好奇怪好奇怪!點解會甘架??

因為我要做手術,所以要離開hk about 一個星期
之前我隻兔女點點..生了一胎,,共5隻,,
我諗有睇我之前個貼既人都知道..依家佢地1個月大了.
都好乖乖好健康..已經開始學習食固體食物了,,
我呢幾日離開左hk..搵一個都識養兔兔既朋友幫我睇住先..
本身都諗住無咩問題..但琴晚半夜..我收到個電話,,
我朋友說我的點點突然襲擊d bb..又扯自己d毛..
甘我就諗啦..可能係因為點點又開始假懷孕了,,
於時我叫我fd幫我分開點點同d bb先..以免傷害到bb
到左今日.. 我朋友又打黎話..點點又生左5-6隻...
我好驚訝.完全唔知發生咩事..因為點點生頭一胎個5隻bb時..
都未生完..只係生左3隻..我一發現佢生..我就分開左兔爸爸..
因為兔爸爸不是我的..是別人放在我家中的..所以我將兔爸爸
比返佢主人...由點點一生第3隻bb個時我已經分開左爸爸直到
依家佢地都係連面都未見過面..我上網搵資料
只係搵到..兔兔係可以生完bb即時又再交配懷孕..
但問題係..佢都未生完我就分開左..甘點交配懷孕呢?
唉..不過點唔明都無法子..依家要解決燃眉之急先..
我已經將我個5隻1個月大既bb 放左係人地到養住先..
因為我手術係星期2 進行..所以好擔心好擔心hk既兔兔們..
依家有成11隻兔要我擔心..點點生完一個月又生..對佢身體真係好差好差
返到hk之後..我可以點樣幫到點點呢??
同埋本身諗住自己可以養到..依家11隻..真的負擔不起,,
所以要開始幫兔兔們找主人了..如果你地有好既主人介紹或者
你地自己都想養..可以話我知..但係1個月大既兔兔我仲未可以比你地住..
加上我要了解左新主人是否有愛心是否負責任我先會比..
我唔可以接受我既寶貝們接半點委屈..所以好希望你地如果真係想要..
我地還是交個朋友..讓我好好知道你是否真係原意照顧兔兔一生一世..
如果有意既..可以留言or add 我msn
[email protected]



這是我的相book..入面有5隻兔兔既相..
http://www.wretch.cc/album/rainy1989

樓主.. 你依家可以為點點做嘅, 就係請教醫生議建, 喺許可嘅情況下為點點做絕育手術。

我其實唔明點解你可以俾兔兔生完一胎又一胎, 你養得佢唔係應該愛惜佢咩?? 既然之前試咗生第一胎已經死咗兩隻兔BB, 點解仲要俾佢再生?? 依家仲要唔知頭唔知路咁又生咗一胎, 你知道這一切都係生命嗎?? 你帶佢哋嚟呢個世界上面, 但係你又可以照顧得晒佢哋嗎?? 依家話11隻養唔掂要俾人, 你唔知道兔兔一胎可以生四至十隻嗎?? 你唔係應該喺俾佢生之前諗定如果真係生十隻你都要照顧先俾佢生嗎?? 點解依家加埋十一隻就話養唔掂?? 就算你話第二胎唔係你意料之中, 但問題係你自己一手造成, 你知道嗎?? 無論人定動物, 生命皆一樣, 你會因為生BB突然生咗五胞胎就要俾啲BB人養嗎?? 點點生得咁辛苦, 你係愛點點嘅話, 又會忍心令佢哋骨肉分離嗎?? 一切事實都已經定斷, 希望樓主自己可以好好照顧所有嘅兔BB, 佢哋係你一手造成帶嚟呢個世界, 你有責任照顧佢哋終老, 兩隻死去嘅BB你已經作下罪孽, 罪孽係冇人可以幫你承擔, 希望你會用你嘅愛同責任去好好照顧所有BB以彌補減輕你嘅罪孽。

早知結果, 何必當初~!!

依+就算知點解會甘都無法子啦,
現先給點點額外alfafa草,
遲D同點點做絕育
我係你既話我一定會照顧番所有兔BB
希望你都會

既然都生左出黎
就要諗辦法架NA
樓主真係養唔起11隻..唔通俾D兔BB餓親咩

樓主你就做手術休息多D先
有精神先諗到解決辦法架嘛!

[ 本帖最後由 berki 於 2010-10-18 12:08 PM 編輯 ]

雖然我幫唔到樓主喇, 不過我就覺得呢個係好好既反面教材
希望打算養兔同已經養緊既朋友, 唔好為左省果$800絕育費,
而損失4-10隻兔兔的$800絕育費;
亦都唔好太天真, 以為一堆兔兔會熱鬧D, 想養多幾隻唔一定要生出黎既,
一早絕育的話, 就唔會有咁多"唔知發生咩事"

樓主,
事件都己經發生左,可能是上天安排。
無論如何,我諗妳先做好手術,充分休息,等自己身體完全康復。
才去諗解決免免的辦法吧!
:002: :002:

嗯嗯,樓主要先努力照顧自己
才想其他吧!!~

原帖由 波子 於 2010-10-17 09:49 PM 發表
樓主.. 你依家可以為點點做嘅, 就係請教醫生議建, 喺許可嘅情況下為點點做絕育手術。

我其實唔明點解你可以俾兔兔生完一胎又一胎, 你養得佢唔係應該愛惜佢咩?? 既然之前試咗生第一胎已經 ...

唉..你睇d唔睇d..其實我是有心想佢生bb的..
打算佢生完bb 到左甘上下就幫佢做絕育,,,
我問過醫生..佢話好多時候第一胎都可能有問題
因為兔兔第一次做媽媽未必會識得點樣應對..加上佢第一胎既bb
係胎死腹中的...之後點點再生第2胎..5隻,,就算要做手術係咪要等
d bb介左奶先呢?係咪要等點點休息夠先呢??
加上..佢未生完d bb時我已經張爸爸分開左..
都無再張佢地放埋一齊... 之後佢地點會有bb我都好想知..
醫生話雖然兔兔可以係生完即時就 交配再有bb
但係未生完就有係屬好少好少見既例子.

你要話我鬧我都知清楚發生咩事先啦
當然…我都會接受你既批評..可能我上面打得唔係甘清楚啦
我都好想係佢生完第2胎就幫佢做手術..不過係好突然就生第3胎
但唔生都生左..我可以點? 我現在只可以盡力幫點點回復身體
同埋令個5隻新生既小寶寶健康成長..
之前第2胎既bb,,都係有5隻..你知唔知好多時兔兔生得多
但唔代表每一隻都可以存活..因為兔兔未必肯喂甘多bb
總會有d係飲唔飽奶唔夠營養而死去..
但係前一胎既5隻小寶寶都成功長大..係因為我每一晚遂隻遂隻
甘樣喂佢地..你知道佢地如果係人手喂奶唔係媽咪到飲..
佢係係會反抗..你估真係睇電視甘佢地飲得好開心咩?
佢地係會不停甘郁..喂5隻..要慢慢一滴一滴甘滴係佢地個咀到
然後當佢地慣左先喂得無甘艱難,,5隻甘樣喂..我要喂個幾中時間,,
我只係一心想養大佢地..然後到甘長下大隻..一家人兔爸兔媽
5隻寶寶一齊去散步..一齊影相…
我係想要晒5隻的..我無諗唔要佢地…
但係依家發生左呢件事..係11隻..可以既..我點會比人呢?
我緊係想自己養啦..每一隻都係我心血..就好似我自己既bb甘..
我屋企完全都無地方,,,可以養到11隻..
我唔係想快快脆脆將佢地送晒出去就算囉..
我真係想幫佢地搵一個幸福既家好過迫迫埋埋11隻係到啦
有時唔係話自己要晒佢就係代表負責任..係要有能力先可以負到..
如果無既..就搵人幫下忙..依家我又唔係賣仔賣女..我係想
搵一D真係有心養兔仔..如其出去買..不如我比隻佢…
甘樣我又可以同佢做個朋友第日佢地一家人又可以見到面..
呢到個個人都甘愛自己既兔兔…
難道我愛我家點點會比你愛得少嗎??

原帖由 hh0 於 2010-10-17 10:44 PM 發表
依+就算知點解會甘都無法子啦,
現先給點點額外alfafa草,
遲D同點點做絕育
我係你既話我一定會照顧番所有兔BB
希望你都會

有咩法子姐? 分開左個爸爸都生到第3胎..
我可以點呀??
有呀.. 除左呢D之外好多兔仔產後食既野都有比佢食..
點解你地睇到D野甘偏激.
就好似你隻狗狗甘..生左BB.,,你都可能會將其中的比人
OR比朋友養...
點解你地會認為比人..就好不負責任甘呢??
我係親手將人地臭大然後介左奶先會比有心養既朋友
OR其他人...我唔係亂比人..

原帖由 berki 於 2010-10-18 12:05 PM 發表
既然都生左出黎
就要諗辦法架NA
樓主真係養唔起11隻..唔通俾D兔BB餓親咩

樓主你就做手術休息多D先
有精神先諗到解決辦法架嘛!

我都唔知點解會生到第3胎!
我預期係 5隻既話..甘都養得起丫MA
我唔係會錢養佢地..餓親就一定唔會
只係一黎我自己身體唔好..2黎屋企邊有甘多位..
-3-.依家已經有幾位朋友話想養
佢地都有養開小動物...加上成日見面
可以第時一齊放兔個D...
甘樣我會安心好多..

原帖由 Jessie 於 2010-10-18 03:23 PM 發表
雖然我幫唔到樓主喇, 不過我就覺得呢個係好好既反面教材
希望打算養兔同已經養緊既朋友, 唔好為左省果$800絕育費,
而損失4-10隻兔兔的$800絕育費;
亦都唔好太天真, 以為一堆兔兔會熱鬧D, 想養多幾隻唔一定要生出黎 ...

一隻兔女既絕育費點止800蚊呀?
加上你跟本無睇我講咩..
我係想佢生完5隻之後第佢休息夠就做手術
但第3胎係分開左爸爸既情況低下有既..
要怪就怪我唔係媽媽有左既時候就分開..
不過醫生都話未生完就有BB係好少見
正常既生完係可以即時交配再生..
但個時點點係未生完...
加上..我係完全有經濟能力養得起11隻..只係我屋企無地方..

原帖由 sammy 於 2010-10-18 08:42 PM 發表
樓主,
事件都己經發生左,可能是上天安排。
無論如何,我諗妳先做好手術,充分休息,等自己身體完全康復。
才去諗解決免免的辦法吧!
:002: :002:

唉..呢到某D人會認為..就算你就黎死要比隻兔兔人地養都係錯啦!
都搞到你好似有心甘~
我都只係做一個手術姐..唔係就死..甘樣我應該係千錯萬錯..
不過就算唔係呢到自以為好有責任心好有愛心好有道理既人..
我都會比心機照顧D兔BB...同埋點點.
多謝你關心

原帖由 月愛貓貓兔 於 2010-10-19 12:04 PM 發表
嗯嗯,樓主要先努力照顧自己
才想其他吧!!~

不行呀.. ~不過發生左就要想方法同樂觀面對..=]

睇你咁講真係無咩理由會再有bb架喎
你個朋友自己本身有無兔兔係家架?
會唔會你朋友一時貪玩放左點點同其他兔仔玩所以再有bb呢?
一個月bb無咁快有生育能力架喎..
唔係想怪責你朋友, 不過諗黎諗去最大可能都係你朋友照顧點點之後出事...
建議你問清楚你朋友...如果佢坦白話你知, 至少都知道咩事或者兔爸爸係咩兔, 會唔會有病要留意都好ma.
btw, 祝你早日康復, 快D返黎take care返兔兔們.

原帖由 阿蚊 於 2010-10-30 09:32 PM 發表
睇你咁講真係無咩理由會再有bb架喎
你個朋友自己本身有無兔兔係家架?
會唔會你朋友一時貪玩放左點點同其他兔仔玩所以再有bb呢?
一個月bb無咁快有生育能力架喎..
唔係想怪責你朋友, 不過諗黎諗去最大可能都係你朋 ...

其實兔仔仔絕完育之後
都要等1個月先可以同兔囡囡放埋一齊
D精子都可以KEEP好耐
人都係咁啦
所以未生完搞左都可以大肚架