同我隻兔真係幾有緣~

最近我屋企黎左個新住客~

由上年開始無端端覺得自己好鐘意兔，經常去pet shop睇
但從來無諗過養  因為怕我無時間同未養過照顧唔倒佢一世
於是只係借幾本養兔書返黎睇~睇完覺得對養兔既知識多左  但都係無諗住養~~

點知好快就見到我有個朋友話佢媽媽養隻兔仔比佢媽媽虐待:056:
因為佢媽媽覺得好煩無時間理佢  是但比野隻兔食...連飯都比過...又唔比草
話一放佢出黎就開大開細唔想要佢..
我見到好心痛，即時同我朋友講唔好咁對佢，不如比我養好過:022:
就係咁我做左個決定~~ 之前睇養兔書時根本無打算養，但好似為兔兔預備左咁:038:

後來得知兔兔大約三歲，已經轉左次手，姐係有人比我朋友個媽媽的
但係到果時竟然連名都未幫佢起... 見到佢似係用狗籠「裝」住佢，由得佢係個籠度柯，d尿係籠底郎下郎下...

咁我拎左佢返家之後即刻去太子買籠買草買糧買木糠，同我男朋友拎到傻返去安頓好佢~

怎料這時才發現...佢兩隻腳仔，肛門同肚都有好嚴重既皮膚病..甩晒毛咁濟...好似食完雞翼既骨咁...(最後有圖)
接下來幾日中同佢沖左涼，買左專比兔仔皮膚病既藥同佢早晚噴
可能佢痛同不安，初初噴藥struggle得好厲害，送左好多條血痕比我隻手，我好唔開心同佢講點解要抓我啊
但幾日後佢都好似屈服左 像bb一樣比我反轉放係大比等佢d藥干先放返佢入籠
噴果陣仲會好嗲咁擰轉頭望我~ (佢係仔!)

到到而家就快一個月喇~~ 兔兔已經好得7788~~
識得去廁所，會食草(但唔算多因為之前無食開)，會走出黎捐窿捐𢲡，圍住我隻腳跑
我成日同佢講你健康好返我就好開心架喇~
亦都唔知佢係咪真係知我對佢好，經常會攤低+眼定定望住我好耐
但佢唔鐘意比人抱，都因為咁梳唔到佢肚毛..

不過可能我都有d養兔野唔知~ 呢幾日先開始睇呢度~
eg. 點解唔可以用沖涼粉同佢沖..? 我朋友都比左支殺瘙粉我，佢地用開，包裝寫兔仔都ok，又得唔得呢?
    同埋佢一黎到時我係用木糠同佢鋪成個籠，而家剩係會用係廁所(個廁所有鐵網比佢企上去)
    但有時又會柯少少落下邊，又踩到，搞到佢pat pat腳仔都黃左，可否用寵物用濕紙巾同佢抹?

另外一樣野...到底佢係咩種類既兔..?! 連之前養佢的都唔知..
是否侏儒兔呢?


有d長，但想同大家分享我豆豆同我既相遇:021:
如果有d咩係養得唔岩請大家指正~!


約一個月前既腳仔


[ 本帖最後由 angelaska 於 2010-10-24 03:13 PM 編輯 ]

congrats. 兔兔遇到你係佢福氣
睇相佢隻腳仔真係比之前好返好多! 佢個樣好可愛呢~:053:

答返你~ 因為沖涼粉容易留係兔兔身上~
佢地好鐘意自己用口清理~所以有機會食左落肚~
其實好多產品都話兔仔用得.. 不過唔係架~
我通常用暖水濕毛巾抺~再用DRY毛巾抺一次~
同埋磨牙石都唔好用~ 冇益~~食T草夠就OK~~
木糠會吸入~令兔兔唔舒服~所以我用PAPER粒多

我覺得佢係混種侏儒兔~ 不過佢個樣好可愛~ 係咩品種都冇所謂啦~

兔兔真係苦盡甘來啊..
見到你咁比心機照顧兔兔真係感動*
咁佢而家叫咩名啊? #^70^#

原帖由 WAI 於 2010-10-24 03:46 PM 發表
congrats. 兔兔遇到你係佢福氣
睇相佢隻腳仔真係比之前好返好多! 佢個樣好可愛呢~:053:

答返你~ 因為沖涼粉容易留係兔兔身上~
佢地好鐘意自己用口清理~所以有機會食左落肚~
其實好多產品都話兔仔用得.. 不過唔 ...

thx ! 好詳細呀
我都係想得個知字, haha! 咁就由得佢來歷不明啦~

如果用干濕毛巾抺(全身?)幾耐抹一次呢~?
我都試過用濕毛巾同佢抹手腳，但呢隻仔就硬係唔likey比人反轉:059:
一個人一定抹唔到..

個磨牙石係朋友比埋我的，之前怕一下子拎走晒佢d野佢會唔慣~
但佢食草又唔多，如果用d 木造磨牙棒會好d嗎?

原帖由 fishbu 於 2010-10-24 06:01 PM 發表
兔兔真係苦盡甘來啊..
見到你咁比心機照顧兔兔真係感動*
咁佢而家叫咩名啊? #^70^#

豆豆~~
好似同呢度某位兔友既兔兔撞左名,哈哈#^54^#
我媽就叫佢「屎撈兔」，話佢沖涼果陣賴d屎屎同佢自己撈埋一齊...

其實抺身好睇兔兔既衛生程度
好似我家兔女.. -0-" 係長毛仲要係白色!!
咁我就要每日返屋企都反轉佢~幫佢清理~
你家兔兔可以2日度一次

其實就算佢唔肯~你都要哄到佢肯~
因為一下唔好彩..兔兔病左~你就好難哄佢食藥 ~
見過d朋友叫兔仔食藥好似大戰咁=.="
同埋可以當一個普通既身體檢查~檢查下d teeth都好呀~

我平時就一邊慢慢抱起佢.~摸住佢頭仔
反轉之後~都哄下佢摸下佢頭仔~就冇咁反感架喇!
可以趁機同寶貝親近下~何樂不為 haha
完成整個過程~ 就請佢食少少野~
佢慣左~每次就好乖架喇! 同埋好可愛架 :073:

木造磨牙棒都係要睇成份~ 有d養兔朋友就話蘋果木好d~因為食得落肚
但我又懷疑某d牌子既有糖份~~我都係覺得食夠草~得閒檢查下佢牙仔有冇過長就ok~
睇下仲有冇兔友答到你?



豆豆is a gd name~ =]

原帖由 angelaska 於 24-10-2010 08:06 PM 發表


thx ! 好詳細呀
我都係想得個知字, haha! 咁就由得佢來歷不明啦~

如果用干濕毛巾抺(全身?)幾耐抹一次呢~?
我都試過用濕毛巾同佢抹手腳，但呢隻仔就硬係唔likey比人反轉:059:
一個人一定抹唔到..
...

每一隻兔兔食草都唔會少∼！

如果食得少∼應該都要ｂｏｄｙ　ｃｈｅｃｋ下啦∼！

驚佢食得少草磨唔到牙仔∼牙仔會過長∼！

佢已經轉了幾個主人∼你都唔知道上手再上手點樣照顧佢∼！

為佢好∼ｃｈｅｃｋ下好ｄ∼！

好開心呀，呢隻兔遇到你係佢既福氣^^

睇到最尾張相, 我喊左出黎......佢真係好好彩, 終於遇到一位肯用心對佢既主人. 食草唔多真係幾頭痛, 可唔可以混入果樹草個類吸引兔兔食多D草?

原帖由 WAI 於 2010-10-24 08:42 PM 發表
其實抺身好睇兔兔既衛生程度
好似我家兔女.. -0-" 係長毛仲要係白色!!
咁我就要每日返屋企都反轉佢~幫佢清理~
你家兔兔可以2日度一次

其實就算佢唔肯~你都要哄到佢肯~
因為一下唔好彩..兔兔病左~你就好 ...

我睇完之後即刻準備暖水同佢抹手腳..#^53^#
有摸住佢頭仔..但想咬我呢..  不過我會努力><
暫時唯一同佢清潔到既方法都係濕洗..之前我同我媽一齊服侍佢沖涼  佢又會好乖
同埋我都檢查唔到佢牙仔  我係將佢頭向我肚，腳向出咁放我大比
但一唔用隻手禁住佢架喇底佢就走   真係驚青大師~

原帖由 small_tra 於 2010-10-24 08:56 PM 發表



每一隻兔兔食草都唔會少∼！

如果食得少∼應該都要ｂｏｄｙ　ｃｈｅｃｋ下啦∼！

驚佢食得少草磨唔到牙仔∼牙仔會過長∼！

佢已經轉了幾個主人∼你都唔知道上手再上手點樣照顧佢∼！

為佢好∼ｃｈ ...

佢一黎到時我乜都唔比，剩係比草佢，咁佢逼於無奈都要食#^60^#
不過後來我比糧比菜，草就變左佢既last choice...
通常係到夜媽媽佢知無人餵佢先食得多~
但今日我放左佢出黎整個下就  佢都有兩次跳返入去食草呢
希望佢愈食愈多，食草食窮我都唔緊要XD

如果係body check的話大約幾錢到呢?

原帖由 long~spirit 於 2010-10-24 09:16 PM 發表
好開心呀，呢隻兔遇到你係佢既福氣^^

我遇到佢都好開心呢
希望佢唔好因為唔鐘意我抱嬲左我唔肯食草...

原帖由 PhoenixY 於 2010-10-24 10:05 PM 發表
睇到最尾張相, 我喊左出黎......佢真係好好彩, 終於遇到一位肯用心對佢既主人. 食草唔多真係幾頭痛, 可唔可以混入果樹草個類吸引兔兔食多D草?

多謝你為豆豆心痛><
我媽雖然肯幫手照顧佢，但就成日話佢只係一隻動物，唔會識性架
但我覺得佢地唔會完全無情感呀..

我仲未係太識分草的類別...
果樹草係咪入邊有d紅黃色干花(?)果隻？
豆豆而家係食緊KAYTEE TIMOTHY HAY.. 是否就是T草呢?

[ 本帖最後由 angelaska 於 2010-10-24 11:03 PM 編輯 ]

我都有買有花果隻,果樹草係無花的,其中一隻好鐘意食,一隻聞完就走:011:

你仲可以買一包粒粒比兔兔,我見好多人話食果個粒粒磨牙好(我就係餵完藥,佢聽話,或者反轉完佢,兔兔嬲嬲地先比佢地食,哄佢地),由奇你隻兔兔係轉過手,上手又無比草佢食,果樹草同呢個粒粒都係健康既兔兔小食,好過比生果,始終糖份太高~個粒粒好多兔兔都鐘意食架,兔兔牙齒不停生長,磨牙好最要的呢~

個粒粒係apd出的

沖涼粉個份量用得多,有機會令到毛囊炎~同埋沖涼粉既原理係吸取油脂,試問隻兔兔本身都無乜油脂分泌,仲走去吸,d皮膚會吸乾的,佢地商人,一定會出好多副產品呃錢,其實係無用的,仲可能有害

通常兔兔都唔鐘意比人抱的,由其係反轉,不過,可以持之以恆,每日抱一抱,等兔兔知道,你係一定要咁樣做,同埋抱完,比個粒粒佢,比兔兔知抱完有好野食架啵~講到食,兔兔好聰明的~:023:

body check250~300

TIMOTHY HAY就係t草了

咁妳媽媽講既就唔岩喇,其實兔兔係好有靈性同好聰明架,祗不過係大部份人唔識同兔仔溝通.

[ 本帖最後由 天才文仔 於 2010-10-25 04:32 PM 編輯 ]

其實兔兔既墊材用品最好用紙粒/Care Fresh 綿/尿片,木槺對佢地呼吸...吾好!
不過記得留意兔兔有冇咬/食!
我見到你照顧得兔兔幾好丫!^^
如果佢吾太污糟,定期用暖既濕毛巾抹下手腳,然後抹返乾就可以!
吾使用沖涼粉(除非有時patpat/腳仔太污糟有尿,用濕毛巾抹完後落好少係部位等佢吸一吸,然後再用乾布抹.)!寵物店賣既治療用品/藥物都吾好比兔兔揸或者食!
有事就去睇獸醫,等獸醫去評估(可以係愛健康一欄參考獸醫,因為吾係個個獸醫識醫兔架!)
另外,kayee既草品質麻麻!你可以買Oxbow/Momi既T草慢慢溝埋屋企果d kayee T草比兔兔,
直到可以轉哂所有都係Oxbow/Momi T草!
我建議你帶兔兔去body check!
希望幫到你啦!

記得遲d買定張vetbed/鋪毛巾比兔兔過冬丫,
通常under 18 degree就要鋪!

兔兔(豆豆)能夠比你遇上真是福份.
如果仍然生活在你朋友家真的不能想像~
你要好好愛錫錫呀~( 因為之前巳那麼可憐 )

好彩豆豆可以遇到你...
樓主加油呀~~