耳仔邊有"焦"

我家的辣椒繼續有皮屑，用緊「兔博士」的中藥同佢早晚噴身，叫做冇之前咁多，都集中在背部。
近日發現耳朵部份位置又有皮屑，之前冇的，右耳的邊邊還有"焦"，
硬硬的，崩左少少，昨天起始搽埋耳仔，請問究竟乜事!!??

通常都係生介癬

生介癬最好快0的睇醫生......

疥癬蟲大量繁殖令耳朵硬了，牠一定好痕… #^56^#
請停止使用該藥物並盡快帶兔兔看醫生！

補充：
疥癬會互相傳染(包括人與兔之間)，呢段時間應分間其他兔仔(如有)同埋自己摸完兔仔立即清潔。

[ 本帖最後由 katy 於 2010-6-18 10:58 AM 編輯 ]

辣椒點解咁多病痛嫁-v-
你要小心另一只兔兔都比傳染呀

快d睇e生啦~!

你試下去睇下dr.betty~!

其實你平時點take care佢?
其實照顧得好冇咩機會會生疥癬蟲
(我多口問句,唔係有惡意,如果令你覺得唔舒服既話sorry)

我早午晚都全屋吸塵，每日用白醋加水抹籠，早晚清便盤、換籠底膠布，
一星期一次大清洗及抹地，全日開冷氣，隔日梳毛，每次梳毛即吸塵，兼消毒用具。
辣椒其實DAY 1買番來已有基本問題，我只是不SURE他的疥癬虫是在寵物店
度感染，還是在動物診所，我另一隻兔，TOUCH WOOD，完全冇事，我也很無奈。

老實說，自問清潔得幾過份，每朝6點起床，都要花起碼45MINS處理他們的衛生，
自己的只有15MINS，放工回家也執一執，晚上又重覆早上的工作，
很多人也說我家很整潔，我也不明所以......

你都做得好足夠啦
自問都不及你打理得甘乾淨
有時疥癬虫係會係診所傳染返黎
都好無奈架, 唯有滴藥醫好後盡少帶出外

其實我好質疑REVOLUTION的實用性...滴完冇好不特止，
仲要蔓延去第二度，我而家每天早晚同佢噴緊兔博士中藥水，
皮屑叫做少左D，結焦部份都叫做有進展，我會等到7月才再帶佢
看醫生，因上次去時醫生乜都冇做過、冇俾藥，收$190，我都費事
0徒錢，唯有自己搞清潔同觀察。

講真，診所貓狗佔大部份，我唔覺職員真係會徹底消毒張醫療桌俾下一手囉~~
亦不見得醫生會洗乾淨隻手再掂下一隻動物，明明之前醫膿瘡時都冇皮膚病...

REVOLUTION好似係殺瘙,疥癬好似要打針食藥之類架?
我兔兔無這病經驗,但我看過晒這裡所有post,我記得以前有提過.

我有問佢洗唔洗打針, 佢話唔洗...唔知係咪佢太細個,
未夠四個月...