大家好呀, 好耐冇見啦, 妹媽我今次要講妹妹一件不如意o既故事; 希望大家花一點時間睇睇呢篇文章,更加希望可以成為大家o既反面教材。
於04.01.2010晚上8點鍾,我如常同妹妹梳毛,突然見到佢背上近pat pat位有一個1直徑約1.5cm o既小洞,明顯見到皮膚破開,不過冇血,妹妹亦好精神,但以我驚佢會有細菌感染,就去左睇pat central夜診。
我就10:45pm到pat central,只見到有一隻玩具貴婦狗睇病,但都要足足等左個幾鐘!!!12點幾先睇到醫生,我心諗:我俾多d錢都睇夜診就係急睇架啦!間野又先得一個人wor!!係咪要妹妹就黎死先睇???
入到房中,有個護士同妹妹磅重,磅完佢話1.8kg,(但我到左第2日睇番張病歷表,o個到竟然寫妹妹係2.8kg lor!!)跟住dr. mark benamin(馬克 本傑明 獸醫)入左黎,佢同個護士就兩手隻手一野揸住佢肚,甘妹妹梗係掙扎啦!!!!!!!!!!!!!!dr mark就勁大力用雙手禁住佢個頭,連住佢個口,完全當佢係一隻狗,唔識抱兔咪講lor,又唔俾我掂妹妹….dr mark睇到妹妹傷口話要即時做薘針手術,第2朝9點接番佢…
直到第2朝去到pat central見第2個醫生叫dr. norikata yanai(楊井伯謙 獸醫)話做手術o既過程當中發現妹妹有個好嚴重o既問題,話佢皮膚極到脆弱鬆散,弱到好似一張紙甘,皮同肉特別分開,可以輕易將皮膚掀起情況十分異常,所以一薘針佢d皮就裂開,試左好多次都薘唔到,最後就用膠水貼好,同時覺得有必要急需抽取左妹妹血液同皮膚樣本化驗,但事前完全問都冇問過我lor!同埋要特別化驗xx腺素有冇過多,因為xx腺素過會可能引致呢個皮膚問題,甘驗xx腺素呢又要額外收費,之後我一連串問妹妹身體情況o既問題,佢地都答唔到,連妹妹應唔應該戴頭罩佢地都冇明確建議,勁搞笑甘話:”er…如果佢會奶個傷口就最好戴,但如果佢戴左唔食野就最好唔好戴lor”嘩!!真係鬼唔知阿媽係女人lor,甘即係有冇必要戴?有冇辦法解決先?事後又點照顧佢先?通通解唔答之餘,仲講左起馬3次以上說服我令佢d野去化驗,化驗計計埋埋3千幾蚊!!要驗我都唔會俾佢地驗la!!明屈...
最後,佢地就甘俾左一枝抗生素我就算,連幾時食點食都冇講,止痛又冇,消炎又冇,益生菌又冇, 我當時又冇諗甘多,剩係想咋咋林去九龍城動物醫院。
去到九龍城動物醫院當時係dr yan番工,當我安頓好一切,先有時間細心睇妹妹,嘩!!!!!!!!!!!!我一睇到就即刻心痛都喊左出黎,妹妹背上竟然多左兩個傷口,由一個1.5cm傷口變左3個傷口,分別係1.5cm,2-2.5cm同2cm甘長!!!!!!!仲要有好多線o係到,見到佢真係好心痛ga....最後, 因為pat central連磅重都磅錯, 抗生素o既份量由dr yan調教番好, 配番齊d藥, 宜家拆左線,仲已經好番tim^^~
鐵証如山的七宗罪:
1. 醫兔欠專業
- 醫生同護士完全唔識抱兔兔, 一味用盲力禁住妹妹, 仲大大力用對手揸實佢個口, 好似驚佢有瘋狗症!!!
- 其後仲要dr mark親自磅兩次重都磅錯, common sense都知妹妹冇可能2.8kg la! 西利! 咪埋眼做野, 最後落藥,落麻醉藥份量咪重左lor!!!!!!!!
- 問佢9樣關於兔兔薘針後要注意事項, 有8樣都9唔搭8。
- 俾抗生素又唔俾益生菌, 仲要冇消炎, 冇止痛, 冇藥膏!!!!
2. 經常做錯野
- 體重都可以磅重左!!
- 仲要連我係先生定小姐都可以嗌錯幾次...
- 收錢o個時, 一條連小學生都識計o既加數, 都可以計錯幾次收費, 一時一樣, 打左幾黎都叫我俾番多d錢, 並唔係關心妹妹lor。
- (p.s. 基本上我個人立場相信dr.mark由頭到尾對妹妹o既珍斷, 有絕大o既失誤)
3. 做錯野死口唔應
- 體重已磅錯ga la仲要惡番我轉, 一口咬定一定冇磅錯, 真係吹脹!!
- 發現妹妹受傷先前, 我已經check佢身體冇其他傷口, 不過dr. mark一口咬定妹妹皮膚異常, 身上無顧有多個傷口,令佢大為震經wor, 但朝早dr. norikata明明爆左佢剃毛o個剃傷左我隻兔!
- Dr mark完全冇問過我意見就抽左妹妹7枝血同皮膚組織, 但仲冷好心甘講太夜唔可以嘈住我, 甘係咪佢死左都唔使打俾我呀!!!
- 明明一開始質問佢點解又無啦收多我錢, 佢地話係計錯, 又呢又路, 但之後dr.mark就推翻哂, 話因為本身佢預15mins o既手術點知花左佢1hrs, 所以以優惠係甘易加收番我2百幾蚊wor!!!
- 每一件事, 無論係關於妹妹病情, 定關於收費, 唔同人有唔同o既故仔同版本, 前後矛盾,我相信真正答案只有一個, 佢地有冇講大話作故仔隱瞞事實大家心裡有計數
4. 毫無責任心欠醫德
- 如果有盡心關心下病左o既小動物就唔會連止痛都唔俾, 就唔會薘完針就當件事完左, 又唔交低清楚, 要我再額外親自上去詢問dr. mark, 樣樣野都要我問先講, 有冇搞錯。
- 除左冇交待要點照顧妹妹, 連叫我番黎拆線都冇, 一日到黑剩叫我俾3千蚊去化驗。
- 個傷口仲要薘得好肉酸, 爛哂邊甘, 本身個傷口都仲靚過佢!
- 亂甘收錢開頭又唔肯俾張單我lor!
5. 職員之間毫無溝通, 馬虎了事
- dr. mark走左, 就交低幾句就算, 唔清唔楚, 唔知o個個又唔問, 知o個個又講唔清楚!! 呢個有關一條小生命黎ga!
6. 做事極度怠慢
- 當我打去pat central令病歷o時候, 我足足呆等左個幾鍾,打左3次先去, 佢先肯fax妹妹張病歷過黎!
- 收費又飄忽, 一時又話要加收, 一時又話我俾多左唔會找番黎, 問完一個職員又一個, 個個都求其答!!
7. 欠禮貌
- dr. mark態度囂張自大, 話自己有廿幾年做獸醫經驗, 非常專業, 我冇資格 challenge佢, 佢仲無啦啦指名道姓話dr. betty都係做左獸醫5年, 一d都唔夠佢經驗老道wor! (不過我之後唔係睇dr. betty係dr. yan lor, 係佢自己心虛ja!仲要老作, 兔協睇左dr. betty都唔止5年啦, 搞笑! )
8. 收費無理
- 一開始話收8百幾蚊, 過左幾mins就話8百蚊未計診金, 應該$12xx, 但叫我俾$1300做按金先, 第2日接妹妹會退番多餘; 好啦, 到第2朝我叫佢找錢, 又有人話本身係要找$480, 但佢地唔會退, 因為第時覆診先再扣番wor! 但佢地冇人叫我覆診bor, 當然我個心又急, 趕住帶番妹妹去睇dr. yan唔得閒同佢地發up風; 過左幾個鐘之後, pat central打黎話收少左我$480!!!我梗係罵爆佢啦, 之後就有唔同o既職員打黎, 又話計錯又話盛, up左一大輪, 最後話其實係dr. mark要收多$280 wor!!吹賬!!!
唉, 總之個人認為dr. mark真係好冇品, 不過妹妹冇事就算啦, 事格個幾月,妹妹已經完全好番哂啦!! 不過希望大家引以為鑑, 小心選擇獸醫, 如果唔係就好似我甘, 醫左仲傷過唔醫!!!
[ 本帖最後由 妹媽 於 2010-2-20 01:12 AM 編輯 ] |
-
P1040502.jpg
(156.82 KB, 下載次數: 46)
妹妹本身個傷口
-
P1050508.jpg
(265.04 KB, 下載次數: 47)
岩岩做完手術,妹妹流哂眼水o既樣><
-
P1050516.jpg
(262.88 KB, 下載次數: 45)
連完針個傷口
-
P1050521.jpg
(205.35 KB, 下載次數: 47)
d線又粗又唔溶到
-
P1050522.jpg
(265.93 KB, 下載次數: 48)
-
P1060533.jpg
(267.67 KB, 下載次數: 55)
-
P1060536.jpg
(287.83 KB, 下載次數: 53)
-
P1060537.jpg
(289.25 KB, 下載次數: 49)
-
P1060539.jpg
(190.57 KB, 下載次數: 57)
-
P1060540.jpg
(227.28 KB, 下載次數: 48)
妹妹戴左兩星期頭罩先可以拆線
-
P1070542.jpg
(292.17 KB, 下載次數: 48)
戴住個罩緊係唔開心啦
-
P1050530.jpg
(114.68 KB, 下載次數: 50)
拆完線仲要戴罩戴多一個星期
-
P2041052.jpg
(271.08 KB, 下載次數: 53)
哈!!妹妹宜家好番哂,仲著番件新衫過新年
-
P2041033.jpg
(242.38 KB, 下載次數: 49)
今年虎年妹妹要做老虎也母!!唔可以俾人蝦架!!
|