啊啊......點算啊 求救orz(終於去左睇醫生)

近兩日發現家中兔寶寶便便變細粒，
之後開始有減糧同埋持續俾一大堆菜菜食。
因為怕毛粒頂住個肚仔，所以俾左少少木瓜消毛－－

只不過情況持續，今日兔寶寶胃口好似唔多咁；
晨早留留就馬上沖左ｄ草粉，打算俾佢食。

點知包到佢好似隻阿拉伯兔咁都唔肯就範，打死都唔肯死幾淡草粉，呃呃哄哄都出哂，咩絕招都出哂，都係唔肯食草粉＝　＝。

有咩方法可以俾佢食草粉啊－－食草粉以及仲有咩方法可以令佢便便變番大？因為出面天氣好熱，我盡可能都想俾佢留係屋企涼冷氣唔帶佢出去睇醫生（始終醫生係九龍灣，我住粉嶺，登車都登到佢暈＝　＝）。

唔知有無咩方法呢？等佢可以乖乖食草粉，係草粉入面溝Ｄ水果汁唔知可唔可以呢？

．．．－，－兔寶寶已經進化到無好野唔肯食既地步，太識食了；覺得草粉唔好食所以死都唔肯死，今日哄左佢成粒鐘都唔肯，我手上多了好幾條兔子的抓痕（淚）。

點算啊～～～　
呃，如果覺得上面字太多好亂既，我下面打個總括。

兔寶寶目前情況總括：

１．便便比之前細粒一倍。
２．琴晚開始胃口差左，以前成日都係個籠到食草，今日食草時間大大變少。
３．精神情況還可以，只不過總覺得比之前沒這麼多元氣。

採取過的措施：

１．扣糧，未來可以實施唔出糧。
２．餵食大量蔬菜。
３．曾餵食過少量可以化毛的水果（木瓜）。
４．曾企圖餵食草粉，幾經辛苦先食左大概一個茶匙的量，之後就開始誓死不從；看兔寶寶的動作表情，推測佢絕對有倒吊空中都絕不就範的覺悟。

詢問：

１．有什麼方法可以令佢便便變大粒？睇醫生外急救方法。
２．有咩方法令佢食到草粉？例如加入水果汁引佢食？
３．好似按摩大腸有用，該怎麼做？
４．其他有用的意見，拜託大家都說出來吧－－

急急的說～～～

all_loving_it 發表於 2012-8-6 12:54 AM
兔兔係忍耐力比較強既動物, 佢地即使5舒服都儘量5會表現出黎, 所以好靠兔爸兔媽留意, 如果兔兔有明顯病徵 ...

啲腸胃問題真係黎得好快架唔知樓主有無同兔兔去睇急症呢希望兔兔捱得住啦！聽日係平日，應該會有醫生有位卦

小黑與我 發表於 2012-8-6 01:02 AM
啲腸胃問題真係黎得好快架唔知樓主有無同兔兔去睇急症呢希望兔兔捱得住啦！聽日係平日 ...

希望樓主有啦, 佢兔兔會無事啦, 因為我真係見過太多依d事, 最終佢地既兔兔就......

有部份人諗住差一晚時間, 兔兔都未去到完全5食野, 無便便應該可以等第2日......

但好多時就係差幾個鐘就幾個鐘, 就係因為依幾個鐘

小小穎 發表於 2012-8-5 08:33 PM
嗯嗯，聽完各位咁講，我決定聽日帶兔寶寶睇醫生。
因為我決定時已經係夜晚，兔兔情況好似變壞了；
草食好少 ...

坐火車去九龍塘火車站再轉的士最快!(坐頭等，等你可以抱住兔兔，兔兔會定啲..
其實如果去9龍灣轉的士，車費仲貴!如果係去9龍灣睇，搭277x最快，班次亦多啲..快啲睇喇!

如去9龍灣睇277都可以係9龍灣地鐵站落

兔兔而家點呀?

睇左醫生未?   有無話兔兔咩事?  

今朝早帶左兔寶寶去睇醫生。（因為琴日打完最後一貼我就去左訓教，到今朝先知原來夜晚有急症）

帶左兔寶寶去九龍睇醫生，因為ｄｒ．ｍａ真係ｆｕｌｌ左，裡面好似剩得兩個醫生得閒；所以只好選擇另一個醫生－－叫ｄｒ．張，係一個女醫生黎既。

個女醫生都好ｎｉｃｅ同細心，因為我覺得九龍動物裡面既醫生都好專業，所以都好放心，於是乎就去左睇醫生。

結果查左出黎，醫生發現原來兔寶寶有腸氣．．．．．．．

當輕輕按落腸仔位置時候，兔寶寶都會痛到郁左郁，醫生話可能近來天氣熱，而且天氣轉變大，有時天氣熱會令兔仔無胃口，無胃口既時候會令到腸有腸氣；可能因為我屋企既冷氣唔係新型，留在係到好耐，所以開著都唔係咁有效果。

問醫生而家情況嚴唔嚴重，醫生話情況還可以，不過要食藥；再耐ｄ唔發現可能就會好嚴重。

跟住醫生話佢腸仔都仲有屎既，只不過屎就好細粒，而且唔多。

醫生話只要堅持住食藥，過幾日應該就會變番正常；大概三至五日後番去果邊再覆診一下，睇下情況有無改善到。

後來再檢查埋其他野，之前兔兔腳生過腳枕，不過塗過藥膏後醫生話好好多，好左一大半，唔洗再塗藥膏啦。

．．．．．．

最後醫生俾左六包藥我，分別有：

１．益生菌（每次半包，每日食一次）
２．蠕腸藥（有兩隻，一隻係每次０．６６ｃｃ，每日要食兩次／另一隻係膠囊，每日食一粒膠囊既四分之一，溝入草粉入面再餵，每日一次。）
３．去胃氣藥（一共有六枝，要食兩日，無日食三枝，一個鐘頭一支）
４．營養素（一日半包，溝入草粉到，每日一次）
５．止痛藥（每次０．１４毫升，每日兩次）

草粉既話醫生話如果兔兔完全無胃口要兩個鐘頭一次，每次餵十支；如果有食少少野就四個鐘頭一次，都係每次十支，之後隨著情況而慢慢調教鐘數）。

因為目前兔兔都有食草，所以決定早午晚一次草粉，夜晚草粉會溝埋藥＋藥佢食。

今次消費一共係八百六十四元正，連埋檢查同藥費。

＊　＊　＊　＊

有黎睇醫生實在太好了，如果遲左發現，兔兔真係會好大鑊。
我發現近排好似好多兔兔都有腸氣咁，琴日係到先見到個ｐｏｓｔ，
睇黎大家真係要更小心更留意自己屋企隻兔兒子兔女兒先得啦－－

而家兔兔情況無咩大礙，不過一諗到一陣間同埋以後接近一個星期都要不停抓住佢餵著；我就有種頭痛，希望兔兔唔好咁嬲－－每次抓住佢餵藥之後佢都會有後遺症，連續幾日見到我就走開

各位真係要好好睇住屋企既兔寶貝啊－－

＊　＊　＊　＊

今日報告到呢到，而家要去餵一餵果隻去胃氣藥，聽日再報告！多謝各位關心～我會好好照顧兔寶寶的－－

兔寶寶要早日康復呀!!!

之前都見到有其他兔友話呢位新醫生唔錯
兔兔唔係太嚴重咁就好喇
俾心機餵藥餵草粉呀~
希望兔兔早日康復

哦，張醫生，佢都係叫Betty呀，好細心好好人
祝你兔兔早日康復，活潑精靈