上面個幾張相, 係咪好似好熟口面咁呢?
無錯喇, 之唔係 母親節要做足準備 個篇既母親節系列靚相囉!
不過今次媽媽唔show靚相, 我要show下同天使仔影相既背後...
同倉鼠影相, 難度就係佢地動作好快, 又唔定, 唔會跟你指示乖乖地擺pose比你影...
所以想幫佢地影張清清楚楚, 而又fit到你要求既相, 就要考考你創意喇!
好喇, 今篇就比大家睇下要影到上面第一張, 天使仔好乖好定同花花合照既過程。
(以下對白為真實情況)
NG 1: 一開始, 天使仔仲未知發生咩事, 傻下傻下咁周圍望
NG 2: 發現花花, 立即向花花進行挑釁
NG 3: 知道花花唔食得之後, 對花花失去興趣, 繼而即走
NG 4: 自己好開心咁周圍走, 但係完全對花花無到
NG 5: 最後, 發現原來成張櫈得花花同佢
NG 6: 算...行到悶悶地, 直頭坐係度 HEA (仍然當花花無到)
NG 7: 最後, 媽媽要用食物攻勢引返阿仔去花花度
NG 8: 天使仔終於去返花花附近, 定定地停低落黎
NG 9: 收完賄款, 終於肯定定地望鏡頭同花花影張合照
NG 10: 影完, 走鼠
哈哈, 一張相既背後, 有時係會包含好多既相...
所以唔好睇天使仔好似好乖咁呀, 其實佢係屎賄嫁咋! |