今日一起身慣常咁去睇下佢.見到佢比平時靜,我摸下佢耳仔.凍冰冰,
跟住我抱佢出尼,同佢傾計.之後錫左佢幾啖就放番佢入去,
之後我就去洗衫+刷牙,十分鐘之後出番尼諗住幫佢清籠,
但係見佢訓個姿勢咁型.想影低佢;我好小心咁打開個籠唔想嘈醒佢,
不過平時我幾小心都好,佢都會聽到d聲樹起耳仔,但係今次冇;我就覺得奇怪!
個籠都未開哂就見到佢冇呼吸,我即刻郁下佢,佢都唔起身;我抱起佢,佢全身都冇力,好瘦佢真係好瘦!
跟住我就大叫阿寶死左阿....我阿妹就沖過尼,我就即刻拎哂d冰墊出尼.又拎濕毛巾抹下佢耳仔,
又拎d糧尼引佢起身,佢唔中意滴眼藥水我就幫佢滴,雖然知道佢已經死左.唔會有用,但係果個時候我真係唔知可以做d咩;
原來去到呢d時候,真係唔知可以講d咩,我陣係識得講[阿寶起身喇.唔好訓阿!]係咁講係咁講....
我覺得好突然,我到宜家都唔知佢係點死...或者見到佢比平時靜ge時候我就應該留意多佢一陣...我真係好冇用!
我真係好傷心,坐係佢身邊一路望住佢一路喊,佢變得愈尼愈硬,我仍然未捨得處理佢,我好傻咁等待奇蹟ge出現;
我覺得自己好冇用,養左阿寶兩個星期就死左,我真係唔係一個好媽媽!!!我真係好掛住好掛住阿寶!
兩個星期雖然好短,但係回憶已經好多,比佢激到紮紮跳,比佢tum到好開心.....全部全部我永遠都唔會忘記!
兩個星期,佢開始認得我係佢主人.我係佢媽咪,琴晚幫佢滴眼藥水,佢唔中2,佢仲識得嬲我,但係宜家就叫極都唔醒.....
我硬係覺得佢一路都等我起身,見到我最後一面先走,因為我一起身,抱完佢錫完佢冇耐就走左喇...
阿寶,你要番尼搵媽咪阿!報夢比媽咪知你係點死,你係另一個世界開唔開心,你需要d咩,全部都話比媽咪知!乖~!
*阿寶,你永遠都係媽媽既寶!*
![]()
![]()
![]()
![]()
![]()
![]()
![]()
![]()
![]()
![]()
![]()
![]() |
|