我book唔到醫生同佢check, 返到屋企, 佢已經&#306 ...

我隻兔兔就係好似你咁講既情況一樣喇...唉....點解會咁架....>_<.....

睇咗醫生未呀~~ 好擔心NE~~ 不過你要做好心理準備, 如果你發現佢差咗, 如有D抽筋, 你要決定俾唔俾佢舒服D走, 我隻兔兔醫咗3日,日最後慘叫死, 好慘, 我最後只有俾佢安樂走, 其實我知佢走之前好辛苦, 我而家諗起仲好難過~ 好好照顧佢, 俾佢知道你愛佢, 同你都要堅強同佢一齊面對, 可能食咗藥會好呢, 呢兩日假期, 陪佢多d, 可能會好轉, 加油...

原帖由 lingyan 於 2008-10-3 17:44 發表
我個隻就快一歲生日 LA XD
不嬲佢由細到大都飲唔哂一枝水，
反而我之前個隻妹妹就日日一樽水 ....

你就好啦....我現在非常膽心呀>_<

原帖由 pinwheelfish 於 2008-10-4 00:10 發表
睇咗醫生未呀~~ 好擔心NE~~ 不過你要做好心理準備, 如果你發現佢差咗, 如有D抽筋, 你要決定俾唔俾佢舒服D走, 我隻兔兔醫咗3日,日最後慘叫死, 好慘, 我最後只有俾佢安樂走, 其實我知佢走之前好辛苦 ...

我要明天才可以帶佢去睇醫生...而且都未book醫生...我一早會身打去問下有冇得睇..因為都係呢一兩日發生既事..而且我係第一次養兔仔...我以為佢自己整到濕濕...聽你咁講我真係很擔心呢...

其實我都做好心理準備了...不是黑心的說...只是新買的..感情還未深到十分難過...
記得一次...我隻狗狗生三隻狗仔...當時得我同佢係屋企...我只知佢大了肚子...到生的那一天..佢突然要我抱佢...因為我當時係梳化睇電視...佢自己跳上我度的...過了一陣..佢突然郁動..我以後佢掉落地...所以當時心急捉緊佢唔比佢掉落地...後來我發現佢生了一隻狗仔..心想...大獲喇...我做錯事了...我手快快地..平安咁放下...當時狗仔還未出晒...之後佢就跳上我張床生餘下的狗仔...生完了...得兩隻平安...而第一隻...唉...我知係我問題...我見到那一隻狗仔一點都唔大...而且又唔會自己飲奶..兩天後...媽媽狗都知佢唔得了...而且仲想咬死佢...我見到呢個情況...我已經不理自己..比一隻手媽媽狗咬都我要拎走那狗仔...之後的那一週..我自己餵奶比狗仔食...比個合適既地方佢訓...到最後佢都係去了....我之後仲喊左好耐...

養寵物，真係唔好因為衝動而去買。

其實金魚街既兔兔有問題，已經唔係一日二日既事，
前個排，我諗都有成個月前，
好多好多兔友 (唔止係我地 mini-house 既兔友 ) 都係一d多人溜覽既寵物版到貼過好多次關於兔協 post 既文，
而且好多兔友都為免將金魚街兔兔既病帶返屋企既兔仔，
都避免左去個到，就算一定要去個到，返到屋企都先將自己大清洗先去接觸兔兔，
可想言之呢個病有幾恐怖。
聽聞呢個病，獸醫對成兔就有把握，幼兔都無乜把握可以醫得到。
幼兔要好小心照顧，因為好多藥就算成兔用得，幼兔都未必用得。

原帖由 shade 於 2008-10-3 12:01 PM 發表
謝謝..
愛護動物協會好唔好架??

紅磡獸醫診所  

紅磡ok 既, 不過記得要預約,
同時可以幫兔兔影二張相俾我地d 兔友睇睇

原帖由 lingyan 於 2008-10-4 01:46 發表
養寵物，真係唔好因為衝動而去買。

其實金魚街既兔兔有問題，已經唔係一日二日既事，
前個排，我諗都有成個月前，
好多好多兔友 (唔止係我地 mini-house 既兔友 ) 都係一d多人溜覽既寵物版到貼過好多次關於兔協 ...

我都知呢次我自己有好大問題...
我一向都知買寵物唔可以心急..
以前我買狗仔..我會留意好耐...睇下佢既健康之類既野..搵下有乜野要留意呀...問下身邊有養狗既人比下意見先...

原帖由 花無缺 於 2008-10-4 02:17 發表

紅磡ok 既, 不過記得要預約,
同時可以幫兔兔影二張相俾我地d 兔友睇睇

等佢好返我會影多d相相同大家分享下架啦^_^