BB便祕記...(汗)

件事係咁既..
尋日我同我男朋友都覺得BB有D唔妥,
雖然平時佢都係日頭訓覺夜晚精神
但尋日完全係「無精神」又冇mood咁..
草食少左, 糧都冇咩興建, 但飲多左水
見佢係咁lam隻手仔, 就心諗係咪整親手
幫佢check手仔又冇咩野..(不過有隻指甲好似好軟咁, book到星期2去睇vet)
男朋友就話不如等佢自己休息唔好嘈佢..
於是我地等到佢平時會精神既時間再觀察 (夜晚1點至2點度)
點知都仲係冇咩精神 D便便仲細粒左~!!!
我即時擔心係唔係腸停.. 但BB仲有食草..又有飲水..
但由於呢段時間冇vet 所以唯有等天光諗住情況緊急就1天光就帶去睇

今朝男朋友check BB既便便, 話佢好多便便 係十分之多= ="
比平時多1倍左右
咁我就問BB而家點呀 佢話佢好精神=__= 又跑又跳發晒癲咁衝黎衝去....
仲係咁食草
... ... ...
所以...我想問...唔通...兔仔都有便祕既??!!#^36^#

通常夜晚痾得最多
如果第二朝都唔見有便便, 就好大件事

佢會唔會發緊情, 我兔兔發情屎屎會細粒周圍痾, 又會冇乜精神唔係好彩人~

成晚有得震冇得訓#^31^#
好在今日一睇佢個廁所仔D便便係滿既!!! 哈哈哈..
又大粒又多..
所以都唔知到底咩事...
仲有仲有..我地有比毛巾佢玩抓洞,,佢而家好鐘意訓係條毛巾上面,
將條毛巾抓埋1團墊係肚仔同腳仔下面訓...好似好舒服咁=__=

發情..唔..都有可能,,因為BB聽日就7個月大啦,,#^39^#