仔仔的絕育過程

在5月14日一早8：15在屯門出發去九龍動物診所揾dr.betty
大約10：00就到達診所（比我book的時間早15分鐘）
10：30到見dr.betty，她好清楚和我們解釋一陣佢會同仔仔做d乜，
我們聼完之後dr.betty就叫我們4：00先去接回仔仔
到4：00我好準時到達診所接仔仔，因好擔心。
去到我同姑娘講黎接仔仔，姑娘問我識唔識餵草粉，我話唔識，
姑娘就要我學會先比我走。好彩都唔係好難學，
學會之後就帶仔仔返屋企，返到屋企仔仔精神都ok ga,
不過做完手術見到佢好累，所以回到家就放佢入籠比佢休息下，
但見佢個頭罩唔知點好，所以我就除咗等佢舒服d，
到今日仔仔都仲未肯自己食野好d擔心.

@@ 你尋晚有冇餵過草粉先?
可唔可以俾D菜菜佢睇下食唔食呀
絕完育第2日都唔肯食野
要繼續餵草粉呀
1日要餵100ml
可以分4-6次
張紙都有寫架
如果有咩問題快D打去診所問醫生啦#^54^#

我月尾都帶我隻仔去絕育，又係屯門出發，多謝分享個流程，等我就到時間。我都好擔心到時點啦，唉……

餵下草粉先
唔好比佢冇野落肚

尋晚我有餵草粉呀，因為仔仔第一日回來一定係唔肯食野的。
我今日都有比菜菜佢都肯食呀，
因之前睇過兔友講可以放入籠睇下兔兔食唔食。
仔仔今日是第二日都開始肯自己食草和精神都比琴曰好咗。
而草粉醫生話每日要160ml,4個鐘一次，每次大約要4枝到，
不過我見佢肯自己食草所以個分量都減少咗d,ha ha~}.}~
你放心，有問題我一定第一時間打去診所的。
berki免友真係好多謝你給咁多意見，我真是好開心呀:050:

如果係屯門出發你要先check等點乘車去，
最重要是回程，因免免做完手術已經好累好辛苦的。

明白晒啦，多謝你提點呀，希望你仔仔早日康復啦！

仔仔今日是第四日絕育,
琴日見佢精神好好,所以就放佢出黎玩

仔仔今日是第四日絕育,
琴日見佢精神好好,所以就放佢出黎玩

絕完育  醫生有冇話 比佢出黎行下,,   成日關係籠好似好陰公#^37^#   -    -   同佢汁龍都要佢出黎嫁嘛 #^33^#

我都想暑假帶2隻女去絕育

如果完全唔食草，一日就要餵四次草粉，每次二十枝（針筒計算）。
如果食既，只要你唔一次過停止餵草粉即可（即是每日至少都要餵番一餐，唔可以直接停）。

食菜菜都可以，食多ｄ吸埋水；仲正＠＠！

頭先唔知點解是出唔晒d字~.~
仔仔今日是第四日絕育,
琴日見佢精神好好,所以就放佢出黎玩咗一陣，
之後佢跳咗上床玩
今朝起身幫佢檢查傷口發現好似紅紅地，
但沒有爆線，唔知仔仔會唔會有問題，真係好擔心呀！

放心啦 無問題
我之前隻bb女都係咁。
第四日會紅紅地，係因為佢生番ｄ肉仔。

放心啦，無問題既；如果佢有奇怪既汁出左黎，ＯＲ出血咁先係有問題。