遺棄兔兔

唔知有幾多人曾經係街發現過被人遺棄既兔兔呢?
早幾日朋友係公園執到隻兔bb..知我有養開拎左黎畀我..
啱啱見佢o個陣好虛弱, 手軟腳軟, 好細, 得一個手板咁大
好彩佢都食到野
第二日帶左佢去兔協, 佢地話bb得一個月都唔夠, 點解可以咁狠心

下~~個d咩人黎嫁...
冇性嫁...隻兔兔真係好慘呀
咁而家係咪係兔協到呀..??

唔知..執佢返黎o個個人話係籃球場見到個紙袋, 但係bb己經跳左出街行..
不過佢黎到我屋企既時候乾乾淨淨的, 應該無咩大病
應該係呀, 咁細, 我估唔會畀人領養住掛...
如果我唔係有兔兔, 我都想湊埋佢...佢好可愛^^

等我搵日去睇睇佢先
咩色嫁

d人真係過份,
棄兔已經唔啱架啦,
仲要係遺棄一隻咁細o既兔bb,
真係好想打哩個人一身#^62^#

好彩隻兔bb遇到你朋友,
而你朋友帶咗俾你,
如果唔係真係唔敢想像隻兔bb之後會發生咩事~

阿蚊 你同你朋友好好人牙...
做咩鬼近排多左ｄ bb兔比人棄養家．．．
都理解唔到ｄ人點諗

九成係d人又要養一男一女~~
又唔肯帶去絕育~~
又唔分籠養...
生o左又唔想要......
d人真係好乞人憎!!

A~ D人好衰格A!!
點可以甘樣話唔要就唔要GA!!
仲要周街遺棄!!

BTW, 隻兔兔點GE樣GA?? 睇下下次去兔協睇下見唔見到先~~

bb係純黑色架...
連對眼仔都係深啡色, 熄左燈真係會見佢唔到架XD
成個星期無見, 應該大左好多了....
我帶佢上去o個日佢地放左bb係收銀隔黎
如果佢地無調到D位, 一入門口就見到的
話時話, 我上過去兩次, 都無入過佢o個D好似房咁既地方...
你地有無人去過?

而家好多人都想兔兔生bb，
但只係想見証個過程，生完出黎又唔想要，
呢d真係乞人憎。

原帖由 阿蚊 於 2009-5-14 11:59 PM 發表
bb係純黑色架...
連對眼仔都係深啡色, 熄左燈真係會見佢唔到架XD
成個星期無見, 應該大左好多了....
我帶佢上去o個日佢地放左bb係收銀隔黎
如果佢地無調到D位, 一入門口就見到的
話時話, 我上過去兩次, 都無入過 ...

你講後面D兔仔房?
我上次寄養兔仔入過~

冇人性嫁...#^62^#
d兔兔真係好慘呀.....#^56^#

原帖由 nga_miyabi 於 2009-5-15 01:22 AM 發表



你講後面D兔仔房?
我上次寄養兔仔入過~

係呀!好想去睇下...不過o個度D人好似好唔友善咁...
我唔敢咁多要求...

原帖由 lingyan 於 2009-5-15 12:34 AM 發表
而家好多人都想兔兔生bb，
但只係想見証個過程，生完出黎又唔想要，
呢d真係乞人憎。

我都想見証下架...
不過除非我搵到十個肯定會領養既人
如果唔係都唔會咁做...
自己養唔到咁多, 就唔好博, 肯定佢地會有好好既屋企, 先會考慮

原帖由 阿蚊 於 2009-5-15 01:56 AM 發表


係呀!好想去睇下...不過o個度D人好似好唔友善咁...
我唔敢咁多要求...

我上次寄養，個職員話間房ｄ兔仔全部都有主人養緊，為左安全同健康，唔會俾唔系其他人隨便入去ｇａ　ｗｏ∼
所以先放心寄系兔協∼ ^^