四肢癱瘓既兔兔係咪一定要安樂死?

請問四肢癱瘓既兔兔係咪一定要安樂死?
大圍珍獸個醫生就話安樂死係最好既選擇....
但我想帶寶寶返屋企照顧呀!
明明寶寶就好精神....
但醫生話我帶返去照顧只會辛苦左寶寶....

佢咩事啊？ 個人唔贊成...

wesky 發表於 2012-11-27 09:29 PM
佢咩事啊？ 個人唔贊成...

因為我疏忽!!!!!!!!!!!!!!!!
寶寶不嬲淨係食糧...
但佢每次食都會倒到周圍係...
我無為意原來佢近呢一個月都淨係食少少...
唔肯再食野...
搞到血糖低...
腦部試過短暫缺氧...唔知係咪損害左腦細胞...
宜家企唔到起身...
但所有器官都好好....
岩岩去探佢見佢都好精神.....
但醫生話我唔可以確保一日6-8次餵食+定時抺屎抺尿...
只會害左佢......
同埋佢長期攤係度, 肌肉都會痿縮....
我地一齊生活左差唔多10年喇!!
我唔介意往後日子要辛苦D照顧佢, 但我好介意就咁要我殺左佢!!!

咁你真係要好好照顧佢，老老實實，睇多幾個dr.至考慮，十年感情，真係會唔捨得，好明白你心情....

cordede 發表於 2012-11-27 09:35 PM
因為我疏忽!!!!!!!!!!!!!!!!
寶寶不嬲淨係食糧...
但佢每次食都會倒到周圍係...

其實你有左決定, 加油

兔協有一隻一歲兔兔情況好似都係咁,後肢係癱瘓,只要用多D時間照顧同埋定時做伸展活動,肌肉唔會太大萎縮,我們無權去定奪生物既生存權利,日常飲食都係扼殺動物,我們身不由己.樓主,既然兔兔已經10歲,請你照顧到佢終老,唔好安樂死,你付出既愛,兔兔有感受到,對動物照顧到佢哋終老,係做主人對動物唯一承諾,亦係對佢一份尊重,請三思.但願兔兔能有你這個主人陪伴直到終老.

不如你帶兔兔去睇多個醫生問下意見～～
個人覺得馬醫生係一個唔錯既選擇

[backcolor=rgba(255, 255, 255, 0)]其實兔兔仲咁精神，而你又決定會好好照顧佢，我諗佢係好努力咁留係你身邊，雖然我地無可能問佢地個意願，不過我地可以睇佢地嘅行動上知道，佢地係時候嘅自己會走，我認為人無權自行決定動物要安樂死，你要加油，好好陪伴佢呀

ToJai曾經都有差唔多既情況,  前肢splay legs後肢無力,  結果只可以側身趴
睇dr Ma時都係話老兔黎講副偈唔錯... 咁樣
冇提過要安樂死,  可能係因為最後睇時ToJai仲勉強企得到
(反而以前睇Betty時有提過... = =b)

照顧癱瘓既兔仔,  尤其係老兔,  幾乎係要全日都睇實佢
一日6-8次餵食+定時抺屎抺尿係基本,  仲要間唔中幫佢轉下姿勢 (好似卧床既老人家咁,  防止褥瘡)
同按摩身體四肢,  減慢退化速度
情況其實有D似照顧初生bb,  只係兔仔唔會識喊黎引你注意咁解

對於有正常工作 / 學業既人黎講幾乎係冇可能,  除非屋企人願意同你輪流照顧兔仔,  包括訓覺時間...
醫生提議安樂死既考慮點相信都係怕照顧唔夠完善
換句說話,  如果你有信心可以照顧到寶寶,  維持到應有既生活質素,  我會支持你帶寶寶返屋企照顧

各位, 今日大圍珍獸打黎...
話呀寶有好轉, 開始有返力,
但都仲未確定佢係累得滯無力企定腦部受損...
個醫生又再係咁問我係咪安樂死...
我決定比寶寶再住多一日....

另外我打左去九龍Dr. Betty + 紅磡素芳度問...
九龍Dr. Betty話無住院服務...
而紅磡素芳就話佢地設施無咁完善...
結果都係建議我比寶寶stay係大圍珍獸......
希望keep住有奇蹟!

unik 發表於 2012-11-28 10:19 AM
ToJai曾經都有差唔多既情況,  前肢splay legs後肢無力,  結果只可以側身趴
睇dr Ma時都係話老兔黎講副偈唔 ...

唉.....就係麻煩在我要返工...而我返工個陣又無其他人照顧到佢...
TOUCHWOOD萬一寶寶真係keep住咁.... 唔知用bb尿片會唔會無咁易比d尿整到寶寶呢....

cordede 發表於 2012-11-28 10:21 AM
各位, 今日大圍珍獸打黎...
話呀寶有好轉, 開始有返力,
但都仲未確定佢係累得滯無力企定腦部受損...

太好了，寶寶好叻！ 個醫生都好搞笑喎，病情有進展仲問

sukipuppy 發表於 2012-11-28 10:28 AM
太好了，寶寶好叻！ 個醫生都好搞笑喎，病情有進展仲問

我明白佢顧慮寶寶住一晚要2千幾蚊...
但都唔好下下就係問我要唔要安樂死呀.......

cordede 發表於 2012-11-28 10:21 AM
各位, 今日大圍珍獸打黎...
話呀寶有好轉, 開始有返力,
但都仲未確定佢係累得滯無力企定腦部受損...

有返力就好了
不過話說如果病因唔確定,  真癱定假癱都唔確定,  就真係唔好俾人地立亂打針送走寶寶

又touch wood...  其實響兔仔下面擺一片片既尿片就可以了,  正常D尿會直接流落尿片跟住被吸走,  好少會俾兔仔掂到
返工問題,  臨返工前餵飽飲夠,  跟任擺定D糧響口邊方便食,  如無意外 (<-好重要) 應該頂到你收工
再加多隻web cam睇住,  應該都ok既

但我想帶寶寶返屋企照顧呀!
明明寶寶就好精神..

我不讚成安樂死, 我十分支持樓主的主意~  
不過我相信日後會有唔小既精神負擔... 加油呀