交通意外

真黑仔！
話說星期5，我地兩母女去太子睇醫生，
睇完果陣個囡話累唔想行，咁就同個囡去搭的士，
點知出事喇，架的士差唔多去到屋企樓下，個的士司機嘟
八達通過閘口時，閘柱開左，但過到架的士頭，突然閘柱
正正在後坐位跌左落黎，好大的彭一聲，毫無防備之下，
個閘柱已經撞爛的士個窗，閘柱直接咁打左落我地兩母女度，
個囡喊到收唔到聲，整親個頭，而我自己亦整到臉。

傷成點啊? 真係慘
睇左醫生未??

俾我都嚇死啊,咁大個頭獎
傷勢點呀

:046:
有無事呀?

多謝大家關心！
個囡傷得犀利d，
要連針，額頭位連左3針，
好後悔自己反應唔夠快，唔可以合時按低個囡，
攪到個囡受傷，個囡去到醫院果陣，因為太驚唔肯俾醫生掂個傷口，
要醫生打鎮定劑等囡囡睡覺先至同囡囡連針。
而我就淨係俾條閘柱邊(界)到臉頰位。

你同囡囡依家點?? 頭仔整親可大可少咖~ 睇下呢幾日仲會唔會有啲咩唔妥喎~!!

其實係個閘嘅問題, 如果咁真係好危險, 咁你哋係咪即時報咗警??? 其實你哋因為個閘出咗問題而發生意外, 你可以向有關方面要求賠償, 雖然賠錢唔可解決問題, 但至少都要佢哋賠返醫藥費, 冇理由要你哋自己付錢睇醫生咖嘛~!!

嘩...
可以想像好似做戲咁....

要連針咁大件事呀?

最緊要係小心護理個傷口~
唔係遲d有疤就唔好喇~

波子媽都岩~咁有無d staff跟埋你地去醫院負責呀?
話晒件事都唔細件~

個的士司機已經報左警，
d警察都來過醫院同我做左個初步口功，
遲下會正識落多份，
個囡連左針，住左一晚醫院，
昨日個囡堅持要返學，但到左11時左右，學校打電話來叫
我接返囡囡，老師話囡囡話頭暈，今朝個囡都話要返學，
但我冇俾佢返叫囡囡休息多一日。
至於賠償方便，因為未正式落案所以冇得賠住，
個囡連左3針，疤痕就一定有，好似小糖話用果隻消疤痕貼，
我自己塊臉都有條疤痕，等個囡拆左線就買疤痕貼齊齊貼。

記得要戒口呀~ 牛肉, 蛋, 海鮮, 生魚, 鴨, 鵝, 筍, 黃豆類, 鼓油... 大約記得係咁多, 一定要戒呀~ 如果唔係傷口發炎就大件事喇~!!

有咁多野唔食得就慘喇！
個囡好鍾意食蛋同鼓油。
仲有我想問下，唔知個囡係唔係仲驚緊，
夜晚發惡夢，醒左不斷喊，
咁我帶唔帶個囡去醫生。

原帖由 明月 於 2010-2-3 19:07 發表
有咁多野唔食得就慘喇！
個囡好鍾意食蛋同鼓油。
仲有我想問下，唔知個囡係唔係仲驚緊，
夜晚發惡夢，醒左不斷喊，
咁我帶唔帶個囡去醫生。

幾鍾意食嘅嘢都要忍下口咖~ 依家慘一排, 好過傷口發炎留低巴痕咁就慘呀!! 你要解釋俾佢聽食咗嘅後果, 跨大小小都唔怕, 只緊要係明白唔食得嘅原因。

你囡囡因為件事令佢受驚, 從而令佢失去安全感而發惡夢, 咁你夜晚瞓覺嗰陣, 最好俾個"咕O臣"或者"枕頭"佢(唔駛太大個), 搭喺佢心口上面, 等佢有嘢壓住個心會有安全感, 如果可以嘅話就盡量用啲被, 公仔之類嘅嘢放喺佢身邊逼埋佢一齊瞓, 咁佢安全感大咗, 就自然會好瞓啲~!! 如果囡囡飲奶嘅話, 可以睡前俾飲熱奶佢飲(唔好加糖)!!

始終件事都係發生咗幾日, 囡囡心理未能復完係好正常嘅, 如果囡囡真係發惡夢, 你亦都可以輕輕拍佢心口位置, 細細聲同佢講"唔駛驚, 媽咪喺度, 快啲瞓, 冇事咖喇~!!", KEEP住拍到佢瞓著返~!!

日頭可以多啲同佢玩, 等佢開心啲, 快啲忘記呢件事, 最好冇乜要都唔好喺佢面前講返當日件事, 以免佢一直都忘記唔倒~!!

[ 本帖最後由 波子 於 2010-2-4 01:00 AM 編輯 ]

囡囡昨晚抱住我以前攬開果隻兔兔公仔來訓覺，
訓到半夜都有扎醒，但就冇大喊，已經俾之前
果幾晚好好多，明日去醫院拆線，唔知個傷口
會點呢？