兔兔好可憐......

小妹返工既地方有好多兔兔(20幾隻荷蘭種既家兔),但係佢地係用黎做實驗既,成日比人打麻醉針,又比人捉黎捉去,所以好驚人!我每日經過都會睇下佢地,摸下佢地,但感覺佢地真係好驚,行埋去已經即刻縮埋一角,摸一摸佢地又縮,可能驚又被人捉去打做實驗!
覺得佢地好可憐,好想錫下佢地,幫佢地改名,同佢地玩下,但清潔兔兔地方既同事叫我唔好改,因為佢話可能你今日幫佢改左名,聽日已經唔見左佢....果然前幾日一隻我好喜歡既肥兔兔個籠吉左/ \
今日我幫一隻喜歡既兔兔改左名,叫B仔,希望我可以陪佢一直長大...........

點解d人咁衰嫁

其實有呢D事我都盡量唔去睇唔去知...
因為只可以傷心,做唔到D咩去幫佢地....

唯有希望兔兔們早日去到彩虹橋過好日子

原帖由 Darling) 於 2010-9-16 08:55 PM 發表
點解d人咁衰嫁

醫學研究,冇辦法!

所以話:我地就當兔兔係寶,佢地就當佢係草,
真係賤格...#^3_002^#

真係好賤　我覺得有報應架．．．等天收佢地啦

幫佢地離開果到先係治本~@@

好似total媽所講,只能隻眼開隻眼閉,
其實兔兔同人冇分別,一o的可以幸福,一o的可以連食都冇得食,
只係我地知定唔知o者,兔兔都係一樣,
我地可以做既只係盡自己能力令兔兔可以幸福快樂終老,
有好多野整定既

睇完之後我覺得d兔好慘.我會更加愛我隻兔兔><.

原帖由 pamela_peony 於 2010-9-17 10:53 AM 發表
好似total媽所講,只能隻眼開隻眼閉,
其實兔兔同人冇分別,一o的可以幸福,一o的可以連食都冇得食,
只係我地知定唔知o者,兔兔都係一樣,
我地可以做既只係盡自己能力令兔兔可以幸福快樂終老,
有好多野整定既

其實好同意你既講法

同係兔VS人既命都係一樣

起地球既另一邊家陣有幾億人係食都無得食，等死架咋

你在哪工作? 我可不可以去做義工陪下佢地，照顧吓佢地？如果可以的話請pm。

一睇見你話20幾隻荷蘭種既家兔,我即刻想問,可唔可以領養佢地...原來係實驗室的兔兔,每次睇見呢d話題,都覺得好心痛....

我之前養左兩隻家兔,上個月佢地兩個去彩虹橋了,而家諗起都仲係好掛住佢地...

唉....點解生命咁唔公平,可愛既兔兔,要用來做實驗,只希望那裡的兔兔可以快d離開呢個痛苦既世界

如果是我的話,每日見到呢個情境~
真的會不忍心做這份工落去~:011:

原帖由 hilahila 於 2010-10-11 12:03 AM 發表
你在哪工作? 我可不可以去做義工陪下佢地，照顧吓佢地？如果可以的話請pm。

其實係學校既實驗室~已經有人負責照顧佢地架啦,我都好想照顧下佢地同佢地玩,但我係office既,只可以經過望下摸下佢地!雖然一直都知道好多醫學研究都要用動物做實驗(合法的),但聽到既同自己親身感受既係好唔同!上星期我心血來潮想見B仔,點知去到既時候,佢趴左係籠度,原來佢被人麻醉左,下午就要離開了,好彩我趕得切見佢最後一面,仲摸下佢,同佢講好快就以後唔洗再做實驗,去彩虹橋同其他兔兔玩.........

明白了。唉，真是無能為力。。其實那是大學定中學啊？中學的話完全沒道理，又不是會有甚麼創新的發現...。大學低班的其實也沒需要呢，研究院那些重覆人家的實驗 (改少少野) 來出文的也沒甚麼意思...研究為名，折磨動物為實。