什果生咗bb,但全部失溫死哂....我真係好傷心...好心痛....

16/7/2009  我見什果成日係籠度好不安咁行黎行去,又擔住d草行黎行去,同埋開始有蚊毛既行為,我就知佢應該要生啦...所以我即時比咗兩條毛巾同一件衫佢...之後什果就開始係咁擔黎擔去...我又驚什果唔知揀邊個位生,跟住我就擺咗個盒比佢做產房啦...但佢好似唔鍾意係咁推開個盒...之後我就拎返開個盒係個籠外而圍咗條毛巾...等佢暗d冇咁緊張...我見什果好似好辛苦咁...好不安...我就摸下佢個頭仔同佢講野安撫下佢啦~~之後我等到12點幾什果都仲係度擔緊草同毛巾...咁我就去訓覺啦...

17/7/2009  我朝早6點幾起身去睇下啦...點知....我見到有4隻bb係個廁所度,但當時已經冇反應,什果都坐係廁所度坐住咗bb...之後我將d bb抱起睇下...成隻凍冰冰而且冇哂反應啦...之後我將d bb擺返係d毛巾度用什果d毛蓋住再用毛巾包住...等咗幾個鐘之後再睇下...都仲係冇反應同凍冰冰...所以我最後都用個盒包好bb善後....

究竟點解什果唔生係佢整好既地方,而會係個廁所生既?我真係好唔開心呀!!我應該唔好訓等什果生...咁我可以幫佢唔使令悲劇發生...依家望住什果我都忍唔住喊啦...我唔係一個好既兔媽....好內疚....

兔爸和兔媽看見這個post都好唔開心

希望什果快d調理好

買d rapsberry俾什果食...可以收緊子宮
三葉草可以強身...

啱啱先睇到哩個post......
睇完好唔開心~
始終什果都係太細個,
仲未識合生bb住.
事到如今, 已成事實,
你依家要好好咁照顧什果,
等什果可以快d復原~

原帖由 cordero 於 2009-7-18 10:43 PM 發表
買d rapsberry俾什果食...可以收緊子宮
三葉草可以強身...

請問係邊度有得買呀?三葉草係咩黎架?就咁比佢食?啫喱食唔食得?如果啫喱見到我比野什果食唔比佢食,佢會嬲架...小器鬼....

rapsberry係普通超市有得賣
又名覆盆子,紅桑莓...

三葉草既係酢醬草....
http://mini-house.info/thread-4787-1-1.html

好明白你geh感受
見住心愛geh兔兔咁辛苦跎住個bb,
等同自己親生骨肉一樣
真係唔忍心見倒咁樣....
但你要更堅強!!! 因為你係兔媽,
什果睇你頭, 靠你照顧!!!
就算佢冇左d bb, 佢仲有你
我諗你細心d照顧佢, 陪下佢就可以
生理上自己會復原
心理上就難D, 如果你覺得佢真係有D"產後" GEH後遺症
就要小心D喇, 因為兔女產後會特別SENSITIVE
TAKE CARE!