開風扇問題!

我家日頭一路都有開風扇比兔兔吹住;計落把風扇一日都開成11個鍾頭;我成日都會擔心會唔會唔安全??其他兔友們又係點樣做呢?

我有2個風扇輪住吹住波波..
夜晚會開住冷氣同佢瞓..
個陣因為驚一個風扇開咁耐會危險..
所以先買多個=]

哦~即係每把風扇都係開一日,停一日,輪住休息!

你可以去電器店買個時間控制器，例如開15MINS就關10MINS~

首先,風扇最好買一些出名牌子...起碼唔會擔心先...例如:panasoxxx,kdx...等等....
其二,因為夏天會多開關係,每星期清洗一次......而且風扇外殼有毛塵要清除佢...防止散熱效能...
其三,開幾多小時要停就冇定既....不過最好夜晚,冇咁多熱氣比佢休息下...比佢休息時...最好有第2把頂上...
:053:

嗯....好的:054:

可能之前睇過好多電器漏電以致火燭既新聞
我始終好驚無人係屋企開住風扇會危險呀><!!!

我地都有2個風扇嫁
日頭番工冇人係家..
就開一個比佢...一番到家就熄左佢
開冷氣囉...
講真我都驚嫁...但如果咩都唔比佢..
我驚佢中暑添..

我返工冇人o係屋企唔會開丫,,,
因為都係驚會燒...
但我細佬返學既~lunch會返屋企食..
果陣就會開囉~~之後又會熄返!!
其實都好驚佢中暑~~~
好在我細佬就放暑假,咁就可以有人o係屋企可以開風扇!!

其實大家都唔洗咁驚既....正常風扇都有保障裝設..一過熱就會停...平風扇例外~
試想想...我大廈下面大堂都24小時咁開風扇...冇停過....佢地保安人員咪仲怕.....
只要有識當既休息....而且做多多好清潔佢...咁就可以架啦~~~

我都係有兩把風扇
平時我返工就開把大頭仔兩頭另既比畢仔
我收工返屋企就息左佢開另一把或者開冷氣囉
我2,3日就會抺風扇
但我返緊工果陣都驚會漏電#^71^#

最緊要風扇唔好貼牆擺(掛牆式除外)..
因為咁樣散熱會冇咁好~
同埋周圍唔好放雜物..
多d清洗!^^

我依家開冷氣俾兔兔
就算屋企無人都係照開...
無咁熱個時就set 部冷氣既時間, 等係放工番去中途熄一熄抖下部機
番到去開窗換一換空氣再開過..
我唔開風扇啦 怕真係太熱佢會頂唔順..

依家最擔心係如果突然停電/跳左制.. 而我唔知就真係熱死兔啦:029: