你地點清理兔兔既廁所ga?

其實我最有興趣知既係如果直接沖落廁所,d木粒同兔兔d會浮既屎蛋會唔會塞廁所???
各位請分享下清潔兔兔廁所既心得

其實沖落廁所唔太衛生架
因為D細菌會漂出黎
所以我依家都係將墊料倒落垃圾袋入面
包實再拎出去丟

唔知揀邊個，因為我係將所有野倒落垃圾袋跟住就拎出垃圾房。
廁所痴住既少少紙砂就會用消毒藥水 "lon" 完倒落廁所。

兔兔廁所因為污糟，我一定會用消毒藥水成個洗乾淨 ~

我驚用消毒藥水會洗走兔兔陣味佢會唔識去廁所....

我會將所有野倒落垃圾桶,之後包好掉去垃圾房
有時會有少少木砂痴住
我就會用清水洗,洗完個d水就倒落廁所

我都係倒落垃圾袋拎出門口掉,而痴左係兔兔廁所盤果D木碎就會用水沖落廁所再用消毒水洗下個兔盤~基本上日日都會係甘因為有味同有細菌,用左消毒水感覺好似乾淨D^_^
用左消毒水兔兔都識去番果個廁所牙~因為佢個廁所都會擺番係籠入面同一個位置,佢去慣去熟唔會唔記得:078: ^^
我試個用膠袋包住個兔廁所諗住唔洗日日洗甘麻煩LA..不過佢次次都咬爛哂個袋/-\

我每日都會清兩次廁所..
平時倒完墊料落垃圾筒就順便紮好成袋垃圾丟埋出垃圾房..
跟住就用少少皂液洗..再用花灑沖到乾乾淨淨..再抹返乾~

原帖由 cordero 於 6-11-2008 02:29 PM 發表
我驚用消毒藥水會洗走兔兔陣味佢會唔識去廁所....

識去 ga，
當然係確定左佢唔係認味道先 la。
而家二隻，一隻認廁所、一隻認位置，
所以唔駛味道都ok。

不過布甸仲周圍尿 =3= 好彩唔咬尿片，長期用尿片都 ok =3=

其實呢...真係唔好直接倒落去廁所入面，真係會塞 ...
塞既原因唔係墊料，而係墊草入面既草，我都差d試過一次塞廁所 ~"~
so .. 真係唔好試 ...



[ 本帖最後由 lingyan 於 2008-11-6 11:20 PM 編輯 ]

我本身個TOILET係用袋包住, 所以掉時係一拿起便掉落垃圾桶, 方便又衛生

會放落垃圾桶,夜晚先幫佢清理...通常日日清...因為好多臭臭..

睇吾明第二項
成個?所吾要??

我都係倒入膠袋再掉去垃圾房;用水洗乾淨~

我會擺落膠袋束好先擺落垃圾筒...

我平時鐘意用報紙包好晒先掉落垃圾桶    順便秋埋成袋去掉去 :056: