屎的大小(update了, 兔友幫忙解答下)

tootoo 係一隻 迷你賓尼. 二歲. 已成形唔會再大應該.
平時企有半尺. 伸直有大半個keyboard長.
佢d 屎係一粒粒. 好快就乾身. 圓形. 大小約0.5cm直徑. 粒粒好平均. 正常嗎.?


更新內容 :
我度左啦. 係1cm-1.2cm. 都係買乾身. 一日痾成60粒咁滯...佢食圖中隻草...1kg...係前兔主比埋我...而家仲食緊...我唔識佢係咪好野......因為感覺好似好貴既草...我想開始同佢溝草....經濟d既.....慢慢等佢習慣唔覺唔覺食.....(附圖)
有咩經濟d既好介紹.....又有營養.....因為我去睇過mini-zoo都好齊下...但唔知邊隻好.

花芝媽 發表於 2011-11-1 11:38 PM
兔兔擇食 食多D葉..D屎屎又會黑D ...      
同埋D屎屎一串串...  癡毛就梳返多D毛囉 ...

其實兔兔識唔識飽呢??佢哋就嚟食窮我,2隻化骨龍日日食我3個球,攪到我就嚟破產

syt174698 發表於 2011-11-1 11:38 PM
咁有無揀食??我依家兩溝比佢哋,點知1CUT就同我食晒D花,2CUT就食晒D葉,嘔血呀 ...

我唔會選擇溝草俾佢地食...本身2隻囡已經揀草揀到PK..如果溝草仲多左樣草選擇俾佢地...到時真係揀草揀到頭都爆埋而家都有揀..但我而家等佢食到差唔多7788 我指係連揀出黎既草都差唔多食完先+佢...2隻囡慢慢揀囉...我唔會一見到草球冇就加

花芝媽 發表於 2011-11-1 11:38 PM
兔兔擇食 食多D葉..D屎屎又會黑D ...      
同埋D屎屎一串串...  癡毛就梳返多D毛囉 ...

我2隻兔兔都既戰略都係食晒D花花..之後粗枝抽晒出黎唔食...再食埋D幼枝...到兔爸兔媽真係唔入新草..先死死地氣食埋D粗枝

sanny0066 發表於 2011-11-1 11:44 PM
我2隻兔兔都既戰略都係食晒D花花..之後粗枝抽晒出黎唔食...再食埋D幼枝...到兔爸兔媽真係唔入新草..先死死 ...

我同你個方法差唔多,不過見到佢哋用好渴望既眼神望住我,叫我加草比佢哋,我又心軟,唉

syt174698 發表於 2011-11-1 11:49 PM
我同你個方法差唔多,不過見到佢哋用好渴望既眼神望住我,叫我加草比佢哋,我又心軟,唉 ...

你中計了我初初都係咁..但係如果咁做..我7日2隻衰囡就食左5.5磅草我諗當中浪費左3.5磅...所以長遠計都係要狠心D同埋為佢地健康著想..食多D粗枝係一件好事

sanny0066 發表於 2011-11-1 11:55 PM
你中計了我初初都係咁..但係如果咁做..我7日2隻衰囡就食左5.5磅草我諗當中浪費左3.5磅.. ...

所以我依家等佢哋食晒草,我先至加草

haha狠心D..做個好爸爸..錫住自己銀包ma

我隻tootoo專食粗枝......之後先食葉....再食花....唔通真係爛命一條 苦力命????
佢又好中意食主糧入面混左果d彩色既粒粒.....

如果你隻兔兔唔偏食 葉同粗枝都食
咁梗係食MOMI啦 仲要係1ST CUT （多粗枝 高纖維 磨牙好）
1次過買22磅（大概$400）
每次拎一包5.5磅 慢慢食
大概可以食到一個月左右 （睇番你隻兔兔食量幾大）
計落每包都係$100
MOMI應該係有牌子品質保証中的草當中 最平的選擇的了

poorguy22 發表於 2011-11-2 02:01 AM
我隻tootoo專食粗枝......之後先食葉....再食花....唔通真係爛命一條 苦力命????
佢又好中意食主糧入面混左 ...

主糧有彩色粒粒既咩..係咪日本糧

unmildefleurs 發表於 2011-11-2 06:43 AM
如果你隻兔兔唔偏食 葉同粗枝都食
咁梗係食MOMI啦 仲要係1ST CUT （多粗枝 高纖維 磨牙好）
1次過買22磅（ ...

旺角有冇D地方可以一次買22磅MOMI 但係分開拎我仲未搵到...荃灣就有幾間有呢D服務真唔公平

我買左MOMI 1st 同 2nd CUT俾佢,而家我係2樣都俾d佢食
咁我係唔係要多D俾1st 好過2nd 呢?佢d屎係好乾身,大約都有1cm到,不過就日日all差唔多成百粒屎...all咁多粒屎係唔係正常呢??

你溝草2隻俾佢都OK嫁...好多兔友都咁做..不過我就淨係俾1CUT佢地食柯多屎係正常...唔柯先PK

sanny0066 發表於 2011-11-2 07:38 AM
旺角有冇D地方可以一次買22磅MOMI 但係分開拎我仲未搵到...荃灣就有幾間有呢D服務真唔公 ...

我都唔知呀 上次我買左22磅MOMI都係喺屯門8號兔買的 都只係食左一包咋

unmildefleurs 發表於 2011-11-2 04:43 PM
我都唔知呀 上次我買左22磅MOMI都係喺屯門8號兔買的 都只係食左一包咋

師兄 你唔係住九龍市區既咩...你入到去屯門買草