夾兔仔一問

各位, 我想為我家YoYo搵一個朋友仔, 等佢有個伴, 但我知道, 要兩隻兔仔夾得嚟, 先會相處得好, 我亦唔希望一隻會欺負另一隻, 所以想問下大家, 其實點樣先可以知道兩隻兔仔夾唔夾得嚟呢?!

仲有, 有咩方法可以去搵到一個朋友仔俾yoyo呢?!  

請大家指點吓, thanks!!
:054:

首先,  好重要既一點
新買既兔 "千萬" 不要立即與 Yoyo 放埋一齊, 至少隔離幾日
以避免傳播致命惡菌

確定左無事後,  將兩個籠拼排,
再安排兩隻兔兔見下面, 認識下
通常會放佢地係一個大家都陌生既地方
佢地可能會互追,  只要佢地無打交, 就由得佢地
如果有打交既徵狀, 就要及早制止, 所以要仔細留意

我見你屋企有圍欄, 可以用另一個方法
用圍欄分隔兩隻兔,  留意下佢地既動作
通常一開始可能會比較惡, 過一段日子, 當見到佢地一齊訓 (隔住個欄)
就可以試下放佢地兩隻出黎, 真正咁認識一下

如果擔心買到病兔, 可以去兔協領養
因為你有養緊, 所以應該會比較容易領養到

二隻兔兔夾得黎，會成日痴埋一齊，
互相幫對方清潔。
再簡單D黎講，只要佢地唔打交，已經夾得到。

DR BETTY 曾經同我講過兔兔好直接，
夾就夾，唔夾就打交 (打交就要慢慢再夾過...)。

絕左育既兔會比較易接受其他兔兔~

多謝各位意見, 但係我想再問下, 如果夾兔仔, 其實最好夾異性好定同性好呢??  仲有係夾年紀相約既好定一大一細會好d呢?  呢兩個問題會唔會有咩分別呢?!

#^23^#  我之前隻兔兔同朋友果隻一放埋- -!!......大家就互搞-X-!
甘叫夾唔夾..; 佢地2隻都系男,但地一搞就即刻分開佢地,,驚會打交T^T..
甘樣叫唔叫夾呀?

夾異性好D, 異性相吸MA!

年紀我想無所謂吧, 兔兔夾到便行了. 好像MINI HOUSE 咁, 好多兔友的兔都係年紀相約==>夾到. 我個隻兔女4歲多時(由細養到大)才找多一隻兔仔(2個月)夾佢, 用左大半年時間==>夾到!
不過有心理準備, 兔都有可能一生都夾唔到的CASE都有, 你都要諗下如果唔夾的話的情況啊1

原帖由 TrianPO 於 29-12-2008 15:39 發表
#^23^#  我之前隻兔兔同朋友果隻一放埋- -!!......大家就互搞-X-!
甘叫夾唔夾..; 佢地2隻都系男,但地一搞就即刻分開佢地,,驚會打交T^T..
甘樣叫唔叫夾呀?

要睇情況先知WOR!
互搞唔等同唔夾, 可能係發情/ 爭做大中! (不過你地個2隻絕育了未呀?)
不過如果其中一隻唔想讓人UN, 可能會反擊/ 打架.  我個2隻會反擊, 但不會正式打架, 所以都夾到呀

原帖由 thomas_ccc 於 29-12-2008 03:27 PM 發表
多謝各位意見, 但係我想再問下, 如果夾兔仔, 其實最好夾異性好定同性好呢??  仲有係夾年紀相約既好定一大一細會好d呢?  呢兩個問題會唔會有咩分別呢?!

年紀唔係大問題。

異性係比較易夾，但一定要絕育左先~
我覺得異性夾要二隻絕育比較好，
因為女仔絕育後已經無乜性需要，
而仔仔未絕育仲有性需要就成日搞隻囡囡，
囡囡俾仔仔un得多都會發脾氣打架 ...

原帖由 TrianPO 於 29-12-2008 03:39 PM 發表
#^23^#  我之前隻兔兔同朋友果隻一放埋- -!!......大家就互搞-X-!
甘叫夾唔夾..; 佢地2隻都系男,但地一搞就即刻分開佢地,,驚會打交T^T..
甘樣叫唔叫夾呀?

同性 unun 係分大細，唔係有性需要 ....
未必會打交，如果頭尾un就要分開，但係同邊un既話就可以由得佢地。
但主人必須從旁睇到實一實。