兔兔變曳

我家yoyo起初帶回家時, 本身小便同大便都識去廁所, 於家裏住了個零月以後慢慢的大便也到處都是(籠內籠外), 到最近期不知怎的, 連小便亦會在廁所以外 (也事籠內籠外都會), 請問各位有冇遇過同類情況呢?!

係咪兔仔有咩唔滿意呢!?
另外各位唔知道有冇清洗兔仔廁所既習慣呢!?  因為兔仔小便比較多, 已經好大味, 唔知係咪因為咁佢唔想去呢?  但又怕洗左之後完全冇味, 佢又唔會去....

請指教一下~ 謝!  :054:

廁所日日清, 清完再用水沖一兩次
如果廁所太污糟, 佢地唔去架

原帖由 thomas_ccc 於 2008-10-20 05:14 PM 發表
我家yoyo起初帶回家時, 本身小便同大便都識去廁所, 於家裏住了個零月以後慢慢的大便也到處都是(籠內籠外), 到最近期不知怎的, 連小便亦會在廁所以外 (也事籠內籠外都會), 請問各位有冇遇過同類情況呢?!

係咪兔仔有 ...

我家的花花都係，柯到４圍都係．．
我要日日洗籠，有時可能要2次..
不過廁所就異常地乾淨，只有1,2滴尿ｎ屎:056:

oh~ 原來真係要洗既, 明白哂~ thanks!!

兔兔亂去廁所會唔會因為想霸地盤 ?
yoyo 絕左育未呢 ^^ ?

小便係廁所外意思係另一個位置定係唔小心流左出廁所 ?

清洗廁所習慣就一定有既，有時一日一次，有時二日一次。
我自己隻兔就唔算係多尿。
以前隻 bunny 係水怪，極多尿尿，但都唔覺好大陣味，
可能係關於墊材問題，你用乜野墊料呢 ?

有事時，兔兔認為廁所污糟，就唔會去廁所尿尿，
我隻兔兔而家會尿係廁所外，係投訴廁所俾 cc 堆滿左 XD

周圍all 可能係擺地盤wor......

包包都勁多shu shu，有時2日先洗一次就已經有shu shu 滴出黎la，但都冇味ga bor

霸地盤我諗yoyo暫時未會, 因為每次唔同位置~  
另外yoyo已經絕左育, 佢係喺外面度小便, 而唔係流出嚟~

反而覺得可能係話佢自己覺得污濁唔去既可能性大d, 我每日清廁所一次, 但每次都發覺好滿, 當中俾yoyo既大便都填滿左, 另外佢可能習慣左去廁所既姿勢, 所以廁所最角落位d貓沙都係濕哂(只限角落位, 前面仲係完好一粒粒既貓沙), 濕到會貼住個廁所, 所以d味會比較大d~

另外我而家都係只用緊兔協買果隻10kg既貓沙(如果我冇錯, 應該係木糠貓沙, 總之唔係紙貓沙), 其實我見到咁, 期間我有試過喺d貓沙上再加少少木糠試試, 但係情況都係差唔多~

其實有冇咩其他方法呢, 始終我每日先可以幫佢換到一次廁所~  :054:

Thanks!  但我相信佢應該唔係霸地盤~  
有幾日佢日日都喺籠裏面周圍小便, 後尾我都試過拎米醋開水幫佢抹左成個底盤~  好似好dd~ 不過外面就暫時.......  仲有其實我都要諗吓有冇其他方法, 因為除左小便, 其實佢都有周圍大便, 不過yoyo既大便始終比小便好, 易清理好多~

你個廁所幾大呀??
我豆豆之前因為廁所細，所以唔去廁所。周圍痾...換左個大廁所，慢慢去返係個廁所度la~
不過最近有時又痾出去....因為上左廁所，但pat pat仲係出面就痾了...

我係買左"ALEX"既三角廁俾佢咋~
Yoyo就唔會個屁股仲係外面就去大小既, 佢返而會個屁股對住高果邊, 面向出先開始佢既公事~
反而係因為佢既習慣, 最裏面都係濕哂~

唔知你隻兔兔係咪同我差唔多情況。

MIFFY 本身去廁所好叻仔既，唔會尿錯，
而且尿尿個陣都係尿尿向入面，面向外既。
但上個月開始，發現佢自己識得去廁所CC，
80% CC 都會係廁所，同時又發現，每日清籠，總會有尿尿係廁所底 / 廁所附近。
所以而家懷疑佢係因為廁所太細，個屁出左街。

而家打算幫佢換過長方廁所，睇下有無改善。

yoyo同miffy差唔多, 都係面向外, 而有90%既cc都會喺廁所度~
不過佢就好少會尿到廁所旁邊, 係試過有一兩次係咁啫~

至於個廁所係咪太細呢個問題, 就唔清楚, 反而我覺得個廁所太淺, 所以好多時d濕左既貓沙同埋喺上面既cc都差唔多堆到上個廁所面~

我起初都有諗過要個長方廁所, 不過又怕換左之後佢既活動空間又細左~ 所以都係三角廁~