stxtixn x 之聲明

本店一向很支持討論區，為大家提供一個地方去交流，本店亦從不介意網友對本店之服務及貨品有所討論，不論是好或是壞。
因為大家有100%權利去發表任何意見，但本店希望網友所討論的..是全部的事實，而不是事實之部份，斷章取義，以及公平地
對待每一件事，但本店亦明白任何人也會有觀的觀點，雖然在網說話不需負責任，但請各位能理性地去處理、理性地交流。

以上一次為例，收到客人對送貨員的服務不滿，經調查後，我們已把該送貨員解雇。
為了讓顧客們能更快收到貨品，本店已加強了送貨日數. 星期一,三,五 九龍區，二,四,六 新界區。
本店不介意大家去說出我們的不足之處，這可令我們進步，令服務更好。

為減少送貨服務之爭議及保障客人之利益，本店出售之所有貨品，除了草外，其他貨品一定會經同事檢查過，才會出售，若發覺貨品有問題(非人為)，一律可以退貨，退貨需於門市更換。



就這次事件，因為唔全面既描述，結果現在與事實越來越不實，以見及此，以下是本店有關此事之回應:
案發經過:

8:00 : 事主喵喵於昨晚8點幾收到貨品( momi 22lbs 一箱 )。
10:33: 我們收到喵喵之投訴來電。
        內容: 喵喵小姐一來就話箱草好枯，有冇搞錯，要求我們上門換草，我們以為她剛收到草，於是叫她把
              貨退還給送貨員，但原來8點收到貨，喵喵小姐10點回到家才發現，所以打給我們，因為送貨員不在
              我們就建議她到門市換 ( 因為退貨規矩一向是這樣)，結果她又不滿點解要她拎去門市換，仲話如果
              我地唔同佢換，就會上網唱衰我地。我們向她解釋草質的好壞不是我們能控制，喵喵小姐也說明白，
              但22 lbs咁大箱，她很難拎來換，這我們也能體會。再說下去，喵喵小姐說原來4 包草中，只有1,2包
              是特別枯，於是我們叫她只拿有問題的兩包，一星期內來換。最後我們與喵喵小姐和平地收線。
11:30: 我們收到一位熟客的電話查詢，話網上有人說這一件事，問題我們甚麼事。
11:45: 我們經過相討，及留意喵喵小姐的post 內容(11點出post的) ，發覺內容與事實有所不符，我們認為喵喵小姐
       有所誤解，所以決定致電給她了解一下。  
11:47: 我們第一次打電話給喵喵小姐，換草不是已經解決了今次的問題嗎? 為何要上網這樣作出不實的討論。因為她
       不滿我們這樣去打電話去問她，喵喵小姐非常不滿地說了一大遍疑似要脅的說話，於是我們反問她是否恐嚇我們
       ，話畢她立即cut 線。
11:48: 我們認為喵喵小姐並沒有清楚明白，所以叫另一位同事再和喵喵聯絡，說這一篇post的內容有所不實，對我們公司
       很不公平，我們不介意她討論本店，但建議喵喵小姐把實情說出來，而並非斷章取義。再經一輪對話，喵喵小姐
       還是很不滿地cut 線。

本店意見:
      
       首先就是次事件，本店沒有向喵喵小姐作出任何罵的說話，只有很客氣是解決/解釋清楚事情。
       本店並沒有說過要作出任何法律責任，我們完全沒有及要告人誹謗，反過來我們還被客人威脅!

       我們目的不是要推卸所有責任，但奈何草質真的不是我們能力可做到，我們亦不能每包草也檢查一次，只能作抽樣檢查
       ，若果貨品真的有嚴重問題，本店非常樂意更換，就像喵喵小姐一樣，她一打來說草有問題，我們便叫她來換貨，
       因為對草質之意見，各人會有所不同，為減少問題，最好還是親自選購，至於顧客們的居住是點，也不是我們能顧及
       的，退貨就要拿回本店，我們能做的只有這樣。

       本店致電給她是因為..既然喵喵小姐知道全部事實，為何她post的內容不實，對本店很不公平，如何不實，在這逐點解釋一下:
    1. 唔知佢係水貨定咩啦   - 大家可以去momi網頁查看supplier list   / momi hay.com/Buy.asp
    2. 佢要我自己拎返去門市．．２２磅點拎.  - 我們的規矩退貨是要拿回門市換，就算是其他商店,退貨也是要自己去的，就算買部42吋 lcd , 有問題都係要自己拎去維修部。 另外既然喵喵已經知道只需拿2來換就可以，但在這post還是說是 22 lbs。
    3. 千萬唔好訂Ｒ記d草  - 就今次事件，我們不是不認錯，而是錯根本不在我們，我們根本沒必要把差的貨品給客人，
                            這對我們根本沒好處，這次的問題是在momi草的問題，我不會知道一箱裡面有2包靚,2包唔靚，就算在其實地方買momi草，都會一樣，我諗略為分析一下，也會明白這點。但你這樣的標題，略有誤導成份。
                            對本店很不公平。

              
         本店只是轉售momi牌子的草，就如其他牌子一樣( oxbow、apd )，因為草和其他貨品不一樣，草之每一批
         / 每一箱的質數也會有所不同，所以草的品質是我們不能控制 及不能保証 每一包的草也能令顧客滿足
         甚至不同的客人,對草枯黃的定義也會有不同，吸收過以往的經驗，對於一些對草質要求比較高的顧客，
         我們都盡量建議客人同門市親身選購，以減少不必要的爭吵。

顧客如有任何問題，可直接與我們聯絡
stxtixn x

我真係好後悔無錄到音囉 反轉黎講
我想問點解你唔打返你地自己講過既野出黎
叫我DELETE左個POST, 對你地公司唔公平
同埋話會法律路線去起訴我 依D你地唔講

你自己身為一個女仔 態度差又唔講
你打電話黎果時自己講過D咩你自己知
你同我講話我恐嚇你 請問我講過邊一句野恐嚇你呀
係你打黎一路罵罵罵 我就叫你地唔好再打黎 唔燧布機會報警
咁叫做恐嚇嗎
好老實, 11:51AM打電話俾客 正常嗎
我部電話無改到D時間 我如實影低..POST上黎都係 12:52分 無變的
你地要告我我都無話可說了~

講真大家都無為咁婆媽係到針對電話同埋喵喵post既內容
依家事實係...你地公司呢一批草有問題...
明白你地公司有呢一個rules
但喵喵佢係第一次係貴司訂草...
試問一個新客點會知你有呢d rules?
如果講責任你地係唔係有需要同客人講明？
同埋喵喵有冇要求你地即晚要換返俾佢？
唔可以送貨經過開佢個頭去換？
我覚得貴司仲有好多地方可以改善

都唔知邊個真:043:

講真,而家响度只是口同鼻拗,講問題出嚟亦只係想貴公司可以從問題汲取經驗,
唔係再去講誰對誰錯,我相信如果一間公司係信譽好既,唔會因為一單半單既問題而去影響到生意,而响問題裡面發掘到要點再去改善一下,做得更好,咁樣唔單只可以挽回你地所謂既聲譽,仲可以俾客人感覺良好,覺得呢間公司係可以信任,而唔係再去聲討什麼...,我地呢個網既人全部都只係愛兔之人,亦唔係其他討論區既網民咁亂去講,
亂去寫,只係想將我地所有經驗分享一下,買到最好既貨品,俾兔兔最好最好既生活,
希望貴公司能寬容一點,接受一下各方面既意見~

跟本聲明黎都晒氣~我起某大論壇睇到好多人講緊你地d野同服務質數有幾唔掂lo~!
一個半個講就話有誤會or不實姐~但好多人都咁講wo~!
(唔通同晒果d人一齊黎屈你地公司咁無聊咩~得閒都講下其他野唔好~係都要講你公司唔好~你估你公司係歌星明星咩)
你地唔檢討下自己d野同員工的問題仲要惡人先告狀~!
人地某大寵物連鎖集團買所有野都有三天品質保證wo~服務態度一流wo~!
好似我起q-pet買左d草返到屋企睇到有好多昆蟲碎都第二日都換比我啦~!

成件事，只有你地雙方知道得最清楚，
口同鼻拗，真係浪費氣力。

兔友眼睛係雪亮的，
如果真係無做過，
就算無聲明，大家都心中有數。

但一而再、再而三出現同類事件，
就算聲明字眼修飾得如何瑰麗堂皇，
亦無補於事。

如問心無愧.何需為單單一宗事件出個post?

那請問閣下所講的又是否事實之全部呢?

我認為兔友不會為倒一間店既米而動肝火說對方不是.何況為何要整爛自己面子.失去一個入貨點呢,兔友想比高質素乾草兔兔食無可厚非

反而不排除有人會為保聲譽而作出虛假報導,
況且貴店之服務態度有問題都不是第一次聽
足以影響聲譽的壞消息更不是單單一名客人可以做得出來

誰是誰非兔友有眼見

不過講真的我上次都買左一包好多枯枝 同勁多草碎既草

1: 我睇唔出你同喵喵小姐講既野有咩重大既分別

2: 我們的規矩退貨是要拿回門市換，就算是其他商店,退貨也是要自己去的，就算買部42吋 lcd , 有問題都係要自己拎去維修部。
<----呢一個規矩, 已經足夠我"千萬唔好訂Ｒ記d草",
第一, 電視機有問題, 佢一定會請個人來上門check; 第2, 我有次買左枝R牌洗頭水, 洗完有d甩頭髮打去投訴, 佢第2日搵速遞收走我枝洗頭水, 再過一日搵速遞來送過一枝新既其他配方俾我, 而果枝有問題既洗頭水只不過係賣$59, 我真係睇唔出你講既"其他商店,退貨也是要自己去的" 因為問題係d貨度, 而唔係d人得閒冇事拿來換low

1. 首先身為客人要求更好服務同好貨品理所當然，你因為一個小小post要作出法律責任去追究，更出聲明，可見貴公司零售服務的態度有超大改善空間。

2. 其實一盒10lbs都幾重下，如果發生係我身上要我親身去門市退，我估我都會出黎埋怨! 仲有下一次一定唔幫親!

3. 我覺得你打得開門做生意冇理由慳果小小運輸費，你e家出售貨品品質有問題，你應該體貼d幫客人退埋貨，咁先令個客覺得你地係一間負責任公司，而唔係浪費時間同客口角/反駁個客

一句到尾:你係到製做問題，而唔係去解決問題，你咁做只會更令人討厭


以上是兔爸睇到呢個POST覺得好冇道理而用兔媽account發既觀點~~~

[ 本帖最後由 Jessie 於 2009-11-25 03:45 PM 編輯 ]

我又講返句公道說話~~
R記既態度差就一向都知架喇~~我自己訂貨收貨咁耐都知~都受唔少氣~

但係最近幾個月~我打去訂貨,姐姐都好有禮貌,送貨黎既時間多左好多,都幾好~
(雖然仲係會打黎之後成個鐘先到~不過時間多左,方便左)
可能係之前一系列事件既發生,
令R記都有所改善,呢樣野我FEEL到~亦都係照直講~

草質唔可以控制~真係體諒既~
但係如果為左一個客自己既一D意見,就又打電話又開聲明,
就真係有D此地無銀~~
好坦白講,顧客都有自己既喜好,唔會單單因為某個POST就唔光顧,至少我自己唔會先~
但係同樣顧客都有自己發表意見既自由...
為左呢D事而雙方對罵,甚至上論壇開POST~只會令顧客望而卻步~

而且同類事件單係呢個壇都發生左幾次~
每次STXTIXN X 既發言人都上黎開POST澄清,繼而與客對罵,
實在惹人反感....
現在你們二人誰是誰非只有你們自己知,
只希望STXTIXN X 繼續改善服務~顧客會感受到的

[ 本帖最後由 光之天使 於 2009-11-25 01:05 AM 編輯 ]

多謝各位兔媽兔爸既意見同體諒
真係好對唔住開post 攪到煩到你地...
我本身開 叫人唔好訂 R記既野只係想分享我既意見
而唔係想爭拗或者罵戰
由依家開始我都唔想再同貴公司有任何爭議.我唔換草,亦唔會再訂
JESSIE媽講得岩, 電器係唔會要我地自己拎去正--會公司派人黎正
而且我都試過買野個品質有問題,其他公司真係第日搵人送貨上門作更換...
換唔換都唔係我最嬲既問題
最嬲係我都妥協左唔換草 都仲要11點幾打黎罵我 叫我DELETE 個POST
唔DELETE就法律追究 咁即係你恐嚇我 唔俾我作出言論自由!

喵喵 你 唔 好 理 佢 la
甘 做 只 會  令 佢 暑 公司 令人反感"
本身 諗住 係 r  記 買 草"
但 見 佢 d 反應 甘"
我 寧願 自己 去 搬 q =pxt
好 過 受氣"

如果你地無問題既,就唔會多次發生d咁既事啦,兔友都只係分享佢自己既意見,你咁做似係無私顯見私~