啊啊......點算啊 求救orz(終於去左睇醫生)

近兩日發現家中兔寶寶便便變細粒，
之後開始有減糧同埋持續俾一大堆菜菜食。
因為怕毛粒頂住個肚仔，所以俾左少少木瓜消毛－－

只不過情況持續，今日兔寶寶胃口好似唔多咁；
晨早留留就馬上沖左ｄ草粉，打算俾佢食。

點知包到佢好似隻阿拉伯兔咁都唔肯就範，打死都唔肯死幾淡草粉，呃呃哄哄都出哂，咩絕招都出哂，都係唔肯食草粉＝　＝。

有咩方法可以俾佢食草粉啊－－食草粉以及仲有咩方法可以令佢便便變番大？因為出面天氣好熱，我盡可能都想俾佢留係屋企涼冷氣唔帶佢出去睇醫生（始終醫生係九龍灣，我住粉嶺，登車都登到佢暈＝　＝）。

唔知有無咩方法呢？等佢可以乖乖食草粉，係草粉入面溝Ｄ水果汁唔知可唔可以呢？

．．．－，－兔寶寶已經進化到無好野唔肯食既地步，太識食了；覺得草粉唔好食所以死都唔肯死，今日哄左佢成粒鐘都唔肯，我手上多了好幾條兔子的抓痕（淚）。

點算啊～～～　
呃，如果覺得上面字太多好亂既，我下面打個總括。

兔寶寶目前情況總括：

１．便便比之前細粒一倍。
２．琴晚開始胃口差左，以前成日都係個籠到食草，今日食草時間大大變少。
３．精神情況還可以，只不過總覺得比之前沒這麼多元氣。

採取過的措施：

１．扣糧，未來可以實施唔出糧。
２．餵食大量蔬菜。
３．曾餵食過少量可以化毛的水果（木瓜）。
４．曾企圖餵食草粉，幾經辛苦先食左大概一個茶匙的量，之後就開始誓死不從；看兔寶寶的動作表情，推測佢絕對有倒吊空中都絕不就範的覺悟。

詢問：

１．有什麼方法可以令佢便便變大粒？睇醫生外急救方法。
２．有咩方法令佢食到草粉？例如加入水果汁引佢食？
３．好似按摩大腸有用，該怎麼做？
４．其他有用的意見，拜託大家都說出來吧－－

急急的說～～～

快啲去睇醫生啦放冰種入兔袋就唔怕中暑

唔好俾木瓜佢食, 木瓜太甜, 只會更弊

餵草粉, 你用毛巾包住佢, HOLD 實左之後, 再將針筒從嘴側伸入去, 再打直針筒吱入去
餵唔到草粉, 可能你未hold 實

anyway, 儘快睇醫生

睇醫生啦，求個安心都好，無事無幹都係290 啫!!! 唔好拖了!!

你要做既係9秒9飛去同兔兔睇醫生
外面太熱啦！冰種要放2舊入袋添呀！

個D化毛既東西全部都冇用
同埋... 你都唔肯定兔兔唔食野係因為肚入面有毛..

無論住邊度都好, 當兔兔有咩事, 請盡快帶兔兔睇醫生
你CALL 架VAN ... 兔兔係室內既地方都係等車同落一落車, 你加個冰種係袋度就冇問題

按而家既情況係必需去睇醫生, 別無他法

已經有醫學証明木瓜并無消毛作用, 兔兔係靠腸胃既蠕動將毛髮排出體外

餵草粉你用毛巾包住兔兔, 再用針筒由嘴角位置伸入去, 再打直針筒吱入去

你可以同兔兔順時針方向按摩腹部連續2個鐘 (即係由胸部至肚仔位置)

5好再比水果之類既野兔兔食啦, 腸胃出現問題, 而家佢已經係腸慢, 你再比佢食甜野, 只會令情況惡化

兔兔有事要把握時間去睇醫生接受治療, 過左黃金時間, 要醫好係好難

你住粉嶺, 5想天熱兔兔等車, 都要去睇

1 你係粉嶺坐的士去到上水火車站個巴士總站, 有部70X去到九龍灣, 再轉的士去到診所, 出街袋放2個冰種係無問題
2.你直接坐的士去到診所

請把握最好時間, 因為而家只有醫生可以幫到你, 依到無人係醫生, 大家只係知道應急既方法, 係即刻未睇到醫生既時候, 暫時緩問題, 但最終都要搵返醫生, 醫生都5可以空中診斷啦

5好再等

你應該帶佢睇dr.,粉嶺搭的士去火車站，坐頭等火車，去到9龍塘轉的士去診所最快，千祈唔好等巴士，條街熱到爆呀...另外call van都好...袋一定要有冰種呀..
至於草粉，你試下mix左之後加菜(切幼)/用菜包住俾佢食，可能會好啲!

嗯嗯，聽完各位咁講，我決定聽日帶兔寶寶睇醫生。
因為我決定時已經係夜晚，兔兔情況好似變壞了；
草食好少，今朝放低既草佢食左四分一都無。

好在仲有便便，但到晚上既時候已經打唔到電話ｂｏｏｋ，
打算聽朝打電話ｂｏｏｋ時間，去睇ｄｒ．ｍａ。

而家唯一做到既就係準備聽日既冰種同埋袋仔，仲有再塞佢食一次草粉，
聽朝早ｂｏｏｋ完期馬上就出發。

我想問，我住粉嶺如果坐７０ｘ既話，應該係咩站落車？
２７０Ａ可唔可以？大概坐到邊到落車呢？
定係坐火車去九龍塘火車站再轉的士？

小小穎 發表於 2012-8-5 08:33 PM
嗯嗯，聽完各位咁講，我決定聽日帶兔寶寶睇醫生。
因為我決定時已經係夜晚，兔兔情況好似變壞了；
草食好少 ...

Dr ma 好full ga wor,即日未必book到，不如你今日搵定有無第二啲醫生，萬一真係無位可以搵第二個

我睇下ｄｒ　ｍａ有無，如果真係ｆｕｌｌ左，
我就隨便一個醫生，
因為我知道九龍灣果邊所有醫生都唔錯，所以好放心。

而家最希望係兔兔渡過今日，千萬唔好有事．．我聽朝會即刻帶佢睇醫生嫁啦！

之前我隻兔兔又係唔食野，Dr.Ma full左，我打去大圍既珍禽異獸book Tiger。姑娘知道兔兔唔食野係大件事，所以即日可以睇。你可以試試。
不過最後九龍動物醫院打返比的，話有時間讓比我，我最後都可以睇返Dr.Ma囉。

小小穎 發表於 2012-8-5 08:33 PM
嗯嗯，聽完各位咁講，我決定聽日帶兔寶寶睇醫生。
因為我決定時已經係夜晚，兔兔情況好似變壞了；
草食好少 ...

大圍同DR. HUGH有急診, 你而家即刻安排, 5好再等, 佢已經兩日敢樣, 而家情況仲差左, 即刻去啦

小小穎 發表於 2012-8-5 08:33 PM
嗯嗯，聽完各位咁講，我決定聽日帶兔寶寶睇醫生。
因為我決定時已經係夜晚，兔兔情況好似變壞了；
草食好少 ...

你上網查地圖啦,

即刻去睇急診, 情況仲差左, 點解仲要等聽日?

就算個醫生幾好, 兔兔接受治療既時間亦係非常重要

all_loving_it 發表於 2012-8-5 11:18 PM
你上網查地圖啦,

即刻去睇急診, 情況仲差左, 點解仲要等聽日?

係呀，dr hugh都唔錯又有急診，可以打電話俾姑娘問下先

小黑與我 發表於 2012-8-6 12:40 AM
係呀，dr hugh都唔錯又有急診，可以打電話俾姑娘問下先

兔兔係忍耐力比較強既動物, 佢地即使5舒服都儘量5會表現出黎, 所以好靠兔爸兔媽留意, 如果兔兔有明顯病徵同5係點食野, 便便有問題, 其實好多時已經5係初期, 兔兔真係可以惡化得好快, 情況可能根本5係我地可以預計同想像, 所以一旦發覺兔兔有事, 真係5好等, 5好猶疑, 一定要即刻同佢去睇醫生, 因為好多時我地一個決定, 足以影響個結果