(試下一問意見) 有一個鋼琴想送出比一些真真正正需要既慈善團體,或者機構

有些野想問問大家,如果我有一個鋼琴想送出比一些真真正正需要既慈善團體,或者機構(但運費要該機構自付),例如一些香港的孤兒院,兒童院,社會福利中心,保良局,青年協會..總之是一些非牟利機構,佢地係真係會幫助一些貧窮小朋友既一些機構,如會比小朋友免費去彈下,學下,或者玩下,你知一個琴本身都幾貴下~~(最好要琴的那個人真係可以証明佢係呢間機構既人)
不過個琴本身都好舊,唔係名牌子,我買入時都是2手的,自己都keep左7年以上,10年以下,在人地度就唔知了~~所以我唔係好知道個琴仲經唔經得起"搬運"~~
同埋本身個琴好像有一至2個鍵係唔係甘彈到的,不過那些鍵是比較高key的,不是初學者成日彈的那些鍵,所以呢個琴只適合初學者,小朋友,3級以下的都ok~~

不過其實通常呢d慈善團體係咪都唔會需要呢d野的呢??因我見香港都有好多熱心的人會去幫呢d機構,佢地收既琴可能仲會靚過我呢部~~

Anyway我都只是想博一博問下~~如果呢d機構唔需要,我應該就甘放上網賣左佢算了~~
如果大家真係找到有需要既機構,我唔介意send相比你們睇同埋放Video彈曬所有key比你們聽先,再考慮~~


***想問左先,最終放唔放會保留番決定權...***

Many Thanks!!

[ 本帖最後由 darlingy 於 2010-1-6 11:33 AM 編輯 ]

點解會100元以上先有收據呢?因為100元以上係可以報稅嫁~:060:

下??甘我又唔知呀,不過我問兔協,佢就話一百元以下係不會有印有兔協company chop的收據,不過我估都應該賣得出一百元以上既~~

坦白講我的小小人工,應該不用交稅(只需報,不需交囉~我上年都唔洗~)

不過我都會keep定先的呢~~

我已經賣出左個琴并把錢捐左比兔友協會了!!雖然中間都有小小好無奈既插曲,就是有2個論壇,可能是懷疑我在騙人吧,delete左我的post, 其中一個仲好直接的說:"捐款是需要向政府申請",以呢個理由delete我post,我真係o曬咀,我未聽過捐款比慈善機構都要向政府申請囉!!
佢話要我delete左慈善機構的字眼,但是講真,一言既出,死馬難追,講左,承諾左又點可以收番的呢?
所以算了,唔post!!
只係放左Yahoo!拍賣,最後都賣出左,不過賣得$330咋!!不過唔緊要喇~(反正都唔係我袋的,呵呵!!)
好采交收過程都算順利,今日仲上兔協捐左,收據已經scan番比買家了~~
其實我真係好唔捨得個琴,如果唔係因為搬,新屋無位擺,家人要我拋左佢,我都唔會選擇放棄!!
假以時日,我有能力自己搬出來,有自己既家時,我一定會儲錢買番個琴比自己的!!