豬兜囡絕育了

剛剛過左去既星期六,我帶左豬兜去DR. ERIC度做絕育手術.
咁大隻兔既豬兜未出過街,由平時彈彈彈變到靜英英.


11點已經去到DR. ERIC度放低豬兜,做手術前佢會再DOUBLE CHECK豬兜係咪真係囡囡.
4點收到護士電話話豬兜醒左,5點鐘就去接返豬兜啦.手術順利.
去到獸醫診所d護士話豬兜真係好彈,佢醒左明顯有d驚.
豬兜前面擺放左佢既出街袋,佢都照衝.好彩我一手抱實佢,同醫生睇完佢傷口,安撫完佢再放返佢入袋.

手術連頭罩,止痛藥,合共$1687.
DR.ERIC話10-14日可以再帶豬兜返去檢查傷口


返到屋企其實我都好擔心呀,佢唔肯食野....
可能唔太鍾意個罩...隔左一兩個鐘..慢慢餵佢食草,飲水都唔彩我..
我好驚佢唔食野,so再隔幾個鐘,我就慢慢餵佢食草粉先.

醫生話佢會食唔到自己既營養便,我見到廁所有佢D營養便就立即用木筷子夾起俾佢,
佢真係會立即食,咁都好D,起碼佢有返D營養.
而家我每日下午會餵佢飲止痛藥,而家都自己食草同飲水了.個心都定返D

今日下午返到屋企...佢...整鬆左個罩..好彩佢冇咬傷口
睇住佢個樣又嬲又好笑...佢仲不停黏個身清潔...


另外,為左方便帶左頭罩既豬兜食草.我用左D硬繩COOL起D草掛係籠旁邊,豬兜就食得好方便啦
大家可以試下呀.

我想問做手術前有咩要注意呀?!我幫我兔兔BOOK左下兩個星期做啦 好緊張

valencia.et 發表於 2012-2-1 12:21 AM
我想問做手術前有咩要注意呀?!我幫我兔兔BOOK左下兩個星期做啦 好緊張 ...

嗯..其實手術前冇乜特別野..如果兔兔同平時一樣健康.
我就會多D同抱佢,&佢講就要做手術,唔洗驚...無論點我都會陪住佢

去做手術前一日我會準備好個出街袋,做手術果日要帶埋水,佢食開既草一齊去醫生度.

反而做完手術要多D留意佢.
1.有D兔仔好醒,會自己整甩個頭罩.DR. ERIC同我講佢試過有兔女自己整甩個頭罩後咬傷口,兔女係要開肚架嘛,咁佢咬傷口..仲咬自己既腸呀..好彩最尾救得返,所以一定要留意個頭罩有冇鬆..但又唔可以太緊..
2. 手術後佢帶左頭罩,我呢隻唔太肯食野,第一日會餵草粉,第2日試下餵草,佢肯食我就唔再餵草粉LU.
3. 保持籠裡清潔,兔兔帶左頭罩食唔到自己既營養便,有時佢會踩到D營養便扁晒...所以一定要勤力D幫佢清潔個籠..而PATPAT佢都會痴左D便便..我見唔係太嚴重,等幾日佢個傷口埋得好D先幫佢清潔.
4. 如果你見有新鮮營養便又冇俾佢踩扁.你可以用即用即棄筷子夾起餵佢,等佢食到自己營養.(為確保佢有足夠營養,雖然有DD臭,我都照咁做.)

希望幫到你

arkayhk 發表於 2012-2-1 04:30 PM
嗯..其實手術前冇乜特別野..如果兔兔同平時一樣健康.
我就會多D同抱佢,&佢講就要做手術,唔洗驚...無論點 ...

你答得好詳細>< 多謝你的tips!
我兔兔會在spca做手術,唔知有冇私家的咁好呢?!

valencia.et 發表於 2012-2-14 12:07 AM
你答得好詳細>< 多謝你的tips!
我兔兔會在spca做手術,唔知有冇私家的咁好呢?! ...

你兔兔做完手術後情況點呀?
我未帶過兔兔去SPCA..唔知道情況.
anyway,祝兔兔傷口早日痊癒..!

arkayhk 發表於 2012-2-14 12:28 AM
你兔兔做完手術後情況點呀?
我未帶過兔兔去SPCA..唔知道情況.
anyway,祝兔兔傷口早日痊癒..! ...

兔兔今日做左手術了
岩岩返到屋企,可能麻醉藥未清,個樣好似好攰咁
我問果度職員點解冇頭罩,佢話因為兔兔戴左會唔鍾意
覺得唔舒服,唔肯食野,好易搞到腸停,
所以一般唔建議兔兔戴頭罩~
我特登在SPCA買左包草粉比佢,(我想問$125算唔算貴?!我未買過草粉的...)
照配藥職員開左水,佢有比針筒,但我喂唔到落兔兔個咀><
佢平日已經唔係好肯比人抱,我唔識喂呀 點算.....

valencia.et 發表於 2012-2-15 07:36 PM
兔兔今日做左手術了
岩岩返到屋企,可能麻醉藥未清,個樣好似好攰咁
我問果度職員點解冇頭罩,佢話因為兔兔 ...

如果你兔兔唔咬傷口,咁做左手術唔戴頭罩都得,但一定要make sure佢唔咬AR.
因為DR ERIC話遇過有兔女咬傷口...係咬埋自己D腸..好恐怖..

初頭係唔會食野架喇,你由佢抖下喇.
而家點呀,好D未?

arkayhk 發表於 2012-2-17 11:38 PM
如果你兔兔唔咬傷口,咁做左手術唔戴頭罩都得,但一定要make sure佢唔咬AR.
因為DR ERIC話遇過有兔女咬傷口 ...

兔兔手術後兩日已經生猛返生LU^^
我同佢檢查個肚肚 傷口都埋得好好!
不過岩岩同佢玩,見到佢耳背有一撻好似頭皮咁既野,好擔心><!!係咪開始皮膚病??
係好細好細撻,好似手指尾甲咁細既面積!
請問除左直接去睇醫生之外仲可以做D咩???我同佢用火酒輕輕抺下,消毒左....