畢仔打乞痴

畢仔由頭先9點幾開始打乞痴
仲有唔知佢係米有咳
因為我聽度佢有d聲, 我估係咳卦
用紙巾抺過佢個鼻, 冇色既
依家我可以點呢??
好擔心呀#^73^#

打咗幾耐呀?
無色.......會唔會係d草碎或者
其他嘢令到佢打噴嚏咋~

我隻bb最鍾意食左D草碎先之後先食草..真係比佢激死...有時打兩個乞痴，我都會留意佢鼻水有無d綠綠地色，無色既..會唔會o岩o岩完水弄濕左個鼻仔

間中打下而無其他徵狀出現
唔使太擔心既, 觀察下先啦

唔係草碎, 因為佢唔係食緊草
頭先佢仲係佢自己個圍欄度訓覺
跟住就聽到佢打乞痴打到出聲
我唔知兔兔咳係點樣
我望左佢一陣, 佢又黎, 好似係咳
呢2,3個鐘打左有8,9個乞痴
睇過佢個鼻冇鼻水
不過依家佢又好似冇乜野喎
真係一個迷囉
我都已經即刻打去book 左 Dr Jarry聽日睇架喇
但係我都想問兔兔咳係點樣架?
第一次聽到畢仔出聲, 把聲好卡通囉..........
希望畢仔冇事啦, 我都唔想聽到佢把聲
好似唔係件好事黎囉#^32^#

如果打黑痴可能係鼻敏感呀...
係彩虹橋玩緊既初五之前都有鼻敏感嫁...
之後我聽珍媽講買左盤薄荷葉當菜咁俾佢食...
食完真係好返好多~~~

吓? 但係畢仔不嬲都冇架喎
會無啦啦鼻敏感架?
見佢呢半個鐘都冇打喇
仲好精靈咁跟住我
依家食緊草喇
不過聽日都會同佢去Dr Jarry度睇睇
買個安心都好
唔該哂咁多位, 痳煩到你地添#^14^#

唔麻煩架, 大家傾下都知道有咩事
多D了解對兔兔都好既, 起碼會留心多D
我都未聽過兔兔咳呢

如何佢打乞痴,沒有鼻涕..可以不用太驚....

但如果有鼻涕,仲有咳...就比例驚d...
因為可能感染了細菌,醫生多數都種菌...
大概一星期就知結果

鼻水有分類別? 有色/無色?
兩者有什麼分別呢?
有色= 有問題?

我最近都聽過我隻兔兔打過兩聲乞痴
但佢個樣又幾精神
好似無咩事咁 -_-